URBAN Cafe (駱駝漆大廈第一座)

營業中

休息中

今日同朋友去咗觀塘道行街 有朋友係愛貓之人 咁就去下貓cafe俾貓玩下 經過一番喺openrice搜尋之後終於見到呢間urban cafe 都算闊落而且貓亦都好多 所以就決定去食飯 入到去果然不負眾望 好多貓喺門口好熱情咁樣迎接我哋嘅來臨 唔知佢哋係肚餓定係貪玩 我哋一開門嘅時候佢哋已經全部行曬過嚟咁濟之後朋友叫咗一個肉眼牛扒 呢個肉眼牛扒同出面比就薄切咗少少 而且牛肉味淡咗啲跟住我就叫咗一個紅酒燴牛肉飯 呢個紅酒汁比較偏甜唔夠紅酒嘅澀味 牛肉有淡淡嘅牛肉味 唔算好好食之後又叫咗一個蝦肉意粉 個蝦肉同出面食到嘅雪藏蝦亦都差唔多味 冇乜特別最後要提一提特濃朱古力 呢個特濃朱古力都算係今餐比較有誠意嘅作品 因為朱古力味好香濃

作為冇起養貓但又超鐘意貓嘅我已經成日都幫襯了～觀塘分店都已經係第2次嚟~同樣都係用QR Code下單，好似轉咗個新system，落單方便咗~同樣哋都係要咗個二人餐 $298，乜都有齊唔洗煩~超快就上咗個湯加沙律打個底先真係超好奇，點解個南瓜湯可以整到咁甜？每次飲親都停唔到😋🌙400次咖啡🌙洛神紅莓莓乾花茶個咖啡男朋友覺得濃味咗，花茶我就次次都叫呢款，可以消消滯~🌙小食拼盤 +$28肉丸味道都唔錯，不過本身二人餐個份量都好夠，如兩個女仔可以不用加🌙三重芝士肉醬意大利麵 芝士同肉醬個味道都超香😛男朋友對肉醬意粉都幾有要求，都覺得唔錯~🌙西班牙燒烤醬烤大豬肋骨上枱時已經烤得好淋，唔洗點用力切都已經自動離骨，配菜有翠肉瓜~🌙自家製抺茶香滑奶凍 +$18抺茶味淡淡哋，唔會太甜或太澀，係我鍾意嘅味道，所以左邊堆忌廉就冇乜作用雖然我份人都冇乜貓緣，不過可以見下貓貓影下相都已經好好🥰

這天來到這間觀塘的餐廳，一入去要先到鞋套機套上穿著的鞋子，是一次很特別的體驗，原來是因為讓地面保持清潔。空間很大，座位都很寬敞，都有保持適當的社交距離。最特別的是會有很多可愛的貓貓陪著我們吃飯，環境很乾淨。餐廳以Qr Code下單，會提供紙版餐牌參考。飲品的選擇都很多，令人很難選擇haha最後點了一杯朱古力咖啡雲朵冰沙及雪糕棉花糖朱古力。雪糕棉花糖朱古力賣相真的很吸引，朋友也十分喜歡這杯呢，個雪糕超級邪惡呀。另一杯是朱古力咖啡雲朵冰沙，帶香濃朱古力味呀!!!賣相與貓貓很配呢。主食方面，日式青蟹籽藍青口芥末忌廉扁意粉味道濃郁，青蟹籽顏色很特別，青口十分鮮味呀，裡面有很多汁，意粉亦很彈牙。除此以外，西班牙海鮮燉飯也值得一試，蜆肉鮮嫩，飯粒分明，十分惹味呀。見到相當多海鮮，真的是很足料。當然不少得甜品啦，雪山心太味道比較香甜，個人比較喜歡朱古力味道濃一點的。總括而言，這個餐廳環境舒適，還可以和可愛的貓貓一起吃飯呢，是一個很適合養寵物的朋友來的好地方。

之前同老公黎過，一直心思思都想帶阿女再黎~趁開學前就黎食個LUNCH 啦~門口放有自動鞋套，入面仲有個自動消毒液噴手機入去前記得要先自動自覺穿上鞋套同消毒雙手呀~因為一早12點就黎，仲未好多人不過半個小時後，呢度已經坐爆了~ 如果要黎既朋友最好先預約啦~呢度係工廠大廈，本身空間都幾大座位之間都有透明隔板架~有個抵食2人餐，不過同我上次夜晚黎係一樣的今次我想試試其他，就散叫~採用電話QR code 自助下單都幾方便落完單仲可以睇番自己叫左乜~連總數都幫你計埋電話下單，因為未瞓醒既我想叫金沙雞翼，叫錯左水牛城雞翼...................雞翼size 好大隻，水牛城雞翼加入了Tabasco, 少少辣中帶酸，係惹味既不過就要快手食，個汁會好快整淋個脆皮對比起上次，今次既食物無疑係進步左呢個煙挪威三文魚水煮蛋黃金卡邦尼扁意粉就做得唔錯佢既汁濃度剛好，可以緊緊沾在麵上而又唔會太水卡邦尼醬咸淡適中, 水煮蛋半成熟，MIXED 埋個汁味道好夾意粉亦處理得好好，唔好偏軟較偏硬~美式熱香餅配精選是日雪糕賣相很吸晴，碟同擺盤都好靚熱香餅亦熱辣辣同好軟熟雪糕雖然無得揀，但今日是我最愛的COOKI

你喜歡貓咪嗎🐱愛貓人士唔好錯過🥰芫茜BB係我食完之後上咗嚟瞓覺😍煙三文魚牛油果酸忌廉墨西哥卷🌮️$68呢個組合清新唔膩墨西哥卷餅皮口感香脆 而且有少少煙韌💕香酥柚子雞髀🍗$68炸得外脆內Juicy😆加上柚子蜜酸甜開胃西班牙燒烤醬烤大豬肋骨$138呢個佢無加好多醬 所以唔會好重口味🥰睇落兩條好似好少 但其實都好多肉🤓伴碟嘅薯蓉好濃稠🥔😚仲有火腿絲超正😋慢煮三文魚配蜜糖芥末醬$138微微酥炸過嘅三文魚扒 內裏鎖緊肉汁口感外脆內滑🤤調味適中薯塊新鮮炸起 外脆內軟 不過調味粉稍為微辣🤣我就唔係食到好多🤓有機會會再嚟探貓貓同食好嘢🥳

已經黎左3次，估唔到貓cafe既野食都可以做得好好食！通常呢d主題cafe野食都係一般般，但呢間真心有驚喜。而且d貓貓真係好可愛，有d比抱抱，有d就係凳底行過比你摸下，表演下貓如水一樣的功夫仲可以比錢開罐罐餵貓~人既主食：意大利飯，意粉 類比較好食。豬排果個好食。未試薄餅類，另外牛排餐就正常味。飲品：400次咖啡 值得試下！Ps. 20：30落單有8折，21：30就會關門（會遲少少既）如果太早去6點果d，d貓貓可能瞓教未出黎活動，記得book位～落單係用電話掃描code落單，記得電話充電。入門口有穿鞋套，同要消毒手，幾衛生！

嗰日7點幾去食野，入座嗰時都無講話有啲咩野無得食。入到落咗單先知乜都無明明仲有限聚令仲聽到佢啲員工係到話有12個人book咗檯可以比嗰12個人痴埋嚟坐，唔分檯？

疫情都持續超過半年了，相信呢半年大家都攰了！今次我又去了觀塘的Cafe，佢唔只野食新鮮好食，而且仲有治療的魔「貓」力，可以令大家真正放下煩腦。大家記住記住要訂位，我個日放工7:30pm到，已經見到好多枱都已經有人坐啦！餐牌的食物選擇好多，而且價錢唔算貴。$298一Set 2人餐，而4人餐都只係$558。今次我同朋友叫了一份二人餐，佢今日的餐湯係南瓜忌廉湯，除了好香的忌廉味，湯入面仲有一絲絲的南瓜蓉，感覺唔錯。加上款式較多變，唔洗好似平日的西餐廳，飲黎飲去都係蘑菇忌廉同羅宋湯。個2人餐本身無包小食，但原來加多$28就可以有埋小食拼盤！佢的炸薯食落有D似金拱門的薯格，另外仲有我親愛的爆谷雞同埋炸魚寶。每款都新鮮炸起，夠晒熱辣辣！係4選1的意粉或意大利飯中，我們揀了廚師推介的挪威煙三文魚水煮蛋黃金卡邦尼扁意粉 （個名都幾長)。扁意粉的軟硬度適中，拌埋水煮蛋的蛋汁，味道都幾香。三文魚雖然唔算好多，不過仲有蘑菇及煙肉，食意粉時都夠餸，由頭食到尾。主食方面，有諗過試佢個竹炭漢堡，但為了容易Share，我們最終揀咗也馬火腿拉絲水牛芝士手工薄餅。Pizza的厚薄剛剛好，唔會太薄又唔會太厚。食的時候，纏

貓貓全部都係貓貓🐱久聞Urban Cafe俘虜了一眾奴才的心❤️今日就黎觀堂分店朝拜各位主子😽店舖好貼心咁為客人準備鞋套，入店前又有自動消毒噴霧機清潔雙手👍🏻👍🏻👍🏻黃店就是做足準備！！！💛💛💛入門口已經見到糯米糕懶懶的攤在枱上訓教🤤好！可！愛！仲任摸唔嬲😽😽😽雖然當日係平日12:00時段，但都好多人😂掃掃QR code落單，再玩陣貓🐱好快有野食😋Lunch set每個套餐都配有湯同多士☺️南瓜湯夠creamy，啖啖南瓜蓉🎃牛油多士條上面有砂糖，甜甜地又非常之脆口😋👍🏻點埋湯食都一樣好味🤤食食下大虎🐯來了，超痴身！又識揀大脾坐，食野都唔敢太大動作整到佢😻$100意式肉丸芝士肉醬意大利粉🍝芝士味唔算重，肉醬份量足以配哂成個意粉食😋肉丸則不過不失🤨$108黑蟹籽拖羅蓉卡邦尼扁意粉🍝蟹籽爽口，拖羅茸入口充滿油香😋估唔到賣點係貓的cafe野食都一樣出色👍🏻餐飲點了400次薄荷朱古力🍫及芝士奶蓋伯爵茶拿鐵☕️飲品甜度適中，又夠哂大杯，慢慢坐慢慢飲，慢慢同貓貓玩😸愉快地過了一個寫意的下午☺️

URBAN Cafe一向都好鍾意貓貓 朋友介紹觀塘有間貓貓咖啡店空間好大 除咗坐得舒服 空氣都好清新 而且仲有好多貓 唔怕同其他人爭。假日下晝嚟到 都幾多人下 要先做份問卷後，再著上佢哋提供嘅腳套膠袋， 對貓仔嚟講環境非常衛生。我同男朋友揀咗二人套餐貪套餐有齊沙律，餐湯，主菜和飲品餐湯係粟米忌廉湯我哋再加$28叫了 小食拼盤挪威煙三文魚 卡邦尼意粉巴馬火腿水牛芝士薄餅400支玫瑰咖啡朱古力咖啡沙冰食物嚟講埋上精緻味道都唔錯灣仔都幾為食成日想走上嚟想食但當然啦係唔可以畀佢哋食人類的食物既嘅URBAN Cafe觀塘開源道62號駱駝漆大廈第1座6樓

係觀塘畫完畫，朋友帶我黎呢間cafe食飯。餐廳幾大，枱與枱之間保持一定距離，係疫情的情況下，食飯好安心。以QRcode形式點菜！同朋友簡左個兩人套餐。包沙律，餐湯。鍾意當日既餐湯，係南瓜湯，好香濃瓜味，刻意保留南瓜肉，食落有口感的，然後仲有淡淡忌廉，雖然好邪惡，但真係好飲。黑松露大啡菇忌廉意大利飯淡淡黑松露味，每粒飯沾滿醬汁，正。西班牙燒烤醬烤豬肋骨，三大條豬肋骨，還有薯蓉，食到好飽。。芝士奶蓋鮮奶。

🐱：到底你黎食嘢定黎影貓？通常貓貓𝑐𝑎𝑓𝑒感覺上都係𝑠𝑒𝑙𝑙貓多過野食所以食物通常都一般不過今次去呢間𝑈𝑟𝑏𝑎𝑛 𝐶𝑎𝑓𝑒 令我對貓貓𝑐𝑎𝑓𝑒改觀，啲野食高質唔求其，同埋價錢都唔貴，性價比幾高🤩先講環境，入去之前一定要著鞋套，確保乾淨衛生👍🏻雖然有好多貓貓，但成個場好乾淨，連啲貓貓都好乾淨，睇得出係有好好打理食物方面午市去嘅話有啲套餐有小食、主菜、飲品不過我最後揀咗散叫因為我想食雞翼😋叫咗個牛扒、意大利飯同埋水牛雞翼雞翼炸到好香脆，加埋香辣醬汁，幾好食❤️偷偷見到隔離枱叫果款係金沙雞翼，好似都好好食咁，下次要試吓先😝

上個月去咗觀塘urban cafe食嘢🥰，估唔到依啲貓貓餐廳嘅食物都咁有水準😋😋燒春雞(半隻)配意粉上到枱面熱辣辣♨️，燒春雞多汁嫰滑😋，而意粉就有啲蒜蓉味！餐裏面配送餐湯同小食同熱飲一客！餐廳有好多貓貓，隻隻都好得意好痴人🐱大家可以睇掛喺貓貓上面嘅名牌睇吓佢哋叫咩名㗎😈

原來Urban cafe 係觀塘都開左分店，又可以去玩貓貓🐱 呢度啲貓好似比旺角既貓貓痴人☺️ 叫左野食好快就有湯同牛油多士條～ 南瓜湯超級正野食揀左•日本殼蜆青醬忌廉意大利飯 ($98)•蜜糖芥末汁 伴 香草燒春雞 (半隻) ($88)•女神黛安牛肉眼扒 ($108) 觀塘分店既食物雖然貴過觀塘少少，但質素就相對好d，賣相都好好☺️ 牛扒煎得好香，口感好好，另外燒春雞趁熱食都做到皮脆肉嫩既質感，意大利飯份量超大，青醬味重，都係唔錯既選擇。呢度飲品好多選擇，仲好特別😍 有400次咖啡同 400次抹茶，同鮮奶撈均飲好正，超級包肚。

同朋友來到一間貓cafe，這裡貓貓懶洋洋的很可愛。出乎意料食物比想像高級高質，我們4人選了4個午餐。套餐日餐湯配個小沙律，主菜，飲品♡午餐時間，午餐set價錢正常，而且感覺很超值海鮮濶麵，很漂亮，無想過這間店食物擺盤很精緻!濶條麵像烤過焗過，還有陣陣黑松露香味……燒豬筋骨， 好濃甜甜味道，肉嫩軟腍。黑松露雜菌意大利飯，很香! 面上碎芝士很重要，味道層次提升了! 煙三文魚薄餅 比較厚身，有粟米粒，芝士，千島醬味道，只能說超飽肚……玫瑰花特飲，好夢幻!吃東西一邊玩貓貓真的很幸福，喜歡食物和貓必到打卡地方。 這些貓都是有品種，很漂亮，店主打理很衛生。