影片
更多
2021-03-18
94 瀏覽
今次又去Urban Cafe 食嘢，時事關上次嚟到被佢嘅食物質素surprise到，所以今次選擇咗假期嚟食～😍二人套餐 $298🐈前菜+餐湯今次嘅前菜係蔬菜沙律同南瓜湯，沙律雖然望落同其他餐廳無乜特別，但佢地嘅沙律菜好fresh，唔似其他餐廳咁放太耐變黑變黃；而餐湯方面就係南瓜湯，食到啖啖南瓜蓉，唔係水咁稀，好好飲！🐈主菜——西班牙燒烤醬烤大豬肋骨朋友食咗第一啖就俾👍🏿，雖然好大條，但啲肉好軟淋淋，唔會好似平日食豬肋骨咁咬極都咬唔開塊肉😻。而且個醬通豬肋骨好夾，幾惹味😋，下面有薯蓉墊底，好滑，但係份量太足，我地都食唔曬🤣🐈主菜——日式青蟹籽藍青口芥末忌廉扁意粉我同朋友都係第一次見青色嘅蟹籽覺得好新奇，個汁有陣陣Wasabi味道，但又唔會太嗆、難入口，青口都唔會太老，所有嘢感覺都剛剛好🥰🐈菠蘿乳酸梳打 +$4朋友好喜歡清新嘅飲品，話食咁多嘢要解膩，所以叫咗呢個梳打～飲落好清新，仲有啲爆爆珠喺入面，幾有口感，朋友叫咗少甜，但唔會好稀好淡味，幾好飲🐈草莓荔枝紅莓乾花茶 +31又係呢壺茶，因為我就覺得食咁多嘢之後飲杯茶就最適合解膩，而呢壺清新又唔甜嘅花茶就真係最得我心😍入面真係有粒粒荔枝肉，仲
二人套餐 $298
🐈前菜+餐湯
今次嘅前菜係蔬菜沙律同南瓜湯，沙律雖然望落同其他餐廳無乜特別，但佢地嘅沙律菜好fresh，唔似其他餐廳咁放太耐變黑變黃；而餐湯方面就係南瓜湯，食到啖啖南瓜蓉，唔係水咁稀，好好飲！
🐈主菜——西班牙燒烤醬烤大豬肋骨
朋友食咗第一啖就俾👍🏿，雖然好大條，但啲肉好軟淋淋，唔會好似平日食豬肋骨咁咬極都咬唔開塊肉😻。而且個醬通豬肋骨好夾，幾惹味😋，下面有薯蓉墊底，好滑，但係份量太足，我地都食唔曬🤣
🐈主菜——日式青蟹籽藍青口芥末忌廉扁意粉
我同朋友都係第一次見青色嘅蟹籽覺得好新奇，個汁有陣陣Wasabi味道，但又唔會太嗆、難入口，青口都唔會太老，所有嘢感覺都剛剛好🥰
🐈菠蘿乳酸梳打 +$4
朋友好喜歡清新嘅飲品，話食咁多嘢要解膩，所以叫咗呢個梳打～飲落好清新，仲有啲爆爆珠喺入面，幾有口感，朋友叫咗少甜，但唔會好稀好淡味，幾好飲
🐈草莓荔枝紅莓乾花茶 +31
又係呢壺茶，因為我就覺得食咁多嘢之後飲杯茶就最適合解膩，而呢壺清新又唔甜嘅花茶就真係最得我心😍入面真係有粒粒荔枝肉，仲可以選擇加唔加蜂蜜入去，無論係唔係嗜甜嘅朋友都好適合！
🐈抹茶奶凍/原味奶凍 +$18
畢竟女人都有個甜品胃✌🏻所以就算我地食咗咁多嘢，都係忍唔住叫個奶凍。好滑好滑，好香濃嘅奶味，食完呢個真係剛剛好飽到差啲企唔翻起身，大滿足！
🐈金沙雞翼 $58
本身見到二人套餐可以優惠價$28換個小食拼盤，但因為我地兩個太喜歡食雞翼，就索性叫碟雞翼！炸蒜好香，配落雞翼好惹味，雞翼本身都好新鮮唔會太老，咬落口好有肉汁！無後悔～
今日有幸被貓主子寵幸，訓咗落我大脾好舒服咁訓覺，最後要抱起佢先肯走，好可愛！大家得閒可以去試吓呢間Cafe，保證唔會令你失望！
張貼
