The Right Place (寶勒巷)

營業中

休息中

位於寶勒巷既The right place~上個月朋友推薦我呢間食物質素同環境一流既餐廳,叫我去尖沙咀一試,星期六本來想訂6點早一點食,但最早都要7:30先有位~所以一定要訂檯!好中意呢個露天位～唔怕日曬雨淋非常舒服!牆身既假窗花十分懷舊,仔細睇睇原來窗外街景是中環一帶!啡色皮梳化我地都好中意充滿懷舊感～最特別的是餐廳內有個大屏幕~播放著舒情輕鬆既MV,音響很好聲浪卻不會太大~令餐廳氣氛超好!Ginger Season$98,菠蘿同薑味突出~仲有檸檬同蜜糖等味道非常夾!Between Your Tea$138,自家製玄米茶Gin~酒味頗濃~加左紅葡萄柚,橙,綠茶,帶點果味~呢個系熱酒來的,要儘快飲!意想不到會有避風塘菜式~睇見餐牌款款都吸引~叫左避風塘椒鹽魷魚鬚$88,用竹蒸籠盛著鋪滿陣陣蒜香麵包屑既魷魚鬚~薄薄的炸粉像魷魚鬚的皮與它連成一體~肉質爽嫩,非常惹味!!帕馬厘芝士汁捲紙通粉拌香煎鵝肝$168外層微微焦香脆脆內裏綿綿的鵝肝拌通粉一流~鋪底的煙肉,燒南瓜,法邊豆,車厘茄,第一次食咁多蔬菜的通粉,滿足!!意大利飯拌輕煎北海道鮮帶子$188三隻珍寶北海道帶子~兩邊微微輕灸~一隻都分

星期日去尖沙咀食個early dinner，路經呢間幾好mood，就入去happy hour埋。餐廳外有outdoor 位，無論下午或晚上黎都咁吸引。餐廳內有projector，放影種類有fashion、movie trailer、music video，感覺很棒的。有香港特色得黎又唔老土的佈置。環境氣氛不俗，好chill。Sunday food 全日30% off，好抵！Drinks 好creative，都係自家研發，仲有tofu pudding都好想試！Right Place Tour ($74 /H.H.) ，熱飲的mocktail 味道很清甜，配中式萬壽無疆杯好有意思，自家制蘋果syrup配桃味紅茶，味道好夾。飲到底，發現還有牛蒡，呢個mixing實在好有驚喜！Cocktail Soup ($148)，店員先將喇沙汁加入熱鐵盤上，香氣即時四散，有酒精成分的laksa syrup，真係未試過，乾蝦仔配芋絲好惹味。用上中式碗來載西式cocktail也是蠻創新的，黃色的cocktail很有東南亞特色，有椰汁和菠蘿汁混vodka，唔好睇少，酒精成份都幾高。烤墨西哥式原條粟米 ($58)

難得星期一同老婆一齊收早, 我地係尖沙咀睇完戲都未夠7點, 上openrice搵到呢間評價唔錯嘅The Right Place, 打算先食個early dinner再返屋企。The Right Place係寶勒巷入面, 餐廳樓梯好高, 餐廳入面嘅大屏幕播放外國的MTV, 配合有格調嘅裝修設計, 整體環境令人好舒適。😙餐牌設計都有花心思, 菜式同飲品選擇有多款式, 其中以加入左中式元素嘅飲品最特別, 我地點左一杯cocktail, 一杯mocktail都係加左呢個元素, 另外我地點左一客沙律, 一份菠菜芝士卷同扭捲粉, 兩個人應該夠食。😁Local Fashion $138呢款Cocktail加入左紅棗同薑, 味道非常特別, 酒味非常濃, 紅棗微甜加上橙皮香味, 整杯Cocktail味道層次相當豐富。👍Ginger Season $74(HH)老婆呢杯Ginger Season雖然有檸檬同菠蘿嘅果香, 不過唔會好甜, 反而薑味比較突出。藜麥芒果蟹肉牛油果沙律伴阿拉斯加皇帝蟹腳 $148$148呢份沙律只係阿拉斯加皇帝蟹腳已經值回票價, 蟹肉超飽滿, 味道鮮甜, 沙律亦舖滿蟹肉, 芒果牛油

之前行經寶勒巷見過呢間bar and restaurant, 裝修幾靚食物又吸引，今次再經過，有機會當然要來食下。入到去唔單止餐廳佈置有style, 連staff每一個都係有性格的型男美女，仲好有禮貌貼心八爪魚羽衣甘藍橙柚子沙律唔係講笑，菜式名的材料全部都有，仲要用料唔手軟，八爪魚爽口鮮甜，配埋柑橘汁好juicy, 沙律好新鮮，羽衣甘藍切到一口大小好方便食避風塘魷魚鬚超級惹味，魷魚鬚炸到好鬆化，金香帶少少香辣，炸蒜等配料勁多，仲有少少薯片混左入去，食晒魷魚仲會情不自禁食埋d炸料蟹肉煙肉海膽扭捲粉的蟹肉同煙肉味就無咁重，但海膽味出晒黎，因為落左好多海膽汁同鮮海膽，海膽海水味濃唔腥，扭捲粉好特別有咬口烤墨西哥原條粟米好壯觀，芝士多到滿瀉，店員主動幫手切成粟米粒，就咁舀就食得勁方便，芝士溶晒落熱辣辣的粟米粒，咸咸地芝士好香Made in Hong Kong其實係凍酒，有一片果皮係面，呷住果皮咁飲好香，cocktail主要由gin調，溝埋果酒唔會好甜，唔會蓋過gin的味Between your tea係熱酒，外型好吸睛，一開始飲會覺得有d嗆，飲到後期反而甜，熱個陣好暖胃，攤凍左越飲越甜

有日同朋友一齊去咗尖沙咀行街，行到肚餓就諗住喺附近是但搵間餐廳食嘢，點知見到依間餐廳啲相非常之特別而且佢哋嘅雞尾酒都係好有特色，有啲似懷舊中國風，但係又有少少西式嘅感覺。雖然都係估估下，唔知道好唔好食，朋友就話不如試吓。去到餐廳嘅感覺係一間好有特色嘅酒吧，餐廳入面放咗一個好大嘅屏幕，上面播放着一啲電影嘅預告片，音響嘅效果都非常之好，成間餐廳都好有氣氛估唔到餐廳嘅食物都令我幾有驚喜一開始叫左個沙律，啲菜加埋啲nuts好夾，啲帶子仲好正添主菜我同朋友每人都叫咗一樣嘢食，我就叫咗一個忌廉芝士牛肉漢堡包配薯條估唔到漢堡包嘅質素都幾高，牛肉咬落去係好有肉汁而且忌廉芝士嘅份量都非常之多。而我朋友就叫咗一個炸魚漢堡，餐廳嘅炸魚都係即叫即炸所以非常之脆同埋新鮮食落去雖然有啲熱氣但係非常之香口，鍾意食香口野嘅朋友應該都會好鍾意。講完嘢食一定要講埋佢哋餐廳嘅特色飲品，雞尾酒部份有特色嘅酒同埋傳統嘅啤酒今次就叫咗侍應推介嘅made in Hong Kong，依杯酒係好似中國涼茶嘅樣但係味道就非常之好味入面加左whisky 同gin酒味道甜甜地，飲落去又幾搞笑。另外我仲叫咗一個豆腐花雞尾酒，呢個雞尾酒非常之特

For a chill night with friends, I came to Tsim Sha Tsui for a casual dinner and came across this bar & grill restaurant in the Prat Avenue. The restaurant serves Western style cuisine, while the bar section is decorated in a Hong Kong style. My friend and I ordered two mocktails, called Right Place Tour and Longan Grey. They taste quite special with both of the mocktail based with tea. For the food we ordered crab meat bisque, scallop risotto, eggplant beef burger, chili salted cuttlefish and ap

今晚和好姊妹來the right place 這間酒吧西餐廳談天說地。而這裡的食物是the right food, 美味。 藜麥芒果蟹肉牛油果沙律伴阿拉斯加皇帝蟹腳$148這個很足料, 多蟹肉。配上藜麥, 芒果, 牛油果, 很豐富又有口感。而阿拉斯加皇帝蟹腳則新鮮鮮甜。這個沙律真的很清新。 避風塘椒鹽魷魚鬚$88避風塘椒鹽魷魚鬚是用蒸籠承托著。一端上來時, 炒蒜覆蓋著魷魚鬚 , 我們急不及待要試味道。魷魚鬚外皮炸得酥香。每條魷魚鬚都沾上椒鹽粉, 很爽脆, 又不會太油膩。 意大利飯拌輕煎北海道鮮帶子$188這個意大利飯用料豐富。有魷魚,西班牙辣肉腸, 燒南瓜, 咸蛋黃, 法邊豆。意大利飯加了咸蛋黃, 十分咸香, 又幾特別。 烤德國咸豬手$228烤德國咸豬手烤得靚仔,外皮烤得脆卜卜。食落很香脆, 很入味。鹹味及脆度都拿得很恰當。值得一試。

Weekend 約左舊同事係尖沙咀食飯聚下 舊同事一早就book定左台 去到唔洗等位就入得先叫左個小食墨西哥牛肉芝士卷 外皮脆卜卜 入面滿滿嘅牛肉粒 配埋芝士 生菜同蕃茄入口口感豐富主食係我最愛嘅意大利飯意大利飯份量足夠2個人食 配料好多 有魷魚、西班牙辣肉腸、燒南瓜、咸蛋黃、法邊豆 食落好creamy又夠料夠味最特別嘅就係輕煎北海道鮮帶子帶子輕輕煎一煎到外面金黃 帶子肉完全冇縮水 好鮮甜安格斯牛肉芝士煙肉煎蛋漢堡伴薯條黑色漢堡成功吸引我地 牛肉叫左7成熟 好juicy 不愧係安格斯牛肉夾埋芝士煙肉一齊食簡直係一級享受薯條即叫即炸熱辣辣飲品叫左杯mock-tail Ginger season有菠蘿汁、薑汁、 蜜糖、檸檬汁、梳打水唔太甜又清新 啱曬一邊食好野一邊飲The right place真係聚餐傾計好地方！

友人約吹水, 去吧確係好岩數, 呢間吧仲有得食埋晚飯, 唔怪之得門口位已經坐滿咁濟場內環境比人感覺輕鬆舒服, 無拘無束, 將一日嘅悶氣及壓力盡情釋放餐牌上有多款食物選擇, 送酒小食選擇都幾吸引當然唔少得Drink List, 酒類及非酒類都照顧到, 我地今晚選擇Mocktail呢杯無論顏色同賣相都咁可愛嘅Dr. Kitty ($66), 好少女系呀!  一睇個紅色蝴蝶結就知係代表緊邊個, 忠粉一定唔可以錯過啦!  "內涵"同外觀一樣咁甜美, 入口有香甜菠蘿汁味道, 再配以荔枝及芒果糖漿,  甜美少女系代表呀! 另一杯為"辣妹" - Ginger Season ($74), 以薑為主題, 入口唔辛辣, 只有淡淡薑味, 配以梳打嘅有氣感, 炎夏日子飲都唔錯!食物出場啦............呢客低溫慢煮烤西班牙黑毛豬鞍伴西班牙辣肉腸炒荷蘭豆及油手指薯 ($298), 賣相實而不華, 菜名已經寫好嘅食材就真係有咁多!豬鞍成幾吋厚度, 夠晒份量, 因為係西班牙黑毛豬, 無需要全熟都食得安全, 落左Medium要求!  豬鞍先慢煮然後再煮香外面, 切開時仍然見到內裏呈現粉紅色, 口感鬆化, 肉味

從朋友傳送過來的相片，見到很中式化的雞尾酒，又有用中式點心蒸籠盛載的避風塘食物，嚷著要朋友公開餐廳名稱，好等自己都可以一試，此酒吧餐廳原來位於寶勒巷，很近另一酒吧街赫德道。下雨天的晚上以為會較少人，但原來錯了，室外的吸煙區更加坐滿了人。酒吧氣氛很不錯，人客很斯文，大都是靜靜的喝著啤酒聊著天。餐廳裝修喑喑的，中央有大屏幕播放著電影片段，有一些片段很經典，很久沒看過，看後鈎起一點回憶。My cup of tea到酒吧飲酒是想當然吧！The Right Place的中式雞尾酒很有特色，My cup of tea茶壺內的是暖綠茶氈酒，先將暖氈酒倒入茶杯，喝一口暖暖口後再喝一口凍茉莉花甜酒。綠茶氈酒茶杯底有一條小金魚，倒入酒後小金魚猶如在綠茶氈酒中暢泳，很有思意。綠茶氈酒酒精度不低，冷暖酒交替飲可以減慢酒精吸收速度。Non Grand此mocktail為魚肚豆漿，似是飯後甜品多於飲品。豆漿內有大片薑，薑味不輕。魚肚較為細碎，純粹增加口感。輕煎北海道鮮帶子鷹咀豆嫩菠菜沙律伴鵪鶉蛋配黑松露菌油醋汁北海道鮮帶子略煎，保留滑溜口感，帶子味道鮮甜嫩滑。嫩菠菜作為沙律菜無論營養或味道都比生菜為佳。油醋汁份量

早幾日去左尖沙咀行街, 之後經過呢間BAR, 朋友話想試, 於是入去飲下野食下飯.我地睇完個MENU, 覺得D 飲品好特別, 一人叫左一杯野飲.我要左right place tour, 入面係蘋果紅茶，飲落好香甜，仲有幾粒蘋果肉～而朋友叫左杯 Dr.Kitty，入面係荔枝同埋菠蘿味道，荔枝表面仲有個 Hello Kitty 蝴蝶結，好得意！前菜方面叫左個藜麥芒果蟹肉牛油果沙律伴阿拉斯加皇帝蟹腳，賣相係超級吸引～ 入面有藜麥、芒果，牛油果，成個配搭冇得輸，藜麥係非常健康，而芒果又熟又甜，牛油果又岩岩好熟！好正！之後一人一個main, 叫左個美國安格斯牛肉芝士煙肉煎蛋漢堡 ~~個安格斯牛肉煎到7成熟，食落牛味濃，配埋煙肉同新鮮蕃茄及太陽蛋，食到好滿足！另一個係鮮牛肝菌菠菜欖油汁意大利粉拌伊比利亞黑毛豬火腿，意粉軟硬度適中，黑毛豬火腿都好咸香~overall 呢間餐廳係好高質素, 下次可以再食~

我朋友唔同moment 唔同心情 唔同時間 想去既餐廳都好唔同 但一講到收工食野又飲野 佢一定係推介呢間🤷‍♀️老實講 有咩咁特別先？裝修幾特別😗係餐廳唔同角落 都會搵到唔同主題既設計 咁岩我地對正d勁香港8,70年代💁🏿‍♀️ 而且佢地牆上既擺設會不定時咁轉換 唔知下次黎會有咩呢🤩🤩朋友笑我黎d 咁chilllllll既地方酒都唔飲杯 好唔俾面🤷🏿‍♀️嗱 唔好以為一定要飲酒先有feel既 呢杯ginger 幾有驚喜 唔會好甜 清新薑味 一陣食咁多野 緊係叫杯開野黎準備勁食嫁喇😌避風塘蘿蔔糕佢個避風塘傳統得黎有D創新 因為佢加埋薯片呀!!!唔好以為味道會唔夾呀 炸蒜茸+埋脆卜卜既薯片真係脆爆呀~!而且佢個蘿蔔糕係 外脆內軟咬開噴煙㗎😍西班牙黑毛豬菠蘿Burger佢個黑炭包好鬆軟 夾住既生菜唔會過多 但好新鮮食起上黎會十下十下 而個菠蘿連埋個菠蘿心 都幾厚嫁~! 最後個黑毛豬鞍扒 記住！！！佢唔係肉餅 佢係一塊扒呀～～～～😋😋 仲要唔係well done 大約7成左右熟 但因為燈光問題 唔太影到佢中間粉嫩既位置 夾埋佢個牆 有d似魚柳包個醬 但佢係黃色 酸酸甜甜甜 一d都唔溜🤩🤩蟹肉海膽汁扭

最近工作忙放得工都差不多晚上八點，老公黎接我放工我提意去尖沙咀飲杯野順便食埋野，跟本已唔容許我買野煮飯，辛苦揾來自在食，就放鬆一晚吧！成日經過已經扭話去，今晚機會黎啦！其實話酒吧不如話餐廳酒吧更適合。樓底高唔係吵吵鬧鬧，反而每枱各自自得其樂。燈光柔和，還有大大部電視不停播MV Menu好特別，有點像報紙。避風塘系列包括左軟殼蟹還有我同老公最愛嘅尤魚鬚及茄子添。 所以我地一至揀左避風塘尤魚鬚，上枱時還熱到出煙，為免太過熱氣都係等等先敢食，真係好惹味，送酒佳品，香脆既脆脆香蒜辣辣粒再特別地用上薯片碎，好鹹脆。煙三文魚凱撒沙律上枱時驚訝唔通芝士唔使錢，咁落本毫不吝嗇，凱撒沙律嘅汁調得唔錯，沙律菜都沾滿這醬汁，配埋必需嘅麵包粒，煙肉碎同芝士，還多配煙三文魚添。好味道今晚主角係德國鹹豬手即叫即製需時的，不過慢慢食住等，先上枱再拿另一地方碎上比我地較易食。都唔使點形容，皮脆肉嫩，係邊位有點硬，可以接受的，薯角同酸菜都跟上！ 老公鐘意飲啤酒多d夠晒凍有解喝同減低熱氣。爽 ~~ 有少許果味嘅啤酒！ Local Fashion有用上home made Rum酒，Islay Wisky, soda水，紅棗

係520呢個咁浪漫既日子 小胖男友當然要有點表示]佢帶左我去左尖沙咀食"燭光"晚餐過二人世界呢間餐廳叫The Right Place 對的地方當然要同對的人去啦餐廳環境舒服,有格調雖然餐牌上不乏高酒精飲品 但唔會好似一般酒吧咁好嘈同雜非常適合同"對的人"摸住酒杯底談心叫左個清酒蒜片辣椒煮蜆 個汁可以當湯飲 仲配埋蒜蓉包Main course個名勁長 "西班牙辣肉腸拌茄子....蕃茄汁捲扭粉分拌水牛芝士"呢個係小胖男友揀既 不禁要讚下佢揀得好 味道好配搭 有驚喜另一個main course係安格斯芝士煙肉煎蛋漢堡Burger外層用既應該係竹炭包 烤得夠脆但又唔會無左麵包應有既質感由於實在太多料 係咁好既環境底下 吃貨小妹都要扮下斯文 分開一層層慢慢享受整體黎講 呢間"對的餐廳"無論食物,環境,同服務都好好 值得推介

如果要講近來最鍾意嘅西餐，The Right Place 絕對係三甲入面無論食物、環境、氣氛，我都覺得唔錯！如果想去嘅朋友，最好book 定位，因為佢地係無限時，所以如果要等位嘅話，真係唔知要等幾耐的先嚟個沙律先，八爪魚羽衣甘藍沙律$128！羽衣甘藍口感清爽，而且佢係超級食物，營養價值豐富，食多少少都唔怕八爪魚食落唔會韌，同樣好爽口，配埋羽衣甘藍到，味道仲好夾添由於今晚女人多，所以我地前後叫咗兩個沙律另一款叫咗藜麥芒果蟹肉沙律$148！蟹肉超級多，超足料配埋軟滑嘅牛油果同藜麥一齊食，有口感之餘，亦唔會搶咗蟹肉嘅鮮味！唔錯之後點少得我最愛嘅烤墨西哥式原條粟米$58粟米鮮甜，配埋巨量牛油同芝士，好邪惡，但好好味呢碟五花腩伴青蘋果$88出乎預料地好味道！青蘋果中和咗五花腩嗰種油膩感，配埋芥末蜜糖一齊食，甜得嚟帶點清新！正最後再叫多咗個咸蛋黃南瓜帶子意大利飯$188，第一次食到意大利飯會加咸蛋黃！食起嚟帶咸香，口感好有趣！嚟到酒吧，點可以唔叫酒我呢杯係my cup of tea, 說穿了就係一杯有酒味嘅中式熱茶飲落暖暖地咁，好過癮！用嚟打卡一流另外佢地服務好好，絕對有下次呀！