URBAN Cafe (駱駝漆大廈第一座)

營業中

休息中

同兩位朋友去Urban Cafe食晚餐, 今次係第2次黎, 上次黎都好好食, 所以再幫襯。一入門口就見貓貓跳左上客人張枱。順帶一提，cafe環境好乾淨,客人唔洗除鞋但要著鞋套(感覺類似浴帽咁), 都幾方便衛生.夏威夷pizza四小塊好好味呀我地加左$28叫左雞翼薯條魚寶拼盤好香脆, 二人餐有pizza意粉有兩個湯同兩份沙律, 意粉唔記得左影低,我地係叫左三文魚水煮蛋卡邦尼意粉.三個人最後食唔晒,份量好足夠. 飲品我地點左玫瑰咖啡, 蜂蜜薄荷伯爵茶同藍花皇家伯爵荔枝紅茶. 正當食到差唔多飽既時侯,一隻好可愛嘅白貓跳上枱面, 好似聽我地傾偈咁.

又信錯一次"好評"!! 服務態度差勁, 連一杯水都要收費HK2.00, 餐具叫一樣拿一樣給你!  環境簡單得像公司飯堂。叫了一個PIZZA，港式制作、不是正宗的，一個意大利RISSOTTO , 味道OK一個三文魚牛油果沙律, 蔬菜尚算新鮮，味道一般一個WAFFLE ，質地好口感、可惜一片很薄、很細塊!其實係用D 貓來招呼愛貓的客人!

Urban Cafe🐈☕️觀塘工廈嘆美食.黑蟹籽拖羅蓉卡邦尼扁意粉🍝黑蟹籽好少見，舖滿碟邊好得意，🍝意粉用火腿、洋蔥同菇炒香，醬汁幾creamy呀，面層既拖羅蓉好創新✨.女神黛安牛肉眼扒配薯菜🥩🍟女神當然要點呢款(唔知醜🙊)雖然係薄切牛扒但係好飽啦食完～醬汁特別少許磨菇汁feel，薯菜絕對有驚喜，係大大塊厚身既薯仔，口感一流，新鮮炸落熱辣辣‼️配菜仲有燒脆肉瓜同黃瓜，又幾好味喎🤩.套餐連埋牛油多士條、南瓜湯🎃湯好足料稠身，有埋南瓜絲，味道偏甜飲品加錢會有唔同款式特飲，多到眼花繚亂🤣連早前出晒名既400次系列都有！小編簡左薄荷朱古力，用植物奶(應該係，飲落淡淡地似健康野)做base再將薄荷朱古力打400次，朋友就試左四季春茶拿鐵，最緊要加返個芝士奶蓋🧀.唔夠喉既可以嗌埋甜品🍮分別點左焦糖燉蛋同牛奶奶凍，圓滿的一餐✨😎食完之後就可以去玩貓貓🐱其實每隻都好乖，有啲都好有性格㗎🤣可以抱住佢地影相，有啲仲會跳上張枱陪你食野🤤🤤🤤

朋友第一次帶我黎，估唔到有個咁好既地方，身為貓奴的我，開心到不得了，呢度地方大，基本上唔係特別為食物而黎，當然午餐都算合格啦，意粉都無咩難度，叫左個薄荷咖啡都幾特別，當然會再黎啦！

晚市一開始，還不算多人，這店主打有貓周圍在店內行逛，一邊食，一邊有貓在腳下走過。老公離開座位，轉頭就有隻貓咪跳上來，陪我坐😬⋯⋯本身我不愛動物，但這店乾淨，冇味，而且貓咪都很乖，很逗人。最重要是這店的食物很不錯，食得出心機，不像一些樓上cafe無色無味無誠意。我們叫了二人督，先來沙律和餐湯。南瓜湯很香而滑，有點creamy的感覺，正！加了$28一籃香炸小食，有薯格、雞粒等。我們揀了豬肋骨，份量充足，有三大條，夠淋而不過分，肉入味而不鞋；另叫了三文魚果款扁意粉，軟硬適中，味道很好，連老公不愛食的都話好食。飲品，選擇不少，雖要補差價，但也值。下次再光顧

觀塘有間唔錯既cafe，地方夠大，仲有好多貓貓陪食(ﾉ>ω<)ﾉ入去前要著餐廳提供嘅膠腳套，乾淨衛生～. 2人套餐 $298 包沙律同餐湯，沙律新鮮，南瓜湯好香甜，仲有絲絲既南瓜蓉！！！！即磨芝士黑松露菠菜大啡菇忌廉飯， 佈滿晒芝士片(*´∀`)~♥　risotto粒粒分明，唔會太硬，而且creamy濃郁，有好多啡菇嘅切片(｡◕∀◕｡)西班牙燒烤醬烤豬肋骨，有3大條豬肋骨，夠入味，不過燒得乾身左少少，伴著燒蔬菜同薯蓉ε٩(๑> ₃ <)۶з最後叫多左一個焦糖燉蛋，幾CREAMY!食嘢嘅時候不斷有貓貓係枱底穿插，好可愛(✪ω✪)Urban Cafe 地址：觀塘開源道62號駱駝漆大廈第1座6樓

餐廳環境唔錯，貓貓都好得意，但食物質素真的很差很差，我哋叫咗一份西班牙炒飯一份M5牛扒，炒飯似茶餐廳炒飯，牛扒有三份一係脂肪，不過都唔緊要肉眼扒應該係咁，但剩低嗰三分之二我有一半係咬唔到食唔到，一碟牛扒最好味竟然係嗰個薯塊，所以我覺得會來嚟原因都係因為啲貓好得意唔係食物⋯⋯

今次介紹呢間黃店cafe喺駱駝漆一期 見到駱駝漆個大名已經做好心理準備排長龍搭𨋢🚬點知原來一期係喺閘門左手邊 李圓圓隔離嗰棟 唔使排！ 1秒心情變好系列😂入到去發現餐廳其實算大 寬敞明淨 有陽光嘅下午幾好坐😯 而且 有 貓！有好多隻 好肥好精靈會跳上枱面同你玩🤭 貓奴請領取福利圖👉🏻 (保障貓貓同客人 每個人入去之前要穿鞋套同消毒雙手)🔸 lunch menu每兩星期轉一次$78至$108不等 包餐湯 蜜糖麵包條同$38或以下嘅飲品 可以補差價轉其他💁🏻‍♀️🔸是日餐湯係南瓜湯 同焗到脆脆嘅麵包條好襯😛🔸法式普羅旺斯燉雞肉飯 ($88) 醬汁偏酸一點 蕃茄西芹同紅蘿蔔嘅味好出 出奇地啱我口味 我覺得幾開胃😳🔸黑蟹籽拖羅茸卡邦尼扁意粉($88) 呢個我覺得好好味 個汁好creamy但唔鹹 味道主要來自黑蟹籽 煙肉同拖羅茸 所以鹹得嚟仲有少少鮮味🔸 餐飲我加錢轉左400次咖啡同薄荷朱古力 其實禾大鄉里係第一次飲😂 感覺好多foam 同粉 口感幾特別 但我自己就鍾意啲濃郁啲嘅傳統咖啡多啲🤫

餐廳入面有好多隻貓貓行黎行去，有啲會跳上張檯上面要你摸。呢度多短毛貓長毛貓，就冇唐貓。食物方面都唔錯，價錢都唔算貴，仲有貓咪玩下添。之前試過walk in都要等一陣先入得去，今次openrice 早一日book定，就即刻入得。唯一缺點就係環境有少少逼。

呢間urban cafe之前係旺角都食過，覺得好衛生乾淨，入之前都係要著餐廳提供既膠套腳套，量好體溫同消毒好雙手。點餐係用qr code點餐，好方便。今次我叫左西班牙海鮮飯，。佢既海鮮好足料，特別係海蝦，好大隻仲彈牙，面且仲有青口同蜆，好豐富。味道方面都相當惹味，蕃茄仔加埋甜椒，少少酸辣，好開胃，少左平時意大利飯既膩。另外，仲叫左煙三文魚手工芝士pizza。佢做得相當唔錯，有拉絲效果，餅底厚度適中，加埋煙三文魚咸咸地，幾好味。飲品方面，叫左一壺玫瑰花普洱花茶，玫瑰花味好出，而且一壺都可以有4-5小杯，可以食飽飽飲黎消化下。最後，叫埋心太軟做甜品，屬於中上，都做到流心效果，唔會過甜。食既時候都不時有貓貓穿插係側面或枱底，一邊食一邊玩下貓，同佢地影相，係一個減壓既好活動。

上次帶友人去旺角的分店，見她玩貓玩得那麼開心，所以今次一於帶她來這間位於觀塘工廈的分店，餐廳內的空間比旺角大最少一倍，而貓的數量也夠多，環境寬敞，貓和人都玩得盡興。這次是平日lunch時段來到，1點前都會比較少人，和貓的互動會較多，而1點食飯時間就會開始多人，而且幾乎座滿。這裡下單是用QR code的，午餐都有多款食物可以選擇，而跟餐有餐湯、麵包條和飲品附送。餐湯是南瓜湯，湯內有不少南瓜蓉。而麵包條甜甜地幾特別!法式奶油薯仔燉雞肉飯，飯的份量都幾多，雞肉份量也不少，肉質都幾嫩滑，不會很鞋口。還有薯仔和紅蘿蔔都已經燉到好冧，很好吃!醬汁足夠吃完一個飯，帶有淡淡的奶油味!挪威煙三文魚班尼迪拼盤，這個拼盤份量都幾多，班尼迪蛋都有流心的效果，味道不會好咸!而隨碟還有炸薯角和沙律菜，炸薯角炸得香口，加上茄汁味道更惹味!香西班牙香酥雞翼 ，雞翼炸得好香脆，雞肉嫩滑，味道咸咸香香！雙層朱古力蜜糖吐司配oreo雪糕 ，多士塗上朱古力和蜜糖，味道不會好甜，吐司上面還有Oreo味雪糕，很滿足呢！400次薄荷朱古力，朱古力部份會比較傑身，有淡淡的薄荷味，朱古力味較濃。Oreo脆脆朱古力雲朵沙冰，沙冰是朱古力

朋友早前搶先光顧了這間餐廳一次，所以一入門口已熟練地將腳踏進鞋套機上，瞬間藍色的鞋套便包著整隻鞋，左右如是，侍應為客人探熱，客人用搓手液潔淨雙手後，便會被帶到餐廳內就座。餐廳的面積很大，光猛開揚，每檯之間均由透明膠板分隔，環境潔淨衞生，對貓貓同客人的健康來說，都得到保障。只要用手機素描桌上一張附有QR CODE 的紙， 畫面便會彈出餐牌內容，選好餐後，便可直接下單，之後你便可繼續親親貓貓了。🥰何解我話 "繼續" 而不是"開始"呢，是因為在我們的餐檯上，早已有一隻黑白色大肥貓懒洋洋地趴着，一動不動，雙眼半開半合，任我們如果掃其背脊，對著它旺影相，它都無意走開，非常悠然自得，如進入無人之景，哈哈 !  另外，不同種類的貓會經常在你腳邊擦身而過，有些還會當客人放於櫈下的隨身袋是床，賴着不走或跳上客人的大脾靜靜坐下，隻隻都非常温純。不久，我們的午餐陸續送到，貓貓亦好似裝了計時器一樣，侍應未行到來， 它便已經跳走了。二人套餐 $298餐湯這湯比預期中好味，今次是忌廉南瓜湯，每一羹都有豐富南瓜蓉，味道清甜，口感幼滑，湯亦夠熱，好味!沙律日式芝麻醬配生鮮沙律菜，爽脆多汁二人小食拼盤 ( 另加 $ 2

空間感十足，每張枱都有距離仲有好多貓貓！一路食一路睇住啲🐱，呢間黃店有兩間分店，旺角同觀塘都唔錯㗎！今次就係食夜晚啦～人都唔少，記得入去嗰陣要着鞋套！.叫咗個二人套餐都好抵食！✨套餐會包沙律、餐湯同埋兩款主食，仲有野飲！忌廉粟米湯用料十足，而且味道濃郁！沙律來講我覺得醬汁比較少，可以再多啲因為有啲淡-✨滋味兩人小食拼盤我覺得呢款不過不失，唔算有驚喜，但係全部都係熱辣辣而且脆卜卜！加上款式都幾多，非常惹味！-✨黑松露菠菜意大利飯濃郁嘅黑松露味道，再加上配汁啱啱好！真係好飽，唔會食到覺得好漏，同朋友一人一半！✨巴馬火腿拉斯水牛芝士手工薄餅本身其實我哋係嗌左夏威夷風情薄餅，不過食完左一塊發現好似上錯咗😂將錯就錯我哋選擇咗唔換，因為呢個都好味道，濃郁芝士味再加上火腿鹹香，仲有好多蘑菇～係我嘅最愛！✨ 飲品方面：百香果蜂蜜梳打，同埋檸檬金橘梳打都唔錯，推介百香果梳打因為裏面有爆爆珠！感覺更加多層次～口感好正！-✨甜品:就要咗兩個抹茶奶凍，唔會係粉沖出嚟嘅抹茶！放心，絕對很好味而且抹茶味香濃！-店內有三位服務員，因為坐滿晒人所以佢哋都好忙，不過服務態度都係好好㗎，所以可以放心！但係嗰日好似收9點？

觀塘最近新開了一間貓貓咖啡店，而且朋友說推薦裏面的食物也是不錯的，就一於訂枱到訪。 在限聚令之下，遵守規矩之餘可以說是座無虛席，能夠容納的客人都盡量容納好，幸好我們有訂座呢！佢有選擇困難症的我們一見到餐牌有二人套餐，想都不想就直接選擇了。$298 2人套餐（餐湯，沙律，頭盤，主食，意大利飯/麵，飲品）2份是日餐湯，今次是南瓜忌廉湯 2份是日沙律，裏面有菠蘿，這個配搭非常有趣。挪威煙三文魚水煮蛋黃金卡邦尼扁意粉水煮蛋非常特別，裏面的蛋黃依然是留心，但是蛋白已經比較結實，非常罕見。煙三文魚咸香適中，特別是配料中煙肉、雜菌分量非常多，如果鍾意食餸嘅朋友仔不能錯過！巴馬火腿拉絲水牛芝士手工薄餅我們也點了一個薄餅，外皮較為香脆，有點焦香，水牛芝士及巴馬火腿分成十足，味道濃香，麵包底吃起來更加飽肚。400次薄荷朱古力+$20400次抹茶+$20400次果然厲害，不過相信應該不是即叫即做，因為真的太快手了！不過口感都很香滑，自己平時在家中做不到的。這個飲品我在旺角分店的餐牌看不到，應該是觀塘限定的吧～

4人餐，超抵吃，約朋友飯聚必點❗❗是日餐湯~是忌簾南瓜湯，超級正❗❗好多南瓜蓉，而且味道很creamy👍👍滋味4人小食拼盤~有麥樂雞，爆谷雞，雞翼及薯脆，每樣也炸得很香脆，越食越停不了🤣挪威煙三文魚水煮蛋黃金卡邦尼扁意粉~卡邦尼汁很好吃，整碟吃完還會吃😋😋日式青蟹籽藍青口芥末忌廉扁意粉~顏色賣相很靚，醬汁亦很到位，好好味😍西班牙燒烤醬烤大豬肋骨~有很大條的兩條肋骨及一些薯脆，感覺很抵吃😍巴馬火腿拉絲水牛芝士手工薄餅~熱辣辣的pizza，已很難抗拒了，還焗得皮邊酥脆，很愛吃😋特濃鮮奶朱古力~朱古力味很濃，加上鮮奶味重，但不會膩，好喝👍百香果檸檬( 四季春茶 ) ~感覺很清爽，喝起來很舒服解渴👍