URBAN Cafe (彌敦道)

營業中

休息中

Usually with animal themed cafes their food choices tend to be quite limited and not so good.So I was surprised when I saw the array of options at urban cafe’s menu ranging from handmade pizzas to steaks to desserts.I ordered the soft shell crab pizza which was beautifully presented with a whole soft shell crab on top. It was quite delicious too and also pretty filling.My friend had the carbonara with onsen egg which she told me was also quite excellent. We had a side of cheese and truffle wedge

Fried Spaghetti with Scallop and Bacon in Garlic and Olive Oil.This pasta was slightly spicy but edible for me along with a drink. (I can’t handle spicy food very well) The scallops were good; overall the pasta was alright, nothing too special.This appetiser is wedges with truffle cheese on top. This one was my favourite, the cheesiness and hint of truffle with the wedges was a really good combination!!This is the lychee and Apple fruit tea, which was very refreshing. I really liked the drink bu

朋友中意貓貓 今日4個人約去貓cafe 企係門口寫住要笠鞋套看先入得 所以我冇推門入 而係禁左鐘先 等左好耐先有職員出黎 掉低左一句：要著鞋套先入得 就走左 而我完全唔知部鞋套機係點用？職員亦都冇幫我 我研究左一陣先著到🙄 自己帶左蛋糕🎂切 切餅費每人$10 可以接受入去同店員靜靜雞講 放入雪櫃想比我朋友個驚喜點知店員拎住蛋糕大大聲走過黎同我地講切餅費真係咩驚喜都冇哂🤦🏻‍♀️🤦🏻‍♀️坐低見到好多貓貓都好得意 不過味道有啲大動物有味道我都覺得係正常既所以都會忍下 ～之後職員講返因為貓住既房裝修緊 所以味道比較大我地叫左兩個主食 蝦卡綁尼意粉+紫薯飯兩個都幾好食既～不過份量真係少 如果想黎食正餐都要嗌多兩份先夠呢個算係輕食 不過講到甜品 我地想叫 吐司食 餐牌上面有兩款 一款$28 一款$68寫住係蜜糖吐司”磚” 我地嗌左$68果款黎到真係以為佢出錯左吐司”磚”並不是”磚”？而只係一塊麵包加兩球雪糕 我就問店員呢款係$28/$68？店員話係$68 即刻下左一聲 人地茶x 三層吐司磚先$80幾你地一塊吐司就$68？重點係完全唔係我想要既野 我要既係”磚” 唔係一”塊”至於咖啡味道還好 不過凍

今日去咗一間朋友介紹嘅樓上cafe, 位於旺角彌敦道僑建大廈入面，由港鐵油麻地站A2出口行5分鐘就到，非常方便今次點咗個二人餐，有餐湯、沙律、兩個主菜及飲品，非常豐富是日餐湯係粟米蓉湯，配合埋沙律，份量適中主菜係巴馬火腿拉絲水牛芝士手工Pizza 及 雙重芝士肉醬意大利麵巴馬火腿拉絲水牛芝士手工Pizza，滿滿嘅芝士上面配合火腿及香菇，非常好味雙重芝士肉醬意大利麵，香濃嘅芝士肉醬配合彈牙嘅意大利麵，十分出色飲品係Oreo脆脆特濃朱古力

朋友仔好鍾意貓咪，成日都話要去睇貓咪🐱，聽講旺角開咗一間貓咪cafe，貓咪嘅數量堪稱全港之冠，真係名副其實白貓、黑貓、花面貓、識唔識捉老鼠嘅貓都有一入到去餐廳，侍應就俾咗餐廳嘅規則俾我哋睇，上面主要都係列出點樣同貓貓相處的注意事項⚠️同貓貓玩之前知多啲都好嘅，咁樣食客開心，貓貓都樂意娛樂大家多D<(左)香橙檸檬菠蘿紅茶$58 (右)紫薯沙冰$58>由於我同朋友仔係宵夜時間嚟嘅，其實已經食咗野，唔係好肚餓，所以我哋淨係嗌咗一個漢堡包同埋兩杯嘢飲share左邊嘅係香橙檸檬菠蘿紅茶，微甜之中帶一點自然的檸檬酸，果香味道好fresh 右邊嘅係紫薯沙冰，紫薯味道好清新，平時驚飲到咁咪好假嘅紫薯，呢個紫薯味道都幾自然，加埋cream飲真係幾正<軟殼蟹手工芝麻漢堡配薯角$98>軟殼蟹蟹漢堡份量都唔少，burger 裏面有軟殼蟹車打芝士番茄同埋生菜，軟殼蟹炸到炸卜卜，加埋生菜同埋蕃茄食，感覺上冇咁漏，兩個女仔share 岩岩好，薯條都幾肥美好多薯仔肉，幾啱小妹口味食住可口嘅食物，然後攬住貓咪同佢地一齊玩，真係好治療下次試吓晏晝時分來玩，可以坐耐啲

今次到左一間環境好特別😍😍😍而且食物質素都唔錯既地方再加上真係比到一個好特別既體驗比我😚😚😚今次就黎介紹下唔同既野食意大利黑醋煙三文魚希臘野菜沙律 $68見到佢有好多三文魚而面味道夠香菜都好脆好開胃又健康又容易入口仲有粟米同小蕃茄都係好最中意食既野黎😏😏😏見到佢既賣相都好靚又好吸引所以都可以作前菜黎試試香辣蒜香粉好煙肉菠菜橄欖油炒意大利麵 $98好彩都唔係好辛辣而且容易入口又香既橄欖油味所以好好味而面且仲有煙肉同埋菠菜✅✅✅岩曬中意食清淡既人既口味美國安格斯西冷牛扒配黑松露燒汁+意大利麵 $158我覺得呢個最好味💕💕💕因為又好香好香既黑松露味而且牛扒都好滑好大片可以同朋友share 真係好抵好好味架勁加汁唔怕好乾所以岩曬我慢烤芝士煙肉大啡菇 $58食到好香濃既芝士味加上份量又大又飽肚個菇仲會鎖晒啲汁入去唔會乾的火焰雪山心太軟抺茶 $58有我最愛既cookies 味雪糕香草薄荷朱古力 $58 iced覺得甜左dd 下一次會叫甜既但個薄荷味好正喔

比想像中整潔，無異味！服務態度好好！勁多貓貓！地址唔難搵，不過燈光比較暗，希望可以改善！ 有清楚的解釋， 雖然食物一般； 但係服務員的態度非常好有禮貌。 值得再來。 開心

朋友話帶我去一間好特別嘅cafe，但就賣關子唔肯講有咩咁特別，懶神秘咁。Cafe門口有部機，睇完朋友示範原來係著即棄鞋套，一推開門就被好多對圓碌碌眼睛望住，因為呢到好·多·貓。我本身唔驚貓，但一下子見到咁多貓都嚇左一嚇，仲要喺到食野，食到咩？！呢隻貓貓全餐飯都係我地張枱到訓覺，就算我地摸佢撩佢都闊佬懶理，有佢招呼我心情都安定返少少。Cafe有一版規則要遵守，其實都係要大家愛錫貓貓啫。午餐我叫左日式照燒雞扒配黑松露燒汁+蘋果荔枝紅茶，雞扒醃得好入味，煎得啱啱好，唔會老，燒汁好香黑松露，非常喜愛。紅茶裡面有粒粒蘋果同荔枝肉，唔甜，好清新。朋友叫左香茅豬肉眼扒配黑松露燒汁+紫薯紅豆拿鐵手，我對豬扒一向都無咩興趣，試左一小舊，出奇地唔鞋，仲幾juicy添，可惜我覺得香茅同燒汁唔夾，如果醃其他味可能會更好。拿鐵睇落唔錯，聞到好香紫薯味，朋友都話好飲，連貓仔都脷左一下🤣。望住咁多貓貓愛理不理嘅態度，又唔會打搞我地食野，懶洋洋咁，連自己食野都會食慢d。

多數既動物cafe都係得輕食什或得飲品，仲要多數都又貴又唔好食。前幾排碌碌下Openrice, 意外發現呢間餐廳，店內有成十幾二十隻貓店長，但睇個名完全估唔到同貓有關！.我估計係店主唔想啲人為左睇貓先上去，唔想用貓貓黎做招倈。同聽聞啲貓貓都係店主收養既流浪貓，真係個愛貓人❤️.食呢間餐廳記得book位，如果唔係就會摸門釘🙈入餐廳前有部自重著鞋套機，方便每位入場人士著好鞋套，仲要消毒雙手，同會俾注意事項⚠️你睇。都係想大家食野安心之餘，可以保護貓貓_________________________原本想叫二人餐，$250左右就有齊沙律，湯，兩個主食同野飲，仲可以加$25要個心太軟, 不過因為忽然口痕想食下小食，所以變左單點.🔹日式東瀛蟹籽軟殻蟹拉絲水牛芝士手工pizza $98都有成六七吋咁大，兩個人加一款小食基本上都夠！手工pizza餅底幾鬆軟，上面係千島醬底加芝士，味道幾討喜.芝士係咪拉絲就唔知喇，因為想同貓貓合照，影左好耐，咩芝士都凍喇！最驚喜係上面隻軟殼蟹竟然係原隻，仲有啲蟹膏❤️.🔹西班牙黑毛豬肋骨 $128兩大件，唔係一切就骨肉分離，煮得好淋個種，肉質正正常常，唔會好靭咁，不過烤得

入去前要用膠袋套住對鞋,因為防止出面啲菌直接接觸地面, 大家要記得喇🐱好多人呀, Urban Cafe 啲貓貓都好大功勞架, 真係人山人海.1)美國安格斯西冷牛扒配黑松露燒汁+意大利麵 $158個牛扒叫左五成熟,撈埋d 意粉吃係絕配,唔單止塊牛扒，就連啲汁都好好味,好香.2)意大利黑醋煙三文魚希臘野菜沙律 $68好開胃呢個菜, 三文魚嘅味道,加上撒在旁邊嘅醋汁,只可以話,天衣無縫 令你想吃更多野!3)香辣蒜香粉好煙肉菠菜橄欖油炒意大利麵 $98呢個意大利麵,辣辣地,蒜味真係好正就算口臭都要照吃,無得頂. 4)火焰雪山心太軟抺茶 $58個心太軟味道幾夠下,有朱古力味, 唔錯唔錯!5)柑桔提子梳打 $42 iced梳打飲品, 清清甜甜, 幾fresh6)香草薄荷朱古力 $58 iced唔會太甜, 薄荷又唔會搶走啲朱古力味7) 慢烤芝士煙肉大啡菇 $58個菇真係好邪惡, 好多汁

今晚同事帶我去這間有好多貓貓玩的cafe, 入店前要著鞋套及消毒雙手。初時都怕店裡面會好大味，但入到裡面什麼味都無，明顯清潔得好乾淨而且已經有貓貓走來接待了，哈哈雖然餐廳面積不算大，但比人有舒適自在感覺另外建議最好訂位！餐廳裡每隻貓會自由地走來走去，喜歡的會走來睡在食客大脾上，又或者走來八卦下食客食緊咩每隻貓咪都唔怕人，唔會亂叫亂爪人，好溫順比人任摸不過就唔多中意影相。同事粗略數過今晚大概有三十多隻貓駐場！餐廳有最抵消費每人＄100，及有加－收費。我地最後揀左4人dinner set＄528，有每人—碗湯，沙律，主菜及飲品，如要水另收＄8！南瓜湯 - 略稀，－般！沙律 - 新鮮，芝麻醬惹味！西班牙黑毛豬肋骨配薯條 - 份量足，豬肋骨好入味好淋，熱辣辣好食薯條香脆可口！夏威夷風情拉絲水牛芝士手工薄餅 - 餅底厚身，唔太乾，芝士香濃好食略嫌醬汁多了點！黑松露野菌大啡菇露筍忌廉意大利飯 - 有好香黑松露味，好creamy, 意大利飯不太硬，好食阿根廷蒜蓉紅蝦海鮮龍蝦汁忌廉意粉 - 蝦肉一般，不過意粉好creamy, 好香好邪惡今晚同同事玩左四個鐘，超治愈

Urban cafe 我都唔係第一次幫襯，令我值得再回頭嘅因有兩個。第一，我都係一個愛貓之人。第二，佢都保持到食物質數。今日，我帶咗一個未黎過嘅朋友試一試呢間餐廳，食完之後佢都大讚。佢同我一樣，都好鍾意呢度嘅職員對貓嘅態度。係門口度有部鞋套嘅機，咁就唔會整污糟入邊嘅地方，入去裏面亦都要消毒洗手，同埋佢有一張紙，寫明Cafe裏面嘅規則。未到12點半，坐位已經坐滿左三分之二。今日試咗香茅豬肉眼扒，配黑松露燒汁，飲品方面，叫左紫薯紅豆拿鐵。香茂豬肉眼扒，份量比想像中大塊，本來諗住佢啲肉好‘鞋’，點知又唔會，食落仲好juicy，肉質仲好腍嫰。本來亦都諗住香茂同黑松露燒汁會品夾。但食落又OK，兩者嘅味道又唔會蓋過大家。配菜方面揀咗薯角，薯角既份量都好多，已且係新鮮炸起來，夠哂熱辣辣。紫薯紅豆拿鐵，佢嘅味道唔會太甜，紅豆嘅份量適中，紅豆唔會好硬，食落好有口感，飲嘅時候好香紫薯拿鐵味。有朋友見咗挪威煙三文魚班尼迪拼盤，飲蘋果荔枝紅茶。挪威煙三文魚班尼迪拼盤，單單睇個樣已經覺得非常吸睛。麵包上有挪威煙三文魚，煙三文魚上有水波蛋，水波蛋上有香濃嘅芝士。未食之前都諗咗一陣應該要點樣食，最後用刀切開，水波蛋

第5次黎啦 黎過咁多次 對我來說回頭率係好高 因為黎呢到同貓貓玩都會令我心情放鬆而且而家有埋app可以攞左位先 以後更加會多黎一入黎就有貓貓企係門口等緊人黎啦😆整間餐廳衛生度高 每位客人入來前都要著鞋套 同用消毒水消毒雙手 以防把街外既細菌帶入餐廳影響貓貓身體貓貓數量較多而且每隻都好親人可愛 客人們都忍唔住不停摸摸佢地同佢地玩貓棒 影相 有d就訓緊晏教 得意既訓教樣都會吸引客人影一餐由於假日客人數量比較多 故此上餐速度較慢 等了廿幾分鐘之後試過平時夜晚黎 10分鐘就上菜啦雖然候餐時間較耐 但等候期間 要集郵咁多隻貓貓既相 玩得開心時間都不知不覺間點左蟹籽炸軟殼蟹墨魚汁扁意粉墨魚汁好香再配上香炸既軟殼蟹呢個組合 如果叫多碟我都會食得落 非常好味 雖然見到隔離台點左漢堡包薯條都好吸引 但我相信呢個意粉更好食食食下 突然間有隻貓貓突跳上我大腿坐然後訓教我都唔敢郁大動作 慢慢食埋剩餘既意粉哄貓貓訓教摸下佢 毛好滑好乾淨 可以餐廳都有打理貓貓其他貓貓都有不斷跳上我台走黎走去 摸下佢地望下佢地可愛既神情 好快過左兩個鐘就要埋單啦心情開心返好多 下次再黎同貓貓玩

畀面口客人睇嘅店員，係都要行客人後面aisle之後話咩「eh小姐我唔知係咪我肥啦可唔可以借借」。咁你又可唔可以行返你頭先一直都咁行正常送餐條路？我褪後啲（完全係正常坐嘅空間）等貓仔可以有啲位唔好咁焗遮住曬喺檯底咋喎。之後第一次同貓仔玩問店員點抱貓，係好有禮貌咁，個店員閃過嫌麻煩嘅樣話我大腿上嘅貓唔夠溫馴等有乖啲嗰隻過黎先。過黎後問佢啦，今次嫌麻煩嘅樣仲明顯，之後無好氣咁講咗兩句就走開咗。另外有time limit，同埋嗰次係會提早15分鐘左右就要你走入黎前無講過。

屋企唔俾養貓，唯有出去吸貓啦。以前去過2間貓cafe，啲主人都唔多受溝😂，野食又好一般，衰啲講句同我自己係屋企煮冇咩分別，搞到我對貓cafe好失望。有日朋友話佢去過呢間cafe 覺得好正，話帶我來見識下，真係好治癒！入門口之前有部機要套鞋套，加上有酒精消毒機一定要客人消毒左對手先入得去，即時令我覺得佢地好用心經營。淨係論感覺都feel到佢地係幾咁努力幫主人們keep住個環境衛生，係值得一讚。我地2個人去，有預先book位。個日下午陽光明媚，我地坐窗邊最角落張台，一入到去已經有5-6隻主人等緊我地去吸。🤤用餐時間90分鐘，但啲主人真係好嗲好痴身，坐到落椅佢地都唔會即刻四散晒，仲有隻訓得好林，得意到癲，我地搞左好耐先落到餐😂。叫左個2人套餐，頭盤有餐湯同沙津。是日餐湯係南瓜湯，夠熱夠濃。沙津都幾大碗，夠涼，唔錯。主菜叫左 西班牙黑毛豬肋骨 配薯菜 + 溫泉蛋煙肉野菌 配黃金卡邦尼扁意粉。個ribs佢煮到好淋，好容易入口，一人一舊份量剛剛好；薯菜都俾左好多我地。主人們都好似幾鐘意啲ribs，不斷走上台想食埋一份😂。卡邦尼意粉都好夠飽，醬汁唔會話太少同乾。套餐有埋野飲，但天口熱我地補差價叫左2