The Right Place (寶勒巷)

營業中

休息中

位於尖沙咀的The right Place，是一間受歡迎的酒吧西餐廳。餐廳的食物質素甚高，曾吃過多次，也能吸引我一來再來。避風塘茄子$68稱為酒吧餐廳，當然有不少佐酒食物，例如有一系列的避風塘菜式。是次選擇避風塘茄子，茄子共有八至九件，每件切成圓形，厚而粗大，炸漿偏硬，搭配避風塘碎和薯片碎，囗感一流阿。墨西哥菠菜芝士卷$108品嚐過一次的芝士卷，這次又點芝次吧。一客兩條的墨西哥卷，烘烤至微脆，濕潤菠菜配搭芝士醬，更可抹上牛油果，酸忌廉和蕃茄沙沙，是又一美味而邪惡的推介哦。烘烤墨西哥粟米$58每次光顧，必點的墨西哥粟米，是次又出現啦。原條粟米放上芝士後烤熟，傳來陣陣芝士香，服務員把粟米切粒，伴勻芝士醬和芝士絲，鹹香夾撃的情況下，我全部都吃光光啦。Right Place Tour $74餐廳的服務甚好，親切有善，也是令人光顧數次的原因之一哦。

今日放工同朋友約左去尖沙咀食飯，見呢間餐廳都幾多好評，就決定一試一入到去，個環境同氣氛都幾有feel，感覺好適合同朋友傾計餐牌上食物都幾多選擇，見到好多唔同嘅配搭都好想試下M5和牛肉眼扒，肉質鮮嫩，配菜有西班牙辣肉腸炒荷蘭豆同薯條薯條唔會乾爭爭，外脆內軟，點埋啲醬汁好好味呢個Risotto材料好豐富，有魷魚、西班牙辣肉腸、燒南瓜、咸蛋黃同埋北海道帶子，成個配搭都好特別，第一次見味道都唔錯，有口感避風塘軟殻蟹，配合左中式蒸籠，仲有啲薯片，感覺幾新鮮，好惹味好香，同埋有少少辣另外仲叫左兩杯野飲，總結呢間餐廳環境幾好，好適合同朋友傾下計，飲下野，店員朋友態度都唔錯，下次放工想飲下野都可以考慮！

今個月工作頗為順利,公司都有鼓勵大家同事，自己當然係要獎勵下自己啦，收工後約埋同事一起食餐豐富晚餐，位於尖沙咀區呢間有相當水準嘅餐廳，之前朋友嚟過誠意推介給我。 藜麥芒果蟹肉牛油果沙律伴阿拉斯加皇帝蟹腳＄148 肥大嘅皇帝蟹腳，冧冧肉，鮮香味甜，蟹肉幼嫩無比，配搭有益藜麥，當造嘅芒果，芳香撲鼻，清甜潤喉，時令新鮮水果冇得輸，剛剛熟嘅牛油果，軟滑又蜜味，好滋味，配上多款新鮮沙律菜，多種層次帶給你你多重享受。烤澳洲M5和牛肉眼扒10oz伴西班牙辣肉腸炒荷蘭豆薯條＄398 份量十足M5和牛，大廚應客人要求烤製時間十分準繩，肉眼扒柔柔韌韌，軟軟腍腍，肉味香濃，豐富肉汁在你口裏徘徊盪漾，頂級食材令你回味無窮，其他嘅配菜都不輸蝕，西班牙辣肉腸皮脆肉嫩，非常滋味，有清甜幼嫩荷豆，鹹香薯條脆卜卜。Ginger SeasonPineApple Juice，Fresh Ginger，Home-made Honey Cordial，Lemon Juice，Ginger Syrup，Soda Syrup $74HH $98NH這個飲品是薑味梳打，裏面有菠蘿汁以及兩片新鮮的薑，味道清新又清甜。Non-Grand

最近考試週剛剛完結，眼見妹妹 考試非常辛勤又努力，一定要獎勵下，細妹係一個為食豬，好鍾意食嘢，於是就帶佢嚟一間有質素嘅餐廳，等佢開懷大吃。環境相當唔錯，有大大嘅螢幕播放，有片有音樂，令客人一面有愉快心情，一面品嚐喜愛食物，雙重享受。魷魚，西班牙辣肉腸，燒南瓜，鹹蛋黃，法邊豆意大利飯伴輕煎北海道鮮帶子＄188 King size嘅鮮帶子，零舍鮮甜，輕煎手作，令帶子汁液完全封住，一丁點都沒有流失，肉質幼嫩鮮甜，完全滿足你嘅口感。新鮮魷魚，脆口又爽甜。西班牙辣肉腸皮脆肉嫩，辣味非常到位，剛剛好。多款配菜嘅配搭，恰到好處。粒粒圓潤飽滿意大利飯，柔韌適中，整體非常滿分。煙肉，燒南瓜，法邊豆，車厘茄，帕馬厘芝士汁捲紙通粉香煎鵝肝＄168 鵝肝煎香得香氣迷人，軟軟綿綿，蜜蜜糯糯，大廚手作非常出色，香濃帕馬厘芝士放在別緻捲紙通粉上，美觀又惹味，週邊嘅配菜配搭得宜。LocalFashion$138Home-made Dried Longan Infused Rum，Islay Whiskey，Soda Water，Red Date，Ginger，Orange Peel呢個雞尾酒嘅酒精濃度比較高，味道都比

人嘅一生營營役役，為咗生活努力工作，由朝做到晚，返到屋企真係好想同一個Right Person分享點點滴滴。好彩我M佬私有化咗A姐，但有一個Right Person都想有個Right Place，等我哋可以舒舒服服傾吓計。今日就去到尖沙咀嘅The Right Place，同我親愛嘅Right Person喺Right Place食Right Dinner飲Right Drink。避風塘軟殻蟹嘩，好欣賞餐廳用大點心籠，賣相好吸引！兩隻軟殻蟹大舊兼厚肉，搭埋避風塘炒蒜，非常惹味。不過如果避風塘再辣啲就更好啦！美國安格斯牛肉芝士煙肉煎蛋漢堡安格斯牛肉煎到五成熟，牛味濃郁，一咬就流晒啲肉汁出嚟；配埋煎香嘅煙肉同新鮮蕃茄；特別欣賞隻太陽蛋，撈埋啲蛋汁，好滿足！德國豬手豬手份量十足，外皮燒到脆卜卜，裏面肉質仲保持到鮮嫩，肉汁豐富。呢到仲好多特色飲品同cocktail，有唔同嘅口味！如果想搵到啱自己嘅口味，可以同店員查詢聯絡了解！我哋今日試咗My cup of tea同Cocktail Soup。（記住Like同Share畀朋友）By A姐M佬 玩樂日記

HappY Friday 今日約左朋友去飲下野吹下水 互相呻下所以揀左間酒吧既餐廳貪佢飲2杯唔怕比人趕走黎到門口真係幾好feel wo好似去左外國甘入面不停播住舊既英文歌mv同片終於唔再比韓國仔包圍住呢到裝修好有心思仲有好多特色飲品都幾中式feel 幾有新意我嗌左呢個先飲個壺入面熱既 再飲啖凍既熱既比較重味 凍既就甜甜地不過我試過靜係飲凍 原來真係都好濃 苦苦的唔怪得要先飲熱 等個口腔warm up左先飲凍小食海鮮拼盤我朋友堅持要嗌一飯一意粉好彩我最後說服到佢一漢堡一個飯 都飽到滯估佢唔到 又幾好食wo個meau 又好似成份報紙甘 好得意

每次黎The Right Place都會有驚喜，今次Menu多左d新款菜式，我地點左避風塘茄子，煎帶子魷魚南瓜辣肉腸意大利飯同德國豬手。避風塘茄子係必食推介，好大份，茄子勁厚切，睇相好似切緊粒帶子咁XD 外脆入面juicy, 少少辣好好味。而煎帶子魷魚南瓜辣肉腸意大利飯都唔錯，好多料，帶子半熟好滑，個sauce好creamy, 係做得唔錯既意大利飯。最後呢隻德國豬手又係想推薦比大家，d肉好嫩滑一d都唔鞋，咸味適中，唔會好乾就咁食已經好夠味，餐廳仲會幫忙切開d肉，方便share!飲品都係有各款酒精飲品同cocktails ~整體好中意呢間餐廳，食過幾次都仲keep到水準!!

今日星期日，和朋友去到尖沙咀行街，去到晚餐時間想chill下，就去左寶勒行一帶搵食。最後搵到the right place!你間我哋經過嘅時候本身以為係酒吧，點知裏面有西餐，更加有啲fushion菜。先講份量，呢個份量係我哋完全食唔晒，每一碟都大大碟，尤其是係薯條，熱辣辣之餘份量又多，仲有好多芝士，松露油亦非常好，好惹味！朋友成餐飯最鍾意呢個藜麥芒果蟹肉沙律$148，夠晒清新之餘，亦都夠晒健康，啱晒啲成日話減肥嘅女仔到墨西哥完條粟米$58，粟米好甜，再配上汁，又係好好味！而且侍應仲會幫我地切埋啲粟米粒出嚟，勁細心青蘋果配上黑毛豬，聽落好似唔係好關事，但係其實青蘋果嘅清香會減少左肉嘅肥膩，食完好似少左罪惡感。避風塘椒鹽魷魚鬚$88又係好有驚喜，魷魚食落爽口唔會韌，加埋佢個脆卜卜嘅外層一齊食，送酒一流飲品方面，有啲特色嘅cocktail同mocktail, 同時都有tradition嘅cocktail紅酒白酒等等，同朋友聚會傾偈一流！

同好耐無見fd meet up, 決定黎呢間環境唔錯餐廳.order 左個魷魚，西班牙辣肉腸，燒南瓜，咸蛋黃，法邊豆意大利飯拌輕煎北海道鮮帶子$188帶子肥美鮮味，表層輕煎到金黃色睇落更誘人. risotto 拌上些許咸蛋黃味道又幾match. 只係risotto texture 偏腍左，似係普通飯軟腍口感.鮮蟹肉煙肉海膽汁卷粉拌鮮海膽$188原本問左店員，想轉用普通spaghetti，點知最後都係用番original 卷粉. 其實個人覺得呢隻卷粉都okay, 幾有口感. 不過fd 比較prefer 食開spaghetti味道方便覺得risotto 比較優勝.蟹肉唔算好多所以鮮味無ecpected 咁濃郁，而risotto 咸蛋黃創意fusion同大粒帶子就相對吸引.另外抵讚係呢度幾個staff 都有對wine豐富知識，會因應order dishes 同客人口味recommend唔同wine. 個人對wine 無咩研究，見佢地同部分熟客談酒論酒就更佩服. 因為我地dishes 多係seafood 類，所以staff suggest 番white wine/sparkling wine

夜晚和朋友到了這間有氣氛的酒吧餐廳吃個便飯。這裏的氣氛不錯, 很適合和朋友來這裏喝杯啤酒, 慢慢聊天。不過我們選擇了在晚飯時段來這裏，所以，氣氛可能會比夜少少來差一點。我們就先點了一個避風塘茄子和烤墨西哥式原條粟米來分享。避風塘茄子的分量比我想像中大, 酥炸茄子咬落脆卜卜, 裏面的茄子也很juicy。烤墨西哥式原條粟米來到的時候, 店員會在我們面前切粟米. 粟米很惹味, 帶點芝士香. 上面亦有些沙律醬。沙律醬和粟米混在一起, 味道很豐富, 吃下去很開胃。藜麥芒果蟹肉牛油果沙律伴阿拉斯加皇帝蟹腳 - 蟹肉很鮮甜, 不錯, 值得推介! 芒果和牛油果也很新鮮, 底下的藜麥帶點檸檬汁的味道, 健康又好味, 食落沒有飽滯感。巴馬臣芝士汁捲紙通粉伴香煎鵝肝 - 捲紙通粉裡有煙肉、燒南瓜、法邊豆、車厘茄。 香煎鵝肝是半生熟的, 所以裏面呈紅色, 而且質感比較淋身。這款mocktail很特別, 看下去很像中式糖水, 但其實是無酒精飲料。它是以薑汁、ginger syrup、豆奶等等混成。裏面亦有幾片薑, 喝下去有豆香味, 就像在喝有薑味的豆奶似的。

放工去同幾個同事去happy hour，先叫了杯Ginger Season，酸味加薑味較重，味道清新，適合夏天解暑氣。同事的菠蘿汁就比較普通。坐左一陣，大家都有點肚餓，叫了個鮮蟹肉煙肉海膽汁扭捲粉伴鮮海膽，扭捲粉應該是手製的，比平時乾意粉類更煙韌及爽口，加上海膽汁甘香及蟹肉的鮮甜味，整個意粉非常好味，話咁快就被同事們清碟了。另一個烤智利銀雪魚柳伴西班牙辣肉腸炒芥蘭苗及油封手指薯配青芒果粟米莎莎，銀雪魚皮煎得香脆，魚肉雪白及嫩滑，下面墊著幼嫩的芥蘭，炒得很翠綠及爽脆，不過比較油，原個烤薯很腍很香。兩個主菜，我較喜歡扭捲粉，因為真係好少見而且做得好味。

約了朋友去了尖沙咀食飯，但因為我突然要開會，所以遲大到，朋友就去了附近酒吧等我。這間The Right Place除了有酒飲之外，其實還有主菜及小食等，跟一般西餐廳分別不大。凱撒沙律羅馬生菜新鮮爽脆，表面灑上大量的巴馬芝士、煙肉碎及麵包粒，再淋上沙律醬，沙律份量十足，清新開胃。低溫慢煮西班牙烤黑毛豬鞍伴西班牙臘肉腸炒荷蘭豆及油封手指薯黑毛豬鞍有成兩寸厚，大過我隻手掌，外面煎到有焦香，中間還帶點粉嫩，豬鞍肥油不多，但咬落去充滿肉汁及油份甘香。手指薯比一般的薯仔味道更香而且煮得很腍，荷蘭豆翠綠爽脆。Dr. Kitty & Right place tour前者是荔枝、芒果溝菠蘿等，味道較甜，後者味道特別，未試過有熱飲既mocktail，有淡淡茶香及果香，味道清新又不會太甜。

放假緊係要嘆番杯，最好緊係揀番間唔太遠，環境又唔錯，仲要有得食餐好既先再飲下野，咁先叫做享受假期。成個感覺都好好，外面有得坐住傾計飲酒，雖然天氣熱熱地但兩三個人坐下都幾正，如果想食野就坐入面喇，一入去就見到大大個酒吧，上面放左一啲白色既蝴蝶仔做裝飾幾靚。入面都有好多幾有特色既裝飾，門口有個窗框上面放左幾隻假雀仔，入面都有一個模擬睇到街外景既裝飾，其實都幾做緊有香港既特色。一見到呢個就諗住叫，《美國安格斯牛肉芝士煙肉煎蛋漢堡》($128)，大大個漢堡包哄過香脆，煎蛋蛋黃整穿好多蛋汁，牛肉叫左五成肉汁夠多唔會乾爭爭，加上香味十足既煙肉更好食。呢度一個特色菜，《避風塘軟殻蟹》($98)用上左中式蒸籠夠特別，軟殻蟹兩隻都好大隻啖啖肉，炒到好香有辣味入埋仲撈左脆片。另一個主食《鮮蟹肉煙肉海膽汁扭捲粉拌鮮海膽》($188)，扭捲粉長長地又有啲咬口，蟹肉都好多上面有幾舊海膽，意粉既汁亦夠濃香。呢度好多特式既野飲，《Between Your Tea》($138)成個茶壼既擺設好中式好優雅，好似人地拎黎嘆茶咁，入面有Gennaicha Infused Gin陣酒味好濃，熱辣辣既酒加左橙同葡萄柚。另一杯係

今日放工同朋友想去尖沙咀食餐飯傾吓計，見到尖沙咀唔少餐廳都大排長龍，最後搵到the right place，打算飲杯野傾返夠本！其中一個朋友原來嚟過呢度食，所以係佢嘅推薦之下就叫左藜麥牛油果芒果沙律加蟹肉、墨西哥烤原條粟米、巴馬臣芝士香蒜松露油薯條、青蘋果黑毛豬、清酒煮蜆。藜麥牛油果沙律非常健康，加埋芒果同埋蟹肉入口好清新。食完啲健康野就要食返啲邪惡嘅嘢，芝士松露薯條熱辣辣非常好味，我係完全忍唔住口不斷咁食。烤原條粟米係我朋友介紹，原來係連沙律汁等等一齊食。青蘋果黑毛豬，兩樣一齊食原來係好夾，因為青蘋果唔會太甜搶左黑毛豬嘅味，而清爽口感同肉嘅質感都十分配合。清酒煮蜆，蜆份量比預期中多，加上多士比我地浸一浸個”湯”，又係另一種滋味。埋單每人大約$250，其實唔太貴。

好耐冇食鹹豬手啦！喺屋企整好麻煩，所以就出街食啦【The Right Place platter】$298一共有好多款嘅小食。適合二至三個人分享㗎，個炸雞都唔錯仲有 豬頸肉，生蠔呀。【Spaghetti with Squid, Bacon, Young Spinach】$138 呢個味道中規中矩，意粉煮得不錯👍🏻【German Pork Knuckle】$228 個皮係脆卜卜嘅，不過側邊有啲位就偏硬。啲肉軟身而肉汁豐富，份量都幾大下，而且易膩。【US Angus Beef Cheese Burger with Teriyaki Eggplant & Fries】$128 超級大份。外表比想像中靚呢，就咁樣已經好似宣傳照😂牛肉都幾大【Ginger season】$74 mocktail冇乜特別【Cocktail Soup】$148 旁邊仲有啲芋絲😍酒味比較重【Grand place】$148 好似啲女人平時食嗰啲滋陰補腎甜品，外表都好得意