Wingman (船街) (已結業)

同事日前去左灣仔WlNGMAN食雞翼，味道獨特又好味，至今重回味不已，同事還說因為新冠肺炎問題，政府要食肆配合防疫措施，店內不可有太多食客，所以食店做外賣優惠，平左好多，今晚放工我和幾位同事專程前去買回家試試！從外賣餐牌中選了Dinner for 2，可選3種味道共18隻雞翼，2個小食或配菜，2杯飲品。因為雞翼有好多種味，又有乾身和濕身。選擇困難症的我就請店員介紹，他推介乾身的蒙古燒烤味、濕身的新加坡辣蟹味和日本蜂蜜芥辣，松露醬薯條、烤蒜龍蒿大啡菇,飲品因為要拎回家，所以我要罐裝可樂和雪碧比較方便。雞翼即叫即做，等左一陣就包裝妥當，乾淨衛生，立即拎回家享用。配菜烤蒜龍蒿大啡菇，大啡菇大隻又厚身，放上炸蒜和菇粒烤熟，又香又有口感！乾身蒙古燒烤味：法國雞翼加入自家製醬料，用真空包裝醃過夜，之後用慢煮方法，能鎖住肉汁，令雞翼更入味，即炸雞翼外層香脆，不會油膩，肉質嫩滑。濕身新加坡辣蟹味，用參巴醬、辣椒、蔥蒜和薑調味，配埋香濃的炸蒜粒，味微辣惹味，有辣蟹香味！日本蜂蜜芥辣，雞翼沾滿了蜂蜜和少許芥辣，味道甜美。小食松露醬薯條，薯條除了點茄汁，點松露醬更香更美味。

Wingman📍灣仔 Wan Chai.⭐️ 呢間雞翼專門店中環亦有分店 地方細細分咗兩層 餐廳提供多款雞翼味道 分為乾身、濕身、特製口味 味道非常創新😍⭐️ 佢哋嘅雞翼lunch set都好抵食$88有沙律、8隻雞翼(可揀兩款味道)、薯條/蕃薯條、飲品 價錢合理👌🏻.⭐️ Lunch Time Wings Set: salad + 8 wings + fries + drinks = $88.🥚 自家製鹹蛋黃雞翼 (6 pcs) $88: 有啲失望 食唔岀有鹹蛋味🙈.☕️ 咖啡香味雞翼 (8 pcs): 用上espresso咖啡粉、bbq粉 表面吃到帶微微咖啡苦澀味 可惜整體味道一般😮.🍯 黑芝麻海鮮蜂蜜雞翼 (8 pcs): 雞翼表皮香脆 肉質鮮嫩 海鮮蜜糖醬甜甜哋亦好入味😋.🍆 烤麵豉茄子 $85: 烤茄子好岀色 加上炸蒜片、紫菜、香葱 份外惹味😝.🍠 甜薯條: 甜薯條炸得好香脆 配上辣味千島醬 好正👍🏻

特登上網search「雞翼控必食」多個網站均有推介Wingman所以專程過海試一試佢入到去下層完全冇人，心諗可能都同疫情有關滿心期待試下佢嘅雞翼套餐叫左個Netflix & Chill (HKD 268)揀左三款味，黑椒檸檬，蒙古燒烤同海鮮蜜蜂Total 18隻，每款單叫要HKD69 6隻小食揀左個西蘭花苗Turned out只有個黑椒檸檬雞翼係水平以上其餘兩個味真係麻麻，個蒙古燒烤同譚仔個土匪雞翼差唔多味，但老實講譚仔個肉質同調味比佢更好更出色，價錢就唔洗講更大問題係佢個小食。。。單叫要$75，跟套餐都冇平到去邊但一上嚟只得6條細細嘅菜苗，一眼數到一上檯真心呆左呆，食落又油又淋，連爽口都冇埋，好認真唔值呢個價overall係，呢3款味雞翼普通其他味未試，可能ok但唔知道價錢真係偏貴，食物水平跟唔上，餐廳環境氣氛又唔係行高檔路線，原全物非所值所以真心試過就算啦冇下次

之前去過中環的Wingman，印象不錯，朋友告知灣仔開了間新店，就決定同她吃個晚餐～——————————🔹Wingman雞翼 $69/6隻（1款口味）（新加坡辣蟹味、印度唐杜里烤雞味）採用法國雞翼，體積較大；分乾身及濕身，各有7款口味，另外亦有雞翼雞煲、金雞及鹹蛋黃三種特別版。雖然喜歡吃雞翼，但畢竟戰力有限，雞翼本質太邪惡😂決定乾濕各點一款。新加坡辣蟹味上滿佈鮮蔥、炸蒜及辣椒，聞起來與辣蟹味一模一樣！吃起來少了炒辣蟹的鑊氣味，但就多了份清新，辣辣地非常惹味～印度唐杜里烤雞味充滿香料味，相對香口，不過味道就較普通，沒有辣蟹味的驚喜。看店內宣傳，才知道星期三有$8/隻的優惠，午餐還有$88lunch set（8隻雞翼+前菜+配菜+飲品），還算抵食～🔸越式手撕雞翼蒸包 $98/3個蒸包特別鬆軟，似台式的刈包，夾著嫩滑的雞翼肉，加上洋蔥、芝麻及芫荽，越式醬料甜甜辣辣，juicy又帶香～🔹甜薯薯條 $55薯條就吃得多，甜薯薯條就第一次食～比起薯條的鹹，甜薯的蜜味更合我心意，蘸上秘制醬汁，更能降低炸物的膩感～

Which one would you like to choose? 😋- Lemon pepper 🍋 - Buffalo 🐃 - Honey wasabi 🍯 - Japanese katsu 🌶 - California reaper - Singapore Zing 🦀 除了以上六款之外其實全個menu總共有14款雞翼供選擇啱晒我呢個雞翼控 😋而我最鍾意星加坡辣蟹味.香港至正雞翼非wingman莫屬 
除左中環本店 灣仔都有分店喇！ 🎉 
.💓Special offer 💓$5 wings wednesday $88 lunch set( 8 wings + starter + side + drink) 
.

朋友知道餐廳有雞翼放題好想吃，於是我們在openrice訂位。地方比較難找……因為旁邊是地盤來到餐廳，有2層酒吧格局，牆上有很型雞圖案，同懷舊唱片封套。朋友好想吃雞翼放題，$350位任食2小時，但小女子不能只吃雞翼，我比較喜歡餐牌小食和甜品。15款任食雞翼，有2種製法，烤乾脆口和燒汁口感。 以各國口味設計，水牛城，黑椒檸檬，咖啡，蒙古，田園，印度，新加坡，泰式，死神……難以想像味道都有，哈哈!中式味道有咸蛋和雞煲雞翼桌上很衛生，有消毒酒精，放雞骨垃圾桶我們最後決定散選，因為我真的吃不到太多雞翼，選了2款先。小食先出場火燒牛油果!超好吃，熟成度剛好，綠綠軟滑口感!無論是否點醬也很美味。烤麵豉茄子很日本風味，口感不錯。Tandoori Spice烤得脆脆，辣辣味道配上印度乳酪醬汁，很開胃很喜歡!Honey Wasabi蜜糖烤雞翼，比較嫩滑蜜糖甜甜外皮，另外自己點釀配日式芥末和子薑……個人決定沒點，因為我以為用蜜糖芥末醬，沒想過是以蜜糖燒好雞翼，芥末另點釀……各款6隻☆最意外是甜品Caramelized Banana花生，蕉糖，鹽味雪糕，味道好特別，連皮燒香蕉很香，口感軟糯，滑滑的

好鍾意食雞翼的朋友應該要來這間Wingman 嘗試一下，灣仔的分店環境細細，有兩層，由外藉人士打理，裝修是美式風格。餐廳提供了二十多款不同款式的雞翼，有乾身，有濕身，有特製，還有雞翼併盤及放題。有些味道還很特別的，例如咖啡香味，死神醬等。點了一份乾身的巴馬臣芝士蒜蓉味雞翼，一份濕身的日本蜂蜜芥辣雞翼，$69有6隻價錢在灣仔區來說是合理的。雞翼醃得入味，大隻肉厚，即叫即炸，炸得皮脆肉嫩，油膩感不重。乾身的巴馬臣芝士蒜蓉味，在雞翼上灑上大量的巴馬臣芝士，蒜蓉及香芹，味道咸香。濕身的日本蜂蜜芥辣味，味道比較甜身，有少少芥末味，鍾意刺激一點，可以再加點芥末一起食，還有日本酸薑配上，可減輕油膩感。除了雞翼，還有些小食，配菜及卷物提供，點了個比較特別的越式手撕雞翼蒸包，$98 有三小個，貌似刈包，用上黑色刈包皮，包身軟熟，包著雞絲，酸菜及特色醬汁，微辣。仲點了杯Passion fruit lemonade 來送雞翼。

今日專登搭車嚟到灣仔，就係比呢間特色雞翼餐廳吸引咗😍係灣仔五光十式既酒吧裡面，竟然隱藏住一間只係賣雞翼既餐廳到底佢有咩咁吸引呢？數唔晒嘅雞翼款式，活生生係我眼前出現🐔🐔🐔仲分咗三個層次嘅雞翼，分別有乾身、濕身同埋特製今日就特別試咗兩款，乾身同埋濕身各點一款。但始終都剩係得雞翼，單一食物好似唔係好夠喉咁🤭🔸Cajun Spice 紐奧良香粉 $69（6pcs)雞翼炸好香脆，但又好juicy，而面頭配上紐奧良香粉🌶有少少香辣味道，好惹味飲埋啤酒簡值就絕配🍺🔹Honey Wasabi 日本蜂蜜芥末 $69 （6pcs)香脆雞翼，配上蜂蜜芥末，感覺好特別🍯而舊wasabi係原舊上，可以自行調節辣味好適合朋友一齊食，辣同唔辣自己揀👭🏻🔸Turffle fries 黑松露薯條 $65幼身嘅薯條，炸得外脆內軟🍟配上芝士黑松露醬，令人食唔停口🧀🔹Gweilo Pale Ale draft 鬼佬 $68隆重介紹呢一杯「鬼佬」！🍺即使唔鍾意飲酒嘅人，都會愛上呢杯酒好清香嘅味道，配上花香🌸層次好豐富，入口好柔和👍🏻💬喺芸芸嘅酒吧之中，都仲可以生存到嘅獨有雞翼餐廳總有佢特別之處，好適合一大班朋友坐喺度傾住計食

這間二月新開張的餐廳裝潢特別，去餐廳的人大概只有一個目的：「我要叫雞」！午市到達人流不多，選了上層，只有我們一枱食客。Lunch set 有兩款，選了$88 雞翼餐，有8隻雞翼（可選兩款）、薯條/甜薯條（蕃薯），跟餐配汽水。由於雞翼種類繁多，很多新奇口味，店員逐一解釋，服務態度非常好。最後選了水牛城雞翼和wasabi 蜜糖雞翼。雞翼多肉大大隻，兩款都好入味！wasabi 蜜糖味好正，一試難忘！Lunch set 睇落份量不多，但原來食落好飽，女仔可能食完八隻雞翼都已好飽

黎到呢度 好有feel~裝飾別具心思 好啱朋友係度chill下😚餐牌選擇唔多 以雞翼為主首先 前菜方面 菠菜甘藍沙律配柚子醬 ($65)個沙律 d菜好新鮮 一食落去 就有好爽脆個d聲 而且配埋個醬，非常開胃👍🏻而主菜方面水牛城醬雞翼 ($69/6件)印度唐杜里烤雞味雞翼($69/6件)雞翼全部都好大隻 好厚肉真係食到而濕身既水牛城醬雞翼 係事先已硽好，所以相當入味而且有小小辣，食落好滋味!!而乾身既印度唐杜里烤雞味雞翼雞翼會先半煎炸，一啲都唔熱氣個醬係自己點的 事乎個人需要要點多與少呢個好有驚喜 食落去香得黎又好甜小食方面 松露醬薯條個醬係自己點的 唔係事先炒定個松露 好濃味同滑 推薦👍🏻😊飲品方面 passion fruit lemonade ($50)酸酸甜甜 幾開胃

讀書時代，我只識得煮雞翼，回憶起同一班老友聚會食雞翼都好開心。今日又想起食雞翼,  識飲識食的妹妹話我煮的雞翼冇進步，要帶我去見識一下 2020 年代雞翼新煮法 . WingMan ~  雞翼專門店,  灣仔船街, 鄰近利東街, 黃色圓形招牌, 不難找到.  店鋪自成一角, 有份私隱感. Welcome to Wingman  !!店外有餐牌.    Lunch Time,  HH,  TUES,  WED 各具吸引力 !!店內播著流行音樂,  配合牆上特色 Poster,  Yeah  !!!  Nice !!  方桌加開放式酒吧檯,店員服務態度友善，送上餐牌又為我們介紹各款食物.    選擇飲品冇難度,    我們都叫了凍檸檬茶.  檯上擺放了抹手紙, 酒精潔液, 手套.  方便大家用手食雞翼, 好貼心.先點  菠菜甘藍沙律配柚子醬,  健康開胃.菠菜甘藍鮮綠脆爽, 配車厘茄, 口感清新.   用柚子醬配 沙律菜, 低脂, 無糖, 無人造色素，吃得健康吾會肥,  調味好.餐廳有兩層, 主打雞翼,  細看:  分乾/濕身 14 項, 及特製 金雞, 雞煲....., 有特式, 好想食

這天與表妹到灣仔WingMan，以為地方細細，原來有兩層的。午餐時段有很多外賣order，店長有禮地為我們介紹食物及餐飲。我們這天選了一個雞翼套餐。咯咯拼盤Netflix & Chill $258可選三款雞翼，每款有六隻及一份小食。田園風味Ranch ： 以酸忌廉醃製，吃時加上蔥粒，別有一番滋味。黑芝麻海鮮蜂蜜雞翼Hoisin Honey glazed with black sesame ：以黑芝麻、海鮮醬和蜂蜜調味，香甜惹味。日本蜂蜜芥辣雞翼Honey Wasabi：以柚子蜜及芥辣調味，上面加了一片片漬薑，芥茉味道滲透了雞翼，但不會攻鼻或嗆喉。三款雞翼肉質新鮮大件，醃料新鮮又入味。小食：烤麵豉茄子Miso Eggplant 開邊的茄子以麵豉醬調味、面層伴著紅蔥脆片及櫻桃蘿蔔，整體味道獨特、賣相令人眼前一亮。店長表示這兒的外藉主廚，曾在意大利米之蓮一星餐廳主理。凍檸檬茶Ice lemon tea $30

今日放工，唔想食d太飽既野，同朋友兩個人行下行下黎到灣仔既Wingman，望一望menu，原來係主打食雞翼，二話不說就入左去！望住個menu，有選擇困難症既我真係搞唔掂，雞翼既口味多到有成十幾種，最後我地揀左Netflix & Chill拼盤，包左三種口味加一款小食。三種雞翼分別揀左巴馬臣芝士蒜蓉味，紐奧良香粉同黑芝麻海鮮蜂蜜。每隻雞翼既肉都非常嫩滑，而且超級入味。芝士蒜蓉既咸香，紐奧良香粉既香辣惹味，海鮮蜂蜜既鮮甜，全部都非常出色！小食方面可以揀松露醬薯條，香脆可口，松露味十足！強烈推介大家黎試下！

當一大班朋友諗住Happy hour,又想有啲嘢食下，見到呢間有咁多款雞翼就試下，款式真係好多，起初就為左水牛雞翼入去，然後發現除左水牛雞翼，仲有好多款揀，我地覺得好味既檸檬蜜糖味和日式咖哩。最厲害係我哋叫左好多款雞翼，然後上菜時侍應都認到係邊一款，因為有啲賣相就真係差唔多。飲嘢都唔錯，有本地樽裝啤酒到生啤，連清酒都有。服務都周到，時刻會問我哋温度會唔會太熱太凍，調節番個空調温度。後來先知其中一個招呼我哋既係老細，年輕有為。

朋友介紹響灣仔船街有間雞翼專門店， 對我咁愛食雞翼既人，當然要試下。餐牌見到真係好多款味道的雞翼，睇得出廚師比左好多心機去研發，仲有分乾身(dry rub) 和濕身（saucy) 的類別，真係令人有啲選擇困難，最終叫了黑芝麻海鮮蜂蜜雞翼，菠菜甘藍沙律配柚子醬 $75好大碟，有羽衣甘藍，baby spinach 、車厘茄，胡麻醬同柚子醬，微微酸味，啲菜好新鮮，即時胃口大開。 黑芝麻海鮮蜂蜜$69，最香係面的黑芝蔴粒，雞翼搽勻子海鮮醬料， 即甜醬，再加上蜂蜜， 好sweet，面仲有少少蔥連埋食更香。旁邊有個筒可放雞骨。另外，叫了個越式手撕雞肉蒸包，面加了辣的沙律醬，雞肉又滑，黏了雞皮又彈牙，加上個蒸包，軟軟熟熟好夾，還有片青瓜，呢個做法都好新穎呀！門口還有張小型吧檯， 岩曬happy hour 食隻雞翼飲下啤酒。