The Point - Pizza & Pasta (將軍澳中心) (已結業)

我D同事實在太中意花錢係食物上, 所以我地每星期都諗D理由去食好D環境都幾唔錯的, 冇乜人會LUNCH食咁貴, 所以靜靜地, 幾好的我點左NORCINA PIZZA了, 不過我記得真係超好食, 因為咬落布好香既芝士油脂, 餅底係我最愛既薄底, 烤蒜頭同油份既香氣好夾, PIZZA仲有香腸粒同野菌, 太好味了, 我差唔多自己食哂成份同事點左肉醬意粉, 聽聞味道好普通另一個同事既鮮露荀野菌黑松露卡邦拿拉意粉, 因為上枱時黑松露既味太香了, 所以忍唔住食左啖好好食, 芝士加黑松露既香, 忌廉既滑, 意粉既軟硬都剛剛好, 我上次都要叫黎食!

今日同朋友行街，黎到將軍澳呢個新市鎮，各式各樣嘅用品，應有盡有，五花八門，至於美食都唔少，今日我哋就揀咗呢間西餐廳一試啦。呢個牛脷Pizza，真係值得一試，唔係度度都有機會食到，牛脷入口軟滑，而且充滿牛嘅蘇味，Pizza個底夠晒香脆，充滿着厚厚嘅芝士，而且仲有一啲紅椒，黃椒，口感豐富，再配上一啲香草，味道令人回味呢個係招牌菜龍蝦扁意粉，既然稱得上係招牌，就梗係有佢過人之處啦。扁意粉充滿口感，而且配上番茄嘅香氣酸酸甜甜，好開胃，至於龍蝦佢已經幫你起咗肉，食起嚟十分之方便，蝦肉彈牙新鮮，果然色香味俱全。羊架，新鮮煎起，香氣四溢，而且係煎到我最愛嘅五成熟，外層脆皮，內裏嘅肉香軟嫩滑，羊架好厚身，配上一啲嘅配菜例如，蘆筍，薯仔，仲有一啲嘅青瓜，令到唔會覺得好膩。士多啤梨特飲，攞起隻杯，都仲未飲，已經香氣撲鼻，杯入面嘅士多啤梨粉紅粉紅份外吸引，上邊飄浮着一個大大嘅雪糕，飲一啖食一口香氣洋溢，難得可以品嚐到一杯咁特色嘅士多啤梨

話說都好多年冇入過黎將軍澳啦，朋友生咗小朋友，今日就想入嚟探下BB，朋友就帶我出去四周嘅環境度睇下，而家嘅將軍澳相比起幾年前我入嚟，真係一個天一個地，估唔到佢嘅基建發展得咁快，而且商場又都已經好成熟，完全係一個新市鎮啊。朋友話佢平時食開呢間Pizza，份外好味，就帶我嚟試吓，但係其實我話咗比佢知我係尖沙咀都已經食過啦，不過又真係幾好食嘅，但係我唔到黎到將軍澳都一樣係要等位。煙三文魚三文魚子pizza，Pizza依然好有層次，餅底吹吧，上面鋪滿着一大片一大片嘅煙三文魚，入口肥美，而且配上三文魚子，為呢個Pizza添上一點新意，最重要嘅係佢嘅芝士底依然可以拉到絲嫁。溫泉蛋炒野菌，各式各樣嘅菌類結集於一身，入口甜美，菇味濃郁，而且配搭上半山嘅溫泉蛋，入口又滑，果然係一個唔錯嘅嘗試。海鮮意大利脆米湯飯，湯味濃郁，入面嘅海鮮都唔少除咗有一隻大蝦，仲有青口，仲有大蜆，仲有一啲嘅魷魚同埋魚類，濃郁嘅湯裏面配上意大利飯仲有一啲趣米喺度，入口非常之有層次，脆米可以為呢一道菜添加一點色彩適逢而家有一個特別嘅餐牌，由日本同西方結集於一身，我就叫左呢一個明太子櫻花蝦帶子意粉，帶子煎至金黃食，見到已經垂涎三尺，

成日行將軍澳，原來將軍澳中心有間the point 我竟然發現唔倒😂 個位置入左少少，相對難搵d ,好開心呀一直都想試 有間咁近既緊係要試試啦～同朋友少少地叫左幾樣野食，試試去！《黑松露 芝士蛋黃醬薯條》我最愛黑松露，個薯條炸得香脆，唔會太乾身同𠝹口（最怕炸到薯片咁），金黃色既薯條配上黑松露 ，黑松露味都夠香，如果可以俾我黑松露醬我點就不得了啦😆《鮮露筍野菌黑松露 卡邦拿拉意粉》另一道黑松露菜式，呢個味道正常，有陣陣黑松露香味，一開始睇落好似有D膩，食落又唔會wo, 算是高一級的水準《Brownie in a pan》 in a pan 既甜食，個鐵板真係好熱好熱！注意要小心呀，waiter 都好nice 會溫馨提示，既趁佢熱辣辣咁緊係打卡先啦。Brownie 以焦糖香蕉圍邊、再加雲呢拿雪糕，三樣野mix埋一齊食非常夾。感覺不錯， 服務水準相當高，侍應好有禮貌之餘好留意倒我地既需要，見到杯水差唔多無哂水會主動加水，都加得幾密,另外見到d碟食過太多野食，碟上殘餘食物多得滯，又會主動幫我地換碟，值得一讚！

今日入左將軍澳，做完野肚餓就搵左間餐廳今飯，時間尚早冇乜人，餐廳環境唔錯，都好多張枱。餐廳主要供應pizza&pasta,當然亦有肉食主菜啦。前菜叫左個軟殻蟹沙律，新鮮軟殻蟹即叫即炸，上碟熱辣辣，冷熱交替口感好特別好正👍🏻溫泉蛋再有d 熟左嘅黃蕉紅蕉，又林又多汁，都幾好食。之就就到肉丸，見佢係人氣菜式所以試下，又幾好味。蕃茄肉醬有少少辣味，配埋麵包點黎食，好開胃，肉丸水準唔錯，份量亦唔少，都幾抵食。Pasta叫左個truffle carbonara,我至愛，做得夠creamy,truffle 味香濃，加左好多新鮮蘑菇，又有味道又有口感，不錯不錯👍🏻最後點少得肉呀，當要叫個m5和牛西冷牛啦。份量超級大份，牛扒亦都好厚好juicy.一開始我地叫左medium rare,但出到黎發覺好似真係rare左少少，個staff見我地hesitat左陣，主動問我地洗唔洗要熟少少，可幫我地整番熟少少，咁我地話要medium,真係好nice,加熱之後牛扒生熟岩岩好，又林又香又多汁，要多謝個staff咁細心同主動👍🏻整體呢間西餐都幾高質，價錢合理份量亦都大份，見到好多一家大細，幾個family番gather

將軍澳位於香港嘅東邊 除咗有出名嘅電視城之外 仲好近香港嘅後花園 西貢。今日就同朋友去咗西貢行山 行完之後就搭番車出去將軍澳搵食 行過見到呢一間The points西餐廳 入面嘅裝修都幾好呀 而食物種類亦都好豐富 所以就決定一齊入去食啦 首先我哋就點咗一個梨子合桃火箭菜沙律 啤梨非常之香甜 有少少嘅酸味 非常之正加上新鮮嘅火箭菜同合桃乾 口感非常之豐富 再加上黑醋汁 簡直係世界級嘅享受啦跟住就叫咗一個煙肉菠蘿pizza 煙肉唔算話好鹹 但係都幾有肉味 而且口感有啲爽口 加上香口嘅松子仁同埋火箭菜焦糖菠蘿 呢個 pizza非常之搭配 唔錯唔錯之後就再叫咗一個大蜆 非常之甜亦都富有海鮮味 值得一讚仲有溫泉蛋炒雜菌 溫泉蛋煮得剛剛好 入面嘅蛋黃香味濃郁 雜菌嘅口感亦都幾煙韌 愈食愈上癮呀之後再叫咗一個 菠蘿酸梅鴨胸pizza 唔好以為個名比較特別 呢個配搭其實非常之配襯 少少鹹嘅鴨胸富有油嘅甘香 菠蘿嘅香甜同埋 上面小小嘅木魚絲 加上脆口嘅餅皮 簡直就係天下美食最後就到甜品嘅時間喇 我哋就叫左Brownie in a pan 香甜雲呢拿雪糕 加咗喺朱古力軟心蛋糕上面 淋上香濃嘅朱古力

將軍澳中心重新裝修之後，進駐了很多名牌食店，朋友新居入伙，星期天去探佢，更加不會錯過逛一下這個商場。晚飯時間，商埸的食肆都十分熱鬧，各色其色都有捧場客。我們選了「The Point」，餐廳的門面設計很廣闊，半開放的餐廳，好有渡假休閒的感覺，驟見吧枱內，工作人員忙着接送明火燒烤的Pizza，好想食呢餐廳的座位，部份在店內，部份延伸至商場外邊，各具風格，佈置相當舒適，入座時值晚飯高峰期，見服務員非常忙碌，卻仍然用心招待，要讚我們坐下之後，細閱精美的餐牌，食品種類非常豐富，飲品、甜品也不少，一看心動，樣樣都想叫。炸甜蕃薯的份量很多，配上香辣沙律醬，很適合一邊傾計，一邊吃，係不錯的小食。香蒜辣椒白酒煮大蜆，蜆肉鮮嫩彈牙，每一口都充滿白酒和香蒜的味道，加上一點點辣椒混在湯汁裡，惹味到呢⋯⋯。海鮮意大利脆米湯飯，海鮮料好靚、海鮮份量足，有厚身的三文魚、肥美的大蝦和大隻的青口，湯底有濃郁的海鮮湯味，吃的時候，每一粒飯粒都拌着精華湯汁，入口即溶，加入爽脆炸米，軟硬口感同時享受，真係越食越滋味!酥炸軟殼蟹蝦肉烤甜椒pizza，一出場的時候，立刻吸著我們的視線，大家開心得一齊拿起手機拍照。Pizza 面芝

今日晚餐想試左呢間比較難搵倒既西餐—the point。睇menu覺得幾好就入左去食喇！上菜速度超級快，我諗15分鐘左右已經黎齊所有食物，之後相機食先，我地就開餐喇。軟殻蟹烤甜椒水波蛋沙律 水波蛋就其實係溫泉蛋黎ge，同沙律撈埋一齊食，幾正，而軟殻蟹炸得岩岩好，沙律菜好新鮮。棒棒雞翼配蜜糖燒烤醬 呢個其實係雞槌咁ge樣, 個size方便,拎住條骨一啖咬落去，非常易入口，唔洗點醬已經好夠味，好味ar。香蒜辣椒白酒大蜆 加埋d 香草，令到個蜆更加入味。主角黎啦，龍蝦薄餅，原隻龍蝦已經好霸氣，食落亦非常好味，龍蝦有龍蝦味，爽口彈牙，每件pizza上面都有龍蝦肉，值得一試。最後我地叫左個甜品食，Tiamisu Affogato 用鬆餅條鋪底，上面加雲呢拿雪糕，再自己淋上espresso, 香濃咖啡味，離遠已經聞到，中意咖啡味ge人應該都會中意呢款甜品。

寫食評記錄和分享，已經成為自己生活的習慣，亦非常喜歡Openrice 這平台，無論為自己留下生活日誌或分享用餐體驗，這個平台確實非常方便今次呢個用餐體驗係將軍澳的「The Point」，記得自己之前去過尖沙咀的分店，當時已經特別喜歡他們與別不同的Pizza🍕和意粉🍝，所以今天家姐相約我在將軍奧中心見面時就決定要試下呢間分店門面裝修好有特式，特別是在Corner 位類似書櫃的設計，細看之下原來是一系列的調味品或酒類，非常型格細節位特別多，甚具意大利風情，座位設計給予客人自由的感覺，有戶內，半開放與商場相連的座位，悠閑寫意未正式講食物之前，首先要讚下佢地嘅服務人員，因為眼見成晚座無虛席，每位員工都很用心招呼所有客人，換碟、加水⋯⋯（我們又溫水又凍水）等等，特別是我們Order時，女店長詳細地向我們介紹及建議菜式，感覺很親切，食物未到已經留有一個很好的印象首先試的Cross over Pizza 🍕～「軟殼蟹🦀Pizza」，除了軟殼蟹之外，還有烤肉、烤甜椒、菠蘿🍍莎莎，材料豐富食Pizza🍕當然要趁熱食，烤甜椒除左令賣相更加吸引之外，甜甜的又帶點Juice嘅口感，感覺好清新，再加上芝士的香味

haha ,今日係肥妹同肥家姐生日，雖然平日成日吵架，但肥妹仔我係好錫佢架~所以今日放工就同肥家姐食一餐生日飯，仲叫佢請肥妹仔我tim!近排去開將軍澳，上次經過見到一間食意粉既餐廳幾吸引，所以今次就去試下呢間佢先!Mock Champagne (Apple juice,Lime juice, Ginger Ale) $48呢杯係肥妹仔我點既，因為肥妹仔我唔係好好酒精，所以叫咗呢杯咁老少咸宜既drink。飲落口非常香甜，係充滿水果甜果種，肥妹仔我相信係小朋友同唔飲酒既大人們一定會好鐘意飲呢一杯~White Sangria (White wine, lemon juice, orange juice ,soda) $68肥家姐就鐘意淺嚐下酒既，所以佢就叫咗一杯有white wine既成份。肥妹仔我攞咗黎飲一啖，飲落去真係充滿白酒味，而佢入面既水果粒就無咩味，不過一啖酒一啖水果粒既感覺好fresh,肥妹仔我幾鐘意!Caesar Salad (classic) $88對於肥妹仔同肥家姐呢d成日出去食飯既人，有碟綠色食物落肚係會令我地既心裏好過d既~簡簡單單叫一碟caesar salad,份量好

今日係肥雞生日嘅大日子 肥雞同細妹決定去試下將軍澳嘅一間fusion菜叫做the point 餐廳入面環境好靚 肥雞一開破解咗個caesar salad 清清腸胃先 之後再想多過龍蝦湯蝦味好濃 再嗌多個蛋黃醬黑松露芝士薯條 芝士呈拉絲狀態 黑松露醬唔會太濃 所有味道平衡得好好 再嗌多個明太子軟殼蟹櫻花蝦pizza 嘩真係好特別成個餅底又薄又脆好香 唔夠喉再嗌多個白酒香蒜大蜆意粉 呢個就真係麻麻地啦啲醬食唔到上意粉度成個意粉冇乜味 肥雞嗌咗杯white punch 正正常常啦味道 之後再嗌咗個 朱古力brownie芭菲 呢個甜品甜酒夠甜啦但係 brownie個味道好膠 肥雞就唔係咁鍾意啦 總括嚟講呢個一餐都好好味尤其是係個pizza同薯條

將軍澳中心重新裝修之後多了很多餐廳，在這裡走走發現有一間吃意大利菜的餐廳，地方很大，座位很多，分開三個區都是這間餐廳的Green Neptune(9") $116薄批非常脆口！好喜歡吃意大利香草醬，配料還有蜆肉、醃安鰽魚、蝦肉、魷魚、水牛芝士、檸檬、蕃茜及水牛芝士； 芝士加在批上熱辣上枱時更能輕易做出超拉絲效果。此外， 餐廳更附上檸檬，我建議勻均地擠一點檸檬汁上薄餅，酸酸味味的清爽口感令薄餅的膩意盡減，可以吃更多！原隻龍蝦配車厘茄伏特加忌廉汁扁意粉 $268原隻龍蝦超吸引，龍蝦肉已經拆出來一口一口在意粉裡面，啖啖龍蝦肉那龍蝦頭除了拍照打卡，裡面還有橙色既膏，正呀！ 輕輕的酒香配合忌廉奶香，成就了這main course 的after taste,  盡顯誠意和功架。 海鮮意大利脆米湯飯 $218脆米湯飯唔係到到都有得食加上有大大隻新鮮虎蝦、蜆、青口、三文魚…脆米湯飯口感好特別飯係脆卜卜，而炸透既脆米吸哂充滿海鮮既精華的湯，非常鮮甜，口感豐富Banana Heaven Pizza $72烤香蕉、棉花糖、杏仁片、朱古力醬、雲尼拿雪糕；一晚食左2款唔同既Pizza哈唔會太甜濃濃香蕉味餐廳仲推

今日係呢邊約左朋友，所以就順便食左lunch ，之前都係唔同地方見過the point ，今次就第一次黎食lunch 。我地就叫左個Lunch set ，前菜係香辣蕃茄醬燜家鄉火雞肉丸，肉丸好腍而且打得好幼細，唔似一般食既火雞肉咁粗，而且好入味辣得黎蕃茄味好出。主菜就係Margherita Pizza，主要有水牛芝士、車厘茄、羅勒同埋蕃茄醬，水牛芝士果然係pizza既絕配，芝士濃郁既鹹香味配埋pizza中和一下，唔會太膩又好味，而蕃茄醬調得岩岩好，唔會搶左芝士味，又食到好fresh既感覺。仲有甜品忌廉泡芙配朱古力醬，雖然係跟餐既甜品，但份量一D都唔少，而且配搭得好好，朱古力醬同忌廉泡芙溝埋，又甜又唔會膩。叫lunch set仲可以加$33 有三隻棒棒雞翼配燒烤蜜糖醬同埋送熱柚子茶，所以lunch set係唔錯嘅選擇。 朋友見menu有好多野食就叫左個香煎虎蝦配香濃海鮮汁意粉，醬汁既海鮮味好濃郁，仲有少少鹹香味，虎蝦煎得好好，表面有少少脆，蝦肉就保持鮮嫰。 最後我地仲一齊食左個Mutella Orange Pizza，主要有榛子朱古力醬、香橙、榛子碎、雲呢拿雪糕，Pizza係熱既，雪糕放

為左慶祝媽咪終於番香港🤣決定佢番黎要同佢食餐好既！聽朋友講呢間餐廳服務好，食物質素高，咁岩都係屋企附近，即刻訂位😜👉🏿✨柚子味噌烤南瓜茄子藜麥羽衣甘藍沙律 Hkd 88 💸📌唔知點解心血來潮想食沙律，就叫左呢個🐰又okay喎！柚子味噌好夠味，叫個輕食都非常夠飽了！羽衣甘藍加埋其他配料食唔會好似淨係菜咁好寡，沙律新選擇喔👾👉🏿✨蒲燒鰻魚9寸pizza Hkd 128 💸📌同媽咪兩個人其實9寸已經好夠食！3人食都冇問題😜上面每一塊都有肥美既鰻魚，加上芝士，同埋蛋絲，邪惡得黎又幾fushion ~👉🏿✨香蒜辣椒橄欖油烤雞天使麵 Hkd 106💸📌非常惹味既一道菜！辣椒後勁都幾強，不過辣得又幾過癮👀天使麵比意粉林身，食完想再食呢！而且烤雞份量都多，除左有小小偏咸，水準都非常好架🤙🏿👉🏿✨朱古力布朗尼 Hkd 68 💸📌呢款就係朋友推薦！一定要食咁話喎🤣上到台係新鮮熱辣辣，熱既brownie 配上凍冰冰既雪糕真係冷熱交融，口感特別😍而且brownie 入面仲有好多核桃粒，食落可以中和啲甜膩👀而且焦糖香蕉都好好味，呢個甜品可以n call ☺️Ps值得一讚既係就算同媽咪坐角落位，啲職員都唔會扮睇你唔

今晚覓食之旅來到將軍澳。The Point裝潢新穎，餐廳為半開放式，環境舒適，職員態度友善。菜式種類多，今次被《潮食和洋滋味》系列吸引住。 柚子味噌、烤南瓜、茄子、藜麥、羽衣甘藍沙律 $88烤南瓜甜甜地，仲有紫色和黃色的茄子。羽衣甘藍十分爽脆，藜麥和杏仁片增加沙律的口感，美味又健康。 明太子香煎帶子扁意粉 $158帶子外層煎得十分香口，明太子、櫻花蝦、木魚片包著每條扁意粉，香氣十足。明太子為整個意粉帶來海鮮咸香味。 Crossover Pizza- Lobster (原隻龍蝦、茴香頭、車厘茄、水牛芝士、海鮮汁) $298 因為原隻龍蝦殼與Pizza一齊焗，所以一上枱已經聞到好香的龍蝦味。龍蝦肉切粒鋪在披薩面，配料十足，味道豐富。餅底柔軟，餅邊香脆。千萬不要漏咗龍蝦頭和龍蝦殼，因為入面有驚喜，裡面是釀滿吸收龍蝦精華的菇和蝦肉。 M5和牛西冷牛扒$318牛扒不遜於披薩和意粉。五成熟啱啱好，肉味濃郁，擺盤十分吸引。可惜今次塊牛扒筋位較多。 Brownie in a pan $68Brownie外層香脆，濃濃的朱古力味，除咗配雲呢拿雪糕，仲可以伴焦糖香蕉都好好味。 Tiramis