Trois Cafe (已結業)

平時去開嘅Cafe多數靚都係用嚟打卡，食物質素都一般既。但係呢間Cafe真係令我大開眼界，環境靚之餘嘢食都仲要好特別。卡邦尼意粉，佢嘅分量幾好，適合女仔，而且佢嘅汁係比較多，佢嘅白汁配搭埋煙肉真係好香，上面仲放咗好多芝士碎添，啱晒鍾意食芝士嘅我，而且仲有火箭菜，一個意粉入邊有埋蔬菜食好幸福。之後我見到餐牌有一個好特別嘅名，他的蟹粉小籠包，小籠包個皮係好薄，入邊係好多肉汁，小籠包嘅上面係有黑松露，所以食落好香口。再配搭上忌廉蘑菇汁，真係錦上添花，口感一流。

今次要介紹嘅就係一間裝修設計特別嘅咖啡店。一入到去就係沖咖啡同埋茶嘅地方，淨係行過都聞到好香嘅咖啡豆味。啱晒鍾意飲咖啡嘅人，坐喺度chill下，透過圓形玻璃睇吓出面嘅景色都係唔錯嘅選擇。咁我今日就主要係去食tea,叫咗一個個名幾特別嘅叫山楂果醬三文魚，開頭以為山楂果係甜嘅，點知原來係酸辣既，配搭埋牛油果同埋多士一齊食，口感一流，成個層次感出晒嚟，而且佢嘅份量相對多，絕對係可以當成正餐咁食，真係可以試吓。

難得放假，當然要去食下好嘢啦，今日就介紹一間喺灣仔碼頭對面嘅特色Cafe。香烤雜菜， 上面係烤雜菜，有一啲蕃茄同埋彩椒，酸酸甜甜嘅感覺好開胃，下面就有有火箭菜，火箭菜嗰種香味唔係好多人都識得欣賞，佢係新鮮嗰種嘅，好Flesh嘅感覺我好鍾意。最令我驚喜嘅係炸饅頭雪糕，饅頭係熱辣辣既，夾雜着冰凍嘅雪糕，口感絕對一流，有少少似炸雪糕嘅感覺。饅頭夾住雪糕都係第一次見，仲要佢個雪糕係大紅袍味嘅雪糕，淡淡的茶香喺口腔慢慢滲出，感覺似食緊茶落肚，好特別。

今日要介紹一間喺灣仔嘅咖啡店，佢嘅特別之處係歡迎寵物內進嘅，好開心可以帶埋狗狗一齊食tea。而且間Cafe好靚，成間都係粉紅同埋粉藍色，好有童話感覺，帶埋狗狗一齊打卡真係一流。我自己就比較鍾意食意粉嘅，卡邦尼意粉係我最常叫嘅，今次就試吓佢呢個意粉。咁佢嘅汁都係幾香濃，上面係有好多嘅芝士碎，火腿煙肉等等，加埋佢係有火箭菜，減咗白汁既油膩感。山楂果醬三文魚，個名好特別，令我諗起山楂樹之戀嗰套戲，食落都係酸酸甜甜，同三文魚好夾，令到三文魚嘅鮮味更加突出。

今日路過見到有一間幾靚嘅Cafe，就行入去睇吓有咩食下啦。入到去就見到有個吧枱，除咗可以買咖啡之外，仲有整好咗嘅小食零食同埋樽裝嘢飲可以買嘅。忌廉蘑菇黑松露扁意粉，係冇令我失望嘅，佢黑松露真係幾多下，加埋蘑菇真係完美配搭。平時食意粉最怕就係乾身，佢呢個嘅忌廉白汁都好多，而且奶香比較重。另一樣就係叫咗香烤雜菜 ，估唔到佢個份量都幾多，佢嘅下面係有蒜蓉多士，上面係烤雜菜，有冬菇，蕃茄，燈籠椒，火箭菜等等，健康又好味嘅菜式。

今次係為咗打卡先過嚟灣仔呢間出名有少女心嘅餐廳，大門口就最常見到有人影相，咁我當然都唔執輸，仲坐都係大玻璃嘅位置添。佢除咗環境靚之外佢連放嘢飲嘅架都好靚。我最鍾意就係食雞。叫咗一份水牛城辣雞鎚，一嚟到見到一舊舊細細舊，就咁一啖一舊真係好方便，而且啲肉一咬就甩，啲雞肉好入味，辣辣地天氣凍食好過癮。東京熱就係all day breakfast,全日早餐就周圍都差唔多，佢哋特別地方就係有香煎三文魚，呢個係比較少見嘅，而且煎得好香，魚肉仲係好嫩口，值得推介。

今日想介紹一個好味而且環境好靚嘅餐廳。環境靚嘅餐廳的確係令人心曠神怡，而且好友減壓嘅作用，透過圓形嘅大玻璃可以望到出邊城市嘅景色，感覺自己就喺世外桃源，係一個粉紅嘅城堡入邊咁。佢牆身主打嘅顏色係粉藍色同埋粉紅色，好夢幻嘅感覺。連嘢飲嘢食都擺放得好靚，咁我就叫咗一個香烤雜菜，平時食沙律都食到厭，識下啲烤既雜菜都唔錯。佢嘅蔬菜吼完之後入邊仲係好juicy，而且個底係仲會有蒜蓉包添，所以一定會飽，卡路里又低 ，真係健康首選。

今日同男朋友黎灣仔嘅Trois Cafe度食早餐。咁我地就叫左山楂果醬三文魚同鰻魚牛油果。先講山楂果醬三文魚，煙三文魚係我嘅最愛，而味道係酸酸辣辣，好開胃，第一次食呢種配搭。一開始見到呢個配搭覺得有d奇怪，因為又甜又咸咁，但最後食完竟然呢幾樣加埋出奇地match。而鰻魚牛油果有係有一塊厚多士喺底，之後有一塊厚燒鰻魚，牛油果碎上喺上面，面頭仲有黑松露蛋沙律，啱曬一D大食嘅人士，因為真係好豐富同好大份。呢個價錢可以食到咁豐富、好食、同優美嘅環境，我諗真係呢度先有。

今日咁啱黎到灣仔做野，放lunch嘅時候就比Trois Cafe嘅外觀吸引左。先講佢嘅色調，佢由內至外都用左粉紅色為主題，充滿住少女嘅風格，而且餐桌位係用左湖水綠黎做主題，坐落去嘅時候有一種平靜同心曠神怡嘅感覺，令人覺得好舒服，所有煩惱都5記得曬。咁我就叫左卡邦尼意粉。呢度嘅卡邦尼意粉同出面有少少唔同，呢度嘅賣相同好食程度都比出面嘅高，而且店員上菜嘅時候，就已經聞到好香，食落去嘅味道都好正，加埋呢度嘅環境，我覺得呢個值錢簡直係物超所值。大家一定要黎呢間cafe試下。

Trois Cafe係灣仔開左分店，我又咁啱行街行到有d餓，咁就入去試下。先講環境，cafe由外至內都係以粉紅色為主題，而餐桌位就係用湖水綠。設計非常獨特，基本上每一個位都係打卡位。咁我就叫左Pancake $98 配香蕉，大紅袍雪糕及榛子醬。個pancake整得好好食，好有蛋味，而且入口即融，好少cafe可以整到咁好食。加埋雪糕食入口嘅時候都係大紅袍嘅茶香味，同個pancake非常match，互相映襯。整體來講，我非常喜歡呢一間餐廳，無論係環境裝修定係呢度嘅食物質素都非常好，而且地點都非常方便，好建議情侶拍拖或者朋友聚會嘅好地方！

今日同同事黎到呢間Trois Cafe度食lunch。一入到去就見到玻璃櫃入邊有好多曲奇餅同埋鬆餅好吸引。由於我地都要keep fit，所以就見左一個main dish同一個小食咁share食。咁我地就叫左忌廉蘑菇黑松露扁意粉 $108同埋水牛城辣雞鎚 $60。呢個忌廉蘑菇黑松露扁意粉直頭令我地想放棄keep fit再叫多碟食。因為佢真係整得好好食，意粉吸收曬忌廉、蘑菇同黑松露嘅精華，令人一試難忘。至於呢個雞鎚我地覺得可以再辣多d會好食d，可能我地都食得比較辣。雞鎚好juicy，一咬落去，啖啖肉之餘仲有一d肉汁咇出黎。大家一定要試。

今日翻工前就諗住食翻個醒神早餐，所以就黎到灣仔嘅Trois 咖啡店。一黎到就比呢間cafe嘅色調同設計吸引左，因為佢比到我嘅感覺係一個好舒服好清新嘅感覺，翻工前可以黎呢度食簡直可以提升我嘅工作效率。咁我就叫左山楂果醬三文魚 $90。入邊有我最鍾意食又健康嘅煙三文魚，而且配搭埋牛油果，健康又升級咗啦。佢嘅分量都幾多，而味道係酸酸辣辣，好開胃。完全冇諗過佢嘅竹楂果醬可以整得咁出色，加埋三文魚，簡直好食到上天。而且佢嘅蒜蓉多士搽得好平均，而且黎遠都已經聞到佢嘅香味，加埋牛油果，食完呢個早餐簡直令人精力充沛，完全冇左翻工前種好攰嘅感覺。

今日特登同男朋友黎度呢間Trois Cafe度打卡📸🤳，因為之前經過覺得環境好靚，而且好多靚嘅打卡位，所以今日特登拉埋男朋友黎打卡。咁男朋友比較大食，所以我地都叫得比較多野。🍔🌭🌮🥗🥪我地叫左🍝忌廉蘑菇黑松露扁意粉同東京熱。先講忌廉蘑菇黑松露扁意粉，佢嘅忌廉蘑菇汁整得十分出色🤤😋，d意粉係完全吸收左汁嘅味同香，所以食落口嘅時候，有陣香味一直係口腔徘徊，加埋d黑松露簡直係畫龍點睛。🤤🤤🤤🤤而東京熱有🐟香煎三文魚，🍳太陽蛋，🥑牛油果等等。我覺得成個東京熱最突出就係個牛油果。因為一黎佢份量都幾多，二黎牛油可以消除左油嘅感覺，令人食落去會覺得好舒服。🤤🤤🤤🤤

今日喺灣仔等朋友，行行吓見到有一間裝修充滿少女心❤️既餐廳，佢嘅設計以粉藍色同埋粉紅色為主，兩隻都係我超鍾意嘅顏色。所以就忍唔住行入去打卡兼食返個甜品。❤️❤️❤️炸饅頭雪糕❤️佢個外表有少少似菠蘿油，都係一個包入邊夾住一啲軟心嘅嘢咁。❤️可以話佢係一個中式嘅甜品，因為佢係饅頭嘅脆包，中間夾住大紅袍雪糕，相當特別。咬落個包嘅時候有少少暖暖地，然後個心嘅雪糕係凍嘅，上面仲有少少nuts碎，口感相當好，超級有層次感。❤️❤️

有一排依間成日係ig出現 相當多人。 趁依間熱潮減左啲 就去一試。位置上接近海皮，同後街。，都唔算難搵本身想試佢地做緊既蝶豆花主題。 可惜去到店員話依個主題已經完左 好可惜。 不過同時都知道原來依間cafe久唔久會轉下特定既主題 ，除左早排做緊既蝶豆花主題外 前一排就做緊歌手主題🤭 十分多元化。此外，店舖係粉色裝潢， 岩哂中意粉紅系或者粉藍系既朋友黎打卡， 一間餐廳滿足哂要求位置都相當寬鬆， 唔會太逼。因為食唔到原先想食同飲既野 ，所以今次好簡單叫左杯matcha Latte($50) .Matcha Latte叫左杯凍既， 會似外國咁附上一件小餅乾。依間就配上核桃。 味道上Matcha味偏淡，冇咩Matcha味，奶味比較重。