URBAN Cafe (彌敦道)

營業中

休息中

Dropped by on a Saturday afternoon with a friend and thank goodness we'd booked in advance cos this place was completely full when we walked in.  The weather was wonderful and we were lucky to be led to a window seat.  First up we ordered the American Porkchop with lemon apple sauce. I must say this was truly a surprise. Thickly cut and cooked just right, the meat was extremely juicy and tender. The sauce was both rich and refreshing. Every mouthful was flavorful and delicious. Next up we got th

本人喜愛貓。經朋友介紹嚟到呢間貓cafe，以佢所講，呢間餐廳好多貓貓。當日book咗星期六下晝四點嚟到。最低消費每人$100。未入門口，就見到佢有鞋套機，店員指示食客先著鞋套方可進入店內。可能有啲人會覺得好衛生，但係我眼中，就有啲唔環保喇。見住門口裝住滿滿嘅鞋套嘅垃圾桶。加上，見到店員都冇著鞋套，當時見到佢忽然除低鞋套，原因就不得而知喇。餐廳嘅枱與枱之間只有一個身位嘅距離，同後面枱客人更係背靠背。當日餐廳坐無虛席。我同朋友被安排坐一張兩人枱。而餐廳環境嘈吵。食物方面，不過不失。但飲品收費約$40，唔大杯，但點解餐廳要用即棄杯呢？店員都係後生妹，服務態度不過不失。以一間餐廳嚟講，呢間係價錢合理嘅餐廳。但以一間貓cafe嚟評論，呢間係一間差嘅貓cafe。簡單講，就係睇唔出呢間cafe對貓嘅愛心。1. 當日有幾位細路女，不停嘗試去抱起啲貓，抱貓貓返去佢座位影相，嚇到貓貓又跳起又掙扎，但店員並無阻止2. 餐廳只有約五米乘五米嘅大細，就放咗十張枱，加三個職員，到底餐廳係求吸金還是想比客人有同貓貓互動嘅體驗呢？3. 此cafe並冇好似其他貓cafe咁，放有貓貓嘅profile4. 客人可以餵貓貓食

同朋友好耐冇見，想搵間坐得舒服又有特色嘅Cafe坐下，打下卡，今次就揀左Urban Cafe。為左保障貓貓健康，入餐廳前都要著鞋套，消毒雙手，鞋套機幾方便，一踩就自動套上鞋套。大多數人到貓貓Cafe嘅注意力都喺貓上面，但係今次特別想講下呢道嘅食物，幾有驚喜。安格斯牛肉手工竹炭漢堡配薯角 $88薯條啱啱炸出嚟，熱辣辣又脆 卜卜，好好食。沙律菜同普通差唔多，都新鮮。漢堡好適合打卡，竹炭黑色，夾住番茄生菜加安格斯牛肉，三四層好豐富，有啲似之前老麥signature個包，好好食。挪威三文魚拉絲水牛手工薄餅 $98係邪惡嘅拉絲呀，啱啱出爐，食落辣口，抵讚！食得出係全手工製，芝士分量超多，好足料。可能餐廳衛生做得好，所以貓味道唔大。環境幾舒服，適合同朋友吹水HEA成個下午。

星期六約左朋友食晚飯朋友推介左間環境舒適 價錢合理又有質素既cafe於是就同佢兩個人黎左依間 — urban cafe兩個人決定點2人套餐是日餐湯粟米南瓜湯 軟綿細滑 濃濃粟米同南瓜味 香甜好味道是日沙律新鮮爽口 淋上柚子汁 健康開胃意式辣肉腸拉絲水牛芝士手工薄餅面上滿滿芝士 食落芝味十足呀再配上蕃茄肉醬同辣肉腸 好味道而且厚批大大啖食好滿足日式青蟹籽大蜆芥末忌簾扁意粉蜆肉新鮮 青蟹籽增添口感和味道層次估唔到配上芥末忌簾會咁match好特別既一道主食 值得一試一人一杯飲品蘋果醋荔枝伯爵茶蜂蜜紅棗茶兩杯都唔會太甜 有果味茶味 味道唔假

都市人生活壓力大，放工想放鬆下於是我就上網搵動物餐廳，有得放鬆心靈又有得食。高冷的主子兩個人就叫咗個二人set，本身呢個set已經跟沙律+南瓜餐湯。是日餐湯係南瓜忌廉湯，湯既南瓜味好出啖啖南瓜蓉感覺真材實料唔欺場，而湯都唔會水水，濃厚好味沙律清新得黎重要菠蘿🍍幾特別。但如果多少少醬汁就好了溫泉蛋卡邦尼龍粉🍝意粉煮得彈牙唔會太諗身，有咬口而且有好多什菌個卡邦尼汁唔會膩而好有奶香，吉穿個溫泉蛋食多咗份細滑既蛋香，幾有層次呢個可以好濃綢既醬汁。友人就叫咗個牛肉漢堡feat.沙律、薯角。牛肉扒多肉汁唔會煎到乾爭爭，牛肉味好濃好夠。薯角炸得好香脆唔會話入面空心，份量十足。左：蜜桃蘋果醋梳打，幾個唔會太甜夠氣仲飲到果醋自然既酸味，感覺少見到同都特別。右：友人叫既水果茶佢就會橙香味比較出，係行青新果香style。呢度好多主子啊，佢地都好肥好得意,食野又玩下貓貓幾好。食物幾有水準可以encore

最近返工返到有啲納悶上網見到呢個地方好似好治癒咁就嚟左啦一嚟到就叫我地消毒同著鞋套即時對呢間餐廳既衞生情況加分入到嚟已經full full地因為呢間餐廳有好多「特別嘉賓」！我地叫左個二人套餐$268有餐湯、沙律、主菜x2、$38既飲品仲可以加$25有一個心太軟！個人認為抵到爛！我加$10叫左個焦糖coffee一嚟到已經俾外表吸引左！仲要係有內有外，飲落去焦糖/咖啡1比1，同Pacific coffee 嗰啲冇兩樣！讚👍朋友加$4叫左個洛神紅莓荔枝梳打～佢都話冇諗冇諗過咁好飲！好fresh~嚟埋個湯同沙律～啲菜好新鮮～南瓜湯亦好好飲，好快俾我飲晒🤣主菜我地叫左- 粉紅胡椒大蜆配忌廉青醬扁意粉~ 佢又真係俾得好足大蜆我地！完全係高級餐廳水準，有驚喜。再嚟有-巴馬火腿拉絲水牛芝士手工薄餅，again, 又係超水準既野食！熱辣辣，饀同餅底份量岩岩好～最後嚟個好吸引既心太軟！只係$25就食到咁既水準真係癲！呢間餐廳性價比真係極高，呢個價錢仲要有埋特別嘉賓，太抵了吧！絕對值得encore! 難怪全晚既位都full晒！

黎到多人到爆，d位排到非常密，好似去左快餐店咁。眼見d貓俾人蹂躪咁，好似無限賣d貓零食咁，個個手上有一罐，d貓吃到勁肥。感覺d貓被當了生財工具，感覺得差的貓cafe。P.S. 杯咖啡稀到水咁。

上網搵左一輪，搵到依間交通咁方便嘅貓cafeCafe座位比較密，貓嘅密度都好高侍應安排我哋坐呢張枱，幾位主子喺度歡迎我哋食物方面，選擇都唔少，由小食到main course都有。先要左一個三文魚凱撒沙律。色彩繽紛，望落已經覺得好吸引！沙律菜幾新鮮，配埋黑醋汁幾開胃。Buffalo wings賣相好正！大大隻雞翼炸得香脆，撈左秘製醬汁好好食，唔辣的！主食要咗Carbonara 份量適中，個汁好creamy，少少膩；不過撈埋蛋汁食依然好正有人想食牛扒上枱已經聞到好香，切開入面睇下。都唔錯，仲保持少少粉紅色伴碟嘅薯角都唔好浪費，好食的。最後一路玩貓一路嘆柚子蜜，心情靚哂

有一排冇黎「Urban Cafe」， 開始掛住入面D「小可愛」，所以今日一收工就嗱嗱臨上去搵佢地啦🥰.點解咁中意「Urban Cafe」，原因有三：1️⃣每次去都有吾同感覺2️⃣環境舒服又RELAX3️⃣價錢親民質素亦吾錯.今次我地就叫左個2人套餐+SIDE DISH ______________________________兩人套餐 $268- 是日餐湯x2- 是日沙律x2- 滋味2人小食拼盤 (+$28)- 意式辣肉腸拉絲水牛芝士手工薄餅- 三重芝士肉醬意大利麵- 紫薯拿鐵。凍 (+$20)- Oero 脆脆特濃朱古力。凍 (+$20)西班牙香酥雞翼 $58______________________________.是日餐湯&沙律今日嘅餐湯係粟米忌廉湯，入口軟綿幼滑，濃稠度較為高，粟米味好突出👍沙律菜新鮮爽口，淋上日式芝士醬，好開胃。.小食拼盤大大份，即叫即炸，炸物係要熱辣辣食先最完美☺️ 裡面有法蘭克褔腸，唐揚雞塊同薯角，其中，唐揚雞塊我就問中意食🙈雞塊醃入味後再炸至金黃色，外酥內嫩😋.手工PIZZA佢嘅PIZZA真係又邪惡又高質👍 首先，PIZZA批底介乎薄同厚之間，入口非常鬆脆，口感似

平日午餐至下午茶時段去唔使等位。餐廳有超級多貓貓，全部好可愛。環境算係幾舒服，當然多貓就會多貓毛，不過問題唔大。食物質素我覺得同價位內算非常好，試過幾款意粉都好食，分量啱啱好，芭菲杯都幾好食。唯獨就係服務態度堪憂，有一次去其中一個店員全程講野非常不耐煩，態度好差真係冇得罪佢，唔知咩事。

又同豬隊友食好西, 之前來過食1次下午茶覺得幾好味所以今次趁住星期五大把時間過來食晚餐可以慢食XD是日餐湯～南瓜湯Yummy 😋 😋 頭盤～雜菜沙律唔錯，好開胃😋😋巴馬火腿拉絲水牛芝士手工薄餅真心覺得好味, 件pizza 好夠薄同脆, 第1次食巴馬火腿整的pizza再配水牛芝士, 簡直係絕配溫泉蛋煙肉野菌配黃金卡邦尼扁意粉唔係唔多餐廳可以做到成隻溫泉蛋放在卡邦尼意粉上面, 通常都係隻蛋已經攪拌咗。我就喜歡睇有全隻完整蛋卡邦尼配扁意粉係比平時食的傳統圓意粉口感更加好, 個卡邦尼汁煮得好好味, 又唔會太漏安格斯西冷牛扒意粉配黑松露燒汁好有牛味, 黑松露汁唔會過鹹, 意粉索哂啲黑松露汁, 好好味美國T骨扒薯條配黑松露燒汁T骨扒好有牛味, 黑松露汁無論配牛扒, T骨扒, 意粉定係薯條都係正都無朋友意大利榛子咖啡&意大利薄荷咖啡這兩杯咖啡好似欠咗啲味, 如果加多啲薄荷同埋榛子的話, 整餐飯就十分完美火焰雪山心太軟配抹茶雪糕雖然真係唔知點解會係火焰雪山, 不過有外脆肉軟的心太軟蛋配好綠茶雪糕已經好足夠 

終於黎到喇！終於去到想去好耐嘅urban cafe喇！出油麻地站行兩步就到，好方便！入門口有部，幫我地包住對鞋，免得整污糟貓星人，好細心啊！諗食咩不嬲令人頭都爆。但有二人套餐就唔同講法，因為套餐夠晒快、靚、正！等我一一為大家介紹下：是日餐湯：南瓜湯，係cafe飲依類湯，玩下貓星人，好疏乎！滋味二人小食拼盤：有腸，有薯角，仲有個意想不到咁好食嘅芝士波球！一定要加28蚊去食啊大家！溫泉蛋煙肉野菌配黃金卡邦尼扁意粉：主菜黎喇各位！餵食呢架野，除左香味，賣相都相當值錢。一睇就知令人食指大動喇！巴馬火腿拉絲水牛芝士手工薄餅：幫我切好，一拉就芝士絲都拉到出黎，又係一上碟就即時好想食嘅正野！不過咁，比起出面啲pizza店，就唔好咁大期望。cafe黎講我好滿意架喇！又不過咁，有貓星人飛撲埋黎陪我食野，個pizza加返120分啦即刻！大家小心唔好俾貓星人搶走塊pizza啊！因為有啲野佢地唔食得架！注意注意！火焰雪山心太軟 朱古力and抹茶味：又係啦，望到都想啦下話？望住個mon都流晒口水嘅話，就感受到我坐係度果種興奮！蜂蜜生薑茶：夠晒暖胃，加4蚊就有得飲，扺啊！後記：貓星人可愛就唔洗多講啦，今次坐係貓星

Urban cafe 鬧市中的好HEA Cafe.星期六下午黎到呢間樓上cafe，好彩有book枱因爲一入到去已經full house! 我地坐係窗邊，自然光伴隨住我地過呢一個下午☀️.美國豬鞍扒配檸檬蘋果醬 $138好surprise呢塊豬鞍扒喺Cafe食到真係超水準，切開之後見到煮得啱啱好見到微微粉紅色，肉真鮮嫩，就算食到側邊煮得較熟嘅位都唔會靭！配檸檬蘋果醬汁好夾好好食👍🏻挪威煙三文魚田園拉絲水牛芝士手工薄餅 $98水牛芝士香濃，真係有拉絲效果！🥰 薄餅是薄批，批很脆咬落是脆口的！😋東瀛蟹籽酥炸軟殼蟹海鮮墨魚汁扁意粉 $112軟殼蟹炸得好脆，而且大大一舊夠三個人分！墨魚汁味道非常入味，唔同一般醬汁溝稀左嘅，食完成咀都係墨汁👄

好耐冇去樓上Cafe食飯，今日朋友忽然提議話去Cafe，仲話包我有驚喜！去到Cafe門口，見到呢個裝置：原來呢度有貓貓駐場。Cafe座位比較密，同平時嗰啲好闊落好多梳化嘅Cafe感覺唔一樣！然而，好快我哋就發現根本唔想坐係張凳度，想走來走去睇吓啲貓咪！可愛到一個點！講下呢度啲食物：今晚食二人套餐。我哋揀咗Carbonara同埋豬肋骨!原本以為呢度有咁可愛嘅貓咪，食物水準一定好馬虎！點知，食物的確有驚喜！先來沙律同埋湯，兩樣都味道正常。之後係額外加嘅水牛雞翼；$58大大碟。水牛城雞翼炸完再淋左秘製嘅醬料，外皮香脆，雞翼入面嘅肉依然好嫩滑！面頭嘅醬汁味道幾惹味Carbonara賣相好正路。蛋汁撈埋意大利粉一齊食真係好好味！個面夠煙韌，個汁又creamy 豬肋骨分量十足，伴碟嘅炸薯角好好味！個ribs幾入味，啱晒鍾意濃味嘅我哋！套餐包左兩杯飲品，可以加錢轉花茶食飽飽之後就快快收走枱面嘅嘢準備餵貓。$18一罐另外，想讚一下呢度嘅抽風系統真係好好，本身我對貓毛都有少少敏感，但係呢個咁多貓嘅地方，竟然一啲事都冇！衛生情況好理想！如果大家想同朋友傾吓計就唔好嚟呢度啦～因為你會好忙咁食嘢同埋玩貓貓

好耐無去樓上Café, 好彩有book位唔係的話座位爆滿叫咗兩個午餐組合頭盤：果仁粟米蛋黃醬沙律很喜歡這個頭盤，很少有沙律放埋果仁, 再加上我喜歡食的蛋黃醬同埋粟米，簡直係絕配，如果可以再俾多一碟我就好喇 XDD大蝦野菌冬陰公忌廉意大利飯蝦都幾大隻, 爽口彈牙, 野菌就少咗啲, 好有冬陰公味, 忌廉汁都幾好味, 食落口都唔會太漏。(第一次食這個味道意大利飯, 感覺唔錯)燒紐西蘭肉眼扒跟薯菜燒得都幾香口，又唔會太老，好好味，值得推介👍👍蒜香豬肘骨黑松露燒汁配薯菜或者係因為受豬隊友影響開始接受黑松露, 以前總會覺得黑松露有陣煤氣味，而豬隊友特別喜愛又唔會理我感受照叫照享受，而我只好接受，慢慢就覺得無咗陣煤氣味了XDD 意大利薄荷咖啡 / 意大利榛子咖啡比起頭盤同主菜來講, 這兩杯咖啡好似欠咗啲味, 如果加多啲薄荷同埋榛子的話, 整餐飯就十分完美。