Time Park Lounge

營業中

休息中

今日又黎呢間地下酒吧x 西餐廳食dinner 好鍾意呢度既格局環境裝修得好靚 小鹿 爐火 書櫃 好有歐洲風情今晚唔係好多客 環境好寧願 好岩傾計談心員工服務態度好好 👌首先佢比左menu我地睇選擇都好多 set dinner 好抵！咁緊係叫set啦有沙律 南瓜湯 細細塊bread擺盤好精緻 有find dining既感覺南瓜湯幾出色 沙律好fresh有d黑醋好開胃！前菜我簡左 蟹肉燒賣 其實佢唔係燒賣係春卷皮 釀左好多蟹肉沙律咁 好好食好脆既皮配埋勁足料既蟹肉 又幾特別男友叫左海膽汁配墨魚仔 涷食用一個酒杯型咁上～ 佢話都推介呀建議一人叫一款前菜share前菜叫左 西班牙火腿拼盤份量比想像中多！ 四個人share都得岩哂我 火腿熱愛者 應該由左邊冇咁咸食起～最後食手切火腿好有咸香 油味唔會太強 又唔會太咸 食多多都唔怕中間果款都好正主菜方面果日有哂海鱸魚 十分可惜！最後簡左海膽大蝦意粉🍝海膽係我至愛 意粉煮得岩岩好個配搭唔錯 份量都好多 叫個牛排 叫個意粉 兩個人share 都幾好 唔會太漏牛排燒到好香 5成熟做得十分好唔洗點醬都夠岩味 好重牛味 唔會un 份量都好

舊同學相敘，地點㨂了尖東地鐵站N3出口附近的棉登徑棉登大廈地庫Time Park Lounge西餐廳。落到地庫燈光昏暗，播著柔和的音樂，裝潢有點懷舊風格，有多張舒適大梳化椅，另一邊也有園林景緻的環境，最適合三五知己共敘。啤酒味炸薯條配黑松露醬，鬆脆可口，配搭清涼香醇黑啤簡直是絶配。Set dinner 有南瓜濃湯和沙律菜。南瓜湯濃郁，口感香滑，十分美味😋若可以大杯一點就更完美。前菜有三款選擇：選了餐廳自家製的蟹肉脆燒賣，外皮酥脆，蟹肉味鮮。😋主菜㨂了矜貴的美國CAB肉眼扒，肉質細緻嫩腍。👍有幾種層次甜甜帶微酸的桑子士多啤梨提拉米蘇，是這set dinner 的美好完結！

趁著假日約埋好姊妹去尖沙咀K11商場購物完，在她推薦下去了附近棉登徑棉登大廈地庫的Time Park Lounge西餐廳吃晚餐。雖然要落一層樓梯才到地庫，但進入了餐廳感覺地方寬闊，牆壁上有多幅藝術氣派的畫，也設有後花園，園林雅座，至啱喜歡戶外進餐的食客，佈置有別於一般餐廳。香煎帶子蘆筍意大利飯，鮮甜嫩滑的帶子鋪在香濃多汁的煙韌飯粒上。鮮蝦海膽三文魚籽扁意粉，師傅用鮮蝦泡製濃汁，令扁意粉吸盡精華，蝦肉鮮甜爽口。香炸魷魚圈配香茅醬，侍應一端上餐桌，香氣撲鼻，酥脆外皮惹味香口，加上清涼啤酒佐膳，感覺人生一大樂事!

去到尖沙咀，有好多餐廳選擇，尤其係西餐廳，今日選擇左黎呢間，係因為上網睇裝修特別，野食又唔錯。一行入餐廳，已經比佢既裝修吸引到。裝修特別有風格，係一個進餐既好地方。正式開餐前，叫左杯cocktail，呢杯叫Thai-Faye，好重嘅香茅味，好refreshing，餐前飲一流。我叫左一個set dinner, 選左海膽汁燴墨魚仔+美國CBA肉眼扒 （medium rare) , 仲有跟餐沙律，湯同埋dessert。今日既湯係忌廉南瓜湯，南瓜味好特出，好好飲，擺碟又特別。跟住就係海膽汁燴墨魚仔，一黎到果下，我仲係到諗，我叫左杯餐飲咩😂 睇落先知係海膽汁燴墨魚仔，呢個帶少少辣，墨魚仔新鮮。再黎就係重頭戲，美國CBA肉眼扒（medium rare)，呢個推薦比大家，煎得好好，牛肉質素高，食落完全唔un，有肉味，好抵讚。最後食埋個北海道牛奶紅豆做結尾。

隱身係地庫的酒吧，好安靜，燈光昏暗得啱啱好，與世隔絕的片刻時光總是很美好◆Summary◇坐得好舒服，隱私度幾高。食物選擇唔算好多，但超精緻又高質，dinner set幾抵食，不過我地就揀左散點。其中🥢燒乳豬 同🥢紅桑子提拉米蘇 係最不能錯過的款式✅酒嘅選擇當然唔會少🥢Time Park作為Signature 絕對當之無愧💯————————————————————◆西班牙燒乳豬 1/4◇HKD268“喀嚓喀嚓”乳豬皮燒得極為香脆皮下的肉又嫩又軟肉汁完全被鎖住調味恰到好處 下面嘅烤薯同樣出色吸收左乳豬的油脂比平時的烤薯更多左唔同的香味◆TimePark燴海鮮扁意粉◇HKD268 呢碟意粉有驚喜唔會煮得太腍茄汁新鮮又濃厚 羅勒葉的香氣若隱若現大蝦燒得微焦 尤其香口不過帶子略略煎得有d老 ◆紅桑子啤梨提拉米蘇◇HKD98賣相已經加分紅桑子味道突出酸酸甜甜衝擊味蕾蛋糕被浸潤 柔軟濕潤雖然冇甚咖啡酒的味道 仍然很得我心◆🥂TimePark ◇HKD128招牌雞尾酒點可以錯過上層的泡沫好似雲咁入口即化 略略有d堅果味(可能係我幻覺)底層嘅BAILEY'S同橙酒好夾醇厚又帶橙味的清新◆🥂ThaiF

想同朋友食個冇咁拘謹嘅晚餐但又唔想太嘈太多人 之前嚟過棉登徑呢間酒吧飲嘢 記得佢呢度佈置同裝修都幾靚又有埋晚餐 果然帶到佢黎佢去好鐘意我哋先叫咗杯啤酒同埋一啲小食,魷魚圈同芝士焗粟米片,跟住就慢慢食住睇主餐牌魷魚圈份量都好多 而且炸粉唔會太厚 熱辣辣配埋啤酒夠晒爽啦至於芝士焗粟米片平時都會配牛油果醬同莎莎醬 雖然佢呢度都係咁但佢額外放咗啲芝士係粟米片上面熱溶咗佢 增加左一種香軟口感 由於份量都唔少 朋友話飽左一大半 我哋就決定叫一個set share 晚餐有餐湯前菜同埋主菜甜品佢呢度啲食物擺碟好精美呢個湯 細細地但係配埋側邊啲沙律 影相打卡都夠曬讚之後個前菜我哋就要咗個銀魚柳多士配蕃茄莎莎 味道都唔錯主菜就要咗西班牙黑毛豬扒 豬扒肉質好嫩 當然唔係牛扒個種嫩但一d都唔會實的的 煎得啱啱好時間而且肉味濃郁 不過略嫌佢側邊冇咩配菜 不過佢啲露筍同意大利青瓜都係好味嘅 好彩我哋有食其他嘢如果唔係都可能唔夠澱粉質 整體環境同食物都好ok 我覺得想飲嘢又唔使食完晚飯轉場呢度就好啱啦

Time Park Lounge有別於一般的酒吧餐廳，Time Park Lounge走寧靜的歐陸復古風，店內裝飾非常吸睛，讓人會停下來拍照打卡。這裡除了調酒了得，料理同樣出色，慶祝生日真的一流。拍完照後，我總算坐下來看看有甚麼好吃的。想吃盡每一樣美食，Set Dinner最能滿足嘴饞的我們。Set Dinner包括是日餐湯，精選沙律，前菜，主菜及是日精選甜品，部份價錢只是199元。今晚喝到的是日餐湯是南瓜湯，湯頭有濃郁的南瓜甜味，入口順滑，不錯的喝。另外配上兩片薄脆的多士，即使沾上南瓜湯仍保有脆度，吸附湯汁更美味。精選沙律蔬菜爽脆，酸酸甜甜挺開胃，吃起來十分清爽。前菜海膽汁燴墨魚仔和自家製蟹肉脆燒賣各有千秋，自家製蟹肉脆燒賣靈感取自燒賣的形態，以春卷皮包裹蟹肉，春卷皮炸至金黃香脆，蟹肉鮮甜清新，並以晶瑩爆汁的魚籽點綴，妙不可言。海膽汁燴墨魚仔又是一道驚艷的前菜，肥美彈牙的墨魚仔在濃稠的海膽汁浸泡著，海膽汁味道濃厚不在話下，帶些微香辣，亦有魚籽提鮮，超棒的海洋風味。海鱸魚柳配海鮮忌廉汁給得豪邁，足足有三件海鱸魚柳。海鱸魚經過香煎後，魚皮酥脆，魚肉扎實帶軟嫩，且魚柳的甘甜鎖在裡頭，而墊在

早前相約朋友到尖沙咀食飯，去左棉登徑的［Time park lounge]🍝🍻🍺 係一間餐廳酒吧。落到地庫既環境好大，裝潢有別於其他酒吧，燈光都較亮，可能仲係食飯時間，而且好細心咁分左非吸煙區 場內有隻白色既獨角獸🦄️加上歐陸風的裝飾，感覺浪漫又舒服，好適合閨蜜聚會酒吧當然少不了的娛樂設備～Set dinner 大約二百蚊，包左沙律、餐湯。主菜有意粉、雞、豬、牛。我地先點了一份套餐。蘑菇湯非常濃郁，仲聞到有松露既香添！海膽汁燴墨魚仔 本身想點蟹肉脆燒賣，不過賣哂，我地改左海膽汁墨魚仔，款式都幾特別同少見。海膽汁比較稀，墨魚仔尚算爽口。本身選了套餐中的鮮蝦海膽三文魚籽扁意粉，可惜店員告知沒有存貨，只好改為鮮蝦配帶子。幸好蝦肉夠新鮮彈牙，意粉軟硬適中，不過油了一點。燒美國頂級肉眼扒 $358最簡單的做法，輕輕煎熟再加點鹽，或者再蘸芥末醬。點了三成熟，師傅控制火喉剛剛好，肉質夠鮮嫩，味道濃郁。另外，店員的服務值得一讚雖然有些菜式未能提供，但都好有禮貌解釋，亦非常勤快收碟、換碟。

最近咁多唔開心既事，突然想飲下酒，抒壓下。搵到一間環境唔錯既bar，入去就算就咁坐都已經覺得好舒服。一入去，見到右手邊係bar台，如果就咁想飲酒，可以同朋友係到一齊飲下酒，傾下計。飲酒飲到悶悶地，就可以同朋友玩下遊戲。想食少少野，飲下酒既就可以坐係sofa既位置食下野，同下fd吹下水。佢既野食同環境一樣咁高質。我地就叫左2個set dinner。自製蟹肉脆燒賣我最欣賞係佢尼個頭盤，因為佢用左春卷皮黎包住蟹肉沙律。咬落脆脆地，入面裝滿晒蟹肉。佢同平時春卷口感差唔多，但又唔會好似平時咁油膩同熱氣，因為入面凍凍地。食落好有特色。鮮蝦海膽三文魚籽扁意粉因為海膽同意粉一齊煮過，所以吸左蝦既味道，食落都唔腥。而佢既蝦好新鮮好有咬口。意粉既調味非常好，唔會太酸或太甜。有好野食，又點少得靚酒！尼間bar最大特色就係，可以因應自己口味去揀酒。menu上都寫左酒既特性。如果諗唔到，仲可以問下店員推介，佢地全部都好nice，好有耐性咁介紹岩你心水既靚酒。

今日和朋友去到棉登徑附近搵食；誤打誤撞去到一定位於地庫的酒吧，不過今晚就沒有飲酒，只是簡單吃晚飯。Time park 的裝修很有風格，有不少的打卡位。*是日餐湯+沙律簡簡單單的黑醋沙律；配上熱辣辣很creamy的南瓜湯。*海膽汁燴墨魚仔說好的海膽汁應該換上了辣醬，個人認為偏辣，墨魚仔爽口。*自家製蟹肉脆燒賣用上春卷皮，包了大量蟹肉餡；一個新式的製法，不錯！*燒西班牙黑毛豬 ($238)黑毛豬煎得香口；肉質較爽，但偏乾，如果肉汁多一點就更好！*鮮蝦海膽三文魚籽扁意粉 ($199)扁意粉煮得剛好，麵條有口感；海膽伴上麵條很creamy；蝦肉很爽口。*是日精選甜品是芝士蛋糕，不會太膩太甜。*紅桑子士多啤梨提拉米蘇 ($98)我們額外點了一個甜品；但這個tiramisu 不是我們平常吃到的；中間是有紅桑子雪葩，酸酸甜甜的。

男朋友今日帶左我黎呢間酒吧，本身以為酒吧嘅嘢食一定麻麻哋，點知呢間喺地庫嘅酒吧好有驚喜！-餐廳有英倫復古風裝修，我哋被安排坐咗喺梳化位，有高私隱度，可以靜靜地同朋友傾計談心，加上暗暗嘅燈光，柔和嘅音樂，舒服到唔捨得走。-呢度嘅飲品有happy hour價，啲mocktails好靚！genting highlands係用綠茶做底，上面有berries同smoothie，味道好清新！Samba係mango passion fruit味，上面有層cream，好似食緊甜品咁！-肉眼扒Set dinner $378南瓜湯同沙律前菜海膽汁燴墨魚仔肉眼扒肉質超嫩滑，呈粉紅色，叫medium岩岩好！-燴海鮮扁意粉 $268 (+$50轉set)前菜係自家製蟹肉脆燒賣，係春卷皮包上滿滿嘅蟹肉，表面仲有蟹子，鮮味十足。燴海鮮扁意粉，有好大隻帶子，大蝦🍤海鮮好新鮮，意粉彈牙。-Dinner set最後仲包甜品今日係牛奶紅豆蛋糕，滿足的一餐！原來酒吧都可以有咁好食嘅嘢

慶祝朋友生日🎂，咁佢呢就鍾意去啲可以傾計嘅餐廳，咁上網就睇到呢間啦，同埋見佢啲食評都唔錯，有set 亦可以散叫～間餐廳喺地庫嘅，落到去見有啲暗，再望清楚～啲裝修幾特別喎，有兩個區域, 近吧枱的偏向復古風,又有啲似中世紀嘅裝飾，環境一流，啲梳化大大張，好好坐呀～枱與枱之間有一定嘅位置， 傾秘密都冇人聽到啦 🙊仲有一隻紙製獨角獸🦄, 好得意呀咁我哋就叫兩個set dinner 啦, 個磨菇忌廉湯好好味呀，好creamy好香～美中不足嘅就係碗湯太細，想飲多啲都唔得🙊沙律就正常啦，都唔差!appetizer就揀咗銀魚柳士蕃茄沙沙🥫同埋自家製蟹肉脆燒賣~咁樣大家都可以SHARE食丫嘛, 我個人就鐘意蟹肉脆燒賣🦀, 皮脆內軟, D蟹肉配埋醬汁,仲有魚子醬和魚籽，好有鮮~少少咸但又好惹味~正 ❤傾下傾下～main course 嚟啦 🤤我最鍾意食牛扒🥩，梗係叫美國CAB肉眼扒，朋友就叫咗燒西班牙黑毛豬🐷牛扒好大塊呀,十分推薦, 肉質超嫩滑~仲好易切得開~ 煎得好靚醬汁是黃芥末~跟牛扒超配呢~朋友都切咗少少黑毛豬俾我試~都唔錯呀, D肉都係好嫩滑, 但我就比較鐘意肉眼扒啦~甜品就係紅豆tiramisu

【Time Park Lounge】【尖沙咀酒吧】好多人inbox我問同女仔拍拖唔知食咩好😱😱😱首先你要有一個女朋友！！！我男朋友從來唔會帶我食好西架喎，好西齊齊食，梗係同閨蜜食啦。幸運咁識到新朋友，帶左我去呢間Lounge食晚餐，雖然佢遲到，但我同餐廳都唔會怪佢嘅！餐廳門口卑我感覺係唔太敢入去，因為我好少去酒吧，我覺得食物同環境同啲職員都對得起個價錢。我對呢間印象好好，加上店員拍心口話老闆係同聲同氣，雖然做生意好多都唔想分顏色，但呢個時勢入到一間藍店，店員話示威者係甲由，咁餐飯真係食唔落啦。xx食左咩xxSet dinner ($199 x 2 +10%)#餐湯沙律～是日蘑菇餐湯，細細杯但蘑菇味勁濃郁，齒頰留香。#自家製蟹肉脆燒賣～好驚喜喎！外面係薄脆的春卷皮，加埋蟹肉沙律餡🤤唔油膩。#海膽汁燴墨魚仔～好得意新鮮的口感同味道，蕃茄湯汁伴好爽脆的墨魚仔，湯汁好好味，不過墨魚仔食完個口有少少腥。#鮮蝦海膽三文魚籽扁意粉 👍店員推薦～seafood cream sauce 少少似龍蝦湯味道的意粉汁，意粉彈牙，鮮蝦有特別處理過食落好香口，海膽同三文魚籽算係裝飾，豐富左個意粉，感覺即刻高檔咗。

棉登徑出名多酒吧就係人都知，不過要搵到間玩味濃、裝潢設計獨特既酒吧你又有無遇過？呢間主打英倫風配搭森林做主題既Lounge，係地庫坐擁接近2000呎面積，低調得黎又夠型格。主要分左兩個空間，一邊係一個巨型森林區，裡面好似穿梭於時空交錯既感覺。而另一邊就設有Beer Pong，間中仲有DJ打碟，加埋倫敦地下鐵月台既巨塗鴉牆，將個氣氛推到最熱點！👇📌Time Park Set Dinner ▪ Daily Soup -▫ 正所謂先黎頭啖湯，整返個「蘑菇湯」就最好不過啦，賣相好精緻，用左個小酌咁裝住，味道食到好濃郁既蘑菇味，湯底清清地，去到底仲食到蘑菇碎粒，唔錯。▪ Salad of the day -▫ 「野菜沙律」較到醬汁岩岩好，酸甜適中，用黎醒胃就無得彈啦！♦Appetizer -▪ Ajitsuke Ikura & Baby Cuttle Fish with Spicy Sea Urchin Sauce▫　用左個Cocktail杯呈上呢個「海膽汁燴墨魚仔」，一開頭仲以為係就咁拎黎飲，裡面既海膽汁層次豐富，味道夠鮮香。撈到底仲有幾粒墨魚仔，爽口彈牙，視覺效果非常高分。▪ Cr

壓力好大嘅香港人，好應該找一間舒服放鬆嘅地方吃個飯。位於尖沙咀。別有洞天。與外界完全唔同，仿佛進入另一個世界。燈光昏暗令人特別放鬆。輕鬆的音樂背景，高格調又有特色的裝橫，一進來已經好享受這種環境。枱面有蠟燭的燈光，加添了浪漫，而且是環保型的呢。硬件已經足夠，軟件方面又如何呢？來看看他們的食物方面。外觀上是有花心思的，不論裝盛的工具都很俱格調，很有心思。味道方面咸甜得宜，甜品方面也有驚喜。服務方面也到位。