URBAN Cafe (駱駝漆大廈第一座)

營業中

休息中

今日食自己，叫咗外賣黑蟹子拖羅蓉卡邦尼，食食下見到兩條頭髮（應該係啩唔諗太多），一條喺盒外面，另一條半白嘅喺盒入面。。。算，撥開果忽繼續食。但之後喺意粉發現條細毛，冇影相因為我唔想考究係咩毛。媽呀點解要咁對我，一餐飯遇上三毛的機會究竟有幾高😭味道方面其實可以，多士條不錯，即係bbq蜜糖方包都好難唔好食啩。另外加錢要咗杯熱oreo朱古力，普通朱古力粉沖嘅味道，但飲到底oreo對我嚟講太甜，下次飲朱古力都係去返成業果邊。外賣$8x其實唔平，可唔可以乾淨d呢

抗疫之餘，都要保持適當的社交活動。今晚，我就相約好友到Urban Cafe聚餐！一入門口，就看到這無字連儂牆！話明「愛二人餐的美食家」，我當然先點個$298二人套餐，另加其他小食呢！餐湯及沙律：南瓜湯混了南瓜蓉，沙律小清新，菠蘿很開胃！挪威煙三文魚水煮蛋黃金卡邦尼扁意粉：一拮即爆的水煮蛋是亮點，混了流心蛋黃的三文魚和意粉，入口更滑溜！西班牙燒烤醬烤大豬肋骨：骨肉分離，啖啖肉好好食，旁邊那大堆薯蓉很惹味、勁飽肚！滋味2人小食拼盤：套餐另加28元，即享小食拼盤一份！有齊炸雞、炸魚和炸薯三大至愛，正！吃飽後，人均消費179.3元！下次有機會，要再支持良心黃店！

好耐沒見朋友相約到我到家附近Urban Cafe食午餐,來相聚一番。入餐廳前要穿起鞋套,保持店內衛生。*一入來好有驚喜,原來註場有好多貓星人呢!店以裝潢木系為主,簡約得來有日本風格,營造溫暖的感覺。*我坐位置正有兩隻多貓星正睡覺中。*以掃QR code 用手機落單十分方便點餐。**【挪威煙三文魚牛油果柑橘醬田園野菜沙律】 $88這沙律好豐富上,含有多種材料,挪威煙三文魚、什菜、牛油果、波蘿、蕃茄等,加上材料新鮮,完全炮製出健康美味沙律,配合柑橘醬夠開胃。**【水牛城雞翼】 $58水牛城雞翼非常香脆,帶有酸甜辣,十分火辣惹味味又開胃。**【美國安格斯西冷牛牛扒】配黑松露燒汁 $168五成熟,煎到粉紅色的安格斯西冷牛扒,入口細緻幼嫩,都好重牛味,肉質鬆軟而不失嚼勁,配上黑松露燒汁簡生色不少,在旁熱辣辣的薯寶真係食到唔停口。**當然少不了同貓星人合照及玩,十分治癒呢!

餐廳環境夠大，用餐體驗不錯！極濃厚原隻蟹蓋蟹肉忌廉意大利飯 $128⭐️⭐️⭐️⭐️⭐️呢個飯係絕對推介，蟹味非常豐富，仲有兩個好得意嘅蟹蓋仔， 用黎打卡一流👍🏻加埋忌廉一啲都唔油膩，越食越滋味，最出色既一道！💯慢烤美國嫩雞胸 配 蜜糖芥末醬 $138⭐️⭐️⭐️⭐️呢個主食跟配忌廉薯蓉，雞胸份量算適中，口感唔錯！配埋蜜糖芥茉醬非常容易入口！🤤🤤草莓荔枝紅莓乾花茶 $69⭐️⭐️⭐️⭐️⭐️餐廳冷氣有啲大，飲返杯熱茶最啱😂而且可以免費加蜜糖，用嚟養生都幾好！

被寵幸的cafe🤩圖：貓星人：本貓在坳痕(´Д` )我最鍾意黑色呢隻 好純好乖( ̀⌄ ́)！真係太太太可愛了🥰我同我friend今日嚟咗觀塘依間樓上Cafe度食夜晚餐廳喺觀塘B出口駱駝漆大廈6樓，好快就到因為我哋早嚟，唔使等位yeah!嚟到餐廳超乾淨，要消毒雙手同埋帶鞋套，大家可以放心咁食.而且觀塘依間分店環境超級大，勁闊落，可以周圍行去玩貓貓🐱.估唔到有得玩，嘢食都仲咁平咁大份！叫咗一個$298二人套餐有兩份餐湯同沙律🥗餐湯係南瓜湯，好重南瓜味同南瓜溶🎃另外加$28小食拼盤裏面有超多嘢食，有炸魚寶、雞塊同薯蓉脆卜卜好正👅主菜要咗一個那威煙三文魚水煮蛋黃金卡邦尼扁意粉煙三文魚好大塊，好新鮮水煮蛋一督就流晒啲蛋汁出嚟🤟🏻意粉仲要好多汁，但唔會油膩😍另外叫咗一個安格斯手工牛肉竹炭漢堡配薯條收工牛肉超正呀，好厚好多汁！手打嘅牛肉味道真係唔同啲🥳👍🏻另外仲有兩個甜品，一個係抹茶慕絲，令一個係朱古力慕絲兩個都好入味，又唔會太甜😛.最後仲叫咗一杯凍奶茶，令一杯係藍莓梳打藍妹梳打仲有爆爆珠㗎🤩嗚嗚！D貓仔好可愛，全日都被寵幸下次再嚟探下貓貓🐱😍.最後送多兩張貓貓圖俾大家，俾你地感受下有幾可愛😆.（P.

Urban Cafe觀塘新開嘅貓cafe，疫情下仍能繼續經營的確唔容易，我亦都要嚟支持下，當然繼續能經營確實有佢嘅吸引之處😜。唔知係咪因為疫情關係，店舖門口安裝咗兩部鞋套機，每位客人都需要穿著鞋套才可以進入店舖範圍，量度體溫清潔雙手👐也是必然的動作，真係做足安全措施，保護到人又保護到貓咪🐱！話明係貓cafe，主打當然係啲貓咪啦，不過講咗啲嘢食先，叫咗一個意式肉丸芝士意大利麵，套餐免費送牛油多士條及餐湯，餐飲我加錢配咗杯凍特濃鮮奶朱古力，意粉🍝芝士味如果濃啲會更加好味，欣賞佢個牛油多士條，甜甜地、脆卜卜，配上南瓜蓉湯好味😋，凍朱古力當然係好味，如果加埋朱古力粉做toppings 仲正😜。餐廳用膳時間有限制，限時兩個鐘⏱，如果想同貓咪玩耐啲就要食嘢食快啲啦🤪，貓咪每一隻都有名牌掛住㗎，真係有好多隻🐈，每一隻都有佢哋自己嘅性格，有怕醜嘅、有貪玩嘅、有活潑好動嘅、有懶洋洋嘅、有貪吃嘅（不過唔可以喂佢哋食我哋啲食物架！），嚟一次真係唔夠喉，一定會再嚟👍

環境都幾好幾大👍🏻而且都好注重衛生，每位客人入去前都要經過消毒才可以進入。每隻貓貓都好可愛，唔怕人同好黐人，有啲重會爬上枱上，訓係度🥰。我哋叫左一個二人套餐，即磨芝士黑松露菠菜大啡茹忌廉意大利飯，夏威夷風情拉絲水牛芝士手工薄餅。沙律🥗有啲重草青味，加左沙律醬都麻麻地。意大利飯，好creamy ，好好食。薄餅，個邊個好脆，而且真係非常之多芝士😂😂成個套餐既份量都好多，整體來講都幾好食食飽就繼續玩貓貓🐱~~~下次可以再來

好多好多貓，我有去過旺角，呢度大好多，感覺上貓嘅數目大家都差不多。總有一隻係你身邊，勁多，肥瘦都有。黎得呢間貓cafe，都唔會expect有咩好食先。旺角個間好過呢間。400次咖啡，要加20元，朋友話都幾好飲嘅。有餐湯，好凍嘅湯，淨啲。呢兩支餅係幾好飲，就咁食都好食。朋友叫三文魚班尼迪拼盤，88元，好似淨啲，味道未算ok。我就點咗肉丸芝士肉醬意粉，78元，肉丸本身係好食，但個意粉就怪怪地。。。味道都係差啲。黎到呢度志不在於食物，都係見貓😂😂我個人覺得旺角個間好啲嘅，貓黎講，兩邊差不多啦。

晚市堂食終於都開返啦！😍🤤當然即刻要同朋友去刷餐勁！😋一收工就去附近餐廳刷餐勁既！😋😍西餐真係好耐冇食！🙈同朋友入左一間好特別既Cafe！😍🥰呢度好好！👍🏼有二人同四人既Set餐叫！😃仲可以用QR Code點餐！👍🏼Set餐入邊食物豐富！👍🏼價錢仲好抵！💰同朋友叫左個二人餐享用！🥰餐湯沙律通常都唔太特別！🍲但係呢度既餐湯係用南瓜煮的！🎃夠濃味！🎃🍲沙律方面佢既沙律汁亦都好出色！🥗所以頭盤已經加晒分！👍🏼挪威煙三文魚水煮蛋黃金卡邦尼意粉🥚🍝推介！😆平時食既卡邦尼意粉係會食幾啖就會好漏！🙈但係呢碟食完晒碟都唔覺得漏！👍🏼🥚🍝而且蛋汁卡邦尼同意粉絕對融入埋一齊！🥚🍝👍🏼西班牙燒烤醬烤大豬肋骨🍖出面既豬助骨燒烤醬一般都比較甜！🙈但呢度燒烤醬唔會太過甜，醬汁剛剛好！👍🏼唯一遜色就係豬助骨燒得時間較長！⏰變得有點硬！🍖但係佢旁邊既薯蓉搭救左！🥔食落又份外出色！🥔👍🏼滋味2人小食拼盤+$282人餐實在太抵了！💰所以都會願意再加個小食拼盤！💁🏼‍♀️建議加埋！👍🏼因為個拼盤既雞肉同魚柳都炸到脆口剛剛好！👍🏼😃400次朱古力🍫400

疫情下, 人人生意難做, 疫情微微放寬,當然去支持一下, 今次揀左觀塘貓CAFÉ. 疫情下, 店裡都做足防護衛生措施,中午1點,都差不多滿座,未至於要排隊, 可直入, 侍應先通知,把鞋套入膠袋機內套好, 入內消毒洗手及探熱, 然後掃QR CODE用 手機落單. 揀左午餐蘋果汁豬扒配薯菜$98,另收加一服務費 一入內已見貓坐在檯上, 不怕人,你可以跟牠拍照, 買貓罐頭$18餵佢地食,亦可以抱抱或用貓捧玩下.其實場內估計有十幾隻貓, 以短毛混種貓居多, 隻隻貓都面圓圓,毛茸茸, 十分可愛及有個性, 客人可以一邊食,一邊摸貓貓.雖然以貓為吸睛之處, 食物質素都幾好,沒有失望,南瓜湯又甜又香+脆條, 主菜, 蘋果汁豬扒都幾好味. 當我切豬扒時令檯郁來郁去,整到檯上的貓兒,真不好意思, 可能佢都慣晒~~希望下次再去食,推介,相信假期要排隊等位,大家可以先訂位.

琴日去左旺角既Urban Cafe，同今日見既朋友呻話啲貓唔理我之後，佢就帶左我黎觀塘既分店。可能因為我地早啲啲，冇訂位都好快入到座。店入面座位不少，我地張檯上面都有隻貓貓！我就嗌左個朱古力雲朵沙冰，一個蟹肉意大利飯。朋友就嗌左熱朱古力同羊肉竹炭漢堡，另外用儲分卡換左兩個奶凍。朱古力雲朵沙冰就係普通朱古力沙冰咁，中規中矩。而蟹肉意大利飯同雜菌意大利飯最大既分別就係上面多左兩隻蟹蓋裝住既海鮮類物體。整體上雜菌意大利飯應該好d。朋友既羊肉漢堡，羊肉幾好食，唔特別騷，整體不錯。至於換返黎既奶凍，一個牛奶一個抹茶。亦都係中規中矩，冇乜特別。咁話啦，去貓cafe唔通真係為嘢食咩。梗係為貓啦！哩度啲貓多過旺角好多好多，而且都活潑唔少！以下獻上貓貓相：（私心鍾意暹羅

天氣咁熱，weekend 就啱hea喺Cafe!呢度啲嘢食唔錯，地方又大，感覺好舒服芝士黑松露菠菜大啡菇忌廉意大利飯係友人點名要叫的，好creamy勁飽肚，芝士同忌廉簡直是絕配，加入埋大啡菇，perfect match!小朋友當然必點滋味小食拼盤，香口野又細細件容易食，有魚有雞有薯仔，大滿足飲品叫咗菠蘿雲朵冰沙同埋蜂蜜柑桔檸檬梳打，大大杯好抵飲，上層大大夠雲，打卡啱哂！而梳打熱辣辣天氣夠哂止渴～食飽飽先開始同貓貓玩，可以加$18要罐罐慢慢餵食，貓貓自然圍住你，任摸唔嬲，貓奴快啲去朝聖

上親寵物Cafe都要清楚一點👉🏻食物係其次，撚貓先係重點🐈————————————————:🔶煙三文魚牛油果酸忌廉墨西哥餅$68- (7/10)正正常常，墨西哥餅完全冇加熱過，凍上餅身有少許硬:🔶軟殼蟹墨魚汁意大利麵 $128 - (7/10)蒜香墨魚汁味道不錯，但個汁係真的黑😂食完記得抹嘴:🔹楓糖漿番薯條 $58 - (6.5/10)其實本身番薯都甜甜地，加得太多楓糖漿反而蓋過番薯本身味道，有點過甜🔹金沙雞翼 $58 - (6/10)炸得好脆，但亦好油，鹹蛋黃味唔算濃，普通貨仔🔹400次朱古力 $58 - (5/10)超難飲😫上面達朱古力醬超甜超黏，好似拖肥糖咁，重要搞唔勻————————————————餐廳空間好大，貓貓好多🥰最少十幾隻，活潑好動，周圍走周圍跳想享受被主子包圍，重可以加錢買罐頭🤗唔講咁多，醫飽個肚就趕住去玩貓啦😚by C#sissyfoodie

今日放假同朋友去咗觀塘Urban Cafe，啱晒愛貓嘅人！.是日餐湯：南瓜湯呢個湯真係真材實料，有好多南瓜蓉喺裏面，同埋十分之香濃，完全唔覺得膩通常我都會配埋牛油多士條一齊食，當然單獨分開食都冇問題啦主食：挪威煙三文魚班尼迪拼盤L11 班尼迪蛋超級正，留心蛋嚟嘅，Dok串佢，就會落啲蛋黃出嚟，配合埋醬汁，沙律，全家一齊食，真係好野味。不過唔知係咪放得太耐，個包略嫌唔夠脆。另外，出邊都比較少食到呢款挪威煙三文魚班尼迪，食之前記得打卡留念啊主食：紅蝦金沙南瓜忌廉意大利飯超級足料，有兩隻大紅蝦 ，同埋意大利飯都好入味，真係食到南瓜絲飲品：400次朱古力上面有一層厚嘅朱古力cream，就係傳說中嘅400次朱古力，下面係牛奶，記得攪勻先飲呀，甜度適中，係我鍾意嘅朱古力味飲品：400次薄荷朱古力其實同400次朱古力差唔多，只係加咗薄荷草莓荔枝紅莓乾花茶蜜糖$ 69.0食完飯，梗係飲番杯茶，同朋友吹吓水， 草莓荔枝紅莓乾花茶口味清新，有好香嘅茶味

今日小妹同朋友去左一間樓上貓貓黃色小店到食晚餐😊, 入餐廳前需要帶好鞋套同消毒好, 一入到去就已經見到好多貓貓周圍穿梭巡視業務😂, 餐廳空間幾大容納到幾多人, 期間d貓貓仲會不定時嚟探望下你😄 餐廳提供左好多小食🍟主食🍕🍝特色飲品🍹同set dinner🍱等等……小妹同朋友就揀左個2人set嚟試下😊400次朱古力🍫400次嘅威力實在太大😄, 自400次咖啡出左之後方間都出現左大量嘅改量版同唔同口味選擇!上層係打好左400次嘅朱古力, 而下層就係牛奶🍼, 上層嘅朱古力味道濃郁口感棉密, 同牛奶搞拌之後口感變得更細滑,奶味相當濃郁😊!棉花糖曲奇雪糕朱古力🍫朱古力味比400次朱古力更濃郁☺️, 加埋煙煙韌韌嘅棉花糖更有口感, 配埋曲奇味雪糕🍪🍦, 感覺相當邪惡😈但好滿足😂!是日餐湯:南瓜忌廉湯🥣忌廉湯口感順滑, 南瓜味幾濃厚!是日沙律🥗滋味2人小食拼盤小食拼盤跟set只需要加28蚊😊入面有紐西蘭魚寶🐟, 爆谷雞塊🐔同脆薯🥔, 熱辣辣脆卜卜而且份量亦不少呢😆!三重芝士肉醬意大利麵🧀🍝肉醬同意粉比例⚖唔錯, 意大利粉煮得岩岩好, 加埋三重芝士十分滋味!西班牙燒烤醬烤大豬肋骨🐖豬仔骨份量算多, 成條