影片
更多
2020-03-14
202 瀏覽
熟識筆者的朋友，都知我是個雞翼控，總是食極都唔厭，弄得連家中小的伙子亦特別愛吃雞翼。其實近年香港亦開了不少雞翼專門店，所賣的雞翼都炸得透香，一咬肉汁四濺，而且還有不同的味道，很有驚喜。早前瀏覽網評，已經留意到灣仔船街開了家叫「Wingman」的雞翼專門店，原來這店舖已經是該品牌的第二間分店，實力可見一斑，反正週末閒著，特意過來試下。餐廳門口掛左一個勁大的黃色招牌，離遠已經見到，位置一點也不難找。舖面地方不大，只有水吧櫃檯同 5 張餐桌，後來發現原來餐廳還設有樓上座位，不過由於這天我們被安排坐在樓下，所以無緣一窺樓上的裝修和擺設。每張檯都有提供用餐工具、即棄手套及紙巾，另外還有抑菌噴霧液供客人使用，睇得出餐廳好注重衛生，做法令人窩心。原來餐牌唔只獨沽一味，淨賣雞翼，另外亦有小食、配菜、Wraps & Bao、甜品及飲品等可供選擇。雞翼分乾身、濕身和特製三大類，每種都有好幾款不同口味。反正全部都未試過，就一於每個項目揀一款。乾身黑椒檸檬 ($69)：雞翼醃得好入味，而且烹調得不錯，外皮十分可口，咬下仍有肉汁。最鍾意就是檸檬的酸味非常突出，而且食落更帶點點黑椒的辛香， 開胃惹味，愛吃酸的朋友
其實近年香港亦開了不少雞翼專門店，所賣的雞翼都炸得透香，一咬肉汁四濺，而且還有不同的味道，很有驚喜。
早前瀏覽網評，已經留意到灣仔船街開了家叫「Wingman」的雞翼專門店，原來這店舖已經是該品牌的第二間分店，實力可見一斑，反正週末閒著，特意過來試下。
餐廳門口掛左一個勁大的黃色招牌，離遠已經見到，位置一點也不難找。舖面地方不大，只有水吧櫃檯同 5 張餐桌，後來發現原來餐廳還設有樓上座位，不過由於這天我們被安排坐在樓下，所以無緣一窺樓上的裝修和擺設。
每張檯都有提供用餐工具、即棄手套及紙巾，另外還有抑菌噴霧液供客人使用，睇得出餐廳好注重衛生，做法令人窩心。
原來餐牌唔只獨沽一味，淨賣雞翼，另外亦有小食、配菜、Wraps & Bao、甜品及飲品等可供選擇。雞翼分乾身、濕身和特製三大類，每種都有好幾款不同口味。反正全部都未試過，就一於每個項目揀一款。
乾身黑椒檸檬 ($69)：雞翼醃得好入味，而且烹調得不錯，外皮十分可口，咬下仍有肉汁。最鍾意就是檸檬的酸味非常突出，而且食落更帶點點黑椒的辛香， 開胃惹味，愛吃酸的朋友一定會喜歡。
濕身泰式甜辣醬 ($69)：雞翼同樣一客有 6 隻，每隻外形看起來都很脹身飽滿，大小均稱，賣相甚佳。外皮和雞肉都很夠味，加上有一層厚厚的泰式甜辣醬同炸蒜粒包住，食落不覺乾。最值得加分就係面頭嘅甜辣醬，分量落得啱啱好，入口甜甜酸酸，加上少少辣，配埋雞翼食，啖啖滋味。
特製金雞 ($88)：本來想點自家製鹹蛋黃口味，估唔到只是下午兩點幾，就已經話售罄。幸好這款金雞味道亦不俗，賣相很精緻，面層灑滿了金光閃閃的可食用金粉，至適合相機食先。原來入口是牛油香蒜雞翼配上迷迭香，新鮮嘅迷迭香，真係超級香噴噴，雞肉又嫩又滑，用來打卡呃 Like 一流！
今次小試牛刀，食住三款先，下次有機會再嚟試下其他口味。
張貼
