Wingman (船街) (已結業)

朋友介紹響灣仔船街有間雞翼專門店， 對我咁愛食雞翼既人，當然要試下。餐牌見到真係好多款味道的雞翼，睇得出廚師比左好多心機去研發，仲有分乾身(dry rub) 和濕身（saucy) 的類別，真係令人有啲選擇困難，最終叫了黑芝麻海鮮蜂蜜雞翼，菠菜甘藍沙律配柚子醬 $75好大碟，有羽衣甘藍，baby spinach 、車厘茄，胡麻醬同柚子醬，微微酸味，啲菜好新鮮，即時胃口大開。 黑芝麻海鮮蜂蜜$69，最香係面的黑芝蔴粒，雞翼搽勻子海鮮醬料， 即甜醬，再加上蜂蜜， 好sweet，面仲有少少蔥連埋食更香。旁邊有個筒可放雞骨。另外，叫了個越式手撕雞肉蒸包，面加了辣的沙律醬，雞肉又滑，黏了雞皮又彈牙，加上個蒸包，軟軟熟熟好夾，還有片青瓜，呢個做法都好新穎呀！門口還有張小型吧檯， 岩曬happy hour 食隻雞翼飲下啤酒。