The Sky Bar (已結業)

朋友搬新屋，於是在她家附近晚餐，見到門外有個牌寫住 一送一Dinner & $288 蠔餐，好似幾好味咁，忍唔住要去試試。可能商場新開無耐，人流唔多，所以餐廳唔太多人，坐落都比較舒適，而且服務都ok , 店員反應都算快，地方都幾整潔。同朋友order 左 2set 蠔Dinner 有 12隻蠔 ，一份主菜，一杯白酒，一個甜品，餐飽 及 餐湯。都好豐富。首先，餐飽 & 白酒 ，餐飽係個 提子鬆餅 ，硬硬地，唔夠鬆軟，比較乾身，白酒，易入口，只是唔夠凍，夠凍應該會比較好飲。期待的蠔，出場啦！一個人食，正，滿足。但size 比較少，不是很肥美，比較細少，但味道都唔曾，大部分都鮮甜美味，只是太廋弱主菜：order 左 牛 & 羊扒牛 ：唔係太厚身 ，質素一般 ，但總算過得去，有些牛肉的香味，唔韌無渣，唔夠香滑。羊 ：普通，有3件，唔太蘇味，係接受到的程度，但有些鞋，唔夠嫩滑。甜品 ：好似係豆腐芝士，香軟幼滑。總結 ：以咁多款食物，又有蠔又有扒食，雖然未去到好好食，但呢個價錢來說，算係有交代，當然再好味道些更好，期待他們能改善更好。

星期日晚唔想煮飯，所以出街食。早知這間食肆口碑不好，但即管試試。店內環境不錯，樓底很高，地方很闊落，播放球賽的聲音不太大聲，燈光光度剛好。侍應大叔同我地落單，但五分鐘很同一位侍應問我地準備好落單未？我當堂O晒咀，我話：「你同我落單架喎。」他先醒返。店內的食客已經不多，但出菜仍雖很慢，有充足時間跟老婆談心和同個女玩。果然跟食評一樣，除左個鵝肝多士好味之外，其他的都唔好食；海鮮桶一到，侍應就倒在一張綠色雞皮紙上，點解要咁做呢？汁太辣，海鮮無鮮味，青口已經是平野，但舊肉仍然細隻過我手指尾，蝦肉又霉。Carbonara 無芝士味，無煙肉味，重要乾過阿媽。塊西冷有三分之一係咬唔入的筋。我地食完，侍應大叔又來，問啲野啱唔啱食，我就如實同佢講。佢即刻面色一沉，跟住話會同廚房反映。從廚房出來之後，只說句多謝。我唔係話貪你啲乜，我如此表達我的不滿，你點都有啲甜頭比返我，等我條氣順返啲掛。一杯咖啡，一杯果汁都無。真係難怪咁少食客。今晚食的是信用卡優惠套餐＄588，原價要過千。如果要原價埋單，我會恨自己一世。最慘係我食唔飽！

好姊妹知道我是生蠔控，生日約我到Sky Bar 撐枱腳為我慶生， 真開心！Sky Bar 門外設有飛標，餐廳內裏空間挺大，當晚是weekday晚上，人並不多，只有幾枱客人，可以慢慢傾慢慢享用晚餐。點了一份安格斯肉眼扒餐，包括了餐飲一杯，scone、Green salad及Soup of the day。Scone是微暖的，但比較硬和實，沙律一般水準，而餐湯真的很像罐頭湯，以上頭盤都很普通。這裏生蠔出名，妹妹不吃生食，於是我們點了一份生蠔（4隻），另再要一份兩種口味焗蠔（4隻），生蠔四隻，是什麼蠔不太清楚，因為侍應沒介紹，我也懶問，而其中一隻有點臭味，感覺不新鮮，於是我請侍應幫我換掉。焗蠔有兩種口味，口味尚可，但是極為細小。主菜點了一份安格斯肉眼扒五成熟，肉嫩多汁，挺好吃。總結是晚用餐，不算物有所值，食物質素方面平平，服務還可以，最大優點也許是不用限時還枱。

平日放假最着數,除了不用同人逼外,去餐廳食野就最多優惠。店舖門口見到大大字張貼出黎午市套餐買一送一,即時同朋友走入店內擦返年餐。叫左最貴個set $178 同朋友一人一set,滿心期待,點知送上黎的食物真食人大失所望,湯尚算Ok,無驚喜,鬆餅同普通麵包舖的一樣,無特別,主菜擺出黎效果幾靚,似番百幾元質數,但蝦完全無蝦味,青口又係急凍的,牛扒就幾好,亦真的很細片,可能真的是買一送一的关係瓜

從來都無諗過自己會寫食評因為一直都覺得「好又一餐唔好又一餐」但係今次真係食到把幾火 所以決定要話比其他人知等大家唔好再中伏！😡話說呢個星期忙到甩轆諗住happy friday食餐好嘅慰勞下於是就去左Yoho mall樓下嘅Sky Bar男朋友嗌左煙三文魚黑松露pizza我就嗌左set dinner要肉眼扒（餐牌仲要話係填完即止 好巴閉咁）個set包餐湯 一個scone同埋一杯餐飲諗住佢＄238都唔過份一黎個餐湯係薯仔忌廉湯 飲左一啖其實即係金寶濃湯跟湯黎個scone 硬到用刀切都有難度再放入口 我淨係食到麵粉味 係一舊硬既麵粉好啦 一心諗住果啲都係配菜 滿心期待塊扒塊扒一到個心嚇到離一離塊扒薄過我條命呀大佬😡如果你地估唔到有幾薄 我可以話你知 就好似豬柳蛋漢堡嗰塊豬柳咁薄😡😡再食⋯⋯⋯⋯⋯中式牛柳味架囉⋯⋯⋯⋯⋯⋯我完全唔明點解我會係一間西餐廳花200幾蚊去食一塊豬柳咁薄既中式牛柳😡😡😡男朋友order嘅pizza都好少少有黑松露味嘅⋯⋯不過啲味唔平均⋯⋯而且無論係Pizza定係塊扒都太鹹我哋飲咗幾杯水同埋飲埋個餐飲都仲覺得好鹹⋯⋯⋯而且每次都要舉好耐手先有侍應過黎招待⋯⋯bad fo

之前見形點開始營業就嚟試過一入門既Apple green又好食又抵之後家姐話我知原來係pizza express 有條電梯落去頌有幾間餐廳甘今日就同媽子去望下下層西餐較多價錢唔係差好多見sky bar又有買一送一差抵就試下啦⋯⋯點知原來係伏前菜你可以選擇餐湯或田園沙律媽子同我都比較愛湯所以就選擇是日餐湯--磨菇湯味道簡單點來形容--KFC忌廉汁加菇味道一般我點的主菜是意粉好似普通街邊既意粉求其淋忌廉汁甘味道偏淡帶子兩粒味道不錯蟹肉兩條（每條都短過手指尾）黑胡椒（好多）感覺好搶味而且變得辣感覺就好似食緊兒童餐但係兒童都未必會好中意呢個真係⋯⋯好想退貨差不多二百元牛扒的size比手心更小味道不錯蝦是金玉其外 敗絮其中外表很吸引，但內裡是無味的肉青口好乾身而且無味薯蓉幾滑好味凍檸茶只有檸檬味點了少冰卻給我到底的份量

放假嘅日子當然要食好野啦行開yoho mall 去左sky bar吃個舒服午餐 樓底高 簡約裝潢 環境係舒適的😌 外面風景亦令人好relax👍🏼 坐底先知做緊優惠 買一送一 😱 閒話少講 給姐來一杯白酒先😌 前菜每人兩款😳忌廉南瓜湯 甜甜的 好飲 煙三文魚凱撒沙律 蔬菜是爽甜的 不過如果可以多少少三文魚就好了⋯ 海鮮拼盤 外觀有點說不出的怪怪感覺生蠔味道還算鮮甜 蝦同青口就一般 香煎鴨肝 鴨肝味濃配上香脆麵包👍🏼👍🏼 龍蝦和牛意大利麵 龍蝦肉質爽口彈牙和牛入口軟林 牛味香濃 👍🏼👍🏼👍🏼 龍蝦帶子意大利麵 可以給我多一隻帶子嗎😂 最後來一客是日甜品作結尾 只記得係好食嘅👍🏼 總結一下 喜歡餐廳嘅環境令人relax以買一送一嘅價錢來說 午餐是抵食的不過若然份量能夠多少少 相信以正價來說都會是值得的😬

地點太近了，菜系又有點相似，來到 The Sky Bar 很難不與 Iberico & Co 比較。而相比下，這邊座位沒有那麼舒服，而店內兩邊座位，建議選擇有園林景的那邊好些，除非大家像我，同行者深愛玩飛鏢！沒錯，這邊一大賣點是有飛鏢可玩；當然計分的要入錢才行，但像小兄妹隨手丟丟（9成時間都不中... ）就沒所謂啦～　食物方面，對這裡的 Little Bite on Toast ($68/6件) 真沒留下多少印象，不過又鵝肝又帶子的，送酒都還不錯。而轉角還有一間場內值得推薦的餐廳，下文繼續～

毗鄰元朗西鐵站的大型商場「 YOHO MALL 形點 」正式開幕 ! 總面積達 110 萬平方呎 , 當中包括 15 萬平方呎綠化園林設施 , 逾 30 家星級食肆強勢進駐 , 涵蓋「 和風瀛食 」、「 亞洲珍味 」、「 西式美饌 」及「 輕盈之選 」四大類別 , 逾 6 成食肆均設有戶外餐飲區 , 令食客仿如置身大自然下用餐 , 把煩憂拋開 , 嘆盡環球美食。 幸運獲邀率先試「 YOHO MALL 形點 」號稱是新界西部及北部最大國際星級飲食圈內的五間餐廳 ( 食肆將會逐步營業 ) 及它們為「 YOHO MALL 形點 」設計的專屬限定菜式。 繼續大玩 “ 吃、喝、玩、樂 ” 四大元素的 The Sky Bar 已進駐 「 YOHO MALL 形點 」。 飛鏢機 美式桌球檯 The Sky Bar 行政總㕑特別為「 Yoho Mall 形點 」一次過推出四大全新菜式 , 包括鮟鱇魚臉頰、 特色小食 Little Bite on Toast , 共有七款冷暖配料 : 和牛、帶子、蟹肉等等 , 適合不同口味的客人； 還有 特色焗蠔拼盤、品牌生蠔盤 ( 在即開生蠔上面加上不同 T

我家附近的YOHO Mall終於開業了！趁著假期，便和朋友到商場逛逛，找個地方午膳。我們對The Sky Bar感興趣，當時是上午11:45，距離它營業時間12時仍有15分鐘，我們須在門外等候。當它一開始營業，我們被獲安排坐在窗邊的位置，可看見商場的翠綠園景，感覺舒適。再看室內環境，可見牆身的招牌及酒架，設計時尚有格調。看了餐牌，全是三道菜午餐（包括湯/沙律、主菜及是日甜品），我選了煙三文魚蜜桃沙律及忌廉卡幫尼意粉。前菜的沙律賣相精緻，蔬菜擺放得精美，而且顏色豐富、吸引，令人增加食慾。煙三文魚鮮嫩可口，肉質滑溜。各種生菜不但沒有苦澀味，而且新鮮爽脆。蜜桃水份充足並且甜美。這是一個清新開胃的前菜。不一會，主菜來了，它同樣賣相吸引呢！濃郁的忌廉汁液，正散發著陣陣香氣，隨輕煙飄起。忌廉汁很有鹹香，但又不會過於濃烈。意粉上面有一些芝士碎，進一步刺激了味蕾。意粉的配料有洋蔥粒、磨菇粒和煙肉粒，難得的是洋蔥粒沒有腥味，不會令人有口氣。此外，煙肉和磨菇都很爽口。意粉煮得軟硬度適中，腍身彈牙。是日甜品有牛奶布丁和瑞士卷，我和朋友各自選了自己喜歡的品嚐。牛奶布丁味道極香濃，有濃濃的牛奶味；瑞士卷的蛋卷很

由未開業到等到,由等到叫小比去試食,都成半年了,第一日間間都滿人,唯獨呢間似酒吧的餐廳話有臨時位可坐,門口有疑似飛標玩還有世界各地生蠔set可叫,一於就呢間,第一日比較混亂,1255分點菜,來到要接近1400,先來生蠔,由左至右,淡至濃,有法國,澳州,新西蘭等,幾新鮮再來南瓜湯,好濃好香,是小比最愛煙燻鵪鶉脾沙律配黑醋汁,老實說我第一次食鵪鶉,好滑,幾好味,菜就麻麻地,小比最怕呢種味等左9個字,主菜來,澳洲450日穀飼和牛配鴨肝,鴨肝唔錯,入口即溶,但和牛5成熟,同日本的比較,做唔到入口溶化的感覺,尚可,薯仔炸香內嫩,唔錯香蒜龍蝦羊鞍扒配黃莓醬,羊鞍嫩而不騷,配合薄荷醬一流,龍蝦就彈牙但冇咩味甜品職員送多一份,奶凍味道出色,奶味香滑,凍餅就夠味夠凍餐飲普通檸檬茶,得甜味,小比話咖啡夠濃總結,新開有點亂,味道ok,服務良好

9月1日有新商場開幕，不要睇少香港人，真的把商場擠滿了。每間餐廳也排著長隊。。。碰巧到相約元朗，想在新商場找點型格餐廳用膳。新商場餐廳朝聖，這間餐廳在商場另一邊，沿扶手梯下回到地面，相對人流沒有這麽集中，就挑這間有飛鏢玩，有美式桌球，感覺輕鬆的餐廳。午市提供午餐套餐。套餐有湯或沙律，飲品及甜品。聖凱倫牧場西冷扒$108:這裏是mr steak,相信食牛扒有一定保證。叫了7成熟的牛扒，非午餐很薄的一類牛扒，肉味濃，有咬勁，以此環境，套餐連沙律或湯，賣相及味道算是有交待了，就算配菜也煎得金黃香脆。香煎.三文魚，帶子，紅酒汁$108:三文魚沒有什麼特別，中規中舉，再配上一顆大粒原粒帶子。輕盈午餐。反而生蠔有驚喜! 有備生蠔拼盤，有6款生蠔各1隻，但最尾挑了散點的。驚喜是這麽沒有調味加工的食材，反而比其他蠔吧的生蠔更新鮮隻隻飽滿味濃，很爽甜，食材好，不用配檸檬汁更能試出鮮味。新張期9月，更有8折，很抵食!第1輪淺嚐澳洲coffin bay(忘了。。約$30,1隻)，海水味蠔味重，crispy第2round 法國Lambert (約$65，1隻),比coffin bay更咸更滿口重重海水味，愛濃

等候多時…元朗終於有個大型mall啦…內裡有三十多間食肆…餵食朋友當然第一時間黎幫襯啦…估唔到第一日係閒日都咁多人…朋友怱怱忙忙就選左呢間…裝修唔錯…好colourful...有塗鴉傑作…門口仲有飛鏢機…內裡則有張snooker枱…同好大型既銀幕…直播足球賽事…bar枱都好有氣勢…相信晚上呢度一定會好旺場呢…lunch menu有9個選擇…平既幾十蚊…貴既二百幾蚊都有…仲有依家興既all day breakfast添…不過呢度成12點先開…breakfast呢個名好似唔係好夾呢…餵食朋友除左選左2個set..仲加左碟生蠔…來自幾個唔同地方…有蘇格蘭，新西蘭，法國，澳洲…順序由淡味至濃味排列好…蠔雖大小不一…但好鮮味…清淡既有果味…濃烈既有咸水味…跟餐可選湯或沙律…湯係南瓜忌廉湯…中正我既口味…味道濃郁…唔會好稀…真材實料…而沙律係煙燻鵪鶉脾蜜桃沙律配黑醋汁…居然西式都有鵪鶉食…算幾香滑…沙律菜有好多款…但都係我討厭既草味菜黎…縱使有黑醋汁…亦中和唔到草味既感覺…至於主菜有澳洲450日殼飼和牛配法式鴨肝…鴨肝同鵝肝似乎分別唔大…都好滑…和牛選5成熟…無血水…但並不是入口即溶果種…餵食朋友