The Right Place (寶勒巷)

營業中

休息中

提前book咗枱完全唔使等，waiter同waitress啲態度都好親切試咗個豬手，好耐無見過呢啲良心餐廳，個豬手大過我2個拳頭，超好味仲有個麵份量都ok，裡面嘅海鮮都相當吸引，賣相亦唔錯，同朋友share食啱啱好最緊要試埋呢度個法國紅酒!一倒入杯超級香，酒體夠厚，break多一陣會令你想不停續杯，好可惜只飲咗3杯就要走，下次可以直接order一支而朋友有試過其中一隻澳洲紅酒，佢話酒體較薄，亦唔及法國嘅香

令我專登由將軍澳出尖沙咀食既餐廳只有一間， 就係The Right Place,  亦係M1 Group旗下的餐廳。同ember 同出一轍的美國安格斯牛肉芝士煙肉煎蛋漢堡伴薯條$128漢堡係整之前侍應會詢問幾想要成熟， 呢個問題就反映在兩項事實： 1. 牛肉選材質素好，容許有生熟程度存在；2. 漢堡係即製的。 以上亦係為何The Right Place 的質素高得可讓我長途跋涉都要食！漢堡排非常厚身， 一切下去， 眼見肉汁隨即流出，嘩， 何其壯觀！入口肉味重是已知事， 叫了7成熟都仲係嫩軟無渣。 牛味重之餘，配上煙肉，太陽蛋，一切開， 蛋汁滲滿整個包，真係好享受！烤德國鹹豬手 $238拿到埋黎， 一把刀插左係上面！ 我O左咀。邊有得咁型咁上菜？！ 影完相之後侍應幫手將豬手切開。 豬手肉嫩多汁， 重點係， 究竟豬手要煮幾耐先可以令主骨自動分離？！ 仲可以肉嫩係令我感到意想不到。 令我出乎意料的是， 竟然表皮可以如意此香脆！ 真係好想知The Right Place 做豬手的秘法， 學下野。 避風塘軟殼蟹 $98又再一次食佢既超級軟殼蟹！呢個價錢食到兩大隻新鮮脆炸既軟殼蟹， 性價比何其高

今晚同朋友來到寶勒巷的The Right Place chill返晚。Outdoor area 可以看到街外。今晚選擇走進室內，室內播放都音樂，氣氛輕鬆，仲可以看到調酒師表演。澳洲和牛肉醬·卡拉布里亞辣香腸·水牛芝士手工貝殼粉伴溫泉蛋 $178最愛這裡的意粉，貝殼粉煙韌有嚼勁，拌著香甜的溫泉蛋黃和牛肉醬一齊食，十分滋味。日式照燒茄子美國安格斯牛肉芝士漢堡伴薯條 $128饀料極之豐富的漢堡，令人忍不住要大口大口的吃下去。五成熟的安格斯牛肉，肉汁豐富，牛味濃郁。夾著照燒茄子和木魚碎，和風味道跑出來了。燒西班牙黑毛豬五花腩伴芥茉籽蜜糖青蘋果 $88五花腩烤得十分香脆，夾著微酸的青蘋果一齊食，解膩之餘，令肉味更香甜。法式熱情果焦糖燉蛋 $58香甜的焦糖燉蛋，配埋熱情果的微酸和香氣，不會是死甜，蛋香在口中慢慢散發，是甜而不膩的美味。飲品方面，不論酒類，還是非酒精類選擇多。當中以cocktail 和mocktail的賣相和玩味都吸引人。Dr Kitty $66 荔枝味為主，味道清甜。Longan Grey $74高雅的西式茶具放著凍的龍眼蜜、Earl Grey、yoghurt好特別。

今日系和朋友認識一周年的相聚，要食好野慶祝材料豐富：八爪魚，白腰豆，車厘茄，洋蔥絲，柚子，羽衣甘藍，鮮橙肉，食落清新可口完全係味覺提升視覺提升，有醋汁嘅香甜非常開胃這個漢堡非常之豐富吸引：黑毛豬肉鮮美多汁，爽口彈牙黑松露蛋非常美味香口整個漢堡食落好棒，薯條炸得脆口，有獨特嘅風味超大粒嘅帶子煎得美味香，非常之有口感，十足鮮味多汁意大利飯用了好香鹹蛋黃和南瓜撈埋一齊，非常之美味這杯飲品看落非常之有藝術🎨配上荔枝肉，菠蘿，芒果等生果，配搭和諧，飲落好香好味用古董萬壽無疆茶杯配上一杯滋潤養生嘅，茶有蘋果，牛蒡，和蜜桃黑茶，聞落非常香，牛蒡味突出環境寬敞明亮，聽住音樂談談心坐得非常舒服

又同肥仔去食好西，今次去睇波又飲到特別酒的bar，就一於去尖沙咀。My cup of tea$148好有中國特式，雞尾酒中加上綠茶，酒香四溢，小茶杯是熱的，比較濃，大茶杯是凍的，比較香甜，店員推介我們一冷一熱咁飲，感覺好特別！Dr. Kitty$66有荔枝、芒果、菠蘿糖漿同乳酪的一杯mocktail，果味好香濃，好清新的感覺，比較開胃。脆焗咸豬手配蜜糖黑椒燒汁$198推介！豬手勁香脆，食落去又不油膩，豬手肉好嫩滑，皮好脆，仲有脆脆的薯條。👍🏼👍🏼煙肉、燒南瓜、法邊豆、車厘茄、煙莫薩里拉芝士手工貝殻粉伴香煎鵝肝$178店員叫我地將大大的鵝肝撈啲貝殼粉食，啖啖的鵝肝真係好香！加埋煙肉的味道真係好正！overall 兩人600$左右，又可以聽歌睇波。又不嘈。

同朋友係呢頭行開，想飲下酒吹下水，就入左黎。係呢度吹水好鬼正，都幾chill，又有音樂聽，非常正。講下野食，我地叫左個避風塘炒軟殼蟹，鹹蛋黃risotto伴帶子，一杯made in hong kong 同dr kitty。覺得呢個避風塘炒軟殼蟹好特別，決定叫黎試試，佢微辣，好西式的味道，個軟殼蟹脆卜卜，佢個味道真係好適合用黎做下酒菜。個人好中意呢個鹹蛋黃risotto，入口啖啖鹹蛋黃味，但又唔會膩，絕對係必試item，而且帶子煎得剛剛好，非常好味。呢杯made in hong hong打卡一流哈哈 好鬼特別。呢杯dr.kitty好適合女仔飲，甜甜地，好正。

呢晚約左個高中時代既舊同學飲返兩杯放鬆下次次約親呢個舊友都係喺尖沙咀，仲要次次都係打邊爐，呢次都依然係喺尖沙咀見，但我就話唔要再打邊爐啦，決定呢晚同佢食好“西”之前都有同其他朋友黎過，野食幾好之餘仲有啲特色cocktail~環境氣氛都好唔錯，所以就帶左舊友黎chill返晚呢度既食物款式都幾多元化，個晚包癮起既我就左個“美國安格斯牛肉芝士煙肉煎蛋漢堡伴薯條”HKd$128+10%，而舊友就order左碟“鹹蛋黃意大利飯伴輕煎北海道鮮帶子”HKd$198+10%，打算一齊share食左先，唔夠先再追加我既漢堡先到，份量都幾大！！漢堡厚度十足，order左5成熟，食落岩岩好，唔乾有肉香，夾埋芝土煙肉半熟蛋同蕃茄生菜呢啲經典配料一齊食，點會唔爽歪歪粗薯條夠熱夠脆，合格有餘舊友所揀既意大利飯都做得出色有驚喜啵估唔到咸蛋黃同南瓜既味道都幾夾，個帶子大大粒，食落鮮嫩話明要chill返晚，咁點少得drinks呢~~~個晚我就要左杯moctail“Ginger Season”HKd$98+10%，舊友就揀左款cocktail“The Tofu Pudding”HKd$148+10%飲落清清地，薑味唔嗆喉

我是the right place的擁躉，想食好野我總會想起the right place呢個好地方，今次都唔例外朋友想好野，我就帶佢嚟我最喜歡的餐廳吃一個靚嘅晚餐。必點避風塘系列「 避風塘炒蘿蔔糕」，平時xo醬炒蘿蔔糕已經好正，今次係用避風塘烹調方法，味道更香更惹味，蘿蔔糕又夠味，真係好食到一口接一口，食唔停。要食番個開胃前菜醒醒個胃，「 燒西班牙黑毛豬五花腩伴芥末籽蜜糖青蘋果」，呢個堅好味，青蘋果爽脆酸香，燒西班牙黑毛五花腩肥瘦分明，呢個前菜可以話香甜酸味都有，層次豐富，不油不膩。主菜是「 西班牙辣肉腸，花枝片，燒南瓜，法邊豆，鹹蛋黃意大利飯拌輕煎北海道鮮帶子」，北海道帶子好鮮甜爽彈，材料十足，最驚喜係個意大利飯不淋不硬，軟硬度剛好，鹹蛋黃味超濃，惹味濃郁，好好味呀！甜品也不弱「 抹茶心太軟」，即叫即製，用心製作，外熱加脆皮，內裡流出融化出抹茶醬，味道不苦澀還帶一點點甜，十分滿意。飲品方面，叫到兩杯非常有香港特色，一杯是Made in Hong Kong，而另一杯是location Fashion 。外觀靚，味道一般，打卡一流。

有次見到朋友 IG post 咗杯好有特色嘅 cocktail約開朋友飲嘢就決定嚟試吓之後先發現原來同自己好鍾意去嘅一間 bar 同一個集團對佢嘅質素就更有信心了mocktail menu 唯一一款熱飲其實最大賣點係打卡 XD茶味有點甜西班牙凍肉芝士拼盤呢個就正正常常，唔算太特別避風塘魷魚好香口非常適合佐酒！份量都OK 食食吓發現夾雜薯片碎，好正帕馬臣芝士松露油薯條一上枱大家都好驚喜點心籠好特別芝士多到覆蓋晒松露油好香蟹肉海膽扭捲粉呢個比較重味同埋有啲膩要趁熱食先好味呢個 bar 氣氛都唔錯亦都唔會太嘈嘈到傾唔到偈waiter/ waitress 好友善同埋殷勤可以回頭 

最近跟朋友來到尖沙咀的the right place,酒吧氣氛唔錯！大屏幕播放著電影MV,音樂感十足～😉,點的野都幾齊,可以食到多款小食和飲品～仲有中式FUSHION野食,總體環境不錯,地方坐落舒服,聊天談心GATHERING是不錯的地方~🎉.*美國安格斯牛肉芝士漢堡配薯條 😍漢堡墨汁厚身，安格斯牛肉多汁JUICY肉質軟腍有牛味,一份SET已可很飽了😀薯條炸至黃金色,外香脆內軟,點些茄醬*吉列西班牙黑毛豬芝士漢堡伴黑松露炒蛋配薯條黑毛豬扒炸至金黃色大大塊,黑松露炒蛋味道香濃薯條溫度熱辣辣,點些茄醬味道更佳*西班牙辣肉腸、花枝片、燒南瓜、法邊豆、鹹蛋黃意大利飯伴輕煎北海道帶子😊Risotto Creamy濕潤,燴的火喉亦控制得很好,口感不錯,鹹蛋味道香濃，不會因過熱而散失，北海道燒帶子三粒很大粒,輕輕燒至外香內嫩，整碟飯香氣四溢 ..*Ginger season🍸 & Dr. Kitty🍹-菠蘿檸檬清新感覺,配以中式的薑汁,及蜜糖梳打打底,面頭鋪上片薑🍸形成點綴,一杯Ginger season就成事喇~!😎🔥-LycheeSyrup,MangoSyrup配以PineappleJuice及

間餐廳睇落幾靚幾chill所以就入去啦。出面係happy hour既setting，入面就dinner setting。坐位夠寬敞，舒服。我地兩個人嗌左個Snacks -Signature Platter, 有燒蠔，豬腩，炸雞翼，炸軟殼蟹，燒粟米。個蠔好新鮮，肥美多汁燒得啱啱好。軟殻蟹同粟米都唔錯。雞翼就太咸，本身已經有醃，再加避風塘炸會over咗。豬腩就普通中規中矩。然後重嗌左個帶子鹹蛋黃意利飯，好香口，兩人share啱啱好。最後加左apple pie + ice cream甜品，個蘋果批好有驚喜，焗到外層好鬆脆香口，入面加埋蘋果，重有肉桂同焦糖做吊味，太熱加啖雪糕balance翻，真係好味👍🏼飲品方面，因為cocktail既款式太新奇所以唔敢試，最後叫左荔枝芒果mocktail，略嫌過甜，不過都叫好飲既。欣賞呢間餐廳既staff態度好好，食物又好味，會再黎的👍🏼👍🏼

之前同朋友食過The Right Place，覺得呢到嘅食物，環境，氣氛，價錢整體都幾唔錯，呢個weekend就帶媽咪一齊嚟Chill chill佢🙌🏻餐廳位於寶勒巷，尖沙咀站N2出口行過去5分鐘都唔駛，十方分便。餐廳有室內/室外座位，呢日落雨，同媽咪揀咗舒舒服服坐室內，室內樓底高，空間感足，座位寬躺坐得舒適👍🏻✨阿拉斯加皇帝蟹腳，蟹肉及芒果木瓜藜麥沙律 HKD158沙律嘅上層全部都係蟹肉😍下面就係芒果木瓜藜麥同沙律菜。蟹肉份量好多呀！鮮味十足！芒果同木瓜孫酸甜甜入口清新，藜麥煙煙韌韌增強咬口，沙律菜新鮮爽脆，呢個沙律令人胃口大開🤤✨墨西哥牛肉捲餅 HKD128墨西哥牛肉捲餅餡料豐富，有粟米，紅腰豆，生菜，蕃茄，牛肉同芝士，多重口感，味道仲配合得好好，配埋三個美味嘅醬汁 : 乳酪，蕃茄莎莎，牛油果簡直係一絕！✨烤智利銀雪魚柳伴西班牙辣肉腸炒韭菜花，荷蘭豆及油封手指薯配芒果莎莎 HKD298銀雪魚肉身豐厚，魚皮十分香脆，肉質鮮味嫩滑，而且冇骨👍🏻伴碟菜亦都係用心有水準之作，芒果莎莎酸甜清新，辣肉腸炒韭菜花惹味，手指薯少少咸香軟滑唔粉。✨Right Place Tour HKD98賣相討好

星期日在尖沙咀逛完街後，又再重臨The Right Place享用晚餐，以前來過都覺得食物質素之高實在令人難忘。裝修雖是走懷舊風，但卻同時注入摩登時尚氣息，設有室內外空間，環境開揚，坐得舒服，最適合與朋友們把酒當歌。餐牌同樣都是中外合璧，除了有西式的意粉、burger等食品，還有中式的避風塘小炒。墨西哥菠菜芝士卷 $118和平時常見的墨西哥捲餅賣相有點不同，金黃餅皮烘得像酥皮般焦脆，卻依然保持乾爽不油膩，加上鋪面的蛋黃醬，香口又醒胃。烤得微焦脆卜卜的外皮，加上鋪面的蛋黃醬，香口又醒胃。內餡裹滿菠菜、生菜和蕃茄，全素口味夠輕怡，捲餅包得充實飽滿，咬一口即將餡料全打包，與白汁芝士醬料綿滑交織，以蔬菜帶出爽口滋味。泰式燒原隻魷魚筒釀蝦膠 $138原隻魷魚筒肉質爽口彈牙，佐以辛香辣勁的泰式香料，將魷魚的鮮美慢慢帶出。魷魚鬚更是燒得香口，焦香撲鼻，鮮味與惹味相互交替。釀得胖胖的魷魚內藏蝦膠，口感QQ爽彈，蝦鮮味十足。日式照燒茄子美國安格斯牛肉芝士漢堡伴薯條 $128黑色漢堡令賣相變得冷酷有型，麵包佈滿芝麻粒，麻香四溢。竹炭包身烘焙出外層輕脆的口感，比平時的漢堡包更煙韌富彈性。鹹中帶甜的日式照燒醬

The Right Place是一間以特式雞尾酒和中西fusion菜作賣點的的酒吧餐廳，餐廳以六十年代的懷舊修作主題，種種富玩味的元素反倒吸引了一班年輕酒客。＊＊＊＊＊＊＊＊＊＊＊＊＊＊＊＊每逢周末，The Right Place特別旺場，所以建議要預早訂留座，否則可能只可坐臨街的座位。作為一間酒吧餐廳，The Right Place的酒品選擇非常多，但當中最特別莫過於雞尾酒，因為全部以中式飲料作主題，例如我今次點的My Cup of Tea($148)不單以中式茶壺和茶杯盛載，而且雞尾酒內還加入了綠茶，非常特別。雞尾酒酒味都挺重，大茶杯內的雞尾酒因為加入了蘋果汁，帶點甜味都易入口，而小茶杯入口暖暖的，真的有如飲茶一樣，但酒味其實比大茶杯重，一冷一熱輪留喝，都幾棧鬼。Dr. Kitty($66)這是一杯以荔枝為主的mocktail，味道清甜，非常適合女士。清酒蒜片辣椒卡拉布里亞辣香腸煮美國馬尼拉蜆($178)馬尼拉蜆體形適中，夠厚肉不會太細隻，碟底的湯汁帶點微辣，都幾惹味。鮮蟹肉煙肉海膽汁扭卷粉伴鮮海膽($188)扭卷粉有點似加長板長通粉，但口感較為彈口，海膽汁很creamy，味道非常

呢間店好多人慶祝生日😂因為有閃閃爍爍的蠟燭插在蛋糕上面，拍片一流呀，不過要快手，因為都燒得幾快😂我們叫咗三文魚沙律同帶子飯，都幾好食！然後三個女人每人一杯cocktail or mocktail。呢度無再classic既cocktail，所以唯有叫一啲特色飲品，要留意係有凍有熱最好飲係Dr. kitty (mocktail，凍既)，似果汁。其次係呢杯：不過一開始飲覺得似藥水，飲飲下先OK。上面戈塊係陳皮而呢一杯就酒精味太重，唔係好適合女孩子🙈所以朋友都無飲晒不過影相一流！