The Point - Pizza & Pasta (The ONE)

營業中

休息中

第一次食呢間餐廳，就試試主打的龍蝦pizza，即叫即整～不同於一般連鎖店喺廠度整好然後運到分店整熟俾客人。原隻龍蝦放在pizza上，配以茴香頭、車厘茄、水牛芝士、海鮮汁，龍蝦肉已起出，龍蝦殻內釀入了蝦肉，每件pizza都啖啖肉，好美味。餅底比較薄身，入口香脆。香蒜辣椒白酒大蜆扁意粉，蒜香味四溢配合辣椒香辛辣感，更帶出大蜆鮮味。香辣蕃茄醬燜肉丸，微酸的蕃茄醬加上肉丸，一啖一粒，非常開胃。最後甜品叫了 Brownie in a pan ，最欣賞餐廳有埋多款甜品選擇！可以唔洗食完飯又要再諗去邊間食甜品，選擇了朱古力布朗尼、配烤香蕉、合桃、呍呢嗱雪糕，濃郁的朱古力味微札實口感，加雪糕是絕配，還有烤過的香濃香蕉味。

生日飯局己經食左好多，就係未食西餐。但又諗到食邊間，所以就係THE ONE 見到就隨便入左去。入面都格局都好舒服，可以比朋友傾下計，唔會好嘈。餐單上有好唔同種類既野食，仲可以叫酒，可以同朋友小酌一杯。不過因為先好早就冇叫到啦。兩個人叫唔到咁多，就要左兩個，一個PIZZA 同一個意粉Carnivore Pizza 係好基本既PIzza 佢好足料，因為佢仲有餡料辣肉腸、意大利辣腸、火腿、辣椒、同埋配燒烤醬。好岩食肉既朋友，但係個底好軔好勁難切Carbonara意粉，有好濃郁蛋汁同芝士融左意粉到，所以唔乾身。再加上煙肉完全係好配

每次孩兒到尖沙咀，都一定話要食the one對面p牌pizza,但說實在選擇嚟嚟去去果幾味，悶死寶寶咩～難得氹咗佢上the one,就試下第二間啦～呢度7點嚟到都已經好爆，好在我一到就啱啱接力有張枱，順利！芝士pama ham拼盤有水牛芝士+四款風乾肉，款款都唔錯，仲有火箭菜俾我中和返下啲鹹，唔錯！襯得好！軟殼蟹pizza食得好開心，裏面嘅蝦肉好鮮甜，好似甜蝦咁，加埋餅底好鬆脆，餅底做得完全無死硬感覺，well done!香蒜蜆俾我哋5分鐘內徹底消滅，差啲連湯都俾我哋殲滅!煙三文魚沙律，羅馬生菜爽甜清新，加埋新鮮三文魚就係絕配!最後一杯雜果賓治，滿滿新鮮水果好有heart!

其實自己去尖沙咀多數唔會揸車🚘，因為搭港鐵🚈或公共交通工具🚌都十分方便，不過今日約左朋友係The One食晏🍽，呢度平日午市食野消費満200元就有二小時免費泊車🚗優惠，咁就更加方便啦，由於我呢個friend好鍾意食Pizza 🍕，所以我揀咗4樓嘅「The Point」，因為佢哋嘅Pizza 真係好好食Logo 好得意，由六個「P」字組成一個圓形，代表Point，Pizza 🍕 Pasta 🍝 ，一睇就知主打係咩，牆上仲有好多立體Pizza 🍳裝飾，好得意座位、格局都好型，還有一部分是半開放式設計，感覺冇咁侷促，有種好free嘅感覺既然我係熟客，今日當然由我發板，喺未食Pizza之前，我首先order左個沙津🥗軟殼蟹🦀沙律🥗⭐️⭐️⭐️⭐️⭐️材料包括，軟殼蟹、烤甜椒、水波蛋沙律、蜜糖芥末汁，酥軟香口的軟殼蟹，熱騰騰，脆卜卜，必食水波蛋，絕不容易掌握，蛋汁拌勻沙律菜，上面還有其亞籽，Super food，啱晒健康人仕GREEN NEPTUNE🍕⭐️⭐️⭐️⭐️⭐️呢度嘅招牌Pizza 咁好食，皆因佢地採用最幼滑嘅意大利🇮🇹”00麵粉”製作麵糰，發酵超過廿四小時，於米之連星廚御用之火山石窯內高溫烤焗而成，真係

之前將軍澳分店食過好滿意，呢晚就同屋企人再嚟！Buffalo mozzarella 非常軟滑，帶少少煙韌，奶香濃濃好好食！白酒煮蜆大大隻，吸滿湯汁，鮮味程度爆燈！Pizza邊位帶脆，中心軟熟，上面鋪滿Parma ham同火箭菜，略嫌味道咸左少少。三文魚就相當出色。煎至外層微脆，內裏依然保留嫩滑，唔會好乾，反而幾Juicy, 亦唔會腥，正！最後食個簡單既affogato, 就結束左呢頓晚餐，滿足！下次一定再嚟！

因為我地上次食過，覺得最出色真係個軟殼蟹沙律！可能係個醬或者係軟殼蟹好味，個沙律好似唔太覺好青澀，調和得Very nice！而且沙律入面隻軟殼蟹，係整隻軟殼蟹，正當我想睇清楚軟殼蟹係咩樣，佢已經被人瓜分了。。。。。芝士拉絲有很多，又怎會少了我這個？食依個要小心，因為岩岩係焗爐出黎，尤其上面既芝士，好燙口！但真心好味！西餐一般食Steak，其實是食緊塊牛既味，有d西餐好靠個醬，所以用現成罐頭湯去整，好明顯分到係金寶忌廉湯既味但依個pasta有驚喜！份量唔特別大份, 但絕非芝士有芝士味、麵有麵味、菌有菌味，而係成碟pasta呈現出融和得好好既味道！pasta索了芝士的味，菌類提供左惹味，仲有應該係用海鮮煮過既高湯！只能說，佢依碟pasta真係融合得好好，有d野真係要自己領略

母親節帶佢過黎啲意大利餐廳食嘢，之前都有試過，好掛佢個度嘅黑松露薯條，今次一樣叫翻，但係好失望，變咗焗薯咁嘅款，一啲都唔脆🙁🙁但個煙三文魚pizza都係好正，配埋個温泉蛋😋😋好豐富嘅口感，之後仲叫carbonara spaghetti 都係黑松露嘅😋😋好濃嘅味道，一共叫咗三杯嘢，iced chocolate, champagne 同white wine, 個champagne 唔錯，但個chocolate 就失望，唔值得叫，wine嘅份量都少，冇咩特別

星期五又同男朋友一齊去食飯，今次就選擇咗The One 嘅The Point，星期五好多餐廳都好多人，lee間都唔例外，等咗約半個鐘。入座後睇完餐牌就決定叫軟殼蟹流心蛋沙律、The forest pizza同M5和牛西冷牛扒。落單後唔係等咗好耐就有嘢食，先嚟嘅係沙律。前菜嚟講好大碟，一大碟沙律菜上面放上流心蛋同埋一隻新鮮炸好嘅軟殼蟹。先將流心蛋同沙律菜撈埋，令到每一條菜都有蛋汁，加上黑醋同醬汁，好開胃。至於軟殼蟹好新鮮，炸得好香脆，但炸漿亦不會太厚。Pizza 揀咗The forest，我諗lee款係for 素食者嘅，餡料無肉類，只有火箭菜、黑松露忌廉醬、野菌、薯仔片等。上菜時熱辣辣，餅底唔厚，不過好快就放涼咗，2個人其實唔係好食得晒。下次可以試下無花果個隻pizza，感覺上無咁飽肚。餐廳有各款唔同嘅pizza，好多都好有特色，好似鵝肝pizza 咁，真係有一塊鵝肝係面頭架！最後嚟嘅西冷牛排，價錢最貴，落單時叫3成，最後嚟到好似變咗全熟咁，有啲失望，不過賣相都幾靚嘅，同埋食得出係靚牛嚟，可惜煎得過咗龍，有啲韌！伴碟嘅薯仔幾好食，同埋醬汁都幾香口，加分！我哋兩個都叫咗飲品，我個杯係Ice

food made with hearttried their wagyu beef shell pastadelicious, especially the wagyu beefextremely tender and juicy, a must trystaff r nice, I went alone but was served by manysituation is good, I like the interior design and its use of space, made me feel relaxed recommend couples or besties come enjoy some quiet cosy meal time

搭入4月份開始好多生日飯局 早排就去左The One樓上既The Point豪食原隻龍蝦Pizza頭盤叫左眾人都喜愛 西餐必點既凱撒沙津 好多煙肉碎同美味既麵包粒大家一致投讚成票揀呢間The Point 或多或少都係想試呢個龍蝦Pizza結果無失望 原隻龍蝦放係pizza上面 淨係賣相已經好吸引Pizza餅底夠薄夠脆 Pizza面仲佈滿龍蝦肉 加埋拉絲既芝士 yummy卡邦尼又係必食既意粉 不過略嫌份量比較精緻 好食唔夠喉呀香蒜辣椒白酒煮大蜆好似亦係餐廳既精選菜色 唔洗一陣就俾我地掃清光喇驚唔夠飽仲叫左個海鮮意大利脆米湯飯 呢個好多海鮮 有青口,魚,蝦等等 湯底仲要係龍蝦湯 啖啖都係海鮮點甜品時即場同餐廳職員講有朋友生日 就為我地加左小蠟燭 為是夜生日飯畫上完美句號

今期好似同龍蝦有仇咁，見到龍蝦🦐就不放過。今天特登來尖咀the one食龍蝦pizza。霸氣到一個點，隻龍蝦好威咁企響個pizza中間。呢道菜就來自The one 既The point.龍蝦肉系整左落pizza度，用左一整隻龍蝦，大啖大啖的龍蝦肉，食得好招績。忍不住要360度比佢個特寫。口感十分豐富，芝士溶岩爆漿咁，令人熱血沸騰龍蝦肉就同芝士一齊整左落餅身，龍蝦殼反轉系一粒粒的蝦仁，好有創意，龍蝦親子pizza！龍蝦勁多膏，呢個pizza 價錢系328，雖然有少少貴，但系好值得試。食之重點不淨系龍蝦pizza.其他菜式都好得我地歡心。呢款主菜，木烤三文魚配黑松露忌廉汁，估晤到三文魚可以烤到咁有水平，十分鮮嫩！份量也比想像中多。蔬菜質量好掂，尤其系燈籠椒同蘆筍。新鮮甜美！黑松露忌廉汁又系一個重點！好好昧！好重松露味！沙律糸軟殼蟹，烤甜椒，水波蛋沙律，蜜糖芥末汁！昵個組合真系冇得輸，未食都已經知好味！整爛個水波蛋，即系溫泉蛋，蛋汁同沙律的融合，提升左口感的層次。軟殼蟹炸粉好薄。

週末晚餐時間，見到呢間餐廳有位，同埋餐牌嘅食物都啱口味，就入左去啦！環境方面，因為坐左係門口嘅位，感覺係坐左係餐廳出面，好似係條走廊食嘢，所以都唔知餐廳咩環境，侍應都唔係好見到我哋！位置係令人失望！沙律味道幾清新，d梨係呢個前菜係亮點，呢個配搭幾特別，但因為唔知嘅醬汁比例，加左太多醬汁，搞到好酸同偏鹹！而個龍蝦湯就味道正常，但好多粉粒。意粉好普通，同埋好杰撻撻，本新都係腬，所以都食剩一半！呢個炸雞味道都係普通！嘢飲都幾清新，唔太甜！幾好！另外一杯荔枝特飲個樣幾靚，味道都唔錯！不過總體而言，價錢同食物嘅質素不成正比，或者試薄餅會好d~同埋兩個人食，都剩左好多嘢，味道的確好一般，價錢偏貴！

每次係The One經過The point，見到D食物都幾吸引，今晚終於入去試下。細看餐牌好多野都想食，都諗左有陣先捨取到。🥄Wild Mushroom Soup $58🥄Lobster Soup $78叫左兩個湯都幾好飲，個人更喜歡菇湯，啖啖菇粒，濃郁好飲。🍴Conchiglie Beef $156和牛勒肉煮得很軟稔，牛味濃。貝殼粉平時好少食，盡吸精華，比想像中更好味。🍴Spag King Prawns $228 虎蝦好大隻，爽彈牙。意粉熟度剛好，充滿蒜香味，好快手就清哂。🍴APple Pizza $72表層有提子乾、肉桂粉、雲尼拿雪糕去製作，Pizza皮香脆，滿滿蘋果粒，唔會死甜，味道不錯。🍴Wild Mushrooms with Egg $88私心鐘意食菇，所以叫左佢，炒好香，成餐飯都幾滿足丫。

今日行開尖沙咀 行到餓餓哋 就同朋友周圍搵嘢食 好啦朋友就話不如試下意大利菜喇 我搵勻開飯 見到呢一間 好似幾好所以就同朋友入去試下 首先叫咗一個軟殼蟹沙律 呢個沙律 嘅醬汁 加軟殼蟹 令到個蟹一啲都唔油膩 而軟殼蟹炸得啱啱好 炸粉唔厚 而且蟹肉鮮嫩唔係老 值得一讚之後我哋身為健康人士 就叫多一個沙律 呢個沙律係火箭菜加啤梨 火箭菜有少少甘甘地 同啤梨嘅甜味非常之配襯 完全係一個驚喜之後有一個野菇嘅菜式 呢個野蘑菇係用蛋一齊煮 蛋嘅香味加埋嘢蘑菇嘅質感 非常之特別而且呢個配搭亦都好新鮮另外仲有一個煙燻芝士 不得了呀 各位芝士控必食呀 因為呢個芝士除咗煙燻左之外 芝士味亦都極之濃郁 我就算唔係太鍾意食芝士都食咗好多 黎到意大利餐廳點可以唔食pizza呢 我哋就試咗龍蝦pizza 好少地方有得食龍蝦pizza 呢個龍蝦pizza有成11吋咁多 龍蝦係完隻訓咗喺pizza上面 極盡奢華 龍蝦肉亦都好貼心咁樣切成一粒粒擺喺龍蝦尾入面 唔使要顧客落手又落腳係咁砌係咁搣就食得到 非常易食 龍蝦嘅肉質爽脆彈牙 亦都富有龍蝦嘅鮮味 非常非常之好見到呢度嘅pizza咁高質素 我同朋友再加碼啦 今次叫咗一

其實The Point已食過多次，對上一次食係一月一日，事隔兩個多月再嚟。就因為上次食物&服務質素好，否則都唔會再光顧！一月那次，似是一班較高級或餐廳老闆等人招呼，服務有禮又好之餘亦主動添水、笑容滿面和會主動問及食物等。今次(3月31日)再來，除了一個應較高級的女服務員屬正常外，其他有招呼過我們的兩個人黑口黑面之餘，無論要求再落單、添水、要冰塊、埋單、再給回簽收賬單，完全一致地唔會岀聲、唔會有任何反應、亦無甚禮貌！究竟係我要求過高，還是這就是今日香港正常服務呢！餐廳環境就不用多講，地方細細，枱與枱之間自然較擠迫，但都算係舒服！食物方面的確值得稱讚，兩次所點的食物不同，都依然好味。凱撒沙律：這個比一般食到嘅凱撒沙律岀色，蔬菜新鮮再加上整體個沙律醬混得均勻，超好味。棒棒雞翼配蜜糖燒烤醬：比想像中的小的雞棒仔，配上燒烤醬一樣好味。Carnivore (辣肉腸、意大利辣腸、火腿、墨西哥辣椒、燒烤醬)：薄餅用料豐富，雖然有辣腸和辣椒，惹味而不會過辣，好食。香蒜辣椒白酒大蜆扁意粉：四人每人都有兩隻蜆左右，蜆肉正常、汁味少辣，都ok！黑松露南瓜汁野菌蔬菜長通粉：一款素食配料通粉，南瓜汁特別又開胃，好