The Farmhouse 咖啡廳 (裝修中)

諗住見餐廳幾靚又有做優惠去試吓，服務OK，環境OK，不過嘢食真係好一般😮‍💨首先由於佢有好多把風扇係天花板，攞完嘢食行返入座位已經吹凍晒，冷盤超級少，先講海鮮有龍蝦，麵包蟹，龍蝦一般，麵包蟹還可以嘅，剌身有好幾款，完全唔得，解凍非常差🤦🏻‍♀️總括嚟講啲海鮮唔係咁新鮮。佢哋有一款自製煙三文魚，都係好唔好ok😅熱食比較好，串燒羊肉雞肉唔錯，脆皮燒豬肉除咗個皮好個果肉係OK，和牛燒肉片就超失望🙈本來好期待佢嗰個芝士輪長通粉，點知佢個汁完全唔得，仲要呢隻長通粉完全係厚疊疊，普通茶記嘅通心粉仲好食，我諗你食一碗都會唔使食其他嘢，天婦羅粉漿唔得，最慘甜品部竟然冇一樣嘢啱食，連最基本朱古力味嘅甜品或者雪糕都冇，佢有一個自製嘅雪糕櫃，竟然裏面最基本嘅雪糕味道都冇😂奇蹟地日本鯛魚燒小食我攞到返去仲熱熱地係OK嘅，其他大福，玄餅，缺餅完全唔得🥲總括嚟講：完全冇heart做好，話晒都Hyatt😤求其拎啲嘢出嚟俾人食，仲要好多唔係自家酒店做嘅，我諗而家冇$600以上嘅自助餐都應該係呢啲質素😂

We had a wonderful staycation at the Hyatt Centric Victoria Harbour in HKG. Our package included the breakfast buffet at their restaurant called: The Farmhouse. We were very pleasantly surprised with the breakfast spread & looked forward to it daily. The breakfast spread ranged from cereal & milk, bread & butter, croissants, salads, charcuterie, & dimsum! There’s really something for even the pickiest of eaters. We especially enjoyed the:- fresh pressed juice area (no pictures sorry!)- fresh noo

晚餐食物質素真係唔錯，所以我都幾期待佢個早餐🙈輪到早餐啦～～早餐時間冇規定，6:30-10:30都可以自行選擇，用餐時間60分鐘！建議9:00前入座會無咁多人😙早餐有奄列、鮮榨果汁、中式點心、西式點心選擇都好多～♨️中式點心類：有包點、珍珠雞、燒賣、栥飯、白粥…🍲熱食類有自選奄列、日式麵豉湯、班戟、炒雜菜、薯蓉、煙鴨胸、茄汁豆、煎蕃茄、薯餅、煙肉…仲有雞蛋咖喱(好有趣既菜式🤣）🍩一入去就會見到呢個corner，好似cafe咁，有肉桂卷、提子鬆餅、牛角包、迷你菠蘿包雞尾包麵包類我就覺得有啲乾身飲品方面除咗熱茶咖啡、橙汁蘋果汁之外，仲有呢啲鮮榨果汁，菠蘿椰子奶味道幾特別好厚身❤️

✨Join左 KKday staycation優惠✨< 兩位成人一晚住宿連自助晚餐、自助早餐、紅酒一支及甜點組合> 相比起其他酒店都幾抵，人均一千左右～🤑🕠酒店安排左第一輪既自助晚餐5:30-7:30pm， 好準時入到去，安排左係近窗邊位置，餐廳都幾大下，仲可以帶埋寵物🐶🐱一齊(會安排係室外地方)👍🏻❤️‍🔥講番食物先:🦐冷盤類有海鮮(龍蝦、麵包蟹、螺、蜆、蝦、長腳蟹、青口)，cold cut，刺身，壽司🍣…唔腥都有小小鮮味，蟹腳唔會過咸，龍蝦肉就無乜味，整體不體不失，食左一round就轉戰熟食🤩🍲熟食就要行入小小去另一個area，一去到勁吸精第一次見烤豬腩卷，味道都幾好外皮好脆，🥩肉眼扒比其他酒店好食唔靭另一推介係蜜糖甘荀🥕，個甜味好香勁好食！仲有即烤雞肉串羊肉串都好入味🥓煙肉扇貝就要睇運氣啦！每次會烤8隻每人兩隻為一份，四個人就拎曬Lu，咁就要第多十分鐘先有下一輪，味道就普普通通，個人覺得唔洗曬時間等，見到有又唔洗排先拎會好啲~🍮甜品種類都有好多，最有特色應該係個旋轉雪糕櫃🍦，有成10款口味(咖啡、抹茶、薑、雜莓、熱情果、香蕉、椰子、雲呢拿、芒果、奶茶)試左奶茶同熱情

第一次黎食The Farmhouse食自助餐，環境，食物同服務都好好餐廳環境：設有落地大玻璃 窗邊位置仲有海景view,  環境舒適食物質素：餐廳主要分為兩區, 一區主要係沙律, 甜品, 壽司等凍食為主, 圓形雪糕櫃有12款, (奶茶味、椰子味、開心果味、芝麻味等既雪糕)，雪糕櫃好多小朋友排隊食, 好岩打卡另一區就提供各款熱食選擇好多元化燒羊架, 牛扒, 點心, 印度薄餅等等 

101120082022，由於係呢間酒店兩日一夜，昨晚就食左佢地既自助晚餐，今早起身就去返呢個地方食自助早餐。去到我先拿左個黑松露炒蛋，鴨胸同炒豬腸粉。黑松露味濃蛋香，鴨胸都算嫰，炒豬腸粉就可以。第二轉就拿左三文治，兩種芝士加上火腿肉好味。第三轉就試下個咸豆漿同油炸鬼，咸豆漿味重加上梅菜，油炸鬼就非常推介，脆口到同平時粥店個啲唔同，非常特別的。必試最後一轉就甜點加面包，牛角包鬆脆牛油味特出，朱古力冬甩除左面頭有朱古力內層都有夾咖啡就一絕，最後就芒果西米露呢個不推介。

200019082022，我黎到位於北角既維港凱悅酒店，1945已經開始在門口排隊，好快2000就入到去，我坐在窗口邊望住維港景色令人放鬆。首先第一時間拿左面包蟹同波士頓龍蝦。面包蟹超多紅色羔味道不錯，波龍就啖啖肉但就冇咩羔但都可以的。牛扒就燒到8成熟，有肉汁同嫰滑，牛肉味好重。巴馬火腿就必須要食，味濃而結實充滿油香。另外我試埋呢個油甘魚同吞拿魚刺身，油甘魚魚油豐富加上厚切直頭衝擊味蕾。甜品呢度都非常多選擇，雲呢嗱雪糕看到有真既雲呢嗱籽但味道比較甜，芒果布甸好酸我覺得比較敗筆之作，還有一個日式甜品名字我忘記了，但如果你們見到記住了試，有透明的啫喱入面有兩朵花酸酸的，加上少少粒金箔賣相超靚。價錢就入住包埋，所以不清楚單一價格。

服務員態度熱情殷勤，有特色食品推出時會主動提客人可以出去攞。食物種類豐富，今期係日本主題所，熱食有特色。甜品款式特別多，單是雪糕的選擇就有近十種。蛋糕造型精緻。十分適合一家大細聚餐。

好早就book咗呢間酒店慶祝生日同留位食buffet lunch，店員超級親切一個月前就已經幫我remark想要坐近海窗邊位置😽時段選擇12-2:00；雖然遲咗到，但店員都無準時2:00就趕我地走，食完啱啱好可以拎房🤭-✤ 𝐋𝐮𝐧𝐜𝐡 𝐁𝐮𝐟𝐟𝐞𝐭 由於係join staycation package所以都好難講話幾錢，不過就一定就咁食唔抵🫣各項野食種類繁多，唔錯！不過影相唔靚就費時post🫶🏻-✤ 刺身、海鮮刺身方面有比較正路嘅三文魚、帶子、希靈魚以及吞拿魚，但略顯唔算肥美，以及沒有生蠔提供。海鮮好出色！除咗有勁大隻麵包蟹🦀️，對半切開全部都係超級濃郁甘香嘅硬蟹膏之外，凍蝦、青口都幾新鮮，蜆就麻麻地🐚✤ 甜品完全唔好雪糕嘅我見到最大特色嘅XTC雪糕吧都有少少驚喜🍦試咗一款tiramisu味道比較似提子冧酒🤣、另外都有各款精美糕點，其中有個焦糖燉蛋撻好出色🍳生日仲可以request寫名牌，會送上一件莓味朱古力撻🍫✤ 即點即製美食原來即點即製美食亦是The Farmhouse自助餐嘅重點之一，當中大家一定要試試即煮意大利麵，是日之選係黑松露長通粉，無比creamy，黑松露味濃郁🍄

無拘無束嘅享受自助午餐，多元化嘅美食，多國菜選擇，中日韓美食,yummy yummy 食都肚子飽飽、非常滿足👍🏻⋯⋯芝士種類多、gelato 任食入口即溶好好味、不果甜品種類少有點失望。整體都係抵食好味！

喺某大賣旅遊行程嘅網站Book 左Hyatt Centric Victoria 嘅Staycation。個Package 包自助晚餐，今期嘅主題係泰國，除左泰式野之外，亦都有各國美食。既然今次以泰菜為主打，首先就講佢啦。有泰式燒烤、木瓜沙律、芒果糯米飯、泰國麵食等等……老實講，真係好一般，串燒嘅肉類肉質OK，魷魚唔爽口。芒果係新鮮嘅，糯米飯勁難食，特別係佢個椰漿。炸物正正常常。冷盤海鮮: 龍蝦同熟蝦蝦肉唔彈牙，亦唔鮮。麵包蟹蟹膏冇味。甜品得個樣，雪糕試左好幾隻味，得港式奶茶叫做好少少。生果、Ham 、魚生都唔錯。小Tips: 同Friend 溝通好拎咩食物，每次拎淺嚐嘅份量。

幸運地被抽中，可以免費去Hyatt centric既2日1夜連早午餐！😚佢地既中午自助餐都幾多野食，雖然冇我最鐘意既鵝肝龍蝦，但食物都新鮮同埋多樣化，性價比都幾高！ 有幾款食物想重點推介，等大家可以重點食D好食既野，唔洗曬QUOTA。 🙊 凍蝦：唔會太凍，有時雪太凍會好硬同好似食緊冰咁，肉質係爽既，幾新鮮。 三文魚：我試左2轉，一次肥D，一次瘦D，兩款都幾好，解凍得好冇雪味，魚味都幾重 豬肉燒賣：我去親自助餐，都會試燒賣，呢間豬肉比牛肉燒賣好食，唔會成舊肥豬肉，又唔會鞋，幾好。 燒豬腩肉：幾好食，佢配香茅香草一齊燒，又有D脂肪，口感不錯，但未必舊舊好食LOL，揀下/ 撞下手神。 🤪菠蘿：想講佢細粒既菠蘿幾好食，幾甜，可以配D燒肉食，解下膩。 燒清魚：唔會太乾，佢配左個汁上去，幾好。 香茅雞球：佢用左D葉包住，勁入味，雞又滑！ 荔枝香茅梳打：好飲！🙂甜品都唔錯，佢格仔餅係牛角包質地，好食！雪糕好多款味，出色！🫠

估唔到酒店會升級我哋食晚餐 之前聽同事講過 選擇多又好味yeahhh❣️冷盤開邊龍蝦🦞麵包蟹🦀大蝦🦐青口 蜆 最方便一定係龍蝦 大大隻方便食唔會整污糟手 一碟最多放3件 一嚟食個3 4 round 打底回本靠呢度❣️開胃菜前菜常見嘅巴馬火腿 酸青瓜 🥒醃青瓜 酸橄欖🫒蕃茄應有盡有 味道不過不失 不過可以開定個胃轉頭可以再試多啲正嘢❣️芝士芝士種類都唔少 空口就咁食的話好鹹 好彩隔離有啲梅同麵包中和下 夾住食❣️泰式串燒因為今期做緊泰式主題 豬肉串 燒雞串 魷魚圈 腸仔 雞粒 一應俱全 如果唔點醬食有啲偏乾 不過好入味好香❣️燒豬脾仔即叫即切嘅服務 味道有啲似平時啲燒豬手 加埋個燒汁啱好 唔會話鞋口 一時控制唔到食咗兩份❣️泰式烤魚有少少冬陰功嘅feel 不過切開啲魚皮入邊有啲乾 味道就好濃香 又唔會好似冬陰功湯咁重香料 如果多番少少汁會好啲❣️泰式魚餅同平時喺九龍城食嗰啲冇分別 好正宗 咬落好大魚味 唔會死鹹 鍾意食嘅可以食多少少❣️gelato 估唔到任食都有Gelato 入口即溶嘅感覺 仲要低卡過平時雪糕 真係食多多都冇所謂❣️甜品一個二

訂左staycation 連晚餐自助餐既package 唔期待有貴野 好野食 淨係expect 係正常水平既食物 由其係當我同男朋友都唔食海鮮既時候但係見到個熟食勁少選擇 都算味道好一般 都算最大問題係 佢熱都唔熱呀呀呀冬蔭公好鹹 金邊粉冇味 西冷冇牛味 香茅梳打冇氣唯一可取既係菠蘿炒飯同長通粉 不過都係凍服務方面 冇人收碟….要自己執sad然後甜品普通冇特別 啲雪糕既口味好普通冇特別 不過佢最普通既雲尼拿都唔好食呢次仲要係生日飯黎 男朋友表示寧願食大排檔

還有差唔多2星期左右就休息完開工，7月的媽咪提早十幾日開刀，應該7月初就開工，呢幾日又約人出去食嘢，今日約咗舊同事去北角一間酒店午餐，喺同我補足生日，所以搵咗呢度，幾年前嚟過一次好抵食，午餐都有長腳蟹，舊年本來都諗住嚟但最後都無，可能太耐無嚟又記錯之前食過幾次果間，從未試過咗失敗，去錯另一間好彩同事到咗，點知果間你呢個人再問先知去錯就立即通知同事食住等，再搭一個站去北角，點知又出錯口諗住A同B 好近就再搵行到去炮台山，最後行返落北角B去搵返A原來好遠又再分A到A3,再睇Google 話A2都喺錯，正確喺A搞到差唔多一點先到，坐低講咗一陣去攞嘢食，超級多人喺做旅行團，同事都好唔開心比人閙，她喜歡無咁多人，之前她有嚟過無咁多人所以搵返呢度，點知坐落就後悔，果啲人可能趕時間攞湯又攞食物一大堆好似未食過嘢，而家好少有咁場面，那人轉彎碰到我同事而湯整到枱啲人，那人可能識話唔緊要但碰撞的那個人還大聲好惡喺咁閙我同事，而家啲人都好差，我呢2日都上綱睇食評，講到好差都有心理準備，我同事都話差咗無咩特別嘢食，種類喺好似好多，因為遲咗成個鐘比較趕食咗啲嘢繼續傾好快2點半，工作人員就話要清枱，咁都出去攞埋咖