The Point - Pizza & Pasta (The ONE)

營業中

休息中

晚難得兩支公撐枱腳，點都要食啲好嘢。之前亞囝介紹過尖沙嘴the one有間西式餐廳幾好味的，於是乎去試下。雖然餐廳好大，可能就腳關係，基乎爆滿。老公點了支香港製造啤酒，味道帶有果味，幾特別。一向喜歡食三文魚，頭盤煙三文魚最啱我。將三文魚伴著紅洋蔥和酸豆，味道好夾，有口感。充滿油脂的三文魚另口腔餘韻久散。好味。白酒煮蜆控制火喉得宜，肥美的蜆隻軟嫩爆膏，滋味。最後點了主菜M5和牛西冷，五成熟度剛好，入口軟腍，牛味香濃，其實不用醬汁己入味。不錯的一頓晚餐，二人世界的好回憶。

The Point外型唔似意大利餐廳，門面畀我覺得似泰式東南亞餐廳，食物又多元化，但原來個PIZZA真係好正好有意大利口味。安坐好後，立即點菜，發覺有多特色美食，首先便來了一客沙律。軟殼蟹沙律($124)特色唔係單係大大隻既軟殼蟹，而係蟹下面既溫泉蛋，將蛋混和蟹一齊食，先食到果種又滑又濃的味道。蟹本身外脆內嫩，肉味充足，再加上溫泉蛋混和完全有另一種層次味道湧出來。而沙律配合蜜糖芥末汁，甜而不膩，將剩下的溫泉蛋混和後食更滑。棒棒雞翼配蜜糖燒烤醬($72)(4隻)細細隻易入口，最適合女士和小朋友食，而外皮烤得甘脆，內裡燒得剛好沒有令肉汁流失，點上醬汁後，令肉味更佳。紅酒燴和牛韌肉配貝殼粉($156)貝殼粉入口煙韌，有咬口之餘，仲因為充份吸收了肉汁，完全係一道美食，另外和牛極腍，肉質又嫩，兩者的配搭簡直是一絕，實在是非叫不可的一道美食。海鮮薄餅(Green Neptune)($162)其實應該叫海鮮大會合，多種的海鮮佈滿整個薄餅，水牛芝士令海產的鮮味不減，而香草醬又蓋了腥味，令人只可以感受到海鮮的鮮味和肉味，多種類的海鮮差不多平均分佈於每一份薄餅上，你每一次吃都可以完全吃到所有的海鮮，可以慢

下雨天，星期二，四點鐘，餐廳內竟然熱鬧非常，顯然食客的心情半點沒受到壞天氣的影嚮。雖然人多，但等了近十分鐘已經有位了，快速拿餐牌一看，選擇很多，我選了黑松露芝士蛋黄醬薯條, 提拉米蘇鬆餅，及紅酒燴和牛勒肉配蜆殼粉。不消十多分鐘，待應就一架子端上來。立刻試一下蜆殼粉，質地有嚼勁，濃濃的肉汁完全渗透，牛肉鬆軟嫩滑，十分美味。又香又脆的薯條上沾滿了黑松露，美味不可檔。一杯迷你的提拉米蘇鬆餅更讓整個下午茶生色不少，粒粒鬆餅藏於滿滿的奶油之下，兩者味道絕配可口。没有加錢升级飲品，跟餐的就是菠蘿特飲，不太大杯，普普通通吧。整體來說，是一個物有所值的精緻美味下午茶。

父親節快將到臨，兩位父親實行來個提早慶祝，在這間意大利餐廳訂了位，率先食餐好的。朋友選了尖沙咀一間意大利餐廳，並訂了位。到達了餐廳，店舖的型式有點像蘇豪區般採開放式，座位與商場的走廊沒有分隔。餐牌也有很多本，選擇非常多，可謂花多眼亂，不過有些食品又會在不同的餐牌上重覆出現。最後，我們四個人點了Soft Shell Crab Salad(軟殼蟹沙律) ($124)、 Conchiglie with Wagyu Beef Ribs (紅酒燴牛勒肉配蜆殼粉) ($156)、 Seafood Cioppino Rice  (海鮮意大利脆米湯飯) ($218)、 Smoked Salmon Pizza (煙三文魚薄餅) ($124)及 Lamb Rack Provencal (法式香草烤羊架) ($238)。甜品就點了 Banana Pizza (烤香蕉薄餅) ($72)及Brownie in a pan (朱古力布朗尼餅) ($68)。飲品就要了Red Sangria (Glass) ($68)、Mango Molito ($68)、 Lady Rose ($68)、及非酒精的Strawber

今晩去了尖沙咀the point，佳因之前去過了銅鑼灣分店，覺得水準不錯。尖沙咀店比較大，坐得舒服啲。Mango Tango ($48)顏色鮮豔勁搶鏡，味道橙味濃厚，反而芒果味遜色了。清涼消暑好選擇。Wild Mushroom Soup ($58)菇味濃稠，入口綿滑，還有粒粒菇，好喜歡！Pumpkin Salad ($104)喜愛南瓜的朋友一定要試。南瓜軟熟，鮮甜可口，健康又有營，真係一流。Seafood Cioppino Rice ($218)西式湯飯真係第一次試，飯粒吸收晒海鮮湯的精華，好鮮甜好美味。海鮮數量不少，有蝦，蜆，魷魚...比起飯更多。這道菜幾特別可一試。總括來說，跟銅鑼灣店一様，有水準，有服務。

今次同爸爸慶祝生日，搵了一間Pizza店為他慶生，平時愛中菜的他，今次轉一轉口味。在OpenRice搵了一間口碑不錯的Pizza店，就約了七點鐘，不用等可直接入座。我直接在餐牌上點菜，詢問過店員之後，食物份量都頗大，所以最後點了三款。Caesar salad加smoked salmon，配料份量剛剛好，味道不錯。另外，點了一個意大利風乾火腿，火腿同香腸十分乾身，水牛芝士味道不太濃但很清新。香腸水牛芝士拼盤上亦都有沙律配黑醋汁，十分好！不過二人食份量就已經剛剛好足夠。最後就點了一個原隻龍蝦pizza ,店員說這個Pizza是店裏的signature，那當然我會有一點期望，看看是不是真的一隻龍蝦。在Pizza裡，龍蝦肉是切粒狀平均分配在Pizza，並配上厚厚的芝士，加上是薄批，口感極之豐富，龍蝦殼內還有很多龍蝦肉，將龍蝦肉切粒並放入龍蝦殼內，真是很用心的菜色！飲品點了手工啤酒，沒有苦澀味，味道非常好！最後埋單共$700左右，我覺得十分超值，尤其是這個龍蝦pizza ，雖然是300多元，但我覺得是值得的，我覺得這裏是三五知己、朋友相聚吹水的一個好地方。

第2次黎食啦, 同上次1樣都係咁好食, 人都係咁多, 都係要排隊HAHA.. 今次叫既野食同上次唔同, 試下新野..同上次1樣都係叫左個HAM既拼盤食, 因為真係太中意食啦🤣🤣 今次醒目有點到醋黎食, 香好多~~另外叫左個玉子既蘑菇, 篤開隻蛋同D菇溝埋1齊真係超好食, 哩個配搭真係冇得輸呀👏🏻👏🏻👏🏻 而且又唔會感覺好油👍🏻👍🏻主食就剩係叫左個焗通粉, 好濃既芝士味, 加埋雞肉, 好有口感😙😙💛

朋友話想食pizza，即刻諗起the point 嘅手製pizza，之前食過幾次都唔錯，其他嘢都好好食，聚會最岩～White Wine Clams $118蜆加入蒜頭、香草同白酒煮，好有鮮味，蜆肉每粒都好飽滿Anipasto Platter $148分別有4款風乾火腿、火箭菜同芝士，沾醋食可以中和油膩感覺，仲有一盤仔芝士粒同番茄，好豐富Slow Duck Pizza 11吋$172每枱必叫嘅手製pizza，口味多到唔知點揀～你講得出嘅口味都會有，最後揀個特別d嘅慢煮鴨胸pizza 。呢款個醬汁都比較特別，唔似其他番茄醬呀，千島醬咁，面頭仲加左燒烤醬，同鴨胸都幾夾。半融芝士做到拉芝效果，餅底薄脆～鴨胸pizza都幾新奇，可以一試～Spring Chicken $198春雞釀入香料烤製，雞皮烤得香脆，雞肉入味，肉質仲保持嫩滑，有3種醬汁可以沾反黎食，我個人鍾意泰式酸辣醬，配烤雞味道好夾～Mango Tango $48芒果汁、橙汁、石榴汁加梳打，又靚又好飲，近期最愛

一段時間沒來 The One 總是開了林林總總的新餐廳，香港寸金尺土尤其這種黃金地段如果沒有實力怎能堅持下去🤔餐廳是開揚的，直望入去有一個大火爐有置身於歐洲餐廳感覺，一於入去試一試😋 各式意大利風乾火腿，腸仔，水牛芝士拼盤 $148賣相吸引，風乾火腿鹹鹹鮮鮮非常適合作為餐前小食煙三文魚，三文魚子，溫泉蛋，香草忌廉芝士醬 $172食 pizza 最緊要係個餅底其次就要餡料新鮮他們兩樣都做得到，餅底鬆化軟熟，三文魚子令煙三文魚更提鮮，加上有隻溫泉蛋用來做醬料更濕潤龍蝦芝士通粉 $154香濃的龍蝦芝士汁和通粉一起吃，每口包著彈牙的龍蝦肉和通粉感覺幸福無比，很快給我們吃得光光👏🏻朱古力布朗尼餅，烤香蕉，合桃，雲呢拿雪糕 $68朱古力布朗尼餅不是想像中那麼甜，混合合桃有咬口又香口，布朗尼餅和烤得微暖的香蕉再加上冰凍的雪糕一起吃，正到冇朋友😋Iced Oreo chocolate $48一杯冰凍的忌廉朱古力冇乜Oreo味😝

與摯友相聚短短時光，便能使我瞬間忘憂。繁忙的一周過去，趁假日要好好獎勵自己！一頓豐盛的意大利菜及美好的用餐時刻，是給自己的犒獎，是給自己的打氣吶喊！薄餅是意大利菜中最具標誌性的。我雖不是薄餅的狂熱分子，但薄餅是在意大利菜餐廳不得不試的。鵝肝薄餅是很有創意的一個配搭。起初有點兒擔心味道配搭會奇怪，但是薄餅似乎是一個相當百搭的食材，它跟鵝肝十分匹配，再加上黑醋中和一下油膩感，真的十分美味！薄餅餅底香脆，並帶一點煙韌，雖比較油膩，但熱騰騰的薄餅是相當出色！牛扒不是意大利菜的經典，但當日十分渴望品嚐牛扒！牛扒很細嫩，雖肉味不算太重，但使人十分滿足！最後，我們不約而同地點了朱古力飲品。味道是高質的朱古力味道，而且朱古力味重、甜度適中，下次有機會再來一定再品嚐！

好多人都會嚟the one 覓食，因為呢度的確有幾多餐廳，而且感覺有質素保證。今日同朋友吃晚飯就來到the one 4樓，the point 餐廳環境優雅，感覺舒適，而且又是我們很喜歡的意大利菜，所以決定進去一試。餐牌第一頁已經顯示餐廳的招牌菜。我們兩個大胃王點了四款菜式。分別是一個沙律，一個小食，一個意大利湯飯和意粉。經典凱撒沙律配煙三文魚＄118分量很大，而且沙律菜很新鮮，非常爽脆。最值得讚是醬汁很足夠，經典的凱撒沙律醬汁再配上香口的煙三文魚，絕對是必點的菜色。餐廳更毫不吝嗇地加上三文魚子，更添矜貴。甘香的煙三文魚與鹹香的三文魚子配搭一流。香辣番茄醬炆肉丸＄84肉丸並不覺得乾身，還帶些少肉汁。肉味香濃，再配上香辣的番茄醬，滋味無窮。醬汁更帶有蕃茄肉，鮮茄味濃郁。旁邊更有兩片香脆的麵包用來沾上番茄醬汁。經典蕃茄肉醬意粉配溫泉蛋＄136肉醬意粉是意粉之中嘅經典。上面的溫泉蛋非常香滑，與意粉拌勻，讓每一條意粉都沾滿了番茄醬汁和蛋黃汁。意粉爽口彈牙，再配上超多的肉醬，每一啖都很滿足。海鮮意大利脆米湯飯＄218海鮮有青口，海蜆，大蝦，魷魚等等，材料就快逼到滿瀉。意大利飯有嚼勁，粒粒分明。番茄

幾忙都要抖抖氣，好難得Happy Sunday, 實要揾d老友記聚下食下野交談下近況，相約尖沙咀方便大家，今次大家諗到食Pizza最吸引係佢地嘅龍虾Pizza (用上整整一隻架) 所以朋友們就提意The One呢間餐廳啦。真係無失望好好味！裝修都心思但都係簡簡單單不造作！各式意大利風乾火腿，香腸，水牛芝士拼盤其實除左火腿，沙樂美腸還有火箭菜芝士片配埋佢地嘅陳醋，好開胃，火腿亦有濃淡之分，水牛芝士同蕃茄亦好夾亦好滋味！ 香蒜辣椒白酒煮大蜆隻隻蜆都肥美漲卜卜肉質鮮甜，再加上味道香辣配香草同蒜蓉同煮好入味連汁都想飲埋，而白酒經一輪烹調已經減低左酒精濃度，反而帶出另n一種香味。龍虾 Pizza材料已經贏晒，原隻龍虾在pizza中間，pizza餡料豐富，除左龍虾肉之外，還有茴香頭，車厘茄，水牛芝士配海鮮汁。同一般用蕃茄醬做底味好唔同，好夠味又特別！ 紅酒燴和牛勒肉配蜆殼粉蜆殼粉煮得剛好口感煙韌又入味，牛勒肉竟然燴到入口鬆軟又濃濃嘅牛味。原般朱古力Bownie再on top加球雲利嗱雪糕，再配上用炙熱做法整香蕉，一層薄薄蕉糖脆，曬上合桃，好鐘意這甜品配搭！ 推介荔枝味嘅Mojito清涼酒味都夠，c

係網上揾到哩間餐廳 食意大利菜的🇮🇹係個app訂座有9折優惠喔😆😄哩度嘅座位之間有點近 坐得麻麻地咁啦😅😅🍕個名叫Roman 係由意大利風乾火腿 #無花果 #火箭菜 再配上蕃茄醬而成的😄😀 有八大塊Pizza🍕餅底係薄底 質感都幾軟熟 係條邊有少少硬😅😅每塊Pizza上面都有風乾火腿架 好大塊又好好食 味道適中 咸咸地幾好食 無花果好清甜 夾埋🍕又幾夾幾好味 整體都不錯 係比較出色黑松露芝士蛋黃醬薯條 UMMM🤔🤔同我想像中有點唔一樣嘅 我真係以為會有個醬俾我地點住薯條嚟食😅😅點知係有個煎Pan...味道方面 薯條係有焗過嚟嘅 所以唔多脆又無咁熱氣啦 係食到有芝士🧀但係就無咩蛋黃醬味🤔🤔鮮露荀野菌黑松露卡邦拿拉意粉 賣相都幾好架 別看好少份量 其實都好多下架😊☺️意粉質感幾好 唔錯丫 露荀都好freshhh又好爽脆👍🏽👍🏽但個Sauce好濃厚 會愈食愈漏 有點濟的咸覺 雖然話有黑松露 但完全食唔到有味喔😅😅

tequila...唔覺唔覺原來好上腦！佢個味好肉橙汁溝熱情果，只覺得有少少酒精base，唔小心飲得太急，就飲充哂血如果同pizzahxt比，其實幾乎一樣價錢，但依到食到鵝肝pizza @w@，如果勁鐘意鵝肝既人就會鐘意，因為佢好濃味，加上佢烤過，令到鵝肝再配有少少香烤味！都OKAY好味，但略嫌咸左少少我地一早BOOK 7:30，只為左佢個蜆，牛油、香草加海鹽,(其實唔知係咪海鹽，總之就係咸咸地)堅出色！如果有碟乾意粉，佢個湯底我唔介意當湯淋上去個意粉到！我地再落第2次單個陣只係8:30，佢已經賣哂所有蜆！

生日飯想夠出位,食得夠豪夠架勢?前排就同小胖女加友人一齊去食尖沙咀the one樓上既The Point,勁食大大隻龍蝦pizza, 一眾人好快就黎到餐廳門口排位,晚飯時間特別多人,各位要早小小黎拎位啦,先開始梗係要叫個凱撒沙津做頭盤啦,份量夠哂4人食用,食完清新野,當然要叫返個香蒜辣椒白酒煮大蜆黎吊下癮,味道帶勁,小小辣,壓軸出場啦,餐廳鎮店名菜龍蝦pizza,原隻龍蝦向個pizza面,一隻唔夠?唔怕另外pizza入又面都係好多龍蝦肉,份量一定吹夠,蝦肉夠哂鮮甜,保證在場人士一定食到龍蝦肉其他主食當然要有啦卡邦尼意粉同意大利海鮮湯飯都可以一食,湯飯入面係有好多正海鮮架話到明生日飯,雖然無買生日蛋糕(龍蝦pizza算唔算?)點都要準備小蠟燭比人吹既,事先同餐廳店員講左,為我地送上左生日版甜品一份,夠哂貼心