URBAN Cafe (駱駝漆大廈第一座)

營業中

休息中

觀塘工廠區除了樓上貨品批發,還有美食,今日就係shopping完順便食野。這間餐廳除了美食,還有貓咪陪伴。我們看了餐牌,居然有2人套餐,二話不說就order這個套餐。首先係沙律和湯,沙律菜非常新鮮爽口,忌廉湯濃厚綿密。繼而係小食拼盤,炸得香趣可口,份量十足。主菜叫了黑松露意大利飯和醬燒豬助骨,意大利飯柔輭,有少少咬口,黑松露係我喜歡的味道。豬肋骨非常軟滑和入味,用义一拮就骨肉分離,正。最後點少得女仕致愛甜品,4件心型鬆餅,加一個大雪糕球,鬆脆可口,甜度適中。

觀塘嘅貓貓Cafe係貓奴嘅一大福音😍我哋weekend去真係好多一家大細 大家記住打電話去book一book位先去啊🤣唔止好多貓貓圍住你轉 食物質素都還可以我哋唔想諗就直接叫咗個二人餐.🎈Appetisers 二人套餐包左兩份是日餐湯同是日沙律💁🏻‍♀️我哋嗰日嘅係南瓜湯 入面真係有一絲絲嘅南瓜係入邊而沙律落咗日式芝麻醬 沙律菜再加咗少少菠蘿蕃茄仔等 都幾開胃👍評分: 7/10.🎈Risotto & Spaghetti 餐廳提供左四款選擇 有飯亦都都有意粉我哋今次選擇左挪威煙三文魚水煮蛋黃金卡邦尼扁意粉💁🏻‍♀️意粉嘅軟硬度都算適中 煙三文魚唔多叫做有兩片不過底下都有好多煙肉 唔會話好快就冇晒啲餸🤣唯一唔係好夠味嘅係水煮蛋 真係水煮蛋連鹽都冇落😂評分: 6.5/10.🎈Main同樣地提供左四款選擇 有pizza 豬肋骨 同埋burger等選擇我哋就選擇左安格斯牛肉手工竹炭漢堡配脆薯😋除咗漢堡之外有薯角同沙律 牛肉煎得幾香唔韌👍醬汁亦都足夠 唔會話食食吓無醬好dry質素唔錯啊👍👍評分: 7/10.🎈整體而言貓貓Cafe當然主打嘅係貓貓 呢度大部份嘅貓貓都非常親人🥰仲見到有啲貓貓坐喺人上面唔走

男朋友知我鍾意貓貓🐱就帶我黎左哩間貓貓Cafe啦之前有去過旺角分店但觀塘呢間闊落好多而且貓貓亦都活躍好多食物都好唔錯我地買左貓罐頭🥫毛孩聽到敲罐頭聲已經好興奮全部擁曬過黎比佢地圍既感覺真係好幸福🥰

之前去過2次旺角分店，覺得d貓貓好乖好可愛，而且食物都好好味，知道觀塘開左分店之後成日都想去探下d貓貓不過一直都無時間，早幾日終於有時間去幫襯下。觀塘分店環境大d，不過我無特別覺得坐得舒服左，當日我坐近門口走廊位，我唔理解點解可以差不多每個人行過都可以踢到/撞到我張凳，不過唔緊要，我見到d貓貓都開心返嘅。然後講下d野食，我覺得旺角分店好食好多同埋好似多d選擇，叫個杯Oreo脆脆特濃朱古力我真心想問脆？邊到脆？其實係唔係打錯字咋？Oreo碎碎都仲有得講，但脆脆係真係完全無脆，d Oreo碎係全部變晒一pat pat係杯底😂電子落單係方便嘅，但我又點會估到問佢地拎杯水都要自己電子落單，一睇之下原來係因為一杯水要$2😅呢樣我就覺得....

同朋友一向都鐘意放假搵唔同嘅cafe食下野打下卡，我地兩個都好鐘意貓貓，竟然比我搵到觀塘有間貓cafe，梗係去同貓貓打個靚卡啦！Cafe環境都好大，一入到去就已經見到好多貓貓走嚟走去，真係睇到都心心眼呀午餐時段都有好多set揀，包餐湯同飲品，我地就叫咗兩樣share食先嚟係跟餐嘅蘑菇湯，好creamy同好足蘑菇料，跟埋嘅麵包條用嚟點湯食好夾法式胡椒燒汁伴牛肉眼扒 配薯菜牛扒好大份，肉質帶小小粉紅，生熟度岩岩好。伴碟仲有超多炸到好香脆嘅薯角，好邪惡！挪威煙三文魚青醬忌廉班尼迪配墨汁包另一個餐我地要咗班尼迪，不過呢個好得意，係用墨汁包，個樣即刻特別咗。味道就正正常常，煙三文魚同蛋幾時都係絕配。餐飲我地都加錢要咗超級邪惡嘅芝士奶蓋冰茶四季春茶拿鐵配芝士奶蓋伯爵茶拿鐵配芝士奶蓋奶蓋厚厚的好creamy，唔會好甜，面鋪上綠茶粉有日式嘅感覺。茶味適中，唔會太濃同苦澀。呢到嘅lunch都幾抵食，二百幾蚊食到我地都超飽已經，又有貓玩，正！其他Menu

我地book左位，到個陣同員工點左2次名，佢話太多人要等下，跟住等左成廿分鐘，就問下幾時有得入席，同佢講番我地留既電話個職員話 我已經嗌左喇喎(我地幾個，佢每次出黎嗌電話，我地都有聽，跟本冇嗌到)啲野食好貴，嗌野食要QR code, 咁都要收加1。野食呢個價錢黎講真系好差。杯咖啡成杯水咁。啲三文魚意粉/pizza得幾片三文魚，勁少。南瓜湯唔好飲唯一可取之處系啲貓系幾可愛，幾肥，好好客。但佢將貓架擺哂系通道附近，啲人就好自然塞系個通道，職員送餐個陣就好唔耐煩叫啲人借開。

朋友約我在觀塘 APM 購物後，又到了晚飯時間，即時上網搜尋附近的特色餐廳，發現之前食過旺角的 Urban Cafe 在觀塘也有分店，即時上去試一試，店內裝潢設計簡約，坐得很舒適，我們叫了一份慢煮三文魚配蜜糖芥末醬$138，經過慢煮後嘅三文魚煎得好香口，肉質嫩滑好 juicy 配埋個蜜糖芥茉醬汁口感好豐富極濃厚原隻蟹蓋蟹肉忌廉意大利飯$128，原隻蟹蓋釀滿了蟹肉鮮味十足，很有創意，意大利飯煮得好香濃入味，煙韌有咬口香草薄荷朱古力$58香濃嘅朱古力配埋清新嘅薄荷，夠晒 fresh檸檬茶$38，茶味十足食物高質素又有創意，還有得意可愛的貓貓陪住我們一起玩，好治愈

冇得去旅行嘅日子只能去啲特別啲嘅cafe食下飯之前去過旺角嘅Urban Cafe,發現觀塘都有分店於是又再去多次🤣今次試咗晚飯二人套餐，餐湯飲落好足料，比平時普遍西餐湯好飲。主菜嗌左卡幫你意粉同ribs，味道正正常常，但值得一提嘅係個薯蓉，調味啱啱好。飲品有好多選擇，而且聽落好吸引，所以加咗少少錢嗌咗特別啲嘅Oreo朱古力沙冰同玫瑰蘋果醋梳打。套餐以外再嗌咗甜品，雙層朱古力蜜糖多士有驚喜，份量完全足夠兩個人食👍🏻

呢間餐廳位於工廠大廈，門口細細但擺放咗兩台鞋套機，入去之前要着上鞋套，仲要消毒清潔雙手，都係想保護啲貓，大家唔好帶啲細菌入去一入去就要馬上落單，待應講得好清楚90分鐘要交檯，餐牌都算多選擇，嗱嗱臨點咗兩個餐就同啲貓玩喇挪威煙三文魚凱撒田園野菜沙律 - 午餐有兩條麵包條，焗到香香甜甜；仲跟羅宋湯+凍檸茶；煙三文魚都有兩三塊，不過沙律菜可以新鮮啲，ok喇意式肉丸芝士肉醬意大利麵 - 嗰兩粒肉丸就乾身咗啲，不過個意粉都幾多芝士👍🏻；杯Urban Cafe好滑，咖啡夠香，唔錯餐廳裏邊有十幾隻貓，而且仲要係靚貓，啲毛好滑又好乾淨，最緊要係唔怕人，除佢哋鍾意周圍行、隨便瞓，貓就係任性，有一隻去到邊就打撩事鬥非到邊，鍾意打隔離嗰隻貓，工作人員成日都要抱開佢，不過我又覺得佢好可愛本來對呢間餐廳食物冇咩期望，只係諗住過嚟同啲貓玩吓，又估唔到食物嘅質素唔差，而且價錢都好合理，不能養貓嘅朋友真係一個好選擇，就算睇佢哋活動都覺得好開心

金沙雞翼 $58一碟有五隻，擺到靚靚可以打卡。雞翼炸得唔錯，咬開都仲保留住肉汁。美國安格斯西冷牛扒配黑松露燒汁 $168好大塊嘅西冷牛扒，叫咗七成熟，燒汁味道同牛扒好夾，除咗牛扒，仲有啲薯塊同烤蔬菜伴碟，不過不失，正正常常。雪山心太軟 抹茶味 $58曲奇雪糕無得輸，心太抹茶味，唔會太甜，一切開，就見到入面嘅流心，好味道。另外佢仲有一小塊cream,我就覺得唔要都得。百香果雪朵沙冰 $58雪朵嘅意思係沙冰上加cream ，覺得有啲太甜，麻麻地

求其google工廈有咩食又突然問想食下西餐就搵到依間餐廳，黎之前已經知係貓cafe。以前都去過動物cafe…唔太中意，多數有陣味同好烏糟，或者食物好難食，點知依間好有驚喜！未走已經想再黎😂叫左個二人餐，野食其實我預左唔太好食，多數有賣點嘅餐廳食物質都………但又唔係喎，幾好食喎又😮話明貓cafe又點少得貓呢，入面嘅貓係多到一個點～好～多貓，而且d貓全部都好可愛好乖，亦會無拉拉走哂黎癡下你😍😍所以要有心理準備食一兩啖就忍唔住玩貓😂餐飯會食好耐😂

滋味小食拼盤$88雞翼炸到黑晒😒味道雞翼尚算可以的,夏威夷風情拉絲水牛芝士$92六吋大，最好味係塊菠蘿仲要講係手工薄餅😏西班牙海鮮燉飯$128 呢個味道唔錯，個味好似星洲炒米咁，但蜆唔多新鮮，又有沙，個飯又唔熱的，都懶得叫佢地換了🥱食幾啖都停左手了菠蘿乳酸梳打$42 我覺得可以有誠意少少，加2粒菠蘿，好睇d Oreo 脆脆朱古力雲朵冰沙$59 全場最正常，最好味居然係佢由入門個一刻開始,其實都感受到店員個種好無禮貌感大家都知,依家入餐廳都要掃安心,安心貼左係門口右邊,店員企係左邊,又係咁你填資料,又會一路問你幾位掃都未掃到又要趕帶你入座,慢小小得唔得.....你急乜野呢?難得星期日,諗住同朋友一齊食個午餐知道朋友係貓奶奴一名,所以特別安排去呢度事先都無話比佢知,諗住比個驚喜佢,點知驚喜變驚嚇......之前我平日都去過一次,點知假日原來變左親子樂園咁,好多小朋友,基本都坐爆晒.貓奴話,其實主子好鍾意好安靜環境,日頭訓,夜晚出動眼見都係,好多貓貓都訓左,得8-9隻係度行來行去.跟住訓緊個D有係咁比佢摸醒,大人亂摸一通小朋友都又係咁明既，咁多貓貓大家點會唔興奮，開心呢🤭整體 : 雖然都知C

上次觀塘友帶左我到駱駝漆工業大廈食飯，無論食物同貓咪🐱都令我想再幫襯， 故襯住星期日放假就去relex下先得。叫了份2人套餐包餐湯、沙律跟飲品, 今日的餐湯是羅宋湯, 湯微暖的不燙口, 沙律🥗都新鮮爽口。點選了即磨芝士黑松露菠菜大啡菇忌廉意大利飯, 芝士控的我喜歡佢嘅芝士咸鮮味道唔錯，黑松露味都香濃，好快就清左成碟了。安格斯牛肉手工竹炭漢堡拼薯脆，漢堡厚身煎得很靚，上面仲有半溶芝士，肉質滑嫩, 配搭的薯脆炸得香脆夠味，點茄醬食很正🥳。$28加配了滋味2人小食拼盤，份量多很脆口又熱辣辣，非常之抵食。今次都叫了400次咖啡, 咖啡香濃綿密, 飲落很香滑啊。友人則叫了伯爵茶拿鐵，說清新可口。食嘢正、貓咪🐱親人又乖巧，很得人喜愛🥳。

今日中午無無聊聊打開 open rice 試吓一間在排行榜裏介紹的餐廳果然勁 讚我自己在疫情中找到一間個個食客都充滿愛心， 雖然個個都有载 mask 但係看得出個個客人都面露笑容 開開心心入到門口 已經有一隻肥貓 攤左在地上服務員帶我坐低左叫我點餐我已經集中唔到精神去選求其叫左個三文魚沙律和 pizza 和熱咖啡全個 90 分鐘 我只有十分鐘用餐其餘時間滿場走 和貓貓玩到不亦樂乎不過最後都要講下食物味道嘅三文魚沙律 牛油果比較生D 有待改善Pizza 整得唔錯美式咖啡就一般啦我會再去試吓其他食物順便探望一下🐱🐱😄

朋友中意貓，所以同佢去咗「Urban Café」。呢到好多貓，佢地肥嘟嘟好可愛，不過嘢食都幾唔錯㗎。二人套餐 $298兩份是日餐湯 今日係南瓜湯，有滿滿嘅南瓜蓉好足料。兩份是日沙律係菜加芝麻醬，清新開胃，餐前食一流！即磨芝士黑松露菠菜大啡菇忌廉意大利飯意大利飯好creamy，仲有好多芝士添。啲飯軟硬適中，醬汁都唔會太濃唔會太肥膩！野菌都好多，每啖都可以有餸！安格斯牛肉手工竹炭漢堡配脆薯黑色個包好型呀，漢堡嘅份量都好厚好多汁。仲有加埋啲蔬菜例如洋蔥番茄等等，個包超級香。薯角都唔少，點茄汁一流！免費贈送飲品兩杯（ $38以下）菠蘿乳酸梳打 (加$4)好少見有菠蘿味嘅特飲，作為菠蘿粉絲即刻要試！甜甜地酸酸地唔錯。凍檸茶 (加$3)大大片檸檬幾好飲，夠凍。雪山心太軟朱古力$58心太軟一切開流晒出嚟好正，個皮都軟腍腍。加埋啲忌廉同埋曲奇味雪糕食，好夾好配合。