URBAN Cafe (駱駝漆大廈第一座)

營業中

休息中

呢間cafe真係去極都唔厭，人氣愈嚟愈高，cafe嚟講食物質素性價比非常高，有得食又有得同貓仔玩下，無論一家大細過family day定情侶拍拖都好適合，繁忙時間一定要記得book位呀！平時都係叫開二人餐，今次就散叫試下其他嘢食西班牙海鮮燉飯($128)連埋個紅色雙耳平底鍋上枱好吸晴，海鮮包括有大蝦、青口、蜆同魷魚，其他材料仲有三色椒、蕃茄、蘑菇同洋蔥，口感非常豐富，每啖飯都好有鮮味極濃厚原隻蟹蓋蟹肉忌廉意大利飯($128)份量都幾大，忌廉汁好濃郁creamy，意大利飯軟硬度適中，配軟綿綿嘅蟹肉好夾水牛城雞翼($58)外皮香脆，肉質嫩滑，醬汁好充足，每隻雞翼都好均勻咁沾滿晒醬汁，味道酸酸辣辣，非常惹味蜂蜜柑桔檸檬梳打($42)

有個比較肥小小嘅女職員態度超差，d客痞低睇貓，女職員喺後面推住架食物車，d客睇佢唔到冇讓路比佢，佢黑哂面氣沖沖，係戴住口罩都feel到佢啲殺氣。又有幾個人企喺度睇貓，肥小小嘅女職員勁大聲講完借借，然後又講阻鬼住晒。（雖然唔係對住我講、但係完全感受到，入嚟除咗睇貓之外仲要入嚟受佢氣）————————————————————最低消費每位$100 （不論大小），上菜時間都算快另外，喺Cafe同職員買咗貓餅乾$20，唔知係咪啲貓食得太飽，唔係點食。之前試過餵貓罐頭，成十幾隻貓一齊擁過嚟，好正————————————————————不過下次都會去返旺角分店，態度好d~

入到去啲waitress 會好熱情招待你，上菜速度超快，動作都好快。啲貓貓唔理你，佢哋仲會教你要點做，超nice！不過野食真係一般般呀，意粉汁比較淡味同稀，反而野飲就唔錯。

今次又去Urban Cafe 食嘢，時事關上次嚟到被佢嘅食物質素surprise到，所以今次選擇咗假期嚟食～😍二人套餐 $298🐈前菜+餐湯今次嘅前菜係蔬菜沙律同南瓜湯，沙律雖然望落同其他餐廳無乜特別，但佢地嘅沙律菜好fresh，唔似其他餐廳咁放太耐變黑變黃；而餐湯方面就係南瓜湯，食到啖啖南瓜蓉，唔係水咁稀，好好飲！🐈主菜——西班牙燒烤醬烤大豬肋骨朋友食咗第一啖就俾👍🏿，雖然好大條，但啲肉好軟淋淋，唔會好似平日食豬肋骨咁咬極都咬唔開塊肉😻。而且個醬通豬肋骨好夾，幾惹味😋，下面有薯蓉墊底，好滑，但係份量太足，我地都食唔曬🤣🐈主菜——日式青蟹籽藍青口芥末忌廉扁意粉我同朋友都係第一次見青色嘅蟹籽覺得好新奇，個汁有陣陣Wasabi味道，但又唔會太嗆、難入口，青口都唔會太老，所有嘢感覺都剛剛好🥰🐈菠蘿乳酸梳打 +$4朋友好喜歡清新嘅飲品，話食咁多嘢要解膩，所以叫咗呢個梳打～飲落好清新，仲有啲爆爆珠喺入面，幾有口感，朋友叫咗少甜，但唔會好稀好淡味，幾好飲🐈草莓荔枝紅莓乾花茶 +31又係呢壺茶，因為我就覺得食咁多嘢之後飲杯茶就最適合解膩，而呢壺清新又唔甜嘅花茶就真係最得我心😍入面真係有粒粒荔枝肉，仲

今日朋友叫我陪佢過離依間觀塘樓上餐廳，本來既唔抱太大期望，點知離到發現原來依間餐廳咁正咁高質😛💪🏻餐廳地點位置好方便，喺觀塘地鐵站附近一出行幾步就到，離到環境勁乾淨同埋闊落，仲有好多朋友仔🐱已經係到等緊你啦😉你哋睇吓佢個可愛樣🤣 圓碌碌！野食都絕對高質！咁平既價錢都咁好食😍主食 豬肋骨薯蓉平時食肉好驚會好硬，但依到既豬肋骨肉質勁鮮嫩，勁多汁😛 仲要好厚肉，高質又抵食👅 煙豬肉意粉🍝另一樣必食推薦，意粉好彈牙，而且材料都好足，落左勁多汁同煙肉，成個意粉都係高水準發揮，仲要好飽肚😋一壺花茶凍薄荷朱古力食完野緊係要飲番杯，兩杯都好飲，好fresh🎉特別推薦係薄荷朱古力，超refresh🥳🤩

呢間應該好多人都聽過，但係近排佢哋係觀塘開咗分店呀😍😍 而我哋亦都會連續幾個po介紹，因為真係好多相🤪 所以大家記得密切留意🧐—————————————————4人套餐 $558有4個沙律、餐湯、飲品+ 2個 Risotto & Spaghetti+ 2個 Main Course—————————————————Main Course🐮安格斯牛肉手工竹炭漢堡配脆薯脆薯好食🥔！！個人認為呢款脆薯會好食過薯條😚而個漢堡扒亦都唔太嚡（✅正字）夠哂嫩口。但係略嫌個漢堡多咗少少汁，令到個竹炭包索哂D汁，所以有少少邐迤(lei2 hei1)。同埋個人認為個黑松露燒汁可以再重D黑松露味，咁就perfect💕🍕巴馬火腿拉絲水牛芝士手工薄餅個Parma Ham食落去帶少少咸香味，但係好彩唔會太肥或者太咸。有時好怕D Parma Ham 會勁多油脂，食落口油腍腍咁😰 好彩唔算太油同太咸😚—————————————————Risotto & Spaghetti🍝挪威煙三文魚水煮蛋黃金卡邦尼扁意粉係我最鐘意嘅三文魚同卡邦尼意粉🤤 認真講，呢2個組合真心唔會輸😚 除非佢個卡邦尼汁好稀，咁就唔同講法喇😩但好彩佢個

黃店？ 但完全係一間對貓同人不專重的餐廳不明點解咁多正評1. 貓種類多 應該係買返黎做生意 2. 環境逼 嘈 冇員工控制客人對貓的行為3. 貓咪有帶名牌 可惜冇性格抽寫 4. 店內冇貓玩具 唔顧及貓咪生活5. 員人態度冷淡，有啲怎至不有善 （明明有收加一）5. 水係要額外收費6. 野食的話 4/10 ， 野飲2/10*每人最低消費$100， 90分鐘限時總結： 真正愛貓 同尊重貓既人應該唔鐘意喱到希望餐廳提供培訓比員工 亦都加設貓玩具 等貓「返工」期間可以過啲正常貓生活

今日有事要來官塘，所以午餐便再次光顧urban cafe😄西班牙🇪🇸紅蝦南瓜蟹肉忌廉意大利飯✨套餐跟牛油多士條+精選是日餐湯及飲品，餐湯內有一絲絲的南瓜蓉，一樣咁濃滑👍好大隻蝦在飯上面，蝦非常新鮮，好鮮甜彈牙😋飯內有豐富的蟹肉👍每粒飯都黏滿忌廉😋法式三色胡椒汁伴牛肉眼扒✨件扒不是太厚但好大塊，肉質滑嫰😄完全冇揸👍甜品我揀咗抹茶心太軟✨真係有流心抹茶的😘+$38有西班牙香酥雞翼✨炸得非常香，皮脆肉滑又多汁😋😋

💛良心超好食Cafe😋小編忍唔住又泥啦💛🍝三重芝士肉醬意大利粉好味指數：👍🏻👍🏻👍🏻👍🏻👍🏻醬汁面頭同埋碟嘅周圍都佈滿左芝士，肉醬都份量充足，每一條麵都可以掛汁，食落仲有好濃嘅芝士味。條麵嘅軟硬度適中，口感好好。🍕夏威夷風情水牛芝士手工薄餅好味指數：👍🏻👍🏻👍🏻👍🏻👍🏻芝士份量超多，拎起會拼絲。薄餅口感外脆內軟。蕃茄醬味道天然，酸甜度剛剛好。配上超甜菠蘿同火腿。🍗金沙雞翼好咪指數：👍🏻👍🏻👍🏻👍🏻👍🏻大大大大大推❤️首先外型泥講已經好特別，用黑色嘅盤，配上黃色嘅蛋黃粉，打卡都好靚。仲要即叫即整，熱辣辣又超脆，咬落去超多肉汁，好好味呀🤤🥗沙律好味指數：👍🏻👍🏻👍🏻👍🏻沙律菜新鮮，有超甜菠蘿，同埋加左胡麻醬，好夾。🫕忌廉湯好味指數：👍🏻👍🏻👍🏻👍🏻👍🏻店家嘅湯永遠都唔會令我失望🤩口感濃郁，好香嘅材料鮮味，一上菜，小編就飲哂。🍫特濃鮮奶朱古力（凍）好味指數：👍🏻👍🏻👍🏻👍🏻👍🏻超級濃嘅朱古力味，加上香滑牛奶，味道同口感一流。🍹藍糖乳酸雲朵沙冰好味指數：👍🏻👍🏻👍🏻👍🏻👍🏻雖然佢個名有藍糖，但佢絕對唔會太甜。乳酸飲品好開胃，加上面頭嘅忌廉，好好飲。同埋外觀都好靚，好似天空嘅配色，打卡一流。🪑環境

晚市堂食開返，終於可以探貓貓啦！Urban Café已經去第三次啦，除左出名係一間貓貓café之外，其實食物都好有水準！每次黎食野都完全唔會令我失望！D食物全部新鮮煮起之外，食材同擺盤一D都唔馬虎。雖然我地例牌都係叫二人套餐，不過每次都會有唔同新菜色加入。晚餐2人餐$298，每個套餐都包括沙律、餐湯、自選主食兩款、兩杯飲品，另外加左甜品。沙律：沙律菜新鮮而且好特別有菠蘿，搭配和風麻醬好fresh！餐湯：忌廉南瓜湯，用新鮮南瓜茸加忌廉整，非常creamy，而且南瓜味濃！非常真材實料！挪威煙三文魚水煮蛋黃金卡邦尼扁意粉：非常creamy但唔會好heavy，水煮蛋非常流心，而且分量同餡都好多，煙三文魚雖然得一片，但唔會有腥味！鍾意食白汁creamy意粉的話，非常推！西班牙燒烤醬烤大豬肋骨：去禁多次都係第一次食。有三大條ribs，用微辣BBQ醬去烤，非常惹味，而且都好入味！睇落去好似有少少乾，但食落去完全唔會。而且伴碟有好大一份薯蓉，雖然牛油味唔重，但好夠味。超級飽肚！玫瑰蘋果醋伯爵茶：飲前記得要攪匀，蘋果醋同伯爵茶原來好match，加埋玫瑰好特別，不過甜左少少！茉莉綠茶Latte：有D似屋企

午餐來到貓貓Cafe星期二的1點半左右到 無須等位鋪頭內貓數目算多 較旺角分店寬敞舒服雖然是以貓貓做主題 但食物質素亦唔差意粉味道唔會太淡 份量足夠 oreo脆脆特濃朱古力 奶好厚身好濃朱古力味感覺過左1個愉快悠閒的中午

慶祝3.8婦女節，帶咗媽媽玩貓貓，撐枱腳😘二人套餐好豐富，絕對夠食，而且上菜速度好快，食完即刻可以同貓玩🐱二人套餐($298)2份餐湯+沙律南瓜湯軟綿綿，有一絲絲南瓜蓉，好香奶油味😍沙律加入菠蘿、蕃茄仔等，爽脆清新🙂即磨芝士黑松露菠菜大啡菇忌廉意大利飯佈滿即磨芝士碎！！黑松露味頗濃，飯軟硬度適中，好夠汁，用料豐富，除左大量菇菌，仲有菠菜、洋蔥粒，忍不住清曬！😋西班牙燒烤醬烤大豬肋骨都算有啖啖肉，外層酸甜濃膩的燒烤醬，2人套餐竟然比3條🦴，bonus😜💛薯蓉入口即溶，吸盡牛油和牛奶，I like It😌免費送$38以下的飲品，其他補差價。百香果檸檬🍋(+$20)感覺很天然，不會好重糖水，好喝又可以美白，岩曬愛美的女士🤪草莓荔枝紅莓乾花茶(+$31)如果比個靚啲嘅杯，會更開心🤣氣味芬芳馥郁，享受別緻的茶香同時療癒身心，令今次相聚時刻更加甘甜有韻。

Urban Cafe @KT駱駝漆大廈@觀塘多野食就出左名今次黎到KT 就同3 個朋友一齊黎左😽cafe輕鬆食午餐😸L6 挪威煙三文魚凱撒沙律（$78)朋友簡左個比較輕食既沙律！煙三文魚配勁多粟米🤤！配埋車里茄🥰開胃清新✨L9 百里香牛油肉眼扒配薯菜 ($128)食肉怪物既我當然係叫牛牛呂😉🤤☝🏻牛扒軟滑😽！超大片！香草牛油加埋粗薯條🍟大滿足😻L10 煙燻燒烤醬牛肉芝士墨西哥卷（$78)牛肉卷！暖笠笠既卷卷！皮薄唔會"厚麵皮"！兩大條加埋粗薯條！其實都好夠飽！牛肉加埋溶溶地既芝士！✨美式咖啡日式唐洋炸雞（4個人就會送😻好抵）立即炸熱辣辣既雞🤤好掛住日本便利店既炸雞呀!外脆卜卜內軟滑芝士奶罩鐵觀音拿鐵（+$22) 400次玫瑰latte(+$22)估唔到Cafe而家都咁先進有唔同嘅創新飲品400次玫瑰咖啡濃厚嘅蓋層😚好似食緊雪糕咁滑☝🏻😻法式焦糖燉蛋（$48)食個小甜品！ 硬焦糖面！滑到動L 動L 既燉蛋😚同場重係貓主子餵食時間🥰係比貓重重包圍既感覺呀😻😎觀塘嚟講真係一個好chill 既地方

若有機會到觀塘的樓上咖啡室，我覺得不可以錯過的是urban cafe。Cafe的貓貓固然是一大賣點，但其食物質素亦不能小覷。這天不打算吃得太飽，選擇了一客挪威煙三文魚凱撒田園野菜沙律。蔬菜被切得細碎，方便進食；加入芝士片等作調味，味道更為豐富。三文魚是小口小口的混在蔬菜之中，也是另一方便進食的安排。整體口味蠻清新的，正合我意。贈送是日餐湯和牛油多士條。前者是有口感的南瓜湯， 後者是有牛油香又帶著砂糖粒粒質感的多士條，十分富特色。飲品是oreo脆脆特濃熱朱古力。即使選了少甜，也是很甜，也富奶香，嗜甜者不容錯過。

貓貓真係好得意🤤咁中意貓貓嘅我真係要定期吸一吸貓先得。之前去左好多次旺角嘅分店，今次第一次黎觀塘分店。發覺觀塘呢間地方大好多！通道都寬敞d。而且依家堂食唔算太多人，大d機會獲得主子的寵愛🥰依家夜晚堂食，仲有一個好特別嘅優惠，就係如果全枱人都唔用安心出行嘅話，就免加一！Love it👍🏻講返d食物先，朋友同我就要左個二人餐，要左個risotto同夏威夷pizza，加左個小食拼盤同甜品。👅即磨芝士黑松露菠菜大啡菇忌廉意大利飯只要menu上面有risotto，我都應該會選risotto。而呢間cafe嘅risotto都無令我失望。從張相都睇得出，佢整得好juicy，而且配料好多。以前我唔中意食任何菇類，但近排開始慢慢識得欣賞。而今次呢碟野更加令我發覺黑松露同其他菇都幾香😌食得幾開心👍🏻👅夏威夷風情拉絲水牛芝士手工薄餅pizza主要睇佢餅底，足料，同味道配合😎呢個pizza全部pass！而且熱辣辣出爐，餅底有彈力。夏威夷pizza嘅特色係又鹹又甜。我自己就大愛pizza加菠蘿嘅🤣推薦👍🏻👅滋味二人小食拼盤（跟餐加＄28）大推❣裡面有紐西蘭魚寶，爆谷雞塊，同脆薯。特別鍾意佢嘅紐西蘭魚寶！炸得咁勁