The Right Place (寶勒巷)

營業中

休息中

今次去The right place坐在出面的位置，5月已是初夏，可是入夜並不覺得熱，可能因為在外面仍有風扇和冷風機。在更出的位置更有煙灰缸，吸煙人士可以出來透透氣。烤墨西哥原條粟米好的芝士多到滿瀉，店員主動幫手切成粟米粒，就咁舀就可以吃，非常方便，芝士溶晒落熱辣辣的粟米粒，加上牛油簡直是絕配。避風塘小食一向是招牌菜，這次叫的是軟殼蟹，共有兩隻切半，滿滿的避風塘炸料令每口軟殼蟹都好入味，微辣而且重炸蒜香。蟹是原隻做菜的，好的是沒吃到鰓之類的部分，否則就會有鼓腥味。和牛醬辣肉腸水牛芝士配溫泉蛋手工貝殻粉，手製的捲粉一如既往的煙韌彈牙，辣肉腸和肉醬令捲粉很入味，配上流心的溫泉蛋，感覺幾juicy, 水牛芝士也是不可或缺的配料。吉列黑毛豬炒蛋芝士漢堡是黑色芝麻包，幾特別。吉列豬厚身，尺寸仲大件過塊包，唔乾而且幾軟，食得幾舒服。松露炒蛋有層次感，鬆化，而且豐富牛油味。薯條份量也很多，香脆美味，還有沙律點綴，香口中帶點新鮮。The Tofu Pudding，店員都叫它做竹炭豆腐，上桌後焗12分鐘才可以吃，質感就是豆腐花，暖暖的，味道卻有很明顯的whiskey, 一試難忘。Butterfly ef

今次與朋友聚舊,選了有信心保證的The Right Place ，因為上次到了其大埔分店，覺得食物不錯，所以今趟去其尖沙咀分店。收工後，就到尖沙咀寶勒巷 ，好容易找對地方 。The Right Place 設有露天茶座，約七時巳坐滿不少客人，洋溢熱鬧氣氛。Dr Kitty 賣相可愛，有啖啖的荔枝味又帶點芒果味，意料之好喝。鮮花配佳人，那就來一杯美美的Flower Fizza, 一陣陣的清香，不會太甜。鮮蟹肉，煙肉，海膽汁扭捲粉伴鮮海膽鮮甜的蟹肉，醎香的煙肉，配上彈牙的扭捲粉再加上creamy 的海膽 ，再咬上一口火箭菜，十分美味呀！酥炸軟殻蟹芝士漢堡配香芒莎莎伴薯條多肉鮮甜又香脆的軟殼蟹加上溶化的芝士，再咬上一口竹炭的漢堡包皮，好味道。熱辣辣及入味的薯條 ，令人一口又一口。泰式燒原隻魷魚筒釀蝦膠一上檯，巳看到一陣陣煙，香气四溢，泰式風味的魷魚，啖啖肉，鮮甜的蝦膠，令人垂涎三尺🤤。

女朋友食過話幾好食，所以介紹我去，但係食過一次之後我覺得我唔會再去🤐我訂左6人，但佢比左張4人枱我，我地6個人有4個男人，坐得好迫好唔舒服，而且環境又嘈，好難傾計。再講下飲品，餐廳連水都唔會提供一杯，但佢既飲品就好貴，完全唔花算。啲食物好鹹，我好懷疑到底係咪整到啲野食好鹹然後焗住要叫佢啲飲品。我地叫左個薯條、德國豬手、小食拼盤、burger、意大利飯，我覺得淨係得豬手好食，其他都好一般，唔值呢個價錢，真心唔抵食，唔會再去。

星期五放工想chill 下，第一次試下呢間尖沙咀既酒吧餐廳🍻Menu 既pasta 同小食比較吸引，送酒都唔錯，兩個人叫左1樣主菜兩個 snack 兩杯啤酒🍻超級飽👍🏻價錢都唔貴，埋單5百幾👍🏻帕馬臣芝士香蒜松露油薯條🍟 （$78）佢用蒸籠裝住幾得意，都唔細份，重點係佢面頭鋪滿芝士絲，咬落仲有微微蒜香味同松露味，推介👍🏻💓-燒西班牙黑毛豬五花腩伴芥茉籽蜜糖青蘋果（$88）五花腩肉唔會好油膩，燒到最外層好香又小小脆，加埋一層肥一層瘦既肉好好味，有咬口，肉質幾嫩，連埋甜甜酸酸既青蘋果🍏幾新鮮。推介🐷👍🏻-澳洲和牛肉醬·卡拉布里亞辣香腸·水牛芝士手工貝殼粉伴溫泉蛋🥚🍝（$178）諗住試下手工pasta,不過幾失望😞d貝殼粉無咩咬口，無咩彈性，食唔到手工既感覺。溫泉蛋係熟左既，成個蛋黃實左，完全唔會撈到，另外肉醬汁一般，唔算好味，芝士碎幾多都唔會加分🤔失望。

呢度比我印象最深刻既 係佢地無論係野食定野飲都會加入港式既元素就連牛扒上面都有一朵洋紫荊花 🌸.第一次試鹹蛋黃risotto！（圖一）一開始食既時候覺得偏淡 但會慢慢食到鹹蛋黃既味道 而食得多都唔會覺膩裡面既西班牙辣肉腸同花枝片都為呢個飯增添左口感 唔會啖啖軟癟癟咁而法邊豆同南瓜既甜味亦襯托到蛋黃既香上面有三粒帶子 煎到表面金黃.呢塊10oz 澳洲M5 和牛無令人失望（圖二）剛好5 成熟 脂肪入口即溶 咬落肉質軟腍薯條香脆 唔會太乾荷蘭豆無草青味 無咩渣Gravy 唔會太多麵粉 但唔夠umami 味.我地叫左一杯cocktail 一杯mocktailIslay Blossom（圖三）主要會taste 到whiskey 同橙酒既香而Flower Fizz（圖四）係桂花糖漿加椰青水好fresh, 唔會太甜兩杯野飲既賣相都好有心思.- Grilled Austrailian M5 Wagyu Rib-eye Steak ($398)- Risotto with Chroizo, Cuttlefish Fillet, Roasted Pumpkin, French Beans, Salted

約咗好耐嘅飯局，卒之可成行。The Right Place 個名真係改得好，唔單止環境令人好 relax，食物真係唔錯。今次只有3人嘅飯局，點菜數量唔可以多，一定要精。佢幾款主打菜色買相幾好。所以二話不說就點咗頭盤 “八爪魚、鮮橙、柚子、車厘茄、羽衣甘藍沙律配芥末籽醋汁” 真係非常醒胃，想試好耐嘅羽衣甘藍，又可一次食埋，真係冇得輸！另外仲叫咗 “燒西班牙黑毛豬五花腩伴芥末籽蜜糖青蘋果”，青蘋果配搭五花腩味道真係絶配，同埋 “避風塘炒蘿蔔糕”，其實呢個配搭都唔錯，可惜啲蘿蔔糕嘅味道就有待改善嘞！仲有 “西班牙辣肉腸、花枝片、燒南瓜、法邊豆、鹹蛋黃意大利飯伴輕煎北海道帶子”，有咁多配料，除咗幾粒大大隻嘅鮮帶子，其餘嘅味道就唔係好食得出，尤其係鹹蛋黃同燒南瓜。除咗食物質素幾好之外，環境唔錯，雖然今次係坐近室外嘅室內枱，自問對煙味非常敏感嘅我，室外嘅煙味都唔會飄近，所以遲咗訂枱，坐唔到再入嘅位置，都還可以！The Right Place 值得再搵 Right Persons 再嚟！

準時八點鐘到餐廳，已經有九成人入座，一早已經諗定要食咩所以好快叫得🤣🤣做緊個優惠係正價叫野飲，野食有七折，好似幾抵幾吸引😳😳😳😋西班牙辣肉腸，花枝片，燒南瓜，法邊豆，鹹蛋黃意大利飯伴輕煎北海道鮮帶子$198我鍾意食鹹蛋黃😆一見到已經心心眼😍知道食多無益，所以間中先會放肆下自己🙈🙈呢碟意大利飯黎到已經好香鹹蛋黃味，食落唔膩之餘仲好鹹鹹香香，初初以為一大舊係蛋黃，原來係南瓜😂好稔都好夾，加埋上面既香草食就更加fresh☺️大大粒既帶子有三粒，微微煎過表面，裡面仲係岩岩熟透，成碟意大利飯都好好食呀～❤️😋墨西哥菠菜芝士卷$118我好鍾意呢類型墨西哥卷😏裡面有蕃茄、好多菠菜、好多好多芝士，表皮襯熱食時係脆既🤣🤣🤣凍左就謝晒皮😚但都好味！芝士有少少拉絲，雖然多芝士但絕對唔會漏，墨西哥卷都係有三款醬可以點，不過我多數都唔會點，覺得咁食已經好夠味😌😌又係好好食呀～～❤️😋燒西班牙黑毛豬五花腩伴芥末籽蜜糖青蘋果$88一上到枱賣相已經好得，流晒口水啦我🤤有十令塊五花腩，外圍整得好香脆😆😆雖然係五花腩但唔多肥膏位喎，又多肉汁又稔😍😍配合微微帶酸又爽口既青蘋果，成件事好夾好清新😚我地計過，大約兩塊蘋果夾一塊肉，份

The Right Place都係我其中一間幾鐘意既西餐，今晚同朋有再黎回味一下。店內有大螢幕同歌曲播放，裝修則充滿「港」味。🍴澳洲和牛肉醬·卡拉布里亞辣香腸·水牛芝士手工貝殼粉伴溫泉蛋 第二次食呢個意粉，手工貝殼粉煙韌又有嚼勁，連同溫泉蛋黃、香濃和牛肉醬一齊食，夠哂滋味。🍴美國安格斯牛肉芝士漢堡伴薯條 用上竹炭麵包，加上饀料非常豐富，安格斯牛肉叫左五成熟，肉汁好豐富，而且牛味濃郁。🍴墨西哥菠菜芝士卷呢個卷真係令我又愛又恨，恨係因為好多芝士非常邪惡，愛係因為菠菜滑溜清甜，墨西哥皮帶香味，非常滋美味。🍴焗香蕉酥皮伴自家制開心果雪糕即叫即焗剛，酥皮熱辣辣，入口酥香鬆脆，連埋開心果雪糕一齊食，完美之作。☕️Longan Grey凍有龍眼蜜、Earl Grey、yoghurt，味道清甜。☕️Right Place Tour熱有蘋果、牛蒡、蜜桃黑茶，牛蒡味突出，滋潤養生。

四月第三個星期四晚上，夜深雨停。 跟友人看了一部不知所云的電影後，走到尖沙咀找個地方坐坐，然後就給我們找到這家酒吧餐廳。 這餐廳也是走歐美風，有露天茶座，放著R＆B曲風歌曲，更添氣氛。 在如此氣氛下我們先點一瓶Konvent Riesling，飄出陣陣清雅果香，清新爽口，是一款很優雅的Riesling，當餐前酒喝也很適合。 喝了些許酒後，友人就想要點菜，他先點一份煙三文魚配巴馬臣芝士沙律，沙律上鋪了滿滿的芝士，像一座小雪山一樣，沙拉新鮮爽脆， 咬下有菜汁，加上煙三文魚的煙熏味，配以白葡萄酒，這道前菜有驚喜。 再點一份鹹蛋黃意大利飯伴輕煎北海道帶子，第一次看到意大利飯加上鹹蛋黃，蛋黃香氣跟海鮮味飄來，食慾大增，意大利飯綿稠，不過米粒可以再煮多一兩分鐘，有點生。北海道帶子金黃香脆，但內裡就稍為過熟了，刺身的鮮味減半。 伴著輕鬆的音樂，再多開一瓶酒，談笑間，餐廳打癢，買單後繼續下一站。

係尖沙咀不知不覺就行到成十點幾，都唔知食咩好，上左openrice搵到依間開到3am一於試下～Caesar salad，係食過咁多間比較好食既一間，有啲估佢唔到，平時一係無咩味唔夠醬，一係無咩芝士碎，但依碟有晒，仲幾好味。避風塘魷魚鬚，估佢唔到既係西式食肆，有港式風味菜，仲要夠晒香脆芝士粟米，原條上但可以幫你刨埋，粟米唔算甜，整體都ok好食既和牛貝殼粉，依度啲意粉好特別，咁大條長條型既竟然都係貝殼粉😂 加左肉碎、芝士同番茄，撈埋個水波蛋會變左一pat野，但係好食，只係食到咁上下都有啲滯，畢竟前果幾道菜都有芝士。唯一唔係咁好味既係杯飲品，桂花味加左類似椰果既物體，但太甜，糖水咁。

今日同朋友去位於太和嘅The Right Place , 食咗避風塘軟殼蟹，鮭魚西班牙辣肉腸帶子飲，超級推介呢個帶子飯，味道突出，鮮味十足，一個人食一個已經好飽，唔洗再叫其他小食，另外，叫咗芝士蕃茄Pizza , 餅底好脆，係我最鍾意嘅簿底pizza, 即叫即整! 正😝😝

我呢幾年都是他的fans 。the right place 出名的黑毛豬及意粉薯菜任加一直都是買點。基本上每星期終有一兩次幫親。但佢久唔久啲食物質素或味道欠街，都算啦。人有失手啫⋯⋯今日請幾個同事又去食晏，點半去到羊架買晒，冇乜特別可選擇，3個人同時落單要黑毛豬配意粉，著菜及飯，另一個朋友叫左漢堡排（最隱陣）例牌問你要幾成熟啦，7成啦好正常！點知嚟到....3份都紅，只有5-6成熟，雖然冇血水，但話晒都係🐷扒，生都切唔開，隻🐷又肥又多根。點食呀！同佢講，佢連sorry 一 句都冇，差點生過啲牛。一份係咁，點知連另外兩份都係咁。結果3份餐只食到一半........Lemon tea 冇茶味埋單仲話card 機壞左....品質，服務都差。係時後又要同呢間餐廳講 - 88

之前食過就the right place一次， 最有印象嘅係佢嘅豬手好脆，飲品好得意，今次朋友提議嚟呢度食當然係舉腳贊成🙌🏻避風塘魷魚鬚用避風塘炸嘅魷魚鬚帶有濃濃蒜香，辣味輕微，而魷魚微脆不韌，仲帶有香濃魷魚鮮味，相當惹味👏🏻清酒蒜片辣腸煮馬尼拉蜆蜆肉全部都幾新鮮同大隻，清酒煮過湯頭配上蜆肉份外香， 簡單得嚟味道又唔錯，令人忍唔住一口接一口🥰鹹蛋黃帶子意大利飯爽口帶子襯托蛋黃嘅濃烈鹹香，啖啖誘人， 另外意大利飯中加入咗南瓜，使到飯粒食落去更加綿綿，仲帶點甜香👍🏻份量亦幾足！烤德國咸豬手再次光臨呢度有少少目的係為咗 再食呢隻鹹豬手，果然今次都冇令我失望，外層做到又脆又煙韌，入口就肉汁豐盈，鹹香惹味！佐以嘅酸椰菜， 去油膩外亦有助消化！

辛苦咁成年，終於等到三月底出bonus啦！即刻約埋啲老死去食返餐好既，由於大家工作地點唔同，就決定約係尖沙咀開餐啦，就黎我最喜愛的一間餐廳-The right place.餐廳座位分indoor同outdoor，由於我同其中一位同事早到，我地係outdoor黎返杯happy hour先，地方好舒服好chill！大家除咗食飯，都可以黎依度happy hour！人齊後我地就入返indoor坐，餐廳位於寬敞，好適合gathering！除此之外，餐廳半開放式的設計亦好正，連埋投影熒幕播埋歌，感覺一流！講吓我們左咗咩野食先：巴馬臣芝士香蒜松露油薯條 / 避風塘椒鹽魷魚鬚 / 避風糖軟殼蟹呢間餐廳係玩Fusion中西合璧既，呢三個都係中式點心籠載住；薯條份量好多，金黃色好香脆，平時食薯條落好多茄汁，今次完全唔洗落，因為芝士、香蒜同松露油已經整得好入味😋而魷魚鬚同軟殼蟹都係用避風塘炒既煮法，有少少辣但岩岩好，軟殼蟹都夠晒肥美，椒鹽加薯片，非常惹味，呢三個叫黎陪酒真正係Perfect match!我地叫左幾杯cocktails，全部都係Fusion既；我特別推介my cup of tea，淨係個賣相都

星期六約朋友落尖沙咀食飯飲野，諗來諗去坐得舒服又好食都非right place莫屬！一如以往M 1 集團既 餐廳去到邊都係咁爆場，我哋算好彩，坐埋門口既2 人檯就爆鬼晒，可能大家都貪佢氣氛好，價錢又合理，又坐得舒服，所以都幾旺場！呢度除左食物唔錯外，cocktail都十分出色，睇住bar tender好型咁整杯cocktail出嚟，都係一種藝術！我哋落完單，沙律同小食都好快嚟到，可以邊食邊傾計，先出場既係煙三文魚 凱撒沙律，賣相出色，芝士多到震，沙律菜爽口，多士碎香脆，唔會太多沙律醬，搶走d鮮味，作為開胃小食非常合適！煙三文魚帶少少咸香，鮮味十足！ 夾少少沙律菜嚟食就最好不過！另一個係我最喜歡既小食避風塘蘿蔔糕，賣相吸引，香味十足！用上香脆既薯片同乾蒜粒嚟形造'避風塘' 美食既效果，非常惹味，用嚟佐酒非常合適！小食送到嚟之後，飲品都好快送到嚟，先嚟到有朋友叫既飲品Dr. kitty，佢話我知酸酸甜甜 賣相都幾靚！跟住出場既係好有Right place fusion特色既right place tour!以新鮮蘋果做主要材料，配上桃茶，非常清新的感覺！賣相已夠吸引，飲落仲醒神！至於主菜