Suage北海道湯咖哩

營業中

休息中

Green Monday食素對身體同地球都好💚但食素唔代表好清淡同寡，都可以濃郁有味道😎今日就嚟咗朗豪坊嘅❇️Suage❇️食北海道湯咖喱，有素食選項好friendly🥰✴️鮮野菜盛湯咖喱烏冬✴️一碗湯咖喱烏冬有蓮藕、南瓜、茄子、青椒、西蘭花同蕃茄仔，好多元化👏🏻湯咖喱微辣，食落好溫和，配埋烏冬食好滿足💚✴️木魚花茄子✴️口痕叫多個小食，茄子浸泡係日式高湯同醬油中，清甜得嚟好輕盈，健康都有好味嘅食物💪🏻

🫶🏻炙燒豚角湯咖喱烏冬呢一個係湯咖喱烏冬，原來咖喱加烏冬好配合，烏冬會吸收到咖喱整成既湯，烏冬口感爽口又彈牙，豚角就做到半肥瘦，油脂豐富，燒過先放湯，啲油脂滲返晒落湯到，更加濃稠，更加入味！👏🏻日本芝麻雞翼小食之一，雞翼係雞全翼，炸到好脆，金黃色既雞翼，絕對係新鮮炸起，雞翼係咸香加南乳味咁，加埋啲芝麻，味道更香，雞肉又滑！✌🏻木魚花茄子茄子唔係煮得太熟，唔會太冧，有啲爽口。茄子好清香，只係用佐左少少醬油去調味，唔會太咸，食到茄子既原汁原味，加埋木魚碎，夠晒清新！整體黎講好特別，咁大個都係第一次食到湯咖哩

我簡單點佐一個主食一個小食，主食係炸蝦天婦羅湯咖喱拉麵，炸蝦好酥化，脆皮做得好好，有別於一般天婦羅，呢度既外皮脆到好似薯片咁，但又完全唔油膩，重點新鮮炸起，夠晒熱！拉麵麵質係煙韌有咬口，都掛到濃濃既咖喱汁，甜甜辣辣咁，加埋少少蔬菜點綴，好滿足😌😌小食係呢個紫芋甘粟甜薯可樂餅，用既都係日本既材料，所以夠晒清甜，炸粉唔會好厚，紫芋同甘粟既配合出奇地唔會好滯，反而有種獨有既清香，一咬開軟綿綿，口感好好😙😙呢度係開放式設計，其實都幾大間，座位都多，自己一個黎食或者同朋友一齊黎食都岩！

最近開左間新餐廳~~係日本第一既湯咖哩！位於旺角朗豪坊裡面，😌4A樓1號舖。最近係旺角都食到唔知食咩好，周圍都食過但又無乜特別深刻，而加比我試到間新野，真係好好食!!!所以係度推介下😍～同男朋友叫左兩碗麵＋小份小食，所有野食都真係好值得推介！☑️珍寶海老海鮮盛湯咖喱⋯⋯⋯⋯⋯如果鍾意咖哩又鍾意食海鮮既人一定會好鍾意呢一款，佢有拉麵／烏冬／白飯，我地就叫左個日本米既白飯，成隻蝦係度勁搶眼，加埋第一次試既湯咖哩比期望中再高d，非常香口！☑️炸蝦天婦羅湯咖喱烏冬⋯⋯⋯⋯⋯呢一個係男友食，炸得香脆好惹味，當中既蝦天婦羅好有蝦既香，炸出來好有水準，真係日本果種炸出來既手法，以為日本先有，係香港都食到，而佢既烏冬好滑身，食極都仲有咁多～☑️紫芋甘粟甜薯可樂餅⋯⋯⋯⋯⋯平時都係得可樂餅，而個混入左不同既食材，有紫芋甘粟，有另一番風味，而且味道夠重，呢種味道好有新鮮感，食完一D都無食滯感，真係好正～

完全無諗過一間咁簡單既鋪頭會有咁多選擇，主食有幾款，小食都有幾款，我地實在被吸引到係咁叫！主食我地叫佐日本廣島蠔湯咖喱拉麵同埋珍寶海老海鮮盛湯咖喱烏冬，拉麵同烏冬麵質都好，都係煙韌q彈，重點夠晒掛湯，吸收晒啲湯汁，咖喱味好重，唔會淨係得辣，反而甜甜地，係甜辣既咖喱，煮得幾稠，夠晒濃味，廣島蠔都幾大隻，份量都唔少，好鮮甜，另外既海老都真係幾珍寶，又彈牙又鮮味，加埋啲帶子青口墨魚仔，夠晒豐富！小食我地叫佐日本芝麻雞翼，海苔天婦羅魷魚同埋木魚花茄子，雞翼係雞全翼，好大隻，外皮夠脆夠焦香，雞肉就嫩滑多汁，另外魷魚又係炸得好脆，炸粉有海苔天婦羅，更加香口，而茄子就夠晒清甜，係清香既茄子！

出旺角唔知食咩好，咁岩去左朗豪坊4樓，見到《Suage北海道湯咖喱》就一於食佢啦😎除咗有出名嘅北海道湯咖喱，仲有多款日式小食同特色飲品，一定可以滿足到唔同人嘅口味😊♨️北海道湯咖喱♨️今次一共嗌咗三碗湯咖喱：🐷炙燒豚角湯咖喱烏冬，豚肉多軟腍，燒過嘅豚角油份更多，非常邪惡😈；🥬鮮野菜盛湯咖喱拉麵，健康同營養都滿分，蘊含多款椰菜，補充一日所需纖維話咁易；🦪日本廣島蠔湯咖喱拉麵烏冬，蠔肉飽滿新鮮，好出色🥳三碗都不得不提係個最主要既湯底，日本人對湯底要求真係勁高，用咖哩造成既湯底都好香口，有好多味道係入面，同食咖哩完全係唔同🥳🎌日式小食🎌🐟蒲燒鰻魚串甜甜鹹鹹，鰻魚肉無骨亦都唔腥；🍆木魚花茄子食落好清爽，茄子仲爆曬汁，真係好正；🥟日式炸餃子皮薄餡多，個皮薄炸到金黃色好邪惡🥰

極少出旺角嘅我變大鄉里，去到朗豪坊先驚覺人面全非（起碼六七年冇入過去）唯一不變係food hall嗰層人流真心旺。一上扶手電梯，已經見到非常搶眼嘅紅色裝修及招牌。一個人求求其其搵嘢食，望下餐牌都覺得ok，決定俾個機會佢。坐得呢類露天位先唔好諗坐得舒適，特別係中央位搞活動果陣真心嘈食物我都係隨心點左個鮮野菜轉椰子湯，為左唔好齋過頭仲加埋個溶岩芝士。上菜都有點誠意，雖然只係碗麵但員工都親自為我淋上果個溶岩芝士🧀️味道整體黎講，係幾唔錯，全部都幾鮮甜，炸得幾好，湯好味，椰子香恰到好處。麵條都好有口感，日本過江龍係有啲水準，唯獨賣相就爭左少少喇，成碗嘢個擺盤好似堆大雜薈咁，收個價都不平，呢個位真係要扣返少分。評分✴️(五分滿分）環境:✴️✴️食物:✴️✴️✴️✴️性價比:✴️✴️✴️回頭率:✴️✴️

我係唔鍾意食普通咖喱 但十分喜歡湯咖喱既人😆以前都係去開一間係鰂魚涌既湯咖喱 平日午市多人等位都堅持等😂 咁鍾意食湯咖喱既我 見呢間過江龍一定要試下啦😋呢間過江龍都係排隊店，下午三點都有人等位👀 好誇張呢我哋二人同行叫咗special湯咖喱同雞髀湯咖喱～ 佢主食有得揀稻庭烏冬、拉麵同埋白飯 我哋叫咗稻庭烏冬同白飯各一 辣度都有好多款可以揀 而我哋就揀咗微辣🌶️試第一啖最估唔到係微辣都已經好辣😂 平時食開譚仔5小辣 但湯底味道係超濃～ 而且辣辣哋非常惹味！我最鍾意湯咖喱入面有好多蔬菜 而且啲蔬菜係整得超好味 就算平時唔鍾意食蔬菜都會唔會抗拒 湯咖喱啲餸既份量都比得好足👍🏻 唯一失望咗既係啲飯好硬🥲 對日本米有期望既我食到咁硬既飯覺得好失望但係整體黎講都係滿意既～ 都一定會再返去食😆

收工同朋友去開朗豪坊，見到間新既日本餐廳，比門口對公仔吸引咗，其實係果杯雪糕😆我本身對呢類拉麵鋪都無乜期望，諗住都係果類野，呢間值得加分既係可以轉白飯同烏冬!起碼可以多一個選擇。我自已就叫咗個原味灸燒豚角煮湯咖喱烏冬，個烏冬真係比預期好食👍，原本以為好濃味好鹹，估唔到又幾味，加上烏冬爽滑，呢次之後，決定以後都轉食烏冬先，而飲品就荔枝梳打，值得贊既係唔會太甜，唔知點解有啲餐廳甜到痴線，另外叫咗木魚茄子，都係唔錯。當然最最最重要，就係果杯雪糕🤤，唔會太甜有牛奶味，口感特別，不過溶得咁快，想慢慢食都唔得😆😆😆每次係呢類特高樓底既餐廳食野，都覺得特別輕鬆舒服，唔似一般餐廳咁局促拘謹，困咗成日office，覺得呢樣特別超值。 😭

旺角朗豪坊紅色裝修搶眼。適合年輕人嘅餐廳。拉麵。小食。特色飲品。日式咖哩。帶甜少辣。我就比較鐘意辣。加辣。甘次吃拉麵。唐揚炸雞。海苔尤魚天婦羅。章魚燒。脆皮鸡串。甜品：雪糕

這間未開之前已經很期待，但剛新開的時候實在太多人排隊，所以到而家終於少啲人，才有機會去試吓我那時是平日夜晚去，大約都等左10-15分鐘左右，這段時間可以先睇餐牌脆皮日本錦爽雞腿肉串湯咖喱 $98 推薦指數🗯️：🌟🌟🌟我選了最經典的配搭，原味湯底配烏冬；湯底咖喱味都很濃，而且烏冬可以很好的掛湯，爽口彈牙得嚟又很入味，不過它配的蔬菜就不入味，而且咬落仲好硬，明顯煮咗一陣就算，而雞腿肉就好乾，令整體感覺差咗灸燒豚角煮湯咖喱 $98 ➕加芝士（$10）➕轉櫻花蝦濃湯（$10）推薦指數🗯️：🌟🌟🌟這個選了拉麵，雖然沒有烏冬那麼掛湯，而且也比較淋，但櫻花蝦濃湯味道比較濃烈，所以這樣配搭反而更加好，唔會太重口味，如果不喜歡海鮮的話就可能覺得一般；豚角煮一樣都是比較乾，肉也不是很入味，而且額外加的芝士沒有令感覺變好，所以不太推薦海苔天婦羅魷魚 $28 推薦指數🗯️：🌟🌟🌟🌟這個小食真的推介，不單止價格便宜，而且真係好好食，天婦羅粉漿不厚，所以食落唔會成口粉，而且魷魚很彈牙，海苔也很足🤤日本甜薯串燒 $18 推薦指數🗯️：🌟🌟🌟雖然不能說有多好食，但是比咖喱配的薯仔好食很多，食落甜甜哋，而且還軟糯🤫作為小食來說

🥄👩🏻‍🤝‍👨🏼每次係朗豪坊都見到好多人排隊既湯咖哩店, 加上佢店舖紅色既設計都吸引咗我, 今次一於就試吓喇😋 💡 脆嫩雞脾湯咖哩 ($98)湯底: 原味既小辣5(咖哩味清甜得黎又有d辣度, 口感層次唔錯)麵底: 拉麵🍗雞脾肉軟熟; 配菜有茄子、新薯、紅蘿蔔、南瓜片、粟米芯、車厘茄、西蘭花、溏心蛋; 而蔬菜用咗素炸既方法去保留原有既鮮味(不過實在有d大塊, 食起上黎唔係咁方便😂) 💡和牛肩胛湯咖哩 ($138)湯底: 原味無辣(唔建議揀無辣, 只有小量清甜咖哩味)麵底: 烏冬🥩和牛肩胛肉味都算濃~(但感覺同咖哩湯唔算太夾🥲) 💡蒲燒鰻魚串 ($42)鰻魚肉質鮮嫩, 而且啖啖肉, 唔多幼骨, 加上蒲燒汁後好好味!👍🏻 💡海苔天婦羅魷魚 ($28)🐙魷魚非常脆口, 而且炸漿唔厚身, 食得出海苔既滋味~ 💕由於未試過係日本食北海道湯咖哩, 所以唔敢講佢正唔正宗, 不過論味道同嚐鮮效應既話絕對值得一試😚

🥳😏😒🙂😍今日行完朗豪坊，發現左呢間隱世餐廳，見網上評價唔錯，於是入去試試。我叫左包括：*****炸蝦天婦羅湯咖喱  拉麵或烏冬***********日本甜薯串燒************和牛肩胛湯咖喱  拉麵或烏冬******紫芋甘粟甜薯可樂餅****🥳😏😒🙂😍炸蝦天婦系自家鮮製，上碟既時候仲係暖暖地，非常酥脆香口。烏冬同埋咖喱非常夾。甜薯串燒非常軟糯香甜。和牛肩胛湯咖喱是一道非常有特色的菜式，它以和牛為主料加入咖喱煮成，味道非常濃鬱，讓人吃了之後感到非常舒適。紫芋甘粟甜薯可樂餅都系唔錯既選擇，非常厚身，用料十足。甘粟質地細膩，非常開胃。🥳😏😒🙂😍還要一提呢間店舖裝修環境都唔錯，而且價格都好親民，整體來講CP值好高！🥳😏😒🙂😍

近排天氣真心熱到溶，去街只想留喺商場吃喝玩樂🫠🫠所以今日同朋友喺朗豪坊睇完戲後，就揀咗依間喺4樓嘅日式湯咖喱食店，户外都唔洗出😆😆🟡木魚花茄子—涼浸浸好清爽，味道清淡最啱夏天食，木魚花為茄子提鮮不少！🟡蒲燒鰻魚串—燒得好焦香，鰻魚汁甘甜濃味，鰻魚肥美厚肉，魚油香味揮之不去😍🟡炙燒豚角湯咖喱烏冬—好喜歡佢嘅烏冬，Q彈好順口，同湯咖喱好配🤩炙燒豚角肥瘦適中，有淡淡嘅醬油香，完成唔油膩🤩🟡鮮野菜盛湯咖喱拉麵—野菜款式多，有西蘭花、南瓜、蓮藕、雲耳、菇、蕃茄仔、粟米仔等，整食菜都飽飽😆拉麵好掛湯，食落更惹味☺️

超肚餓，一起身就要趕返學，連個早餐都未食，放學好神速咁是但搵嘢食，去到朗豪坊，✌🏻suage北海道湯咖哩✌🏻打算快快地食個麵就算，見到北海道三個字比佢吸引住，環境幾舒服，比較肚餓之下點了以下食物：😽日本甜薯串燒😽😝話晒都勁肚餓，見到乜野都唔理，食左先，呢份甜薯餓粒都細細粒，但係好甜又好有薯味，真係日本既甜薯🤓😽脆嫩雞髀湯咖喱烏冬😽😝原來佢呢度既烏冬材料咁多，仲有埋車厘茄，有好大份雞髀，雞香味十足，仲有好有咖哩味既湯，食得好惹味，都好飽肚🤓😼海苔天婦羅魷魚😼😝就算幾飽都好，都好想食埋呢一個魷魚，炸得勁香脆，勁有味道，做出來既天羅羅口感好實，唔係一般個種食空氣既口感，仲有海苔添，係好食既🤓🤓