URBAN Cafe (彌敦道)

營業中

休息中

我自己都係一個專業貓奴 服侍主子十數年 主子年事已高先行離我而去 雖然再無勇氣再養 但偶然都會想吸下貓有朋友推薦呢間餐廳話啲野食有水準而且貓貓S都好可愛 今日放工無咩做就自己一個走左上去叉叉電先講前菜 前菜我叫左個黑松露芝士薯角薯角炸完仲好乾身 食落熱辣辣 而且一點油膩感都無 而個黑松露醬十分濃厚 緊緊咁粘係薯角上面作為第一個菜真係有好好嘅印象第二道係辣肉腸pizza呢個pizza除左個辣肉腸岀色之外 更令我難忘嘅係佢啲芝士 溶化左嘅芝士真係令人一食就停唔到 而且你食得岀佢地用左幾款芝士 而最為突岀嘅就係車打芝士嘅香同水牛芝士嘅滑呢另外一樣好重要嘅係呢到有幾十位唔同嘅貓店長係鋪頭到走黎走去 佢地心情好果時仲會同你玩 作為貓奴真係睇到佢地都開心~~~~~~~~~~~~~~~~~~~~~~~~~~~~~~晚上呢真係係好熱鬧 如果想好好吸貓下就去都係一個唔錯嘅選擇 等我下次晏晝去再好好吸過

經朋友介紹上去，食物唔錯有驚喜職員有禮，一上到去就安排到座位叫左個黑松露意大利飯，芝士味濃稠，同黑松露算係唔錯既配搭。另外叫左檸檬雞胸配意粉，個汁清甜開胃，不足之處係個雞胸比較鞋，但意大利粉蒜香味唔錯。叫左草莓花茶，聞落好香，但入口味道唔夠香濃。最後甜品心太軟，都唔錯。不過餐廳真係比較多人，坐得唔算舒適～但有進步既空間

店員態度差 黑口黑面 完全冇服務可言但要收服務費 真係好諷刺 上到去得返三兩隻貓 到底呢度係咪貓貓cafe就算我上去唔係為咗睇貓係食嘢 店員啲面色同做嘅行為都十分趕客 未夠鐘嘢都未食完就係咁趕人走。仲當住客人面爆曬粗鬧啲貓貓，真係上嚟唔知為乜，以為去錯地方。另外9點後入座都冇按佢哋所講有8折優惠 而係收正價，總之十分唔抵。野食味道唔差係細粉咗啲，但配合埋啲咁差嘅用餐體驗幾好食都冇用，黃店做到咁真係會做臭黃色經濟圈個名。唔知咁惡劣嘅情況會唔會得到改善呢？

旺角樓上cafe質素參差，每次去試一間新嘅都係一場賭博🤣今次去嘅呢間urban café令我喜出望外，食物質素好，服務亦都好，仲好有樂趣添！.呢到嘅食物種類比起一般嘅樓上cafe多，除左有意粉、小食、飲品外，都會有漢堡、牛扒、豬肋骨呢啲較復雜嘅西餐菜式，黎到一定會搵到啱自己口味嘅食物。我同兩位朋友一齊去食晚餐，叫左一個二人套餐(包餐湯、沙律、兩個主食同兩杯飲品，仲可以加$28加小食拼盤)、一杯散叫飲品同一個小食，食物份量都算多，所以我地都夠飽。.套餐餐湯係南瓜湯，味道濃郁而且有南瓜蓉係入面，飲得出唔係就咁開粉嘅湯，鍾意南瓜嘅我十分滿意呢個湯！沙律有菠蘿、車厘茄同沙律菜係入面，加左少少醋調味，味道酸酸地幾開胃。我地加配左個小食拼盤，入面有薯角、腸仔同炸雞，食落香口唔油膩，三個人食份量啱啱好，過下口癮又唔會太熱氣！主食方面我地叫左意式辣肉腸拉絲水牛芝士手工薄餅同即磨芝士黑松露野菌大啡菇忌廉意大利飯。手工pizza調味唔錯，而且水牛芝士夠多，真係做到拉絲效果，如果多少少辣肉腸片就更加好味😋意大利飯值得大讚，好耐無食過咁高質嘅意大利飯！飯煮得好creamy好入味，硬度適中，咬落去有少少煙韌，唔

放假男朋友約了一起在旺角睇戲睇完後在網上找到了這一間良知餐廳 — URBAN cafe當然要來支持一下安格斯牛肉手工竹炭漢堡配薯角牛肉醃得入味 配上蕃茄、蔬菜和芝士等厚厚一個 份量十足 多種滋味還伴有沙律和薯角沙律新鮮配上芝麻醬 味道很搭薯角外層炸得脆脆的 內裡軟綿 點上茄汁 正 酥炸芝士釀魷魚筒配東瀛蟹籽墨魚汁扁意粉原塊大塊魚外層炸得酥香釀入滿滿拉絲芝士 好邪惡扁意粉沾滿墨魚 灑上滿滿蟹籽 口感豐富還加入了蜆肉和墨魚絲 濃濃鮮味 不錯不錯柑橘蘭香子梳打加入了檸檬、香橙、青檸的梳打味道酸酸甜甜再配合上蘭香子的口感 好特別 開胃又好飲好喜歡的關係 喝完又再點了一杯 推薦雪山心太軟選擇了朱古力味 另外有抹茶味可選流心朱古力心太軟濃濃朱古力香 入口細滑還伴有忌廉和曲奇雪糕 豐富又好味

旺角有好多樓上cafe, 但未必一定間間都好食. 今次推介呢間上樓Urban Cafe, 有特色得來食物又好食.主菜叫了 ($112)🤤 ~ 大大隻脆魷魚裡面釀滿了好香芝士. 墨汁意粉好creamy好彈牙. ($82)🤤 ~ 脆脆又大塊的吉列魚柳好味, 竹炭漢堡食落口感特別, 薯角份量多. ($58)🤤 ~ 一客5隻, 雞翼上枱時依然保持又熱又脆好香口Menu內亦有很多款飲品可選擇. 這次點了 ($55)🤤 ~ 好香紫薯味, 飲落還有紫薯粒的口感呢😎 ❤店舖 : 💙地址 : 旺角彌敦道566-568A號僑建大厦2樓

上黎之前唔知原來有咁多隻貓，上到黎非常驚喜，超級多貓周圍走，好開心好治癒。仲見到有好多關於黃絲POSTER，推爆佢！！叫左個二人套餐：首先有兩個餐湯係南瓜濃湯，我本身唔太好食南瓜，但呢個南瓜湯非常好飲，濃郁有質感，相信係用左唔少南瓜去煮成。 10/10溫泉蛋卡邦尼意粉味道夠濃唔錯，夠CREAMY，每啖都食到好香既蘑菇香味。8/10小食拼盤有炸雞，炸香腸，炸薯角。炸香腸有驚喜，幾好食。最正既都係炸雞，外脆內嫩又唔油膩。9/10 辣肉腸水牛芝士PIZZA香濃芝士味，餅身少少脆脆地唔會乾，蕃茄醬份量都剛好，味道都係唔錯的。9/10最後仲加多左個心太軟配曲奇雪糕10/10

性價比高，值得一去叫了二人套餐頭盤係南瓜湯及沙律南瓜湯好濃，但略嫌唔夠熱加$28 有小食拼盤！不錯！主菜可揀兩款，叫了一個意大利飯及pizzaPizza較普通，意大利飯很好吃👍🏻環境方面，勁多貓。在店面起碼有20隻貓好活躍，唔會避開人雖然多貓，但環境好乾淨無異味店員打理得好好！

好適合貓奴去嘅餐廳！可惜唔適合極度注重衛生嘅朋友！雖然進入餐廳之前要戴上鞋套，感覺衛生唔怕整污糟啲貓貓要踩嘅地板，值得一讚，但係貓貓數量太多，佢哋嘅毛毛飄來飄去，應該有唔少跌咗落飲品、食物度。食物質素都唔錯，尤其是黑松露拉絲芝士薯角$58，充滿黑松露嘅味道，薯角夠香脆，連貓仔都跳上枱想食薯角。Oreo脆脆特濃朱古力$55同紫薯拿鐵$55味道唔差，唔係好食得出啲Oreo脆脆。軟殼蟹墨汁意粉賣相好吸引誘人，味道層次豐富，不過又係唔知食咗幾多貓毛落肚。呢度坐得比較迫，環境比較嘈吵，貓貓好痴人好嗲，佢哋有時會突然間跳上枱度撩我哋玩，有幾隻會坐喺大腿度訓。相信下次我都會再嚟，因為呢度有我最愛嘅異國短毛貓！

慶祝情人節，男友諗好食乜帶我去。神神秘秘，話有得食，又有得玩嘅。原來係一間貓貓cafe，好多貓貓好得意🥰。我地點左個二人餐，唔洗煩。都幾抵，一般餐廳餐湯同沙律只能二選一，呢度有齊。餐湯係南瓜湯，好濃郁南瓜味，而且勁多南瓜絲，用料十足。沙律酸酸味味好開胃。我地加左$28要個滋味2人小食拼盤，有腸，薯角，同唐揚炸雞。見到原價小食拼盤有雞翼，呢個無，試唔到，有啲可惜。呢個小食拼盤本身無乜期望，但估唔到唐揚炸雞又做得幾好，唔乾唔鞋仲有少少juicy。主食點左辣肉腸水牛芝士薄餅，質素ok，但餅底幾厚，好飽肚，岩大胃王😂。另一個去係黑松露野菌大啡菇意大利飯，估唔到呢度個意大利飯又做得幾好，同高級餐廳有得比，飯嘅質感做到生生地，黑松露味濃，菇菌也不少。另外又加$25要個甜品雪山心太軟，又做得幾出色喎，心太軟夠熱夠軟！飲品方面，同男友不約而同地選擇左蘋果醋飲品🤭，一杯係蘋果醋薄荷梳打，另一杯係蘋果醋荔枝伯爵茶，都幾fresh幾清新。溫馨提示：我想要杯水，原來要收$8一杯，都係外賣杯裝的。呢度食野咁抵，$8 ok啦！

點解話呢到係打卡熱點？上到去你就知點解我地點左個二人餐沙律🥗南瓜忌廉湯首先個湯都幾唔錯好多南瓜蓉應該係自家出品小食拼盤 +$28小食拼盤有薯角幾片法蘭克福腸同埋三件炸雞件炸雞件係日式個d，幾香口薯角份量超多凈係食個小食拼盤都已經飽左三成安格斯牛肉手工竹炭漢堡配薯角主菜安格斯漢堡好大個本身已經有薯角同沙律跟碟所以我地今餐食左兩個薯仔都有漢堡配料有番茄，生菜，芝士，幾新鮮漢堡扒都好juicy，有水準。日式青蟹子大蜆芥末忌廉扁意粉另一主菜大蜆扁意粉煮得岩岩好個汁亦都好creamy絕對唔係就咁加d汁上去就算上面加左好多脆卜卜既wasabi飛魚子雖然係咁但係其實食落無特別味道怕辣既朋友都可以叫呢飲品方面我地揀左紫薯拿鐵同埋house blend咖啡紫薯拿鐵個色好吸引飲落紫薯蓉都唔少House blend咖啡香得黎唔苦兩款都幾好飲食好野點可以無甜品呢所以我地仲加左一份抹茶心太軟個蛋糕好多流心醬呢而雪糕係好多cookies既cookies and cream食落味道好豐富呢度又有好野食又有影靚相一定會再黎呢不過大家記得book位因為夜晚真係超級full

今晚去了一間好耐之前都來過旺角樓上cafe.因為以前女朋友十分之愛貓貓。亦因爲好多愛貓人士都會曾經去過這間。舊地重遊是因為接近情人節。令本人想起以前的事和物。白酒煮紐西蘭青口。紐西蘭青口出名鮮甜美味。配上蔥花加椒粒。美觀可口。再配上白酒輕輕帶出青口的鮮甜。美國T骨牛排$138。薯角的數量真頗多。T骨牛排煮得剛洽好。牛排味更香濃烈。加上特式醬汁更顯得獨特可口。心太軟。心太軟的配搭加上了鮮忌廉。再搭配曲奇的雪榚。令整晚有一個完美的結局。

一直見到啲fd po啲貓貓就一直都好想泥呢度，今次終於有機會。貓cafe以呢個價錢，又有得俾貓玩，又有得食野同飲野，可以叫超值。 入餐廳之前就要著鞋套，應該係保護返貓貓。今次好好彩坐正個貓岀口隔離，見到好多貓。呢度貓既品種都好多，暹羅貓英短長毛貓都有，全部都好可愛🥰不過我吸貓吸到腳上一隻，枱面一隻，無位食飯😂😂講返食物質素，今次叫左個肉醬意粉，不過不失，應有既都有，好多肉碎，意粉既質地軟左少少，不過以呢個價錢可以接受。然後嗌左杯梳打，顏色幾靚，不過就係糖水架梳打水，無特別。不過朋友嗌左杯榛子咖啡就話幾好飲。

早幾日同老公去朋友屋企拜完年，順便去咗旺角行下🦵揀咗呢間Cafe食飯，叫咗個二人餐，小食拼盤同沙律，食物質素唔錯！套餐（$268）=餐湯+沙律+主菜x2📍西班牙黑毛豬肋骨🍖，超大塊，肉質夠軟，面頭BBQ醬汁酸酸甜甜好似初戀💕💘配菜薯角好好味，好熱好脆！😋😋📍三重芝士肉醬意大利麵🍝，面質剛好，有咬口，肉醬落得好大方，調味恰到好處，芝士香濃🧀🍝🧀🍝最喜歡夠多肉碎😋😋😋📍滋味二人小食拼盤（跟套餐+$28），好豐富，超多脆卜卜薯角🍟🤤炸雞外皮酥脆雞肉嫩滑同埋幾大舊，有水準👍🏻👍🏻👍🏻🐓🐓🐓📍煙三文魚芝士黑醋沙律🥗（$68），沙律菜新鮮爽脆，芝士粒鹹香，黑醋開胃🤤🤤💘最正係超多三文魚🤩🐟🐟🐟🐟

今晚帶媽咪去旺角，就想帶佢去試一間特別小小嘅Cafe。呢間我之前都已經去過，覺得感覺唔錯，就想再去試多次。好彩前一晚預約定，如果唔係都可能會摸門釘。今次我決定唔叫二人套餐，而單叫Menu上面嘅嘢食。前菜方面，我叫咗一個白酒煮青口，佢加咗啲紅椒同蒜蓉好惹味，而且仲試到淡淡的酒味，每人都有四至五隻食，份量啱啱好，食完之後好開胃。主菜方面，我幫媽咪叫咗一個T骨扒意粉，個份量好大塊，而且煎得七成熟啱啱好。隔離枱個男仔見到都話好大份，睇落好吸引，好Juicy，媽咪都清得7788。而我自己就唔想啖啖肉，所以就要忌廉意大利飯。佢煮得creamy，不過略嫌軟身左少少，加埋芝士食得多會有啲滯。所以我就叫咗一壺花茶用嚟解解滯。我叫左呢一壺玫瑰普洱花茶，消滯得來仲有少少玫瑰嘅清香，飲完之後又可以繼續食。而且想另外要讚下服務員態度好好，我地都未出聲就主動提出話使唔使比兩個碗仔我哋。而且好友善笑笑口。總括來講，我哋兩個人埋單先食咗三百幾蚊。平均每人百幾都算好抵食。而且早啲買單仲有八折優惠，下次我都會再帶其他朋友嚟試多次。