影片
更多
2019-10-29
19 瀏覽
棉登徑出名多酒吧就係人都知，不過要搵到間玩味濃、裝潢設計獨特既酒吧你又有無遇過？呢間主打英倫風配搭森林做主題既Lounge，係地庫坐擁接近2000呎面積，低調得黎又夠型格。主要分左兩個空間，一邊係一個巨型森林區，裡面好似穿梭於時空交錯既感覺。而另一邊就設有Beer Pong，間中仲有DJ打碟，加埋倫敦地下鐵月台既巨塗鴉牆，將個氣氛推到最熱點！👇📌Time Park Set Dinner ▪ Daily Soup -▫ 正所謂先黎頭啖湯，整返個「蘑菇湯」就最好不過啦，賣相好精緻，用左個小酌咁裝住，味道食到好濃郁既蘑菇味，湯底清清地，去到底仲食到蘑菇碎粒，唔錯。▪ Salad of the day -▫ 「野菜沙律」較到醬汁岩岩好，酸甜適中，用黎醒胃就無得彈啦！♦Appetizer -▪ Ajitsuke Ikura & Baby Cuttle Fish with Spicy Sea Urchin Sauce▫ 用左個Cocktail杯呈上呢個「海膽汁燴墨魚仔」，一開頭仲以為係就咁拎黎飲，裡面既海膽汁層次豐富，味道夠鮮香。撈到底仲有幾粒墨魚仔，爽口彈牙，視覺效果非常高分。▪ Cr
呢間主打英倫風配搭森林做主題既Lounge，係地庫坐擁接近2000呎面積，
低調得黎又夠型格。主要分左兩個空間，一邊係一個巨型森林區，裡面好似穿梭於時空交錯既感覺。
而另一邊就設有Beer Pong，間中仲有DJ打碟，加埋倫敦地下鐵月台既巨塗鴉牆，
將個氣氛推到最熱點！👇
📌Time Park Set Dinner
▪ Daily Soup -
▫ 正所謂先黎頭啖湯，整返個「蘑菇湯」就最好不過啦，賣相好精緻，用左個小酌咁裝住，
味道食到好濃郁既蘑菇味，湯底清清地，去到底仲食到蘑菇碎粒，唔錯。
▪ Salad of the day -
▫ 「野菜沙律」較到醬汁岩岩好，酸甜適中，用黎醒胃就無得彈啦！
♦Appetizer -
▪ Ajitsuke Ikura & Baby Cuttle Fish with Spicy Sea Urchin Sauce
▫ 用左個Cocktail杯呈上呢個「海膽汁燴墨魚仔」，一開頭仲以為係就咁拎黎飲，
裡面既海膽汁層次豐富，味道夠鮮香。撈到底仲有幾粒墨魚仔，爽口彈牙，視覺效果非常高分。
▪ Crispy Crab Meat Sui Mai
▫ 今次有幸一試佢地招牌前菜「自家製蟹肉脆燒賣」，用上越南春卷皮炸成既燒賣皮。
外層做到好鬆脆，裡面就再將蟹肉、蛋黃醬、魚子漬混合成餡料，層次多變，又食到啖啖蟹肉，抵讚！
♦Main
▪ Prawn and Sea Urchin in Seafood Cream Sauce
▫ 意粉唔洗多，一個就夠哂數，聽Staff講佢地呢個「鮮蝦海膽三文魚籽扁意粉」
絕對係大部份食客回頭既最愛Main Course。
大廚將新鮮海膽配合三文魚籽造成最鮮味既配搭，再將啖啖肉既
鮮蝦加埋扁意粉一齊黎食，可以話無得輸黎形容。
▪ Risotto with Sous Vide Chicken Breast In Pesto Sauce ▫ 再黎一個主菜「意式香草醬意大利飯伴低溫慢煮雞胸」，首先比佢幾塊雞肉吸引左，
就咁睇落都知好嫩滑，結果入口非常軟腍，而且唔乾身。
配搭香草醬令味道更加濃郁，而飯粒相對腍身，比較迎合香港人口味。
♦Dessert -
▪ Dessert of the day
▫ 最後當然食埋個甜品「焦糖芝士蛋糕」做個完美終結啦，表面既焦糖做到甜而不膩，
裡面既蛋糕相對比較結實，係我偏好果類，唔錯。
♦ Mocktail -
▪ Timepupccino
▫ 因為我朋友唔好酒精，嗌左杯Mocktail比佢，個杯型真係好靚，
好有shape Style！而味道方面，用左Yogurt做底，加左香蕉香味，配合士多啤梨汁，
入口酸酸甜甜，幾岩女仔飲。
張貼
