URBAN Cafe (彌敦道)

營業中

休息中

以前去過啲貓狗cafe，通常啲嘢食都麻麻地，去到飲杯嘢最低消費就算不過今次呢間Cafe令我喜出望外，食物出乎意料地好味，咖啡都好出色，絕對唔係hea呢間Cafe係朋友搵嘅，因為佢鍾意貓咪🐱未入去cafe之前就要先著鞋套，用埋消毒洗手液，確保衛生！初四午市1:30入去已經全場爆滿，好在有訂枱，一入到去已經見到好多隻貓咪分佈喺各枱面好興奮，有唔同品種顏色嘅貓咪，好可愛！食物方面，我哋一行三人點左個二人餐再加pizza，野飲就試嗌左coffee、hazelnut latte同hot chocolate，☕️咖啡香滑，但熱飲用膠杯好似冇咁好，不過相信係怕貓咪打爛😹二人餐包餐湯沙律🥗，主食揀左豬肋骨配薯菜同埋溫泉蛋卡邦尼意粉🍝，兩款都好好味！豬肋骨入味鬆化，容易骨肉分離，薯角香口！意粉汁煮得岩岩好，唔好過濃過膩，仲係用扁意粉，我鍾意❤️另外加嘅Pizza就相對比較失色，不過不失食緊嘅途中貓咪都會不停跳上餐枱，所以大家都要好小心，驚佢哋整跌啲嘢食😹所以食飽就好快收碟，專心同貓咪玩🤣不過佢限時90分鐘，下次再嚟過！

< Urban Cafe >小編想去貓貓Cafe好耐，終於比我搵到一間評價唔錯，食物又好食嘅！小編去完都覺得好正啊！🥰🥰超多貓貓，而且貓貓好痴人㗎～佢地會坐係你大髀度瞓覺添😍😍😍！- 二人套餐 $268 -由於呢度有minimum charge$100，所以通常都會叫二人套餐😁- 是日餐湯 -當日嘅餐湯係南瓜湯，好足料好香甜，如果湯熱啲會更好！————————————————- 是日沙律🥗 -佢嘅沙律係配上醋同埋橄欖油～正正常常啦😀————————————————- 滋味2人小食拼盤 +$28 -小食拼盤包括薯角、炸雞同腸仔😊薯角炸得香脆可口，炸雞亦都好嫩滑～ 加$28都幾抵！- 溫泉蛋野菌煙肉配黃金卡邦尼扁意粉 -呢個卡邦尼意粉網上好多人都話好好食～小編覺得都幾唔錯！😄好Creamy好多汁，好香！扁意粉亦都好有咬口，煮得啱啱好😇- 安格斯牛肉手工竹炭漢堡配薯角 -竹炭漢堡包好得意😎個包外脆內軟！餡料就正常啦唔係話特別好好食～但係都唔錯嘅😀- 特濃朱古力奶茶 +$20 -朱古力味較濃所以唔係好飲得出奶茶既味道🤣————————————————- Oreo 脆脆特濃朱古力

老老實實，好多人聽到旺角樓上cafe第一印象都會覺得人好多，價錢正正常常。但呢到既係除左人，仲有好多貓s。卡比今次食咗旺角最多人推薦嘅二人餐(基本價$268)，包括咗是日餐湯兩碗、兩份新鮮沙律、兩份主菜同埋兩杯$38飲品。🔻二人餐 💰268🔷南瓜忌廉湯小編真係無唸過佢地嘅南瓜湯可以做得咁正，點解咁講？因為真係超級濃郁南瓜同忌廉味超，如果你地細心品嚐就可以發覺有一絲香草味。🔷滋味2人小食拼盤  💰額外+$28  呢個如果你地嗌二人餐就要加28蚊，呢個滋味小食拼盤有法蘭克福腸、炸雞塊同埋薯角。佢地個炸雞值得一試，薯角都好鬼出色不得了。🔷日式青蟹籽大蜆芥末忌廉扁意粉      芥末味比想像中重口味，廚師識啲嘢蜆帶殼一齊煮，所以每一條扁意粉都有蜆既鮮味。 🔷西班牙黑毛豬助骨配意大利麵意大利麵好出色，雖然賣相好清啖但充滿蒜香同埋橄欖油，而且意粉好有咬口。豬肋骨同Ruby Tuesday味道真係好似，肉質都相當鬆化。🔷蘋果醋荔枝伯爵茶 💰額外+$20大家如果想fresh下自己口腔，都建議大家嗌呢個但比較偏酸。.🔷抹茶拿鐵呢杯真係超班之作但小編覺得拿鐵再濃郁啲會滿分。

小朋友最開心就係放假，假期開始了，為食既我 梗係同佢去食嘢，我哋去urban cafe食個lunch。佢哋嘅午市套餐唔係好貴，大約六七十蚊，包飲品同沙律。叫咗囡囡鍾意嘅肉眼扒，而我自己就鍾意食沙律，所以叫咗溫泉蛋秋葵沙律。是日餐湯係南瓜湯，我鍾意佢南瓜香甜，夠濃郁creamy。肉眼扒份量好多，足足有兩大塊，肉味幾香濃。我好鍾意個沙律，有車厘茄，粟米粒，秋葵同車厘茄，夠曬健康。飲品方面，我哋補錢叫咗水蜜桃沙冰，同埋洛神花紅莓花茶，花茶粉紅色，入面有啲花瓣飄揚，好浪漫。最後食咗個甜品芭菲杯，面頭有一個曲奇雪糕球，下層有忌廉同埋穀物脆脆。食飽飽，我哋就去餵貓貓，小朋友好中意✨❤️。

旺角樓上cafe,其中一大特點就係勁多可愛既貓貓😍😍😍一黎到餐廳，首先要著鞋套，再用酒精消毒雙手，確保貓咪🐱健康👍呢度除咗有貓咪陪你晚餐之外，其實啲野食都唔錯架！而且價錢相對實惠，而且份量十足，味道都唔錯！2人套餐$268有餐湯同沙律🥗忌廉蘑菇煙肉湯，好多料，而且味道濃郁沙律菜新鮮爽口，好fresh西班牙黑毛豬肋骨配意大利麵意粉彈牙，食落去淡淡蒜香味，好開胃！豬肋骨好大塊而且煮得好腍好入味即磨芝士黑松露野菌大啡菇忌廉意大利飯飯粒粒好有嚼口，淡淡的黑松露野菌味配上少少芝士，幾香，而且味道徧淡，適合健康人士滋味二人小食拼盤（+$28）有法蘭克福腸，唐陽雞塊，薯角雪山心太軟（抹茶味）（+$25）一切開，抺茶流心流晒出黎，超正！配埋曲奇味雪糕，一熱一凍口感豐富！不過略嫌甜咗少少

今晚想搵間有啲特色嘅cafe，於是就嚟咗揾貓貓！呢度啲嘢食都唔差，選擇都算幾多，價錢算合理。呢度啲貓貓好為食，要防止佢哋偷食！佢哋唔可以食我哋啲食物㗎！一開始先叫咗個煙三文魚沙律，份量都唔少，蔬菜幾新鮮，個沙律汁比較酸。我哋叫咗杯飲品，係酸酸甜甜嘅雜莓綠茶。主席要咗個酥炸芝士魷魚筒配墨魚汁扁意粉！呢個超好味！魷魚筒入面塞滿晒芝士另外要多個牛扒，牛扒都幾大件，不過肉質就唔係好淋。伴碟嘅薯角幾好味最後仲叫埋甜品，要咗個心太軟，呢個要等一陣先有得食，味道都唔錯，朱古力味幾濃！食飽可以同貓貓玩一陣，不過要注意同貓貓玩嘅守則！

星期六想早啲食，又想有啲特別嘅，朋友就建議黎呢度食啦。一開門就入黎，場面都幾震撼，知道有貓，但無諗過多到咁。意外地無乜貓味，空氣幾好。儘量影得幾多得幾多，仲有近窗邊仲有幾隻。店內貓貓可以周圍走，想坐邊就邊。我哋見有枱客張台上面有成3隻貓同佢食飯，客人都幾就住食。懶得諗食咩，就咁叫二人餐就算，價錢又唔算貴。先係每人一碗沙律同湯，沙律正常，湯係好濃嘅南瓜湯，都幾好飲。溫泉蛋煙肉野菌配黃金卡邦尼扁意粉，溫泉蛋整得剛好，汁都夠嘅，味道都夠。配料都夠，菌類入味，意粉煮得剛好。西班牙黑毛豬肋骨，煎得剛剛好，幾夠味。由於一心諗住上黎見貓貓，食物有啲意外地好食，即刻係bonus。

野食真心五錯！lunch set 的野幾吸引，飽肚，賣相好令！環境方面，一入到店前就見多好多貓貓，的確好吸引，但就五系好見到有被貓貓玩的設施，食食下仲有貓貓打交，打到luk毛，感覺E度有D扣分位。貓貓有D好爹，有D好高鬥，吸貓體質亦因人而異，如果隔離有人餵零食，會走過離玩的貓貓都會少好多，有種五餵零食就玩五到貓貓ge 感覺... ((望到其他人可以抱住貓貓系個肚到訓真系好jealous 😭😭😭)) 但一次過見到五同品種的貓貓，野食又好味，整體都覺得抵玩ge!!💕

其實呢間都嚟過幾次㗎喇之前食過意大利粉覺得幾好食梗係要繼續支持啦💕燒紐西蘭牛肉眼扒Wow 好大塊牛 食落一啲都唔鞋好易切牛味唔係話非常非常重不過就好juicy！好食川辣麻辣雞扒塊扒又係 厚到癲咗食落味道好特別 係一早醃咗啲麻辣味估你唔倒喎五十幾蚊有咁嘅質素都有嘅！仲要佢set lunch包埋沙律同野飲 真係好抵食啲 waitress個個年輕貌美好take care啲貓貓 一見倒貓貓聞下啲湯啲野食就會立即阻止 真正愛貓表現而且好乾淨隻隻都肥肥白白嚟呢度食野真係好治癒呀💕💕💕

朋友多次推薦呢間Urban cafe, 話唔似一般cafe, 所以嚟試下睇有幾唔一般🤪Urban cafe行簡約風，環境乾淨企理，坐得都幾舒服😌平日晚市時間都好多人嚟食，好彩有訂定位✌🏻叫左個二人餐，加配左小食拼盤同心太軟以安慰一個吃貨勞累左一日嘅身心餐湯同沙律最先送到，原本以為係二揀一，點知係兩樣都有飲緊湯果陣小食拼盤都到埋，雞塊應該係啱啱炸起，juicy又入味，勁快俾我哋清曬😂個burger一睇就知好足料，友人表示塊牛好厚好好食😂一啲都唔會乾硬，仲要係手工整嘅，誠意十足！我自己就叫左Carbonara, 勁creamy🤤🤤紫薯黑糖拿鐵☕️有啲紫薯粒粒，配埋黑糖又幾好飲喎，唔會太甜最尾再食埋個甜品，大滿足

旺角嘅樓上cafe有好多，但係未必間間都好食，值得推介～今次我嚟到食嘅呢間Urban Cafe 食物環境各方面都幾好，晚市時間人來人往，迫滿門口，如果無book枱，都要等一陣先入得！先order咗個小食，水牛城雞翼，雞翼好大隻，啖啖肉，唔會太辣，醬汁好惹味，yummy!主食係芝士釀魷魚筒配墨汁意粉，魷魚筒炸得酥脆，芝士creamy但又唔會’溜‘～～雖然墨汁意粉食到個口黑晒，但好香，扁意粉彈牙～另一主食，豬鞍扒配檸檬蘋果醬，我揀咗薯菜，豬扒煎香，肉質都okay,配上酸酸甜甜嘅醬，配搭清新～飲品，蘋果醋荔枝伯爵茶，唔會太甜，香濃茶味，又有酸甜嘅果醋～朋友飲嘅Oreo脆脆特濃朱古力，睇名都覺正，朱古力控favorite!

食物水準唔錯, 鴨胸肉炒意粉足料亦夠味, 沙律醬汁清新, 雖然檸檬茶味比較淡, 但整體ok, 價錢亦算好合理。入去之前要着鞋套, 雙手亦要消毒, 可見店主非常痛錫d貓。貓咪們見慣世面, 即使座無虛席, 依然跳上跳落, 穿梭枱面嘅食物陣, 冇所謂喇, 佢地咁得意😄 但坐我隔離枱個女仔好不幸, 杯朱古力飲料俾貓貓撞低咗, 成杯倒晒落佢件冷外套同條裙度, 我即刻遞紙巾同濕紙巾俾佢, 但災情嚴重, 佢件冷外套濕透, 闖禍嘅貓貓就跳咗去我地張枱。侍應即刻拎咗d餐紙過嚟, 而坐响附近張枱, 應該係店主嘅長髮女子, 不斷叫個侍應睇吓貓貓有冇被整濕, 見耳仔果度少少濕咗, 好緊張不停叫侍應幫貓貓抹, 但侍應見受害少女果邊洪水依然好勁, 走去攞多d餐紙救災, 呢位店主就一直不停催佢幫貓貓抹, 侍應抹果陣, 慌亂中又撞低咗我地杯檸茶, 朋友部手機又中招!🙈 由頭到尾, 店主只着緊隻貓, 完全冇理過受害嘅客人😕貓貓好活潑, 相信冇人會怪佢, 但店主嘅表現令人失望, 對貓咪同對客人嘅關心, 落差實在太大, 我第一時間諗到 "怪獸家長"。

第一次去貓貓🐱Cafe，本來自己都有少少怕貓，男朋友就都鍾意玩🐱，所以最後都係黎左試下。但最後整體感覺非常好，走個時已經同男朋友講定話會想再黎過！😍叫左2人dinner set，估唔到都幾大份，又好味道，性價比高，另外加錢叫左杯朱古力都幾好飲😋一路食就一路玩🐱，全部都好乖，又唔怕人，佢地好似明星🐱咁，個個都爭住影相。唯一可以改善既地方就係張枱偏細，食物好快到哂但又無足夠位置去放，就有D論盡同迫。但都會再黎😝

呢幾個月工作都好忙，過咗peak season 終於可以約下朋友食下飯、吹下水。今次揀咗間喺旺角鬧市嘅cafe，重點餐廳係黃店，之後都要繼續嚟多次去support佢地！強制推薦食佢地嘅二人餐～有沙律、餐湯、兩款主食、兩杯野飲，我地仲加錢點埋個小食併盤同甜品，真係好夠！小食併盤其實幾豐富，除咗有一向嘅薯角、香腸、仲有即炸嘅炸雞塊，作為小食都好滿足。兩款主食分係點了：安格斯牛肉手工竹炭漢堡、溫泉蛋煙肉卡邦尼意粉。超厚身嘅牛肉好juicy好白，配上芝士蕃茄夠哂fresh! 勁Creamy嘅卡邦尼撈埋流心溫泉蛋，食落咁heavy感覺好邪惡，唯有搵朋友一齊share就剛剛好了！特別推薦呢到嘅blueberry cheesecake! 細細件作為最後ending的甜品份量反而剛剛好！

難得放假，梗係去啲坐得舒服、嘢食又好味嘅餐廳休息下啦，居然比我搵到間咁高質嘅樓上cafe🍵依度有好多特別嘉賓🐈🐱同你一齊食嘢，食都食得零舍開心🦦重點係食物超超超超超抵食，仲要冇加一！依家香港地居然有啲咁抵食嘅餐廳！仲要咁高質！😛叫咗七樣嘢食埋單都只係三百幾蚊OMG🤯1.雙層朱古力蜜糖吐司配精選是日雪糕。真係好邪惡，好濃厚嘅朱古力同蜜糖，配埋雪糕食，係天堂感受😍2.日式鹽燒鯖魚牛乾野菌燒汁。鯖魚好香，配埋惹菌燒汁味道一流！3.蒜香豬仔脾紅酒燒汁配意粉。豬仔髀整到好入味，意粉彈牙😙4.挪威煙三文魚鮮果意大利黑醋田園野菜沙律。5.夏威夷拉絲水牛芝士手工Pizza。真.handmade! 上邊鋪滿左濃濃既嘅芝士，食落去可以拉絲，好正啊😍6.紫薯拿鐵。紫薯配latte，味道居然咁夾，好香好濃嘅紫薯味7.焦糖咖啡焦糖咖啡唔會太甜，好味有提神