Trois Cafe (已結業)

呢間餐廳以香港特色屋村做主題 門口有個好大嘅圓圈玻璃 以粉紅色嘅外牆做吸引主題 可以透視到外面嘅環境 餐廳裏面嘅打卡位亦都好多 啱晒少女心嘅大家😍除此之外 佢哋食物質素都非常之高 我哋叫咗一個卡邦尼意粉同忌廉蘑菇黑松露扁意粉 有驚喜！！忌廉蘑菇黑松露扁意粉好好食 配搭埋風乾火腿 雖然薄薄的一片 但係佢哋嘅鹹香 同黑松露貶意粉非常之夾 黑松露味非常之突出 一上枱就聞到滿滿嘅香味 未食已經流晒口水 蘑菇好軟淋 再配搭埋忌廉汁 滿滿嘅忌廉汁掛晒落意粉度 每啖都非常之好食😋卡邦尼意粉雖然冇太多嘅配料 但係煙肉嘅鹹香配埋卡邦尼汁 真係好豐富入味！！一定會再回訪！

今日同朋友放假諗住出嚟放鬆吓 就去咗一間位於灣仔嘅<trios cafe> 佢哋嘅食物性價比好高 環境好靚 俾佢個餐廳外觀吸引咗 可以影好多靚相🤩Japanese Tonkatsu Sourdough with fries 吉列豬扒一上到枱 香噴噴嘅炸豬扒味即刻擁晒出嚟 呢個有驚喜！豬扒炸到熱辣辣 好香脆 皮薄肉厚 上面仲有啲沙律菜 令到個豬扒冇咁油膩 底層仲會有塊麵包 夾住豬扒一齊食味道都唔錯！最驚喜係嗰個番薯條🍟 番薯條好入味唔會太鹹 炸到脆卜卜挺身 好食過平時出邊薯條 再搭配埋蕃茄汁食 真係邪惡得來又好健康！呢一間餐廳嘅性價比好高 出邊嘅Cafe同呢間Cafe冇得比！有機會一定帶男朋友過泥試吓！

今日行去灣仔碼頭嘅時候咁啱行過見到呢間餐廳，見到咁多人影相打卡，忍唔住入去望吓。佢個門口有一個大嘅圓形玻璃，粉紅色嘅門面，好有少女心。咁我就入去食咗一個嘢食作為我今日嘅下午茶。我叫咗鰻魚牛油果，佢下面係一層厚多士，佢個鰻魚好大嚿，而且好厚身，上面係有牛油果既蛋沙律，成個感覺好有層次感，口感一流。另外仲加咗一個小食，素黑松露粉果，粉果個皮好煙韌，食落啖啖黑松露嘅香，濃郁嘅黑松露味不停係個口入邊徘徊。總括黎講兩樣嘢食都唔錯，希望下次可以返去再試吓其他嘢食。

粉紅湖水綠𝑇𝑟𝑜𝑖𝑠 @trois_cafe ◀︎ 𝗕𝘂𝗳𝗳𝗮𝗹𝗼 𝗖𝗵𝗶𝗰𝗸𝗲𝗻 𝗧𝗵𝗶𝗴𝗵 ▶ 𝟲𝟬𝗛𝗞𝗗水牛城辣雞鎚欣賞佢哋嘅雞鎚已經起晒肉唔使再輪骨咁麻煩 啖啖肉好滋味◀︎ 加州素肉扒配炸饅頭 ▶ 𝟲𝟬𝗛𝗞𝗗饅頭炸得好趣 但係素肉扒正正常常無乜嘢特別◀︎ 粉蒸肉狂想曲配炸饅頭 ▶ 𝟲𝟮𝗛𝗞𝗗中間係夾住咗東坡肉同埋糯米飯但係略嫌東坡肉有啲肥膩但味道不錯◀︎ 𝗧𝗿𝗼𝗶𝘀’ 𝗣𝗲𝘁𝗶𝘁𝗲 𝗕𝗮𝗼 ▶ 𝟳𝟬𝗛𝗞𝗗他的小籠包小籠包浸喺個蘑菇汁上面有淡淡嘅黑松露味咬落小籠包都好多汁◀︎ 𝗧𝗿𝘂𝗳𝗳𝗹𝗲 𝗠𝘂𝘀𝗵𝗿𝗼𝗼𝗺 𝗗𝘂𝗺𝗽𝗹𝗶𝗻𝗴 ▶ 𝟲𝟬𝗛𝗞𝗗素黑松露粉果雖然粉果有黑松露喺裏面將成個感覺昇華咗但係個味道同上面個小籠包有啲似◀︎ 𝗣𝘂𝗿𝗽𝗹𝗲 𝗬𝗮𝗺 𝗧𝗮𝗿𝗼 𝗥𝗼𝗹𝗹 𝗖𝗮𝗸𝗲 ▶ 𝟰𝟴 𝗛𝗞𝗗沖繩紫薯芋泥配無花果夾心蛋糕卷外貌同埋個碟都好靚海綿蛋糕好鬆軟 但係芋泥味唔算好濃📍Trois Cafe 灣仔告士打道181-185號中怡商業大廈地下2-3號舖#troiscafe #sharemyfoodin灣仔

上網見到人哋推介呢間灣仔嘅Cafe 裏面有個山楂果醬三文魚 聽個名已經知道好特別😍聞名不如見面！山楂果醬三文魚一開始以為山楂係甜嘅 點知因為要配合返呢個三文魚 所以就有啲酸酸甜甜並且辣辣地 好開胃！將蒜蓉多士配搭埋三文魚牛油果一齊食 口感好豐富 有層次感！加上佢呢一碟嘅份量非常之多 當正餐食都非常之滿足同飽肚😍忌廉蘑菇黑松露扁意粉 黑松露味好香 忌廉好足夠 淡淡忌廉嘅香味再配搭埋意粉 真係好夾 扁意粉好爽口彈牙 唔會好林 再加埋風乾火腿 一齊食好夾 一定要再encore啊！

最近幾鍾意呢間Cafe 所以決定介紹俾大家🙈今日放工同朋友一齊過去食個下午茶 傾吓計😍佢哋除咗可以堂食之外 亦都有啲曲奇、紙杯蛋糕可以買 佢哋嘅賣相十分之吸引 價錢亦都唔貴 好足料好香 一陣間臨走之前要買幾個返我哋叫咗一個意粉、一個雜菜同一個小食意粉我哋叫咗卡邦尼意粉 意粉好多汁惹味最令我驚喜係嗰個香烤雜菜 比我想像中更加好食 底層有蒜蓉多士 再配埋火箭菜一齊食 好健康清新！仲有嗰個好特色嘅素黑松露粉果 黑松露芬香撲鼻 一上碟就已經聞到佢嘅香 唔好睇佢細細一舊 賣相好精緻 而且味道10分豐富 黑松露味喺個口度齒頰留香 粉果嘅外皮唔算厚 食落真系100分！

中環名店係灣仔開分店爆紅。排左一陣隊。 店員會俾羽毛球mark 號碼？岩岩開個陣好爆，個次等左成個鐘都無位。今次有幸等到。叫左黑松露意粉，免費包埋湯同甜品。意粉好食，黑松露味好濃旭，意粉都算Al Dente。個餐湯超好飲。好多菇。基本上就咁已經好好好好飽。另外叫左個炸薯條。幾正。不過真係好飽。兩個人食都飽。cafe黎講算係好扺。不過，坐位唔多。如果約朋友黎建議book定位先。如果唔係都要等。本身想食埋包。聽講個黑松露包好好食。但係到最後太飽了。Cafe本身都多人打卡，如果黎食可能要坐角落，或者平日黎。星期六，日經過親都full house。下次會想試返佢地個包。唯一美中不足係地點有啲遠，要揾路都有點兒困難。

呢間文青cafe好耐之前已經聽過佢個名 咁岩同朋友喺銅鑼灣行街 行到攰 入去試吓呢間餐廳好唔好食🙈🐥水牛城辣雞鎚因為唔係好肚餓嘅關係 我哋喺呢間Cafe叫咗啲小食 然之後再坐一個下午茶嘅時光 同朋友傾吓計🙈呢個水牛城雞鎚 一份有六隻 每一隻都好大舊 好惹味😍雞鎚已經反咗骨 食落口好啖啖肉 水牛城係比較辣 我唔係太食得辣所以都辣左小小🙈 不過整體來講我都好滿意 因為雞鎚個味道真係唔錯！除此之外我哋仲叫左香烤雜菜 上面係烤雜菜，有火箭菜，最底係蒜蓉多士 同雞鎚形成對比 食完啲咁邪惡嘅嘢要食返啲菜 咁先可以平衡返🙈 啲雜菜好新鮮 食落口唔會好乾！

今日諗住放假 同朋友出去食下下午茶 上網見到呢間好吸引嘅Cafe 位於灣仔同銅鑼灣之間 一於去試吓佢先🙈佢哋嘅門口呈現粉紅色打卡位 可以喺門口影靚相📷東京熱 💰118(香煎三文魚，太陽蛋，牛油果，烤雜菜，蒜蓉多士配自家製果醬)佢呢個名非常特別 加上食物都非常之充足 一個女仔食係完全食唔晒🙈 而且食物嘅賣相都唔差香煎三文魚煎到啱啱好 唔會過熟 亦都唔會太鹹 調味啱啱好 三文魚都幾大塊 呢個價錢非常之抵食！牛油果足足有一隻 配埋蒜蓉多士食就啱啱好啦 太陽蛋有流心既效果 好正好豐富🙈呢間Cafe超級推薦大家去 除咗價錢唔貴之外 亦都可以同朋友享受一個休閒嘅放假時光😍

美美粉紅色 網紅cafe 去過幾次 仲遇到 欣宜☺️ 裝修靚 coffee 都好飲架 豆味香 入口好滑 好順口～ 唔係好濃味果種 👍🏻如果用za bank card 仲有買一送一 takeaway only ~

質素好高嘅cafe ，個環境好靚！裝修格局每一個位置簡潔得來都好着重細節。唔怪之得獎。希望將來我都擁有一間自己既cafe 😊除咗環境好之外，食物嘅質素都非常高！今日我只係路過飲杯咖啡，而且已經食咗lunch所以我order嘅食物唔多。只係逗留半小時左右。真係一間好靚嘅Cafe，而且可以帶寵物。唯一一個唔方便嘅地方就係要行商場嘅洗手間。

☆ 𝘛𝘳𝘰𝘪𝘴 𝘊𝘢𝘧𝘦 🎀珊湖粉簡約咖啡店，這間café一直在top list 上即使過了一段時間依然人氣不減大圓窗框的外牆充滿設計感，主打fushion菜式，食物精緻，也有不少素食選擇室內座位不算太多，裝潢時尚，用了粉紅色和湖水綠為主調，餐廳內外環境亦不乏打卡位～-💎 Executive Set B ($128)▫️炸豆腐配香辣蕃茄酸醬 𝙁𝙧𝙞𝙚𝙙 𝙏𝙤𝙛𝙪 𝙬𝙞𝙩𝙝 𝙎𝙥𝙞𝙘𝙮 𝙏𝙤𝙢𝙖𝙩𝙤 𝘾𝙝𝙪𝙩𝙣𝙚𝙮▪️素黑松露粉果𝙑𝙚𝙜𝙚𝙩𝙖𝙧𝙞𝙖𝙣 𝙏𝙧𝙪𝙛𝙛𝙡𝙚 𝘿𝙪𝙢𝙥𝙡𝙞𝙣𝙜▫️加洲素肉扒配炸饅頭 𝙄𝙢𝙥𝙤𝙨𝙨𝙞𝙗𝙡𝙚 𝘾𝙖𝙡𝙞𝙛𝙤𝙧𝙣𝙞𝙖 𝙬𝙞𝙩𝙝 𝙁𝙧𝙞𝙚𝙙 𝘽𝙪𝙣套餐共有三小碟食品，全部以素食為主豆腐炸得香口，配上辣茄醬🌶使原先無味的豆腐味道昇華，是頗創新的一道前菜粉果味道不過不失，黑松露味也頗突出，但份量方面只有一粒真的太少素肉炸饅頭除了外觀精美外，有洋蔥蕃茄和生菜的配合，味道清新(˶‾᷄ ⁻̫ ‾᷅˵)推薦指數: 7.5/10.🍔粉蒸肉狂想曲 ($60)𝙋𝙤𝙧𝙠 𝙍𝙖𝙡𝙡𝙮 𝙁𝙧𝙞𝙚𝙙 𝘽𝙪𝙣細細件的漢堡包其實是炸鏝頭，表層炸得十分香脆，而且肉絲味道濃郁，加上脆炸薯片作點綴，整體味

而家疫情所有地方都六點前要閂門，天黑前就要搵嘢食，咁啱經過見到一間超粉紅嘅Cafe，佢嘅門口有一個大型嘅圓形玻璃，我見到急不及待就坐咗入去，就坐正係個玻璃前邊，因為啱啱好可以睇日落。咁我就叫咗一個卡邦尼意粉同埋甜品。卡邦尼意粉佢嘅白汁都係好重，上面有芝士碎同埋煙肉，食落真係好香。最好嘅地方就係佢入面有火箭菜，加埋一齊就食落冇咁heavy嘅感覺。炸饅頭雪糕，一開始見到佢個Menu嘅圖好得意，佢個饅頭係脆嘅，入面有少少花生碎，雪糕係用咗大紅袍雪糕，超級特別第一次食茶味嘅雪糕，仲要係紅茶。但估唔到加埋個饅頭，食起上嚟係咁有層次感。

今日要介紹嘅咖啡就係位於灣仔cafe,上網睇原來仲有其他分店嘅，但係食物嘅風格就完全唔一樣，呢間就係主打fusion菜式，食物風格但係會比較特別。咁我就叫咗一個all day breakfast 叫東京熱，首先好吸引嘅就係兩個煎得好靚嘅煎雙蛋。旁邊有一件香煎三文魚，三文魚個皮煎得好香脆，我覺得特別之處係佢會有牛油果，因為唔係好多地方會配搭牛油果，而且佢嘅牛油果都已經係幾熟，健康又好味。之後叫多咗一份香烤雜菜，估唔到佢嘅菜底下面係會有蒜蓉多士，所以真係大份得來又飽肚，減肥既話可以當係一個正餐咁食都夠，雜菜有少少黑醋嘅味道，雜菜烤得好香，而且仲係好多汁。

今日同我好姊妹專登過嚟朝聖一下，見到人人都影呢個大型月光玻璃，今次係尖沙咀坐船過去灣仔嘅，非常之近碼頭。一去到就比佢既圓形玻璃吸引住，好可惜圓形嗰個位已經坐滿左人啦。我就叫咗一個卡邦尼意粉 ，卡邦尼意粉份量啱啱好，充滿着火箭菜嘅卡邦尼意粉第一次食，平時食咗好多白汁會覺得肥咗，而家加咗火箭菜感覺健康咗。而我朋友就叫咗東京熱 ，佢既all day breakfast對於我來講分量算係好多，淨係食煎雙蛋已經飽咗一半，平時食其他肉類係火腿或者煙肉，但佢呢度竟然係香煎三文魚，真係好正。蔬菜方便佢係有牛油果同埋烤雜菜，睇得出樣樣都係好精心準備。