URBAN Cafe (彌敦道)

營業中

休息中

期待已久既貓貓陪食晚餐夜來了同個愛貓朋友一齊來食飯，有成十幾隻，包你地唔怕悶，呢度好整潔乾淨，好重要架，食野先安心。說到食物，佢個南瓜🎃湯幾好味，餐湯算是咁呀，再要左個豬肋骨，朋友都話正，味道適中肉身不會好肥。食到呢度都飽飽地了，不過開心有佢地陪食呀

進店前需先穿鞋套，踏進機器內膠袋就套到鞋子上,十分乾淨有條理貓貓不會打翻台上的食物,十分乖巧聽話,而且討人喜歡另外店內設有貓貓專用休息空間，如果貓貓牠們累了可走進裡面休息，生活質素不錯，所以貓貓也十分精神呢~.我與朋友點了二人套餐 $268包括兩份沙律、兩碗南瓜湯、兩份主菜及兩杯飲品也+$25 點了心太軟 及 +$28 點了小食拼盤 (心太軟同小食拼盤性價比奇高,大家記得點呢).^南瓜湯入口香滑，味道都算濃郁^沙律菜幾新鮮,也很健康呢~^即磨芝士黑松露野菌大啡菇忌廉意大利飯意大利飯口感不錯,加上黑松露雜菌，整碟飯很香，芝士味道香濃^安格斯牛肉手工竹炭漢堡配薯角牛肉味香濃,頗有肉汁,車打芝士香濃,新鮮的蕃茄,大大份很滿足~^小食拼盤 香脆薯角，覺得幾好味, 雞塊肉質紮實富油香,香腸味道香濃可口^雪山心太軟外脆肉軟的心太軟配綠茶雪糕很不錯呢這家餐廳座位都多和舒服,如果和朋友來吃野玩玩貓瞄和聊天也不錯喔看到其他款式其實都吸引，找天要再來試呢~~~

最近一兩個星期晚晚放工就落大雨，去旺角行咗一陣間買到想要嘅嘢，就馬上搵個地方食餐飯。跟朋友去咗間樓上Cafe，一日門口已經有貓貓迎接我哋，完全啱晒我貓奴朋友嘅 channel 。我來的目的係食嘢，他們來的目的係玩貓貓，所以就由我決定食物啦！二人套餐 $268好抵食！《是日餐湯 & 沙律》開胃之餘，令全餐飯嘅感覺更加完整。《滋味小食拼盤》幫我升級要多個小食拼盤，感覺好豐富，尤其是朋友最鍾意食司華力腸，炸雞皮脆肉嫩又多汁。《溫泉蛋煙肉野菌 黃金卡邦尼扁意粉》溫泉蛋生熟度恰到好處，蛋汁撈意粉更加美味。煙肉野菌香脆可口， 金黃色的卡邦尼汁好 creamy, 扁意粉有彈性。《意式辣肉腸芝士手工薄餅》熱辣辣上枱即刻食，如果唔係貓貓可能會分一杯羹㗎！意式辣肉腸滿足到食慾，芝士拉絲感覺良好，手工薄餅 餅底又脆又薄，yummy!《特色飲品 & 甜品》飲品透心涼，甜品有質素。鍾意同貓仔玩嘅朋友一定唔可以錯過，就算我唔係成日玩，顧住食 XD 食物質素都幾好.

走到人煙稠密既旺角市中心，究竟係一片石屎森林裡面要搵到一間餐廳做落腳點係咪話都無咁易？係香港，正正就有呢個概念，基本上你係唔會感覺陌生，因為美食都市就係香港既一個特徵，今次我同朋友黎到一間樓上Cafe，當我上到去，真係好有驚喜！原來我朋友知我係貓奴，專登靜雞雞book左呢間Cafe，裡面有大量貓貓，數都數唔哂，你完全唔洗驚無得比你同佢地相處，你坐係到佢地都會不斷係你身邊飄過，彈黎彈去，非常熱情！完全唔驚人，不過記得入餐廳前一定要先消毒雙手，同埋著返即棄鞋套先好入去呀，為人為貓，大家一定要注意呀！👇📌日式海膽煙肉特濃芝士明太子長通粉 - $108👉先黎個明太子長通粉，聞落已經香到爆！一路睇住大大啖既明太子蓉，一路同貓貓玩，份外享受呀！芝士醬汁煮得夠哂香濃同埋夠黏稠，有種好緊緊鎖實每一條長通粉，加埋海膽煙肉既配搭，可以話係最佳組合，如果鍾意食芝士既朋友，呢個絕對食得過！📌新西蘭露絲瑪莉羊前膝 配 牛肝菌燒汁(配意大利麵) - $168👉呢幾日食得菜多左，淨化左腸胃，皮膚即刻靚左，又醒神左，但無乜食過肉，真係好唔慣呀，呢個Main-Course就絕對岩哂我啦，我對羊肉好有要求，肉質一定要夠腍

店面人手唔多😂偏偏晚市好忙，所以要耐心等候一陣🙉#新西蘭露絲瑪莉羊前膝配牛肝菌燒汁 $168主菜可簡意粉或薯菜，薯菜只係炸薯條，健康啲就簡左意粉😽意粉簡單地用香草調味，羊肉出奇地一啲都唔騷，煮得岩岩好，非常容易切開，切開仲係pink pink的😂非常推薦呢個羊前膝👍👍#挪威煙三文魚拉絲水牛芝士薄餅 $98餅皮薄，烤得香脆，餅皮鋪左一層厚芝士一切開，都幾拉絲👀水牛芝士味道較淡，配上咸味重既煙三文魚，兩者中和翻，好match，可惜三文魚份量較少😭😭#青蘋果薄荷梳打 $58

係旺角食餐飯要搵個地方又要食得舒服真係幾難搵，話哂呢度都一個美食集中地，想食得輕輕鬆鬆就要去樓上Cafe，是日就去左呢度開餐品嚐美食餐牌上已有一系列特色美食，仲有套餐選擇最適合一班人歡聚，又食到多款美食，咁我地都點左個2人套餐，已包括有餐湯同是日沙律，同兩款主菜仲可以額外升級有埋滋味2人小食拼盤同精美甜品夠晒豐富，先來有沙律食落好開胃同香濃餐湯接住有小食拼盤有腸仔、炸雞同薯角入口香脆又惹味，尢其係雞塊特別出色再來輪到主菜意式辣肉腸拉絲水牛芝士手工薄餅已被嗰陣芝士濃郁味道吸引住，切開已知薄餅底好鬆脆，面層已舖滿厚厚芝士同辣肉腸，入口香濃食落特別滋味到另一款係溫泉蛋煙肉野菌配黃金卡邦尼扁意粉，扁意粉每條吸收醬汁精華又食到煙肉粒香甜，記得食之前先撈埋溫泉蛋會食落更香滑味濃厚品嚐完一輪美食後到甜品雪山心太軟先食啖綠茶心太軟配啖雪糕簡直完美轉眼又食完一餐美味晚餐。

貓星人撒嬌親近中~!!!😍😙同朋友去了旺角一間小小特別的Café🌟, 食物和環境都十分有質素和舒服,同埋有很多隻貓星人在場呢~!環境好乾淨,光線充足,唔會好大瞄味入到裡面什麼味都無~貓星人在每台食客間悠閒踱步,有的自由地走來走去,也有的小睡在客人袋仔,貓星人很溫柔且友善,也十分有趣~近來大家可能也有些憤怒的情緒在所難免,而且放工後就找個地方,放鬆一下,轉換一下煩躁的心情喇~.*南瓜湯很濃郁,南瓜肉十分足料*沙律菜日式芝麻醬蕃茄粟米十分開胃清新*安格斯牛肉手工竹炭漢堡配薯角安格斯牛是厚的那種,廚師火候不錯剛剛好,多汁JUICY肉質軟腍有牛味,一份SET已可很飽了😀包身咬落鬆軟，裡頭夾左蕃茄片，食落有蕃茄的清新又有安格斯的惹味*即磨芝士黑松露野菌大啡菇忌廉意大利飯意大利飯Creamy濕潤,燴的火喉亦控制得很好,口感不錯,黑松露野菌同芝士味道香濃，不會因過熱而散失，整碟飯香氣四溢 .*小食拼盤薯角雞塊炸至黃金色,香腸外脆內軟,點些茄醬,+$28這個性價比滿高*雪山心太軟朱古力心太軟:鑿破經烘焙的外層，內裡熱暖的朱古力瞬間溢出，抹茶心太軟:正中心的抹茶每一口稠密濃郁😀

今晚黎到urban cafe 因為女朋友鐘意貓既關係 所以香港大部分既貓貓cafe大部分我都去過 而我覺得urban cafe 既野食屬於上遊 除左有好多隻貓玩之外 野食都唔錯不過佢定價方面就比較狡滑 每個人最低消費要$100 但係有d餐係98$ 之後就係150$ 起跳 咁想叫杯野飲夠100$ 但最平既鮮奶都要接近30$-40$ 一杯 所以黎得呢到食晚餐就大約每人要150$-170$ 最低消費啦每個人講返個餐廳個環境幾有feel 同有好多隻貓 總有一隻係你左近 同埋佢地好鐘意偷你d野食食！ 所以大家要小心啦野食方面我地叫左2 個意粉 2 個都好高質 拍得住出邊食既意大利餐廳做既意粉 而且份量唔會少 我地2 個人叫左個2 人餐 仲有個湯同埋麵包 所以野食份量黎講係幾多 唔洗怕唔夠飽！

今日同朋友再黎呢間cafe 實在太抵食 又好味 而且仲要有得玩貓😍呢到嘅menu 每半個月就會轉一次 所以隔一排黎又有新野可以試 今次我同朋友都叫左午餐set 會跟埋沙律朋友叫左土匪雞扒 牛肝菌汁 配薯菜雞扒足足有兩隻手咁大 而且好嫩滑多汁😍我就叫左燒紐西蘭牛肉眼扒 羅勒燒汁 配薯菜煎得好好 係我想要嘅五成熟🥰個汁同去扒都好夾而且份量好足 我覺得男仔食一個餐都會飽😂水蜜桃蘋果梳打好清新 而且酸酸地 好開胃👍🏻Oreo 脆脆特濃朱古力呢個好似甜品咁 好好飲 好飲到朋友搶左我大半杯黎飲🤣

貓咪伴餐貓咪cafe真係第一次去，未入去前首先要著鞋套以確保整潔，非常衛生又可使貓貓不用沾污街外細菌，非常有愛店主like，最重要是冇臭味，感覺很好又舒服。時間尚早，入去後有十幾隻貓貓恭迎我們，非常可愛。我點了兩人套餐，有沙律 🥗南瓜🎃湯再配蘑菇野菌意大利飯及主菜西班牙黑毛豬肋骨，豬肋骨不太肥，汁醬配搭剛好 ，非常美味。我地都有叫餐飲，我要左熱紫薯黑糖latte 我好鍾意呢款飲品,不太甜，剛剛好，朋友要荔枝梳打。今晚最開心是有貓貓陪食飯，我個袋太舒服了，豆腐😻成晚訓了上去，我一直都不捨得叫佢起身

約左朋友旺角食飯，佢帶左我黎一間充滿咗愛嘅樓上cafe🐱原來呢間餐廳入邊有好多自己養嘅貓貓，佢地一啲都唔怕人，仲會走上餐枱或者伏在人客嘅大髀上瞓覺，十分可愛！講返食物先，今晚嘅餐湯係南瓜湯，香甜好味。蟹子溫泉蛋雜果沙律，流心嘅溫泉蛋黃撈上金桔醬，味道清新。蟹子佛羅倫斯牛肋條意大利飯，呢個有驚喜！牛肋條十分嫩滑香濃，意大利飯味道及軟硬度亦都恰到好處炸芝士釀魷魚筒配墨汁意大利麵，個魷魚筒超大塊！意大利麵味道做得好好，有濃濃嘅墨汁味，而且份量超大！兩個人食一定十分足夠。

最初嚟到就係為咗同小朋友睇貓貓 估唔到呢間Cafe嘅食物質素好高質 係一間好有心經營嘅Cafe 值得推介韓式柚子雞翼炸到脆卜卜嘅雞翼 外皮好酥脆 配合特製韓式柚子醬汁好清新香草芝士蒜蓉多士濃厚芝士配上蒜蓉嘅多士 個底烘到金黃色啱啱好 好香口挪威煙三文魚班尼迪拼盤大大碟拼盤 麵包略嫌太軟身唔夠鬆脆 其他都好OK東瀛蟹籽卡邦尼煙肉意大利麵Creamy Carbonara 汁 煙肉好足料 意粉炒得乾身爽口香橙檸檬菠蘿紅茶呢幾款生果同紅茶味道好夾 夏日消暑一流雜莓梳打小朋友話好正 健康版氣水

前日生日同朋友上咗去cafe慶祝，第一次上咗一間咁多貓嘅cafe喺門口玻璃望見已經覺得好興奮!!!! 喺門口有部機要著定鞋套先至可以入去， 因為貓貓會舐地下啲食物所以真係要地下乾淨 一行入去見到勁多貓嗰下心情真係好好終於唔使同人哋爭貓!!!!啲貓貓唔驚人好正!! 野食唔難食但凍飲就真係要諗諗， 可能我掛住同啲貓玩所以啲冰溶曬到最後只係得到一杯怪味水…………(主子急call) 叫咗個冬陰功蒜香意大利粉 ，個意粉真心係好食嘅!!每人最低消費係一百蚊我覺得係合理嘅咁多貓喺度主子都要食飯㗎嘛!! 食飽收晒d野之後買咗一罐貓罐頭即刻畀貓圍好幸福呀!!!店內提供貓罐，勿自帶~~不過小心有d主子比較惡，會打飛你支匙

最近發現旺角呢間樓上cafe係一間動物友善餐廳，除左可以一路食一路同小動物玩耍，食物質素仲十分不錯，值得一試！是日餐湯係南瓜忌廉湯，清清甜甜嘅味道，鍾意飲西餐湯嘅你一定會鍾意！呢個牛肋條意大利飯做得不錯～意大利飯用咗鮮茄來做，十分清甜。牛肋條好淋，份量亦都好多，餐廳對食材一點都不吝嗇呢個墨魚汁意大利麵份量又係超多，個墨魚筒成塊扒咁真係要用刀叉黎据！墨魚汁意粉做得好香濃，係我鍾意食嘅味道！呢個香橙檸檬菠蘿紅茶唔會太甜，好似果茶咁清新健康。蘋果玫瑰普洱茶，好大的一壺！食飽飯飲杯熱茶，解膩一流

已光顧過這家位於油麻地的CAFE幾次，一來位置好近地鐵站，地理位置好方便，二來食物真係平靚正。紫薯黑糖拿鐵 $55係咪睇到紫色已經覺得好治癒呢？紫薯控切勿錯過！紫薯味本身已經好香，仲加埋黑糖真係飲到停唔到口，難得的是調味不會過甜，非常推薦！溫泉蛋煙肉野菌會黃金卡邦尼扁意粉 $89卡邦尼意粉是經典之選，煙肉好入味，加入溫泉蛋令意粉口感更滑溜，不錯！挪威煙三文魚必然芝士意大利黑醋沙律 $68今日想吃健康一點，於是選了這款沙律。煙三文魚份量不少，加上鹹香的Brie芝士，非常惹味，蔬菜爽口新鮮，以黑醋調味，食落感覺好清新～雪山心太軟（抹茶）$58通常心太軟都係流心朱古力咁，今次呢個抹茶雪山心太軟相當特別，咬落有Ｄ似係糯米糍果種感覺，抹茶味香濃，忌廉幼滑，值得一試。一邊食野仲會見到有可愛的貓貓，貓奴表示去呢度食一餐飯會好開心