影片
更多
2021-04-18
1060 瀏覽
本身喺大埔想食大榮樺，點知太多嘢sold out🙈，臨時喺openrice搵咗呢間平時唔太覺眼嘅cafe～平時出面食威靈頓牛柳閒閒哋都超過$500，但呢間竟然只係$138😱，仲要係套餐價包晒湯、飲品及甜品，CP值算好高，我哋兩個人夾埋都只係食咗二百幾🥳，lunch set應該仲抵食，大家可以留意下！.▪️WM威靈頓牛柳 $138▪️（晚市套餐 包飲品、餐包、湯、主菜及甜品)唔算係正宗嘅威靈頓牛柳，雖然只係得酥皮夾住牛柳，但呢塊牛真係超好食好重牛味😱，中間切開都係大概5成熟左右，平時食牛柳最怕韌，但佢處理得好好，煮得夠嫩但又唔會好生👍🏻，酥皮亦都做得好脆口，呢個價錢當係入門版絕對抵食呀😍▪️美式BBQ烤手撕豬菠蘿芝士漢堡配薯條 $72▪️（晚市套餐 包飲品、餐包、湯、主菜及甜品)平時手撕雞就食得多，今次見到手撕豬漢堡咁特別所以叫嚟試下～豬肉唔會好瘦，略有小小肥肥地咁👍🏻，蕃茄醬汁酸酸甜甜配埋菠蘿幾開胃幾fresh🤤。薯條就係粗身薯條，正正常常咁～▪️忌廉蟹肉龍蝦湯 跟餐▪️有兩粒龍蝦仔嘅龍蝦湯幾濃郁，飲落都唔會太鹹。▪️忌廉朱古力 跟餐+$12▪️表面勁多cream好邪惡😆，朱古力幾香濃，飲落唔會太甜。
.
▪️WM威靈頓牛柳 $138▪️
（晚市套餐 包飲品、餐包、湯、主菜及甜品)
唔算係正宗嘅威靈頓牛柳，雖然只係得酥皮夾住牛柳，但呢塊牛真係超好食好重牛味😱，中間切開都係大概5成熟左右，平時食牛柳最怕韌，但佢處理得好好，煮得夠嫩但又唔會好生👍🏻，酥皮亦都做得好脆口，呢個價錢當係入門版絕對抵食呀😍
▪️美式BBQ烤手撕豬菠蘿芝士漢堡配薯條 $72▪️
（晚市套餐 包飲品、餐包、湯、主菜及甜品)
平時手撕雞就食得多，今次見到手撕豬漢堡咁特別所以叫嚟試下～豬肉唔會好瘦，略有小小肥肥地咁👍🏻，蕃茄醬汁酸酸甜甜配埋菠蘿幾開胃幾fresh🤤。薯條就係粗身薯條，正正常常咁～
▪️忌廉蟹肉龍蝦湯 跟餐▪️
有兩粒龍蝦仔嘅龍蝦湯幾濃郁，飲落都唔會太鹹。
▪️忌廉朱古力 跟餐+$12▪️
表面勁多cream好邪惡😆，朱古力幾香濃，飲落唔會太甜。
▪️朱古力香蕉忌廉薄餅 跟餐▪️
本身諗住咁平嘅套餐，甜品都會畀啲好難食嘅蛋糕仔hea吓算🤣，但呢間又唔係喎，即整咗件熱辣辣嘅班戟，入面夾住香蕉同朱古力醬好正😍，細細份甜品份量岩岩好～
張貼
