What The Food Cafe (已結業)

今日山長水遠去到粉嶺既一間cafe真係好似番大陸咁呀對我依個港島人黎講🙈不過如果住起果頭 大家都可以去下😚雖然cafe同火車站都有段距離但去到竟然勁多人要等位😶黎MAIN之前會送上湯同麵包~叫左個 蒜香大蝦溫泉蛋卡邦尼意粉 $76 大蝦雖然唔算太大隻但都算新鮮 啲殻仲脆到食埋都得😌加埋隻溫泉蛋真係幾開心✌🏻️不過我就覺得個意粉太濕🙈以上價前已經係lunch set黎架包埋包同湯 都算抵食既😌蛋包飯😍😍😍蒲燒鰻魚蛋包飯 $76 又鰻魚又蛋包飯 其實76連set真係幾抵食！蛋好滑 鰻魚都好肥美飯都用過燒汁煮 我覺得燒汁好似落太多😂不過overall都好食既😈飲品都好大杯 而且味道唔錯估唔到粉嶺工廈都有間靚靚cafe!

早在二個月前的假日，因為紅日休息而扑過空，得知最近連假日都營業，便與友人再之光顧。由於這店在工廈內，走路的朋友需花些少時間尋找一下。下午三時許，人比我們想像中的多，仍要等數張枱才可入座。*點餐後先上餐包，每個面包的topping 都不同，有芝麻、粗麥、面粉等等...微溫，尚算鬆軟*餐湯為什菜羅宋湯，足料，加了適量的胡椒，辣而濃郁*柚子梳打，放了發亮的小球作裝飾，平凡中的不平凡*朱古力砂冰，十分濃郁，卡路里超標之選*蘋果益力多砂冰，益力多味極重，蘋果味則慢慢滲出，豐富味蕾*蜂蜜紅茶，有點過甜，但仍嘗得出蜂蜜的味道，尚可*蒜香大蝦溫泉蛋卡邦尼意大利粉大蝦煎得香，發出陣陣蒜香，但意大利粉味道較淡，只靠蛋汁伴入意粉勉強吃下＊鰻魚滑蛋飯大大塊鰻魚蓋在滑蛋之上，賣相吸引。濃濃的鰻魚汁灑在滑蛋中，配已經調味的炒飯，十分惹味。*西冷牛扒配燒汁加炒飯牛扒選了七成熟但仍覺太韌，可能是過熟的關係。配菜只得幾顆栗米，誠意欠奉

甜品賣相不錯，相機食先一流，試了2款甜品一款係士多啤梨蛋糕，一款係芒果合家歡味道上，士多啤梨蛋糕都還幾好，蛋糕鬆軟，有焦糖脆增加口感。可惜用既士多啤梨醬勁似M記果款，姐係甜到噴血，假士多啤梨味，而且可怕的是，感覺M記果款仲要再好食啲（建議餐廳嘗試下自家製士多啤梨醬，其實唔難整）最緊要一定好味啲芒果合家歡，大眾甜品，普通。比較起，士多啤梨果個好食好多 。忌廉湯實在難飲到恐怖，似食忌廉水，超稀！唔講都唔知係飲緊黑松露忌廉湯，我都唔記得係咪黑松露有份，我連忌廉湯既感覺都飲唔出，更勿論叫我們飲出黑松露味 飽熱熱地上枱係好值得讚既！做得好！但餐湯係凍凍地既燒菠蘿牛肉芝士漢堡（3/10）（$66） 漢堡係基本款之一，未見特色。牛肉漢堡肉質勁為鬆散，肉排打得唔夠實，無肉汁無牛肉味入口無彈性無牛香，只有感覺重到不得了的肉桂粉和好酸的蕃茄汁。麵包、芝士、蕃茄菜等，全部普通貨色。勝在啖啖材料，和大大份實飽肚法式羊架 （4/10)羊架好普通，無去到羊架根、過多肥膏位等，令其食落口又韌又肥膩😅配送羊架的醬汁未見特色，純粹酸酸地無咩味若以此價錢食這2塊羊架，會有心痛的感覺，幸好熟成度不錯唯一慶幸，薯角整得幾好食

工作太累啦..所以今日拎左一日大假....好好hea下😁😁知道近期好多區既工廈都開左好多有特色既cafe...近近地...訓醒就黎粉嶺先試下呢間"What the.....food" ???!!!!😂😂可能係平日既關係...加上已經過左午飯時間...無咩人....一入到去已經有好多位俾我地揀啦...我地揀左坐近窗既沙發位....但係唔算太舒服坐低之後發現...呢度d擺設同牆壁都幾有特色...仲有架電單車放係我地台前🚲店員好似比較忙...要主動叫...先會提供餐牌我地兩個人各自點左兩個set lunch...餐前...有麵包同餐湯附上...而餐湯沒有選擇只有白湯--忌廉湯....味道較淡...比較水同稀...反而麵包還是暖暖的...好吃（主菜一）--- 蒲燒鰻魚蛋包飯 (HKD 66)呢個係店員推介既...而且我自己都愛吃蛋包飯😁😁😍...鰻魚很肥美😋😋...而蛋亦都很滑...醬汁帶甜...愈食愈甜😂😂...如果唔鐘意咁甜...order時...可以叫店員落少d醬汁...（主菜二）--- 紐西蘭西冷牛扒（黑淑汁）配薯菜 (HKD76)牛扒我地要左6成熟...岩岩好....無根位...易咬

What The... Food😏位於粉嶺工廈嘅一間cafe 位置係比較偏僻嘅😥但入面感覺幾唔錯，到處有不同嘅擺設如摩托車同植物🌵我最鐘意係牆上起格嘅白雪公主😂👸樓底夠高，個日星期六下午去爆滿，所以幾有氣氛🎊鰻魚蛋包飯好似係其中一款熱門食物‼️賣相唔錯喎😀蛋炒得幾滑🐣略嫌鰻魚有啲細同偏韌，飯用燒汁炒過但有啲太濕💦但$66有呢個質素都滿意架🙆唔該要籠burger🙋哈哈呢個上碟方式又幾得意噃望一望 同create your taste好似幾似樣👀個包漲卜卜幾靚仔 一啖應該咬唔哂😂塊漢堡略嫌鬆散 調味既醬汁太多太搶味🙈配菠蘿係幾好既 薯角都夠熱 但籠底塊紙巾俾啲醬搞到好濕 痴住哂啲食物sosad😩或者用牛油紙會比較好?p.s. *有得包場添架*

在工廠區覓食，近來成為一股新潮流，不但在環境上帶來新鮮感，連尋覓的過程亦很刺激 過了正常的辦公時間，粉嶺的工廠區回復一片寧靜，沿途的燈火暗淡，人煙稀少，闖進這個不熟悉的領域頓時變成探險。我依照google map的帶領，終於找到我要來的地方，多利工業大廈，「咦？怎麼已經落下鐵閘，難道今天不營業麼？但餐廳資料指示逢星期一休息的！」走過大廈旁的後巷，繞到另一個入口，終於成功了！但步進陳舊的升降機又是另一項挑戰，𨋢門緩緩關上再打開，重複幾次，幸好最後安全到達一樓 這也許亦是工廈覓食的樂趣。餐廳換了萬聖節的打扮，燈光調得陰暗，營造陰森的氣氛，掛上萬聖節必備的南瓜燈籠，角落都佈滿蜘蛛網，店員更穿上吸血鬼斗蓬，戴上眼罩，相當配合主題呢！💛 蒲燒鰻魚蛋包飯 ($76): 這項在餐牌上列明 <HOT>！當然是必試;D 饅魚舖在大幅的炒滑蛋上，賣相相當吸引，但有點名不副實，這明顯是蛋蓋飯而非蛋包飯來的 炒蛋口感嫩滑，包圍著饅魚汁炒飯，可見廚師花過心思。厚身的饅魚被燒至軟綿，質素不俗。這個餐份量超多，感覺很滿足！💙 蒜香大蝦溫泉蛋卡邦尼意粉 ($76): 相比起蒲燒鰻魚蛋包飯就有點失色，首

12點左右嚟到，三個女仔三個餐。餐湯&餐包： 紅湯配小麥麵包；湯得一款無得揀，而且啲湯唔夠濃，麵包好甜⋯⋯所以食到一半就無食到主食：- 蒜香蜆肉拿破侖意粉：碟粉夠大碟，有7-8隻蜆，味道一般。- 醬燒豬肋骨（原味&蜜糖芥末）：肋骨好鬆化，都幾入味。可自選兩隻醬～- 蒲燒鰻魚蛋包飯：鰻魚燒得好香好入味，話就話蛋包飯其實都唔係包飯，滑蛋鋪面⋯⋯咖啡：我自己點咗杯Latte ，無拉花⋯⋯好失望。味道都唔錯嘅～（PS: 位置問題，係難搵難去的）

餐廳環境別緻粉嶺工廈想不到係都有靚cafe餐具不太乾淨 用了紙巾搽了一搽 羅宋湯餐湯配迷你芝麻小餐包羅宋湯以一個小小扁身碗盤承載 內頭有不少的雜菜薯仔湯本身酸中帶茄香 午餐清新開胃的揭幕湯面泛起一層紅油 味道頗辣 油膩感應該可以輕手一點雜菜薯仔煮得軟淋好吃 還有吸入湯汁的小牛腩粒餐包烘暖亦滿滿的芝麻香 有咬口又唔會太大個只要湯少點油其實這份前菜真的不錯 不會水汪汪的淡味.鰻魚蛋包飯 ($76)滿心期待的飯飯係飲完湯不久就端到桌上嫩黃滑蛋蓋著飯粒 面上有兩截鰻魚 四邊淋上淡褐的鰻魚汁滑蛋炒得細嫩幼滑 蛋汁沒炒得乾澀焦黑 入口溜溜的感覺蛋中的是濕潤的鰻魚汁炒飯 珍珠米粒粒分明不黏糊顏色深褐而煙燻 質感好嚼鰻魚汁多得拌飯拌蛋後仍然有剩 甜而不黏較稀身.越南滴漏咖啡 (+$18)黑杯子上頂著一個小瓶去讓水滲透咖啡粉然後滴下店員話當咖啡都滴完剩下粉時就可以移開小鐵瓶黑杯底部沉沒著一層煉奶 怕甜可以叫少煉奶沒有花奶和砂糖而選用煉奶也頗滑溜 別有一番風味適合嗜甜者 個人還是喜歡奶與咖啡而不用下糖的原味十二點前到唔使等位不過十二之後越來越多人就要等位啦整體環境 價錢與味道都很不錯 只是地點就比較難去

Visit to WTF cafe yesterday in Fanling. I have to say I was surprised the ribs were extremely nice, tender and tasty. The atmosphere was excellent, lots of young people in there and it was quite busy too. The drinks were beautifully made and we all had a great time.

朋友話好食, 帶我黎試下!先黎餐包餐湯, 餐包仲熱, 又軟又香,而餐湯足料夠濃, 已經覺得冇黎錯地方!我地叫左鰻魚蛋包飯, 豬肋骨, 大蝦溫泉蛋卡邦尼意粉鰻魚蛋包飯: 鰻魚燒得香, 蛋炒得剛好….. 好滑, 飯用有味飯, 成個配撘好用心!!豬肋骨(原味): 有燒烤香味, 而且好入味, 裏面好淋好易食, 小朋友食都好easy!意粉軟硬度煮得剛好! 大蝦溫泉蛋卡邦尼意粉: 大蝦超好味, 除了新鮮, 香草汁料入曬隻蝦度! Carbonara 汁唔會”溜”, 感覺好light, 加埋溫泉蛋同菇, 又豐富又健康!越南澹滴滳咖啡, 咖啡飲落好香, 好有層次!草莓益力多碎冰好大杯! 好好飲, 又唔淡!MOHCA都係好大杯, 我覺得淡左小小!總括黎講材料新鲜又唔貴, feel到呢間Cafe係好用心去經營, 食完得兩個字"滿足", 下次一定會再來! 

初體驗。因為在家附近試試吧。一踏入工廠大廈，已經飄來一陣陣牛排香氣。滿期待。今天我約13:45到達，等了十分鐘左右就可以入內，環境滿不錯，幾有個性設計的餐廳。很快我和男朋友已經決定食no1推介的縵魚滑蛋飯，另外再叫一份半成熟的西冷牛扒。特飲方面叫了一杯朱古力醉冰和紅豆牛奶醉𣲙。心情很期待。等了又等，一直眼見有3-4對新的客人一直在和我們撘枱又轉枱，我和男朋友也覺得是否會影響而亂了單，好，我一直留意，比我遲來的那3-4對客人的飲品很快到，我和男朋友還是空空如也，好，一直等，旁邊的一對情侶比我們遲來10分鐘，我留意和我們order的一模一樣菜式，他們10分鐘全齊了，我們還是空空的。約等了前後25-30分鐘，我們的縵魚飯到了，心情很不好，遲來的人也差不多食完，我們的才剛剛到。好，等了30分鐘才有的才嘗嘗看，可以説味道很好有驚喜，蛋很滑，飯也用汁煮過的，縵魚很香。然後朱古力碎冰也上了，朱古力味滿濃，好,眼看遲來的也埋單，我們還欠那西冷牛扒，和紅豆牛奶需要提點一下才到，（但記住旁邊的情侶和我們點的是一樣的餐，他們已經埋單，心𥚃真的超不爽）西冷牛扒肉汁很多，但肉味不重，這價錢還是絕對可以加分，因為

在網上看到推介，所以和友人去一嘗What The Food Cafe。到了立即發現真相與相片中的環境有一些距離，可能想像總比真相美。由於當時過了午餐時間，人不多，頗為清幽，所以不用BOOK（？）桌椅沒有特定款式，隨自己心意選擇。我們點了「蒲燒鰻魚蛋包飯」及「豬肋骨」。首先送來的餐包暖暖的，味道很好。至於主菜，個人覺得質素中等，蜜糖芥末味豬肋骨較為特別，但有一定辣，不吃辣的不要選，另，薯角量太少；鰻魚蛋包飯份量足，賣相一流，飯不是白飯，這是友人點的，她說OK好味。這個地方傾計HEA時間一流，舒適安靜，經過一頓飯後，好像得到治癒了。唯一不足，侍應們較沒精打彩，不是黑面，只是沒有表情，好像有點不開心。放眼廚房，洗碗姐姐正站著吃飯，為什麼不坐下呢？不能坐還是自己選擇不坐？人情味，對於食肆來說其實很重要。

話說同朋友lunch第一次黎依到試 12:30入席叫餐 碗湯等左20分鐘先黎•••15分鐘之後就到野飲；間餐廳大約50個位，環境係唔錯，但傾計就難啲•••好 講到主菜 朋友點左饅魚蛋包飯 大約50分鐘黎到•••而我叫左 蜆殼拿破崙意粉就要等成65分鐘(餓到顛！！)味道： 雜菜湯； 好濃好足料，兩大粒牛肉 好飲！ 配埋用光波爐整熱既包，唔錯 唔錯！饅魚蛋包飯： 外觀已經好吸引，多汁得黎又唔"漏"; 蛋整得唔老，好滑；飯都加工過，整體唔錯 值得推介蜆肉拿破崙意粉： 冇咩特別，係洋葱整得好爽口但唔生，蜆肉有沙，整體味道偏咸；如果要我等成個鐘食依個味道完全唔合格！！！！！！凍0茶： 沖得幾好，本身個茶無苦澀味加上唔太甜，唔錯服務：廚房3男負責煮，1女出飲品，2女侍應；有時會有個男仔出黎幫手可能太多人做唔切關係，出面有人等位都唔會點理佢地，坐抵既客啲野未到都唔會點去頭意，可能比人追慣餐，所以都冇咩心幫人跟跟！ 剷左半邊頭果位女侍應服務都ok 其他就~~~ 結論：建議唔好食飯時間黎，唔係要預返1.5-2個鐘食。 本身諗住book枱同朋友慶祝生日， 但佢地出菜實在太~~~快既關係決定取消依

星期日就帶左屋企人黎食lunch ，地方的確有點難搵不過係粉嶺火車站搭的士去都唔洗跳錶👍🏻朋友話行過去要差不多15分鐘? 因為未去過個邊既工業區所以選擇搭的士去～去到門口已經見到有好多人等緊位，早知打去訂位先..不過都唔係等左好耐，大慨20分鐘左右?叫左明太子忌廉意粉，比預期中好食 每條意粉都掛滿明太子，意粉都幾彈牙👍🏻令外叫左個青芥煙肉意粉 有好勁wasabi 既味道 感覺好新鮮 加埋好多幾紫菜碎口感好特別 飲品叫左草莓益力多碎冰 ，蘋果益力多碎冰同埋青蘋果soda!兩杯碎冰都好好飲d 味都好濃郁，唔會好淡好解喝～青蘋果soda 都幾好飲！本來想食牛肉漢堡包 點知賣哂原來係每日限定!下次要早d 黎食先。PS: 餐廳氣紛好，裝修特別 服務都幾滿意，有禮貌同會主動加水比我地飲!食物質素都唔錯，美中不足係地方有點難搵同埋如果準備多點漢堡包會更好😁 多左個食飯地方，會帶多d 朋友黎食下👏🏻

因為呢間餐廳而寫嘅第1個食評....今日難得入粉嶺參觀朋友嘅新居,玩到差唔多到左晚飯時間肚仔餓,就決定試下呢間一直on-list嘅工廠cafe~ 諗住打電話去confirm呢間餐廳真係有開門,打左無限次終於有人接聽...同佢講想訂今晚5位,回覆就係5位冇得訂座,要walk-in,當時心諗可能呢間餐廳只可以walk-in啦,誰知......建議夜晚晚真係要多啲人先去呢區工廠區,果度四野無人,又黑漆漆...諗住坐的士去到工廠門口就easy job啦,點知的士司機看似都唔識路,求其放低我哋係附近就算咁,最離奇係車程$18.5,俾$50司機,佢竟然話銀碼太大冇得找續 落左車之後,我哋結果都係依靠神聖嘅googlemap先生幫手先搵到棟大廈~終於去到門口,都冇諗過都幾多人"咁識食"黎呢間咁偏遠嘅cafe喎,可能之前有雜誌介紹而吸引到唔少人黎啦~企係門口,可以no show冇人理會我哋一行5人,隔左一陣,就見到一位女侍應安排前面3位客人入座,望一望,見到佢安排佢哋坐一張6人嘅大枱,係真係好大好大嘅大枱,而同時間其實有張細枱吉左~所以我哋就決定問下位女侍應點解有咁嘅安排啦,點知...佢話果3位客人有