The BASE (已結業)

Great brunch in.old fashioned british style and lovely staff. Shame we ran out of time as the Brunch nd the decoration looked amazing as we gotta go.IKEA.for decorating our own.house...nicely cooked nd fresh ingredients including my beloved bacon n cooked beans, croissant nd veggie with tabasco...strongly recommended for everyone😝😝😘 however the restaurant is not big nd lack of space...quite disappointed..

周日先來落雨，但無損去搵食的心情。今日特登去觀塘開源道工廈的一間餐廳，是朋友極力推介的，那就一於去求證一下。餐廳位於5樓，門外的招牌以是第一個吸引，一個木箱、一個三角，蠻有趣的。餐廳不算太大，但有簡約+ 文靑feel，更有戶外和室內的兩個區間。我book了12時準備吃brunch，一進去已有數枱客人，我點餐後，更有10多位已預約的客人進來，坐滿了一張長長的檯，周日的工廈都好熱鬧👍🏻Full-Day Breakfast 很豐富，當中的自家制鵝肝雞肉批很美味，有淡淡的鵝肝香味配以清新的雞肉，誰也不搶誰的風頭。大大的溫泉蛋加上高質的雞肉腸和豬肉腸 ，一口肉食，一口酸椰菜，再來一口大啡菇可以慢慢品嚐。此外他們的西柚沙田抽沙律，沙律菜很新鮮，醬汁酸酸甜甜很開胃 fresh👍🏻。唔可以唔提那牛角包🥐 它很鬆脆，很有層次感，真的好好吃。飲品選擇很多，我選了椰子拿鐵，單看外形已好吸引，送入嘴巴時椰香及奶香一起送上。食物不單置於一個精緻的木板上，還加上廚師的誠意❤落雨又使乜驚啊！🌦🌈

放假找地方去逛逛 不一定是尖沙嘴、銅鑼灣，今日我就去觀塘行下。首先要去醫下肚，係時候食番個brunch。之前看過推介The Base，上去試下。未到一時 餐廳已有很多顧客，這間餐廳有室內和戶外的範圍，本來想坐戶外地方，但因下雨就只好坐在大玻璃窗的旁邊，感受一下外面的氣氛。我點了5號餐的炙燒煙三文魚配黑松露賓尼迪蛋加法式牛油多士，另選了抹茶拿鐡。Egg Benedict 是早午餐的必備菜式，水煮蛋加荷蘭醬，當然還有多種配菜，雖然它用料簡單，要做得出色是不容易，這𥚃就做得好好。手機先食的世界其實也是叫我好好欣賞食物的擺設，它的色彩，之後欣賞食物的內涵，它的味道。Matcha Latte有濃濃的綠茶茶香味加上滑滑的牛奶，一絕。我喝每一口都是由拉花的底部入口，到差不多喝完，還有一朵清澈的拉花，還在。這兒雖然有很多顧客，大家開心地一邊吃着，一邊閑談，但冇嘈吵的感覺！這是工廈的優點，高高的樓底，給大家充足的空間，今天更帶給我觀賞下雨的浪漫💕

今日去觀塘跳舞之前，係附近搵間餐廳食番個豐富既lunch 獎勵下自己先。😀觀塘好多工業大厦都有好多餐廳，所以一於去睇下。俾我見到呢間cafe,有brunch 食，好似又幾好喎！😋環境都唔錯，幾舒服。可以靜靜地咁享受我既brunch！-Brunch既價錢唔會話好貴，包埋餐飲🍸。佢主要都係食啲包類 ，多士類。亦有all day breakfast 揀。而我卻被佢個《牛肉漢堡配薯格》吸引到！💕大大個既漢堡包，除了塊漢堡，亦配有芝士，大蕃茄，肉醬同煙肉配料🍔🍔-欣賞佢個牛肉漢堡，不會煎到十成熟。🐮佢大概煎到八成熟。令到肉質好嫩，不會好乾。漢堡即叫即整，所以暖笠笠。令到塊芝士半溶左係漢堡上面😍食落都幾重牛味🐮 .連埋d 蕃茄，蔬菜一齊大啖食，口感很 fresh 😋👍其實一個人食完個大漢堡都已經好飽。但當然要食埋啲薯格先夠完整！薯格炸到好脆！塊塊都好大。食到最後真係超级飽！😋另外仲叫左杯特濃朱古力飲🍸好濃好重既朱古力味 同唔會好甜！鐘意飲 唔會甜既朱古力就岩哂！食到咁飽，係時候做下運動喇！！😂

終於挨到星期六放假，走到觀塘工廈區找食，不是朋友介紹都不知道有一家舒適的咖啡店位置並不難找，門口擺放餐牌及裝飾，入座後店員問是否有訂座，想不到午餐也需要訂座，不到一刻鐘，店內已坐滿客人餐廳的環境簡潔時尚，令人舒服，週末的Brunch 共有9款，沙律/漢堡/吐司，以及賓尼迪蛋/ Full day Breakfast都有，套餐更是包含飲品每一檯會放著有薄荷葉的Detox Water炙燒煙三文魚配黑松露賓尼迪蛋，法式牛油多士賓尼迪蛋的靈魂是荷蘭汁，荷蘭汁份量蓋過蛋，味道微酸帶點creamy的口感，頂層更放了少量黑松露醬點綴從中間切開，蛋汁從流出，慢慢流到下層中間夾雜著菠菜，以便吸取流下來的蛋汁旁邊的油醋沙律蕃茄粒好開胃飲品除了咖啡外，還有多種花茶果茶，最後加$5點了冰鮮果茶，甜度適中多種水果在內，飲用後把水果吃清光

雖然餐廳開係我公司附近, 今次同同事都係第一次過黎食lunch. 好彩事前已經book位, 否則真係有排等.好快地我已經揀好個 入座後好快地我已經揀左個LUNCH SET: 黑松露雜菌菠菜米形粉 配 63度温泉蛋 ($78)  我都係第一次食咁得意嘅“米形”意大粉, 細細粒咁好CUTE. 口感滑嘟嘟, 但咬落依然有少少彈牙口感, 唔會話“腍pat pat”. 而雜菌醬汁亦都非常香滑, 有淡淡的黑松露香味, 就算食多幾啖都冇話有“漏”的感覺. 而意粉內的菇菌 & 菠菜 的份量都唔少, 食落都感覺幾新鮮. 我個人比較喜歡流心蛋, 如果個蛋再“流心”啲, 啲蛋漿就可以同醬汁混埋一齊的話, 就簡直完美啦! 餐飲揀左: 冰糖燉蘋果雪莉茶 (望記影相) 飲落感覺好真材實料, 喉嚨好潤. 而茶裡面仲漂浮緊一啲啲果蓉, 唔會話好稀的感覺. 最驚喜係原來仲加左蘆薈果粒, 有得飲又有得咬下. 唯一有少少挑釁嘅係, 如果甜度可以減返少少的話, 應該會更加完美.

觀塘區出名多活化工廈嘅小店。今日就黎試下feedback 普遍都幾好嘅the base.店內座位唔算多，睇落就唔會覺得逼整體走簡約文青風！每桌一樽detox water，仲有條草草做裝飾Tim! 錯覺覺得自己排緊毒、好健康Tim!見到menu 好想食burger,就單點算了剩係drink list 都好多款!cean blue chocolate (mint)手制藍薄荷朱古力 $48呢杯既似藝術品又似甜品，deco 得好精緻！俾客人自己整杯朱古力出黎，好玩超療癒！馬來喇沙大虎蝦海鮮孖辮粉 $148虎蝦共2隻，底部有蜆肉及少量三文魚碎。喇沙調味偏辣，孖辮粉口感煙韌，味道fushion 有創意！澳洲m級肉醬和牛芝士漢堡 $188漢堡size正常配上薯格，薯格炸得通透夠脆卜卜！和牛漢堡橫切算厚，牛味唔算濃。漢堡牛嘅質地偏散，配左兩塊炸到超脆嘅煙肉係漢堡中間。色香比味道吸引！埋單300幾蚊左右, 已經飽晒!

呢晚唔洗收夜而大帝又唔返黎食，女皇就話想食西餐，咁就一於近近地落官塘工廈個邊揀間黎試下先睇到呢間既網上評價都幾高分，加上見到餐牌入面有款“米形粉”都幾特別啵，所以就決定上黎試試佢先睇完meun之後，除左order左一碟我想試既“黑松露雞肉雜菌米形粉配63度溫泉蛋”HKd$138+10%之外，女皇就揀左另一款pasta“ 馬來喇沙大虎蝦海鮮孖辮粉”HKd$148+10%，打算兩款pasta share一齊食order完之後，餐廳就會提供一大枝放有薄荷葉既清水俾人客等左一陣,我地既pasta都黎到啦先黎既係我勁期待既米形粉當中既雞肉煎得外脆內嫩而米形粉既口感十分有趣，有食意粉既味道又有食白飯既感覺，加上米形粉既軟硬度適中，配埋混合左溫泉蛋蛋液既松露醬汁一齊放入口，香濃又滋味之後女皇所揀既孖辮粉都黎到啦賣相同味道都同樣唔錯面頭既兩大隻虎蝦煎得香脆，蝦肉爽彈，孖辮粉煮得岩岩好，煙韌有咬口，而喇沙醬汁又辣辣地咁，令人愈食愈開胃個晚我仲order左杯“是日梳打特飲”HKd$28+10%當晚既係柚子蘆薈梳打，味道清清地都幾解渴本身想嗌返個甜品同女皇一齊食架，點知女皇話佢已經一早整定左愛心芝麻糊同芒果

慶祝朋友生日，一班人去左lee間餐廳。係工廠區入面黎講，地方唔算太大，目測只可同時容納20人左右。不過雖然地方細小，但環境唔錯我地叫左一個3-4人set dinner，另外單叫左幾款其他食物。整體食物味道都非常唔錯最欣賞佢個炸蕃薯條，出面真係好少地方可以食到仲有，佢個珍寶珠都好正，有3款sauce可以點，而且係啖啖肉最後每人200幾就食到一餐咁好味嘅西餐，真係好抵食

係網上睇到哩間餐廳，朋友預約jor一齊食晚飯。因為係工廠大廈，所以我諗應該會同普通西餐廳差唔多；但係一入到去被個環境吸引jor～真係好似外國既西餐廳～佢仲有個大天台，不過當日落雨所以無開放。朋友亦稱對方既洗手間乾淨衛生，用餐環境美好又安靜，已經令我好期待！我地一行7人，嗌jor個3-4人餐跟低溫牛set；然後再散叫一啲意粉小食，每人都有嗌飲品。啲小食唔錯喔～意粉都好好食！要讚下服務態度啊！本身我被嘢飲爆炸糖係要一齊打，但係我怕味道唔鍾意，所以叫佢另上，但佢都無say no！朋友聚會食飯好地方！超級適合情侶撐檯腳

朋友生日一行七人到觀塘搵食,今次有朋友推介話呢間幾唔錯於是就試試。入到餐廳裝修簡約, 有高級餐廳嘅感覺，地方整齊乾淨。洗手間亦都乾淨整潔，餐廳出邊仲有一個露台，可惜嗰日落雨出唔到去， 如果唔係都應該可以影吓相打卡。餐廳食物亦都非常之一流，好多菜式都睇得出係自己設計， 創意十足其他地方應該食唔到。雖然價錢偏貴，但我哋全部都好滿意都覺得值回票價。飲品方面都非常有心思，朋友叫咗薄荷朱古力， 開頭以為都係一般嘅朱古力飲品冇乜特別，嚟到令人非常驚喜，味道同埋賣相都可以媲美出邊嘅高級餐廳。整體而言非常滿意，下次周年或者生日慶祝可以再來！

老公有野做，所以我自己一個人黎到觀塘，打開個Openrice 搵野食。見到一間打工廠風既餐廳，幾岩自己一個人星期日黎enjoy下～我點左個韓式牛肩肉中東烘包配炸蕃薯條。一上枱就已經聞到牛肩肉既調味香料。個包烘得好脆，裡面除左有牛肩肉，仲有生菜絲和芝士。芝士係牛肉面已經被烘溶，所以好香牛肩肉好林，配埋佢微辣既醬汁，好惹味，仲有蔥粒係面，非常中東味道蕃薯條好甜、好香、好脆，無得輸要享受一個浪漫既一人brunch,點可以少左杯咖啡。依度竟然有我鐘意既玫瑰加入咖啡中，當然要試啦飲第一口，好香玫瑰花香，同時夾雜著咖啡既烘焙香，真係好喜出望外。突然間有個念頭，今次既一人浪漫要廷伸至下次的2人浪漫

當日係星期五食飯時間黎食要早一個星期book先book到😂黎到個餐廳環境係好靚😍有少少文青feel 仲有個室外露台🌴.叫左個雙層芝士大啡菇漢堡配薯格($82)食物黎到 個賣相又係好靚☺️漢堡有3塊啡菇、芝士、蔬菜粒、蕃茄、生菜 好豐富🍔加埋酸酸甜甜既醬汁 好味😋另外個薯格同樣好味 岩岩炸好 又脆又熱.個餐仲包左杯飲品完全唔hea 有好多特飲都唔洗加錢我叫左冬瓜茶 幾好飲👍🏻👍🏻

之前一直想試下呢間，講到好好食咁。一係無得walk in，一係早幾日book都無位（太誇張啦）。今次早一個星期就book，仲要係趁假期好多人外遊嘅時間book，就有位啦。太肚餓要快啲點先得，同事想揀意大利飯，好笑嘅係職員話煮唔到飯，1同8都唔揀得，其實呢啲時候應該一早講。同事叫咗黑松露雜菌菠菜米形粉配63度溫泉蛋，味道都ok，汁收得幾好，唔會太濕，味道都唔錯。我就叫咗澳洲牛肉漢堡配薯格，麵包係烘過，小小脆，幾好。煙肉過硬但不脆，油咗啲。牛肉有啲失望，「鞋」咗啲，而且無肉汁，一咬就散哂。薯格夠熱，不過有小小油膱，小小翻炸嘅感覺。Latte正常，還好。職員無啦啦拎咗張單係枱面（我地無叫埋單嘅），未幾催我哋找數，完全唔知做乜。之後叫我地走，先至講個原因係因為有客人等緊張枱。其實係放低張單個陣可以輕輕講聲咩事，我地只係剛剛食完，飲品都未飲哂，前後用餐只係半個鐘，又無講限時，只係因為要拍埋兩張枱俾6個人坐。我對餐廳嘅服務其實只係想有基本嘅服務，正正常常，有禮貌我都會俾4分。呢種服務態度我唔會滿意，呢part要俾低分，好失望。環境都係老問題，上樓cafe有油煙味。

12月26日同老婆食午飯，見到呢到評價唔錯就選擇呢到，黎到呢到淨係見到聖誕menu,價錢偏貴，唔緊要，我都預左，叫左個豬鞍同西冷set。可惜既係，個豬鞍勁鞋，口感同豬扒一樣而伴菜仲好笑，蕃茄 乾身到食唔到，蕃薯有舊爛到黑晒都比人食，另外，西冷牛無牛味。份量少之外，無論賣相，味道，都唔值呢個價錢。環境佈置都唔差，坐得算舒適。自問唔係食家，都未試過食餐飯會嬲到第一時間要去打食評，最多講完就算，而呢個劣評係我既第一次。