Trois Cafe (已結業)

終於搵到best friend 同我去呢間人氣Cafe試下啲嘢食啦環境設計唔太花巧 但又有個人特色 用左好靚嘅粉紅色同淺藍綠色 撞色撞得好靚😍今次兩個人就叫左佢地好多人推介嘅Japanese Tonkatsu Sourdough with fries 同Beef Salsa Sourdough with fries兩款都會有配好好食嘅番薯條 番薯條炸都唔會成手油 而且好甜好好味😋兩款厚多士都好飽 所有食材配合得好好 而且一啲都唔乾 無論係吉列豬扒定係牛肉都好好味！下次再嚟試埋佢哋嘅軟殼蟹意粉先！

上網見到好多foodies都推介創新fusion菜式嘅CAFE！環境都好靚 又點可以唔嚟試下呢🤩Fushion Italian Sourdough with fries 呢款係新派意式嘅fusion菜式，食材用左高級嘅巴馬臣火腿，同營養價值好高嘅新鮮火箭菜同番茄，仲有高級嘅黑松露醬，加上一塊厚多士，食哂都好夠飽！鰻魚牛油果厚多士而呢款又係會有新鮮嘅火箭菜，呢款仲會用左黑松露整成蛋沙律擺係面，同埋超高營養價值嘅牛油果，同塊一超巨型嘅燒鰻魚配厚多士，食第一啖都已經好食到「哇」一聲😆

Trois Cafe本身已經見到好多人推介，今次就拉埋朋友一齊打卡。牆身有用到我最鐘意嘅湖水綠色，好少見餐廳有用呢隻顏色，成個環境都光線充足，影到啲相都好靚好滿意。打卡之餘仲要食飽個肚先～鰻魚牛油果本來上面有一條好吸引嘅燒鰻魚，再加上牛油果同火箭菜全部都好新鮮，配搭黑松露蛋同厚多士，食完好滿足！再叫左一款Fushion Italian Sourdough with fries ，佢啲食材都好吸引，鹹香味道十足嘅巴馬臣火腿，再加火箭菜同酸酸甜甜嘅番茄，再配搭黑松露醬同厚多士，呢個配搭都好完美！無論環境定食物質素都係好值得推介嘅餐廳！

呢間Cafe比個FD個個星期都叫我一齊去！終於抽到時間陪佢去 點知又真係冇介紹錯喎！環境同食物質素都一齊大讚呀😍卡邦尼意粉本身自己都已經好鐘意食卡邦尼，間間食西餐叫意粉都必叫佢。呢間CAFE嘅卡邦尼白汁味道好香 而且唔會太膩最怕意粉唔夠汁 但佢地嘅白汁岩岩好 可以撈勻到每一條意粉都有白汁 真係好好味😋Japanese Tonkatsu Sourdough with fries 吉列豬扒炸到好香脆 肉質唔會好乾 食落仲有肉汁！再配埋我好鐘意嘅蕃薯條 食下食下就食哂成碟！

Paying a visit to one of the aesthetic cafes in Hong Kong! We’ve walked and drove past Trois Cafe in Wanchai multiple times before we actually had a chance to visit in person.The minimalistic exterior and interior design takes the modern complementary color scheme to the next level - juxtaposing the coral pinks with the pastel blue-greens. Everywhere you look are filled with geometrical designs - square lights, rounded cut-outs, circular tables etc. According to an article, the interior designer

我星期日大概2:30嗰陣去到冇咩人 可以盡情咁打卡🤣📸👌🏻 呢間Cafe無論係店面定係店入邊都有好多打卡位 一次過滿足晒鍾意湖水綠色同埋粉紅色嘅朋友😆😆不過雖然佢係灣仔 但其實OpenRice都建議喺銅鑼灣地鐵站c出口行過去仲近～～～(•ᴥ•)/✻墨西哥軟殼蟹意粉（$98）(+$25 for coffee)首先估唔到呢間Cafe星期日都有set叫！(11am-6pm) 呢個價錢包埋餐湯同埋甜品真係好抵🤩 我自己覺得個意粉有少少偏乾 如果多番少少汁會再好啲 不過要讚下佢隻軟殼蟹好大隻😆 同埋估唔到個蘑菇湯咁好飲 超多蘑菇！附送甜品雖然賣相唔算特別吸引 但係都好滑同埋好重牛奶味😚 杯Ice latte就不過不失啦🤣✻ 班戟配時令雜果及手作果醬（$98）佢唔係嗰種好鬆軟嘅 而係嗰種食落會飽肚嘅早餐班戟～ 由於店入邊太多打卡位 影咗N張相之後個雪糕已經溶晒🤪 所以食落就唔算特別好食 正正常常咁🤣🤣 不過叫甜品主要都係用嚟打個卡哈哈 我自己覺得佢連放嘢食嘅碟都好靚haha

呢間餐廳設計感好強，以鮮艷嘅顏色去吸引住客人嘅眼光，仲要係用咗我最喜愛嘅粉紅色😍作為粉紅色嘅愛好者，淨係見到妹妹已經深深俾佢吸引住，所以就決定入去一試睇吓嘢食係咪一樣咁吸引😆吉列豬扒用多士承載住生菜、豬扒及沙律，表面仲有照燒汁，淨係賣相已經相當吸引，輕輕一咬，脆脆的多士加上吉烈豬扒味道超夾，食多幾啖就開始食到沙律同醬汁嘅味道，味道超豐富，就算食晒都唔覺得膩，食埋旁邊嘅番薯薯條，估唔到都幾飽😋炸雞拼盤喺醬油炸雞及鹽酥炸雞，醬油炸雞嘅汁好杰身，炸雞嘅每一處都沾滿住醬油，味道好惹味，雞肉好嫩滑，鹽酥炸雞相對較脆口，椒鹽味拿捏得好好，雞肉同樣好嫩滑，配埋佢哋自家嘅醬汁一齊食，真係冇得彈！除此之外上面仲放咗啲青蘋果絲，味道更清新！必食之選！

之前已經食過呢間餐廳食幾次，餐廳嘅食物質素好高，賣相吸引，就連裝修都十分有心思，所以今次推介左朋友同我一齊再食🤩今次我叫咗一個牛肉莎莎，因為有我最鍾意嘅炸薯條😋薯條炸得啱啱好，金黃色嘅外觀，外脆內軟，仲要一啲都唔油膩，超鍾意❤️至於主食生菜包味道都好出色，肉碎同樣唔油膩，連埋生菜一齊食味道清新又惹味👍🏼朋友就叫咗新派意式嘅fusion菜，賣相好獨特，麵包上面放咗幾塊巴馬火腿仲有車厘茄、黑松露醬、芝士粒同香草，淨係望到都已經夠吸引😙鹹鹹酸酸十分開胃，食完啲味道都仲喺口入面徘徊，食埋薯條就已經10分飽😋

朋友之前一直極力推介，今日終於可以拉到男朋友同我一齊試呢一間餐廳🤣門口粉紅色係已經吸引咗少女心嘅我☺️不過因為當日人流有少少多，未能夠坐到粉紅色區嘅座位，不過藍色區嘅氣氛一樣好，希望下次再嚟可以坐到粉紅色區🤩墨西哥軟殼蟹意粉🦀軟殼蟹係用原隻上，同其他餐廳好唔同，估唔到原隻軟殼蟹直接食口感可以咁豐富！超酥脆嘅外皮，食落極香口😍雖然佢係軟殼蟹，但係有滿滿嘅蟹肉，超驚喜！意粉方面用咗番茄醬去製作，每條意粉都吸滿咗醬汁嘅味道，味道濃郁，即使冇多餘嘅醬汁，但食落口一啲都唔乾，至於旁邊用咗一整個牛油果去切成嘅圓圈，賣相一流！整到菜嘅配搭十分新穎又清新！新派意式一上台已經極吸引，三大塊嘅巴馬火腿上面放滿左車厘茄仲有用火槍燒過嘅芝士同黑松露醬😍用料極邪惡！但係邪惡同美食係成正比😆鹹味巴馬火腿配搭上酸味嘅車厘茄仲有飄香嘅黑松露醬連同香脆嘅麵包一齊食，呢個組合十分出色！真係食過返尋味🤤食埋炸薯條，覺得過咗完美嘅一日💯

呢間餐廳用咗唔同嘅配色拼湊餐廳唔同嘅角落，而我坐咗喺以湖水綠為主色嘅座位，就連牆壁都充滿設計感，打卡一流👍🏼另外一邊透明玻璃嘅設計，自然光投入餐廳裏面，令成個人感覺都好精神！牛肉莎莎呢道菜完全正中我紅心♥️因為份量唔會太多又飽肚，健康得來又有啲肉可以食下，簡單得來又唔會好單調😆炒過嘅牛肉粒連同生菜及青椒嘅配搭已經令整道菜更健康，底部嘅烘烤麵包🥯增加飽肚感！另外仲有一半嘅忌廉，令整個味道更升一個層次！至於炸薯條熱辣辣，每一啖都好脆口，若然你係薯條控就一定要試下！呢度嘅氣氛好適合拍拖，希望下次可以同男朋友一齊過嚟呢度食🙈又可以坐另外一個顏色為主題嘅地方打卡🥰

之前成日經過告士打道見到一間門面粉嫩嘅餐廳，今日終於趁有時間可以去嘗試一下啦！一入去店舖設計簡潔，顏色方面選用左較鮮艷嘅顏色，令整個餐廳都充滿着氣息，坐喺度嘆個午餐，真係所有煩惱都冇晒🥰❤️吉列豬扒❤️一上枱望到份量都唔少，第一時間就梗係要趁熱試吓佢哋嘅炸番薯薯條！外皮炸到脆卜卜，番薯味好出好軟熟，仲竟然唔會好油膩😋點埋番茄醬食，更美味！至於吉列豬扒炸得超酥脆！上面有少量嘅沙律菜加醬汁，層次好豐富👍🏼成個食晒之後味道依然喺口腔入面徘徊，好滿足☺️至於熱愛咖啡嘅我就梗係要點佢哋嘅咖啡嚟試啦，整杯咖啡嘅味道調配出色，口感棉滑，另外仲有一粒經過烘焙嘅合桃，同呢杯咖啡絕配❗️

我自己好鍾意食fusion菜，而灣仔呢一間亦都係我最鍾意fusion菜餐廳嘅top 5，先喺環境已經比人一種好舒適休閒嘅感覺，就連食物質素亦都好高，就連賣相都好花心思！介紹一下今次點嘅吉列豬扒，分量足足有成隻手掌咁大份，用咗麵包、生菜、豬扒及醬汁製作而成，最估唔到嘅係呢一個組合出奇地好食，生菜解咗豬扒嘅油膩感，照燒汁令豬扒食落更香，而脆卜卜嘅麵包增加整個口感！就連炸番薯薯條都炸得好酥脆！除此之外我仲叫多咗個生煎小籠包，食物構思方面好獨特，用咗忌廉蘑菇湯做底，再用滿滿嘅蘑菇承載住四舊小籠包，小籠包肉汁滿滿好Juicy，肉味香口，周年忌廉蘑菇湯都好濃郁！一定要試！

呢間餐廳成日聽啲朋友講話又平又好食，難得出到灣仔咁梗係要過去試吓啦！果然不負眾望，無論菜式定係質素都同預期一樣好👍🏼墨西哥軟殼蟹意粉 $98好少餐廳會原隻軟殼蟹再配意粉去做一道菜色，伴碟就用咗一片片牛油果切成一個花嘅形狀，美感十足🥰雖然係伴碟，但一啲都唔馬虎，牛油果食得出係選用高質嘅牛油果🥑軟殼蟹炸得脆卜卜，而且超厚肉，仲有啲椒鹽味識落好香口🤩意粉餐廳用咗特別嘅醬汁去製作，味道濃厚，每條意粉都沾滿醬汁，仲要一啲都唔乾身！另外仲叫咗一個吉列豬扒配薯條，份量一啲都唔少，用咗大大塊吉列豬扒😋，仲有一大塊麵包成托住豬扒同其他配料，食落層次超豐富！個人好鍾意呢個配搭，鹹鹹酸酸，平衡左整個配搭！👍🏼下次一定要再試吓其他唔同嘅食物！呢個價錢絕對值回票價！

呢間係灣仔嘅餐廳，除咗可以坐低食正餐之外仲可以購買佢哋自家烘焙嘅曲奇坐低食，當嘆番個下午茶都相當唔錯☺️不過今次淨係叫咗一杯泡沫咖啡，佢哋店內嘅裝修令人感覺好舒適可以好好咁chill 住過下午🥰呢杯泡沫咖啡☕️上面有心型嘅拉花，聞落已經好香濃，飲落濃稠滑順泡沫綿密滑順厚實不膩口，牛奶同咖啡嘅比例拿捏得好好👍🏼甜度適中，店員仲會比一粒合桃比客人送咖啡，超級貼心！令到整個下午都好美滿🥰臨走之前，聞到佢哋嘅自家烘焙曲奇實在太香😆所以都忍唔住買咗幾塊返屋企同屋企人一齊share食！

今日同朋友去咗呢間充滿粉紅色打卡位嘅Cafe 聽人講佢哋食物質素唔錯、仲有超級靚嘅粉紅色打卡 唔係唔過去試吓呀嘛🤩 ☕️白朱古力抹茶鬆餅、抹茶士多啤利拿鐵抹茶士多啤梨拿鐵甜甜地 加埋底層嘅士多啤梨粒粒 味道非常之濃郁 綠色漸層嘅顏色好有層次感！白朱古力抹茶鬆餅 上面嗰層好濃郁嘅朱古力醬 非常之吸引 令到個鬆餅唔會太乾 反而增加佢嘅口感！生煎小籠包另外叫咗四粒充滿港式味道嘅生煎小籠包 估唔到喺Cafe都可以食到 不過呢一度係fusion菜 用咗意大利雜菌菇汁 再配埋港式嘅小籠包 估唔到咁夾！蘑菇汁令到個小籠包唔會太乾 好濕潤 小籠包充滿雜菇嘅香味 一咬落去好多汁 真係超級無敵正！！