Top Blade Steak Lab (梭椏道)

營業中

休息中

突然想食牛扒，所以就咁啱搵到呢間餐廳🍴香草平鐵牛扒 ＄160食牛扒之前，店員已經上咗碟滿滿嘅薯條，仲話係任添～ 🤩雖然係任添，但質素一啲都唔馬虎，上枱熱辣辣又脆之餘，仲有淡淡嘅松露味。 🍟我嗌咗5成熟嘅牛扒🥰廚師將火候控制得恰到好處，唔會過咗火，切開入面仲係相當粉嫩👍🏽牛扒嘅肉香味不賴，整體嘅油脂分佈都平均，所以入口非常軟嫩。另外，提升牛扒風味嘅烤蒜相當甘甜香口🧄總括，Top Blade嘅性價比十分高，店員也非常殷勤，會向客人講解不同部位嘅不同風味。

【何文田】Top Blade Steak Lab Top Blade Steak Lab 係專門食平鐵牛扒嘅餐廳，香港有4間分店。上年造訪過銅鑼灣店，非常出色，今次試一試何文田店水準如何。😋平日晚上嚟食，可直接walk-in，星期六日嘅話都建議訂座，因為餐廳座位唔多。（我之前喺銅鑼灣嗰次冇訂枱大概等咗半個鐘）點餐後，會上咗薯條先。薯條應該撈咗少少松露油，有淡淡的松露香味，食到停唔到口，薯條仲可以無限添㗎！✨香草平鐵牛扒 $160平鐵flat iron係牛肩最嫩位置，整隻牛第二嫩的部位。餐廳建議食五成熟Medium ，表面煎香至微焦，切開仍然係好靚嘅粉紅色，入口軟嫩而且肉味豐富。簡單配搭新鮮迷迭香並沾少少海鹽，加一粒烤過嘅蒜，一齊食能提升牛肉嘅風味。另設50%增量只需+$70，無論大胃人士定小鳥胃嚟食都係性價比超高！✨Top Blade Steak Lab 📍何文田梭椏道4A號榮英大厦地舖

經過見到餐廳廣告，今次有機會試試佢地個lunch set:1. Ultimate Burger with fries 🍔🍟 漢堡厚身同juicy，未食影緊相已經有肉汁流出來。Signature sauce 唔算太咸，無蓋過哂啲肉味。肉本身唔算太重牛味，不過夠瘦同厚切。薯條應該有用到黑松露鹽，配得岩岩好👍🏻。薯條偏薄身，不過剛剛炸好，夠熱，夠脆，唔油膩。2. Flat Iron Steak with fries 🥩🍟 叫左medium rare。牛扒上枱時steak doneness 岩岩好✅ 扒本身夠嫩身，有牛味帶些少酥味。薯條都係咁正😽😽總括嚟講，無論牛扒漢堡同薯條都好正，呢個價錢包埋餐湯同餐飲都係每位～180👍🏻👍🏻見到有個fries free flow，下次可以一戰🤡

係街道想搵好味而又唔貴嘅牛扒其實都有啲難度，但我已經搵到啦😎😆😎😆鍾意食牛扒嘅朋友一定要嚟試呢間❤️❤️❤️我哋今次叫左🍔終極漢堡🍔漢堡好juice 🥩平鐵牛扒🥩有牛味總之好味😂我哋午餐選擇配薯條（但其實係可以配湯或者沙津）😍薯條有松露嘅味道👍🏻👍🏻👍🏻所以我哋都選擇薯條，但實在太大份我哋食唔晒😂夜晚叫主餐牌食⋯薯條係無限添加🍟🍟🍟配可樂一支係唔夠，其實我想叫多支😂😂

呢間雖然主打食牛扒，但佢可以叫其他主食，啱啲唔食得牛嘅人。我同上次一樣都係叫咗佢嘅西班牙豬鞍架，上次食就覺得佢偏乾，今次件豬鞍有驚喜，塊肉冧身咗juicy咗，味道方面一樣，唔太咸。Side dish方面佢有沙律同薯條揀，今次同朋友分別叫哂兩款食。沙律菜幾新鮮，醬汁refreshing，薯條熱辣辣有少許調味，不過有陣怪味，唔知係咪油嘅問題。兩樣side dish都大大份，for sharing一流。環境方面，餐廳用工業風，有neon lights，去打卡影相都唔錯。

Top Blade Steak Lab以平鐵牛扒 (flat iron steak) 同埋任食薯條成名🥩🍟晚市會提供松露薯條吃到飽 各位薯條控記得bookmark喇🤩今次黎左試下呢度既Lunch menu 雖然lunch冇任食松露薯條但百幾蚊就有得食質素有水準嘅牛扒 都係性價比十足👍🏻🥩香草平鐵牛扒 Flat Iron Steak ($160)Flat iron係牛三角肩對上Top Blade既部分🐮雖然Flat Iron是屬於Second Cut 餐廳用心地去曬牛扒既筋膜 務求牛扒可以媲美肉眼、西冷等高級部位🥰Flat iron無太多花巧既醬汁或配菜 牛排簡單以香草及海鹽調味 另外配上原顆烤蒜🧄餐廳default左牛扒係完美既五成熟 酒紅色既肉芯肉質稚嫩 肉質油脂分均平均🤤仲有輕微既炭香味 味道係期望以上😋🍔大菇打扁漢堡 Mushroom smashed burger ($98）呢度除左牛扒 仲有burger可以選擇🤩漢堡扒都係以flat iron製成漢堡扒厚身有肉汁 唔會煎得過熟 👍🏻同牛扒一樣油脂感十足🧈搭埋大啡菇一起食 夠曬juicy💦🍟松露薯條每款主食都跟配薯條/餐湯/沙

Lunch想食好啲，唸起性價比⭐⭐⭐嘅何文田Top Blade Steak Lab，上次試過已經覺得回味無窮，一直想再去。中午時間，坐低時唔算多人，後來慢慢多。餐廳裝修簡樸，高級茶餐廳feel。Set Lunch提供3個餐，Flat Iron Steak、漢堡和Guestchef Flat Iron Steak，配沙律或湯，我揀咗Flat Iron Steak，配藜麥蟹肉沙律。Flat Iron Steak牛扒要medium，煎得啱啱好，又香又嫩又juicy，有濃濃牛味，入口嫩滑細膩，冇醬汁，但有海鹽作調味，牛扒都好夠味，所以都唔使點。藜麥蟹肉沙律好多沙律菜，配藜麥口感唔錯，覺得好健康。薯條餐廳另一賣點係即叫即炸嘅薯條，熱辣辣，好脆，薯條係all you can eat，但因為都幾大份，都唔需要refill。好滿足，值得推薦。

超高質平價扒房，裝修走簡實路線，以貼地價錢主打Flat Iron Steak同任食黑松露薯條.來自美國既Flat Iron，雖然係Second Cut，但經人手切割後，肉質油脂分均平均，入口嫩滑細膩。簡單加入香草、鹽及胡椒作調味，加上燒至剛好五成熟，肉味香濃.另一個主角係任食連皮黑松露幼薯條，即叫即炸，用白松露鹽調味，鹹中滲透松露香氣.餐廳長期有人龍排隊，想食既記得提早book定位！***⭐️香草平鐵牛扒 Herbly Flat Iron Steak⭐️美國390日谷飼 Prime 級平鐵牛扒 USDA Prime 390-day Grain Fed Flat Iron⭐️西班牙栗飼豬鞍扒 Spain Chestnut Fed Pork Rack***💰預算: 晚餐人均約HK$250

同男朋友嚟食每人一份flat iron steak五成，再任食薯條。首先會每人嚟一份薯條先，有好淡嘅黑松露味，薯條熱辣辣點蕃茄醬食，平鐵牛扒軟腍重牛味，加埋蒜食好香

同男朋友做完gym想食多啲protein就黎咗試呢間扒房啦～我地閒日夜晚去唔需要等位，直接入得餐廳菜式唔多，主打都係食扒，同埋配任食薯條嗌完嘢食過一陣就上咗兩份薯條先，不得不讚，新鮮炸嘅，熱辣辣，勁脆！仲有淡淡黑松露味。佢係可以任fill薯條，但我地大家各食一份都飽🤣我地兩個都叫咗flat iron steak，男朋友個份就加$70加大，多50%份量，我就食普通份量，大家都食到好飽😌肉質唔「鞋」，都好有牛香，呢個價錢黎講食到呢個質素可以話係勁抵！整體餐廳環境舒適，員工服務態度都好友善，食物都好食，係值得試嘅餐廳🫶🏼

最近🐻生日🎂，也米😍book咗一間餐廳同佢鋸扒🥩慶祝！聽講依間餐廳平時都幾full，所以如果去記得要book定位先啦🤣！入座嘅時候，會講明係75分鐘嘅用餐時間，而且店員會問我哋係咪第一次嚟，自動介紹吓每個食物分別有咩特點，態度都好好👍🏻！-🍴乾式熟成28日澳洲M7和牛平鐵牛扒🥩(3️⃣成熟)($399) - 我哋好好彩🤭！原本依款牛扒係需要預約先有，不過因為近日打風，有啲原本預約咗嘅食客取消咗，所以我哋有幸試到🤤！兩塊牛扒都幾大塊，隔離有啲薯蓉同車厘茄，碟上面都會灑咗啲鹽喺上面。牛扒好淋身😋，牛味都幾重，而且感受到和牛嘅油花分佈平均，每一啖都食到牛脂香味🤩。-🍴是日特別版招牌平鐵牛扒🥩(5️⃣成熟)($248) - 牛扒煮法同味道都同上一款牛扒好唔同，依款牛香味無咁重，但佢中間有肉連筋嘅位置😚，令佢變得有咬口，同時唔會太難咬。隔離會有啲牛油粟米🌽同埋粟米蓉，牛油粟米好香🧈，粟米蓉就一般，食落異常地甜。整體而言，也米😍同🐻都鐘意食上面嗰款多啲。-🍴任食薯條🍟($0) - 一坐底，店員會幫每位食客先叫一份薯條，即叫即炸，所以上枱嘅時候仲好熱辣辣🔥！薯條係偏向幼身，超香脆，枱面會有黑椒同茄汁🥫可以沾

之前午餐係沙田新城市廣場食過一次top blade steak lab. 今次就去何文田店試下晚餐先。基本上食物冇咩大分別，都係主要食牛扒，同埋任食薯條。••••••••••••••••••••••••••••••作為一個食肉獸，我叫咗加大版flat iron，medium rare. 廚師已經幫我哋一早切好晒，睇到入邊紅紅粉粉，非常對板。呢度特色之處就係幫你起好晒筋，肉質有咬口。.薯條係用咗黑松露油去炸，香脆，可口， encore左三次。••••••••••••••••••••••••••••••

Top Blade Steak Lab (梭椏道) (何文田)📍何文田梭椏道4A號榮英大厦地舖朋友極力推介 所以立即去試吓香港地食牛扒$150-$200係基本但係好多都唔好食Top Blade Steak Lab係我係香港食過數一數二好食嘅牛排店重點是薯條任食（我是薯條控)D薯條重有黑松露味😋 加分講返牛扒是日特別版招牌平鐵牛扒（每日限定〉Vs美國390日穀餇Prime級平鐵牛扒我比較喜歡美國390日穀餇Prime級平鐵牛扒佢比較juicy 😋😋😋😋另外西班牙栗飼豬鞍架都好正大家可以試下

晚餐鋸扒～呢間店嘅薯條係任食嘅！薯條本身加咗松露味！食落都幾香幾脆👍🏼是日特別版招牌平鐵牛扒$248要咗5成熟，黎到感覺熟咗少少🤏牛嘅肉質OK，但牛味就一般般了～配上燒粟米同埋粟米蓉，唔算太突出！香草平鐵牛扒$160一樣係叫咗5成熟，呢個就像樣啦！但食落都係比較乾身，但肉質都爽嘅～牛味都一般！伴碟嘅蒜頭🧄都係麻麻地～西班牙栗飼豬鞍架$160好大塊嘅豬鞍😬賣相幾好～肉質咬落爽口，豬味OK！真Dirty檸檬特飲$75加咗威士忌嘅lemonade，冇乜酒味～冇乜特別～Dirty檸檬特飲$45冇酒精版，都係冇特別～

As you might have seen from my earlier reviews I had visited the Top Blade Steak in Shatin in March, so it was time to check out the consistency between the Shatin and Ho Man Tin branches. Off course we ordered the signature flat iron steak or top blade steak. For those of you that don’t know, this cut is around the shoulder of the cow and is supposed to be well marbled with a rich beef flavor! When cooked correctly this cut should be tender and juicy and that’s just exactly what they do here, i