The Sky Bar (已結業)

生日媽咪話請我食飯，食咩佢話事，諗住YOHO MALL嘅食肆質素唔會差得去邊，可能真係希望愈大，失望愈大啦大約晚上七點鐘嚟度，人唔算好多，餐廳環境昏暗，都幾有情調。門口位置就係自助區域，有沙律吧，有小食，有餐湯同埋有d甜品。但總括而言質素麻麻地我同媽咪一人叫左一個dinner set無牛不歡嘅我要左牛扒，有d熟過頭口感唔太好，而且牛嘅質素都一般。媽咪叫左豬手，配左薯蓉，豬手嘅味道太咸喇我地都食唔落去呀所以有點失望，應該無下次了

星期日既夜晚同屋企人又黎食多次sky bar今次嗌左個燒春雞~黎到既時候估唔到咁大舊大到食完一半都已經覺得夠啦~因為我地食既係semi buffet 前菜同甜品係自己攞攞湯都咸左少少~ 不過甜品既焦糖燉蛋幾好食整體黎講都算唔錯既

難得平日放假，就同一家大細去食個lunch~有老人家又有小朋友，大家口味咁大分別就諗住嚟食Semi-buffet，貪佢選擇夠多諗住佢係Mr. Steak旗下，質素唔會差得去邊呱點知就中晒伏依啲都係大路嘢正正常常，擺得落口，無話特別好食/唔好食第一輪就試左四款先啦左邊係芝麻醬凍豆腐，依個絕對係無伏之選下邊嗰個係芝士腸仔沙律，我覺得似係芥末醬溝腸仔多啲味道唔差既，只係一啲芝士都唔會食到有右邊個薯仔沙律真係試一舊就夠，好生，咬落好硬上邊既Caesar salad都唔錯既，但就得千島醬同蕃茄汁揀依個湯真係不得了完全係茄膏溝出嚟，個色睇落好濃郁，但係一啲味都無主菜：蟹肉露荀意大利飯，無蟹肉無露荀，有芝士但無芝士味主菜：烤雞，又乾又鞋又無味，無左啲汁既話，我以為自己食緊練大隻嗰啲烚雞胸主菜：羊加煙鴨胸，個羊好膻但煙鴨胸幾好味主菜：焗豬扒飯，個茄汁偏酸，又無焗出嚟應有既香味一哥豬扒飯好食好多兒童餐既白汁意粉，咁多個主菜入面最好食白汁味道啱啱好甜品都偏甜，芒果布甸既芒果味好假😂檸檬茶淡過水，無檸檬味又無茶味除左坐得舒服之外，嘢食真係一啲都唔討好

今日夜晚約左朋友去SKY BAR 食SEMI-BUFFET, 選擇都好多下, STARTERS 同甜品, 仲有沙律都係自己係自助吧到拎既~ MAIN 由意粉,牛,羊,豬,雞咩都有, 我就簡左個牛扒啦~野食都黎得好快~同埋可以加$108 要半打生蠔, 啲生蠔都幾新鮮幾大隻咖!依到環境靜靜地, 坐得幾舒服! 加上店員服務態度幾好, 不過有一兩個店員好似淨係會講英文咖咋, 整體感覺都非常唔錯~

位於yoho1期，和朋友吃了一個晚餐，地方環境優美，食物正常，餐廳內有一個由粉紅光管造成的logo，好讓大家拍拍照。The Sky Bar不是傳統蠔吧。加入了娛樂元素，場內設有美式桌球及飛鏢機。除供應傳統海鮮菜式等各類西菜外，亦備有多款餐酒及雞尾酒供顧客選擇。頭盤3揀1：青瓜海膽、新鮮生蠔及和牛刺身。我就揀左生蠔來開開胃餐湯是磨菇湯，啖啖蘑菇粒，配上餐包主菜是七成熟的牛扒和薯蓉，最後還有甜品和白酒附送，這裡的食物份量偏少

平日來試下這裏的semi-lunch buffet. 沙律bar食物不錯，選舉又多。 我們選了一個焗豬扒飯，另一個是蟹肉露筍意大利飯。 諗住沙律bar唔錯，主菜都唔會太差。 首先上的是蟹肉露筍意大利飯，找完全個飯都不見蟹肉和靈筍。問經理，佢話因為兩樣野同飯一樣都是白色所以看不到但係咁食落都冇！ 到焗豬扒飯，豬扒唔知點解有陣蘇味，又肥又焗得唔香。大家樂既一哥都好佢好多。 建議大家來的話，focus 係沙律bar就算。千萬不要對主菜有所期望。BTW, 中午入去個環境都係偏暗。男經理服務態度認真麻麻，有待改善。

今晚我們喺元朗附近做完嘢之後去咗形點嘅「The Sky Bar」食半自助晚餐！喺坐低點完餐之後，我們就出咗去睇吓自助沙律同甜品吧有咩好食？有：清甜嘅泰式木瓜沙律、爽滑嘅日式螺肉沙律、煙韌嘅通粉沙律、雜肉凍盤等等等等⋯⋯至於主菜我們就揀咗迷迭香香蒜檸檬燒春鷄係原隻上，而唔係得半隻，所以賣相好吸引同感覺都幾抵食，肉質都幾軟滑，雖然鷄胸嘅肉質唔算「粗嚡」，但就略嫌有啲乾身！柑橘蜜糖醬焗德國式豬手嘅外皮非常煙韌彈牙，而且充滿著柑橘蜜糖醬嘅香甜味，至於肉質就相當鬆軟，唔會「又乾又硬」咁，真係好正呀！美國薄西冷牛扒·牛肝菌燒汁嘅薄牛扒真係相當薄身，肉質亦比較「粗嚡」，而且脂肪差唔多係佔咗三分二咁多，所以真係無乜幾多嘢可以食到！精選餐湯店員話係每日唔同，而今日就係雜菌忌廉湯，雜菌嘅味道好芳香濃郁，而且有粒粒雜菌，口感好豐富！另外精選飲品就每位人客都會有一杯，而今日嘅就係青蘋果綠茶，味道都幾香甜清新！

餐廳內牆身畫左好得意嘅海洋生物，色彩繽紛，令人心情都開心啲。餐廳內有個自助甜品和沙津吧！款式都幾多下，當日餐湯有一款係椰菜花湯。沙津我選擇左香蒜蕃茄汁調味，第一次食香蒜蕃茄汁，原來咁好味，酸酸甜甜好開胃。餐廳係半自助晚餐，我們三個人就叫左三個主菜一齊分享。主廚精選雜扒拼盤美國牛扒、羊鞍扒、原本係燒雞，待應話沽清，所以改左香草雞胸肉和豬肉腸。牛扒超薄，豬肉腸好似烚熟咁好難食煙肉野菌松露忌廉汁意大利扁麵扁麵軟硬適中，忌亷汁配松露好味原本想試柑橘蜜糖醬焗德國式豬手，待應又話沽清，介紹我地食蜜糖芥末烤英國開心豬柳，咁我地就一試。上枱賣相好靚下，豬柳勁厚肉，食落中就覺得中伏，勁一陣騷味，超級難食，我食左一啖已經放棄

難得BB瞓著左，即刻出發去搵食，外邊落住雨，近近地去Yoho Mall嘅Sky Bar食啦，家人食過幾次覺得抵食，如要求不高，又非食肉獸，呢度都應該幾合口味的。半自助餐有得揀要一款主菜或淨食沙律同甜品，是晚阿爸揀左要豬肋骨（$168），阿媽同我淨食（$108），哈哈，抵！旁邊長枱放餐湯，包，凍肉，沙律菜等。中間圓枱有各款沙律，有十幾款之多，但只有一兩款有肉的，所以係唔適合食肉獸的。最後一張長枱就係甜品枱，勁多款，蛋糕，啫喱糖等好受小朋友歡迎。飲品不是任飲，每人送一杯藍莓果茶，看起來像可樂味道有點像利賓納，但無咁甜。先來個餐湯吧，熱辣辣的雜菜湯，酸酸地幾開胃。再配個小鬆餅，牛油味好香，實淨飽肚之物。菜沙律，醬汁有黑醋，日式沙律汁，千島醬等，總有一款啱口味。再試試通心粉沙律，薯仔沙律，吞拿魚沙律等，仲食有火腿凍肉，好好味啊。飽飽地了，試埋其他沙律先，麻醬豆腐，青瓜等，有麻醬咩都好味。紅菜頭雖然係罐頭貨，但都好甜美。上面紅色的係木瓜沙律，辣辣地的泰式風味阿爸的主菜到了，秘制醬烤焗英國豬肋排（$168），有兩大排骨，份量上很多，但味道不怎麼樣，先煲熟再焗一焗，已失去豬肋骨的鮮味，醬汁亦不入味，

落雨天，四圍街道濕晒，唯有去元朗形點商場行街食埋晚飯先返屋企。無意中見發現有間「SKY BAR」食半自助晚餐價錢百幾蚊至二百幾於是入去試吓啦！自助區糕點食品多款選擇製作精美有不同種類的沙侓提供，十分豐富意式肉丸蕃茄汁寛條麵 148蚊，麵條食落比較硬秘制醬烤焗英國豬肋排 168蚊，豬肋排肉煮的太淋沒有咬口

一到十二點開門排長龍等入場， 自助沙律甜品湯凍肉既地方唔大，同1時間所有人攞食物，好快攞哂，等refill，幾搞笑。甜品蛋糕個表面細過1個郵票，水果粒都切得好細粒，咖啡蛋糕濃厚咖啡味，芝士南瓜味道唔錯，西瓜冇咩味，士多啤梨mouse cake味道唔錯。主菜冇個掂， 三文魚煎到好老，有少少腥，豬柳好似水煮熟再煎，冇味道，焗雞肉意粉雞肉偏鞋， 兒童餐只食沙律甜品湯吧連意粉58蚊，但意粉只有蔬菜粒，抵價。咖啡好苦，落左2包糖都唔掂。

係yoho mall一個都幾baby friendly嘅商場 (有專賣bb野既區域, 最近有恐龍展), 但Sky bar 就唔算 baby friendly 喇。 我哋平日下晝兩點去食lunch, 我同阿女(兩歲)兩個人, 個staff 比二人枱(坐對面)我哋, 我見入面其實得半滿, 問可唔可以坐圓枱方便照顧阿女, 佢起初話果d 係三人枱，不過最後都肯俾, semi-buffet lunch, 都幾抵食

開開心心雙約食餐晚飯，遲到不特止，這句唔順耳、那句唔順耳，天煞的思覺失調，未拍拖先嘈交 ﹗準時到達，研究一下 menu，已心中有數點什麼菜喇。朋友有排都未到，悶到發癲 ﹗飲住紅酒，自己打一檯波消磨時間。仲有 3 個星期就 pool 比賽，趁機練習下。檯、棍、波都好靚，打得舒服，不過比 After 5 張檯細好多。張 pool table 太近落地玻璃喇麻？個波飛出黎好易打爛喎，而且跟餐檯好近，真係怕個波會飛出黎打到人。等了又等，朋友終於到步，我都飲到有少少醉意。天煞的揀飲擇食，這種唔食、那種唔食，太煩喇麻。田園雜菜沙律，非常自家的配搭，十分另類，鮮爽涼浸浸夠酸開胃。葡萄乾鬆餅，好食喎﹗我唔鍾意食糕食餅食甜，都覺得味道不錯。蘑菇忌廉湯，一試滴汗，跟罐頭湯同出一轍，算罷。酥皮龍蝦湯，微弱的暖意，不只新鮮焗起的嗎？粗糙的湯汁，蝦甜味有的，散發少少澀味。小食併盤，咖哩豬柳，甜甜厚厚的咖哩，淺淺咖哩味道還可以，不過豬柳乾硬又無味無醃喎。炸薯條，簡單就是美，外脆內嫩，沾上大量酸甜茄汁 good 呀﹗安格斯牛柳串燒，硬硬的無味到笑，無牛味又無落黑椒海鹽，專登食原味的嗎？炸豬肉餅，又係乾爭爭鞋烚烚，食

早前同朋友去飲野，10:00pm左右到，問侍應幾點關門，話11:00pm,再問侍應啤酒1pint 同1/2pint大概有幾大杯,極不願答！明明收11:00pm,但10:40pm已經關音樂趕客！

見佢有半自助lunch， 諗住畀次機會佢試下，點知難食到嘔，真係 好難揾間難食得過呢間嘢， 基於環保夾硬食咗幾啖 . 塊豬肋骨完全 似 蔗渣 , 切都切唔開。 我發誓 絕對一世唔會再幫襯 ! 下等食材、九流烹調技巧、亦唔新鮮 ，如果想見識咩嘢係超級難就過嚟啦. 我呢啲懶人，唔係受咗重大 刺激 都唔會寫食評 ！ 塊鱈魚，冇豬 肋骨 咁難食，但係都係超下等水平，大家樂同大快活都絕對好食過佢多多聲。 半自助款式少之餘，又唔好食，全部係平價嘢。 今日應該當衰，完全冇食神！