The Sky Bar (已結業)

呢間餐廳都叫集團式經營早兩年去過朗豪坊分店到食中價西餐 但係無論服務同價錢都有水準但係今次去左元朗分店食真係食到一肚氣唔再講之後仲要嘔返哂出黎先講訂座到入座有個298套餐 要預訂所以一早訂左枱去到門口 有個着西裝的男經理話冇我地book枱記錄之後有個女同事話打左成日比我話想confirm booking又話冇記錄，但係又打到比我？？？但係我電話完全冇未接來電跟住講環境咁食西餐好多都係開到音響好大同啲燈光比較暗 扮晒有情調咁呢間都唔例外不過今次仲加埋特大冷氣風口係正我地枱上面吹到應一應凍到好似雪櫃咁叫佢地d staff過黎問可唔可以換枱佢地就話今晚full booking（但係仲有4/5張未有人入座）咁咪叫佢地較細d冷氣個西裝男經理話佢地冷氣係商場中央冷氣佢地冇獨立制較叫我有唔滿意直接搵YOHO投訴（已經問左YOHO，餐廳入邊有獨立冷氣掣）到睇餐牌同叫野食又係嗰位着西裝男經理過黎燈光問題 真係好暗咁佢餐牌啲字又細隻 返完成日工個人有啲攰睇唔清楚佢餐牌 想問小小野之後個男經理話未決定做咩叫佢過黎落單睇唔清楚洗唔洗比個電筒我地睇真係未食已經o哂咀298套餐，其中一款頭盤係一打生蠔其實都知唔會

為左呢間服務咁差的餐廳而第一次打食評，同朋友星期日下午係yohomall見呢間唔洗排隊就入左去，但原來唔洗排隊都有佢既原因，帶位既男侍應熊度其差，和友人餐廳中間停左三秒望下間餐廳環境，佢已經語氣好大聲講：係咪兩位架！？ 落單時語氣亦好似得罪佢咁咁態度真係影響成餐飯，食物質素亦同其他食評者一樣 不是特別好食 為食蠔既話更加唔洗諗呢間。

本身係想去食日本野既,點知明明係星期一休息, 星期二都無開...咁就轉戰其他地方搵野食啦!!最後揀左sky bar, 因為係門口見到個set幾抵!$2xx 有12隻生蠔做starter, 仲有湯,main course, 甜品同一杯白酒starter有3款可以揀,海膽青瓜, 生蠔, 和牛刺身其中一張餐牌~我地3個人就叫左2個SET + 海鮮併盤~第一樣上既就係海膽青瓜x12粒海膽有少少甜味, 唔算濃青瓜味反而好出色, 新鮮爽脆!不過wasabi一d都唔辣....白酒一杯~跟SET有2個暖粒粒muffin, 幾好食~事先已經問係咩蠔, 今日全日只得England, 無得order其他...超瘦無蠔味, 連海水味都沖走晒!!! 超失望!!!!跟住上場係海鮮併盤, $2xx有蝦,蟹腳,青口,翡翠螺,蜆同4隻蠔蝦唔算係太新鮮,但都可以接受.蟹腳好鮮甜有驚喜! 連朋友都話如果有單點會想再叫! 可惜無~青口, 蜆,蠔 無味翡翠螺有沙..再黎就係main course既豬手~皮唔夠脆, +左餐廳自制mustard, 係好攻鼻既辣...食完豬先上既南瓜餐湯, 仲要男朋友問起先記得上...飲左半碗都仍然

下雨天只好於商場內搵餐廳！見到呢間既set dinner好似幾抵就入去試下啦！頭盤沙律+鬆餅：沙律菜幾新鮮，鬆餅暖暖地又鬆軟蟹肉卡邦拿闊條麵：應該改名做白汁意粉吧，完全食唔出卡邦拿應有既忌廉&蛋黃香味，Parmesan Cheese亦欠奉我呢個卡邦拿控就有d失望！香草烤野雞配鱈場蟹腳：呢個有d驚喜！蟹腳微微烤過，鮮味十足，都算多肉！另外烤雞都好嫩滑，伴碟既薯蓉蔬菜都好好食加$98都有半打生蠔：塔塔子同男友未算好鐘意食生蠔，雖然呢度既生蠔未係特別肥美，但尚算新鮮，呢個價錢都叫抵食！今餐既食物算不過不失，但服務就爭少少啦，收得呢個價錢但服務就似一般茶餐廳水準一夠鐘就即刻拎張單過黎，光頭果個經理仲多謝都冇聲，呢間餐廳都係試過就算了

自從Yoho Mall 呢間Sky Bar 推出Buy 1 Get 1 free , 及下午茶後，人流便當堂多了不少，之前走高檔路線（或者是商埸規則要求吧），平日經過，經常只見稀疏的坐客，但現在折然不同了⋯⋯食了幾次buy1 get 1 free 的午餐後，今日閒閒地入來食個下午茶餐，其實價錢並不太便宜，一個下午茶最平也要$58再加一，同食一個lunch無分別，但食環境嘛，係咁上下啦，勝在望到園林境，仲有太陽光射入來，好醒神！叫了個炸雪魚柳拼薯條，份量都好大，粗身薯條外脆內軟，炸魚柳雖然只有兩塊，但都好脆口，勝在無雪味，總括來說，味道也不錯吧！另一個烤雜腸田園沙律，沙律份量則好少了，腸有三條，三種不同味道和靱度，幾特別，不算太辣，味道還算0k吧！

今日紀念日就諗住試下，因為見$298一個Set仲要頭盤有一打生蠔，又有扒，甜品，白酒1杯！咁抵就試下既心態，入去環境暗暗地都幾好！點咗2個餐後，轉頭先黎個熱熱地既提子鬆餅我本人覺得好食！之後頭盤生蠔12隻及日本和牛刺身12片，生蠔唔肥美都預咗但食了8隻都係有蠔殼😥日本和牛刺身就唔錯有水準！肉眼牛扒薄而無咩肉味咁！

一行三人試呢間！點餐時來了一位唔識廣東話的侍應，我們唯有英文點餐如果客人唔識講英文咁點算蟹肉卡邦拿闊條麵：幾乎食哂成碟，先搵到一條2cm長的幼身蟹柳仔香草蕃茄意大利飯配煎大蝦：大蝦ok，飯就⋯味道麻麻、份量偏少小食拼盤：牛柳不錯，炸雞（食唔出係雞），炸魷魚圈（可接受），炸雞膇（一般），豬肉粒（味道似煲完湯嘅豬肉），薯條（ok)，即開生蠔：的確係新鮮，可惜係「未發育嘅無味生蠔」飲品：加$10轉杯橙汁，竟然是一杯盛了四分之三份量的橙汁

之前上網見此餐廳做緊生蠔餐，一個餐有齊生蠔12隻，餐湯，主菜，甜品，仲包一杯白酒，都只係$298。於是訂左枱今晚試下。竟然有熱辣辣嘅提子鬆餅做餐包，我平時不太喜歡食鬆餅。但係哩度嘅鬆餅夠晒新鮮，質感好軟熟。跟餐嘅沙律，無咩特別。餐湯係南瓜湯，但係我老婆以為係龍蝦湯，意思係偏咸。最期待嘅生蠔，原本個餐價錢已經估到應該唔會太大隻，不過黎到竟然比想像中仲要細隻。好在都夠新鮮同有少少礦物味。主菜我地揀左肉眼扒，要medium，又係無咩特別，肉味唔夠，要靠個汁另外加左個Main Dish，我地揀左烤肉拼盤，有豬牛雞同香腸。佢寫住係安格斯牛扒，但係個size細到我以爲係牛脷，仲要無牛味同嚡口。豬扒竟然又硬又乾，好左雞扒都入得口，不過整體衰過去茶餐廳食雜扒餐。最後嘅甜品係草莓蛋糕，完全無特別，為整而整，不如唔好送。整體黎講，此餐廳都算比較知名度高，亦係連鎖經營。可能此品牌餐廳主打海鮮，亦唔等於可以其他食物求其。如果要做平價餐而將貨就價，我情願佢正常價錢，比d心去做好食物質素好過。

今天來一試生蠔Set dinner，試試餐廳的質素有否提高。餐湯，忌廉湯入口仍然像罐頭湯。麵包仍是乾硬的鬆餅，不過是微暖。白酒一杯就不評了。即開生蠔（1打），賣相令人汗顏，當中大約一半是正常，原原整整，有點點厚度，但其餘的教人很驚訝，薄身到一個點令人嚇一跳，部份蠔亦開得很差勁，肚子都被刺穿了，坦白說，我應該會開得比他好。部分生蠔味道都算鮮甜，但絕不肥美，真的是瘦得很。生蠔的質素參差。不少生蠔被插至腸穿肚爛，皮開肉綻，慘不忍睹 ，終於忍不住要求換掉一隻。美國特級肉眼扒配薯茸和翠玉瓜，薯茸似是用粉開，肉眼扒比較薄身，牛肉味不濃，肉質鬆軟質感不太好。套餐以外另點的炸薯條竟是當晚最好吃的東西，熱辣辣又金黃香脆，反而覺得很不錯。餐附送的甜品豆腐芝士蛋糕也挺好吃，有豆腐香，而且滑，不過份量真的很細小。總括來說，未見餐廳在食物的質素上有明顯進步，外表有著專業蠔吧的裝潢，食物卻甚有港式西餐的影子。

我都考慮左好耐先打黎個食評 我唔希望人生第一個食評就係彈人地餐廳 不過真係越諗越嬲個日我地三人都猶豫左好耐食唔食黎間餐館最衰都係我揀左黎間 好後悔兩人叫左一個唔乜海洋和牛set定乜 HSBC兩人6xx有兩杯白/紅酒 之後就有和牛多士同鵝肝多士 係我唯一覺得還可以我就散叫左一個龍蝦湯一個蟹肉意大利飯正常食過西餐都知道前菜之後係湯 如果有一個人冇前菜 就湯同前菜一齊上點知我睇住我兩個fd食完小食 食完前菜 玩完一鋪桌球 我個湯都仲未到就黎餓死 吹完個位小姐之後就同朋友嘅set海鮮一齊到個海洋冇圖係因為好似放係個垃圾桶甘睇到都已經冇胃口 黑椒又落得太重手 個龍蝦湯又係一大敗作 我唔明點解可以係酸 我以為係自己問題 叫fd飲試下 兩個都叫我唔好飲終於到主菜(戲肉)Set嘅牛排 又一垃圾 一切落去已經怪怪地 一咬知乜事了 鬆肉粉落得勁多 一啲牛味都冇 忍唔住講多次垃圾我嘅蟹肉意大利飯睇唔到啲飯其一啦 啲飯硬到冇朋友 我知你一定想串我意大利飯係硬 我明我都有係其他地方食過 不過黎個真心覺得過硬 蟹腳又過鹹食唔落又曬野 忍住食又過唔到良心之後叫埋單叫左好幾次 條友仲要唔係離我地好遠 條友就掛住傾計唔

為左慶祝結婚註冊週年紀念，同老婆特意挑選位於元朗Yoho Mall 形點 The Sky Bar 晚餐。要確保當日順利，我仲特登早兩個星期前訂位。Sky Bar 嘅特色晚餐，除左有湯，主菜同甜品，特別之處就係按每個晚餐附送12隻即開生蠔，生蠔賣相新鮮，食落清甜冇聲味，我同老婆一口氣迅速清理咁多隻，食得津津有味接著來到主菜，烤龍蝦松露意大利飯，待應端上來的一刻，擺設好有氣派，相當有霸氣，咬落每一淡肉，都滲出龍蝦清香，底下的飯更吸收了龍蝦的鮮味至於另一道主菜烤澳洲帶骨羊扒，外脆內軟又鬆化，再加上清新薄荷醬，非常滋味。最後這個完美的晚餐就以香滑的豆腐芝士餅作結，愛好甜品的老婆也非常喜歡。總括來講，以這個價錢品償各種美食，是非常超值！

超級月亮之夜，在朋友家中打坐完畢，由他帶著我們三數蠔怪大蠔一番，我們一於蠔他一蠔！生蠔肉厚奶滑，充滿海水味，每只蠔晒士恰到好處，可以一次過嚐到不同種類，一人消滅一碟綽綽有餘。小人的主菜是美國肉眼扒配巴黎牛油汁。很喜歡這種簡單的配搭，無需甚麼蒜汁黑椒汁，就能完完全全突顯出牛的味道，回味之作。甜品是芝士蛋糕，加入了豆腐令整件糕餅更覺輕盈，又不失軟滑。是夜我們一眾蠔怪蠔情大開，意料之中的滿足！

對上一次食sky bar已經係一年前嘅事今次嚟到見到有一個餐(oyster&lobster set)498買一送一，即係498兩個人食喇，聽落好似好抵首先係有紅酒同兩個鬆餅我品酒唔係好叻，所以唔評論啲酒。我送俾我覺得算幾好食海鮮拼盤我見到呢盤海鮮我感到好無奈。我覺得好似食緊人哋食淨左嘅食物。我覺得成盆海鮮可以擺得美觀啲，真係冇必要用咁大個盤啲海鮮我覺得一啲都唔新鮮，我亦都從來未見過咁細粒嘅青口啲海鮮我食唔到有海水味...蜜桃將鴨肝多士我之前已經食過，我覺得鴨肝非常之香。而且蜜桃醬非常開胃芒果煙三文魚沙律分量多，個沙律係冇沙律醬或者沙律醋，純粹靠芒果調味香濃番茄湯好普通一個番茄湯，個味有啲似羅宋湯。整體來講唔算香濃龍蝦蟹肉黑松露意大利飯身為一個忠實嘅黑松露粉絲，我對呢個飯感到好失望因為我真係食唔到有黑松露味。龍蝦就普通白灼嘅。我食完呢個飯我完全冇飽肚感牛扒配龍蝦帆立貝塊牛扒細得可憐帆立貝喺龍蝦入面薯蓉得嗰幾啖，食完係好唔飽肚食完主菜就要食甜品啦，兩個人係五成飽都冇藍莓芝士蛋糕普通一舊藍莓芝士蛋糕，食唔到有芝士味..跟住就去咗飲酒(498已外嘅費用)如果呢個餐唔係買498買一送一嘅話，我係

午餐買一送一實在幾扺，Yoho Mall來說價錢算是平民。味道雖無驚喜，不過不失沒中伏。可能附近不算多寫字樓和其他商業活動，午市人流不旺，連帶服務員只得一兩位，進入店子亦不見有帶位，於是自己坐低，自己拿調味之類，十分自助。 午餐包沙律和鬆餅，味道不錯的！ 我要了卡邦尼，意粉夠彈牙，汁調味到位，份量都算ok，加兩滴辣椒仔就是完美。 老公的牛脷意粉，牛脷有三件，賣相就有點茶餐廳的感覺，如果正價印象中約$80，就有點散漫了。 如果說回頭光顧，除了價錢外，我覺得是這杯凍咖啡令我最回味。

遲來的生日晚餐..因為同朋友各有各忙生日晚餐最近先得閒補吃朋友選了屋企附近的餐廳(The sky bar)之前試過旺角分店元朗就系第一次試..點餐就交由朋友負責頭盤先來2盤海鮮賣相就不太討好而且生蠔比較細隻比起旺角分店還要差系隻青口比想像中好味d再來主菜是龍蝦同牛扒這個主菜味道還ok..而且牛扒幾軟身味道還不錯價格都不算貴都可以一試