Suage北海道湯咖哩

營業中

休息中

呢間sauge係朗豪坊，超級方便，開放式設計，座位都幾多，夠晒通爽！炙燒豚角湯咖喱烏冬味道：北海道咖喱就係甜甜辣辣既，呢度完全做到，烏冬吸收晒咖喱既湯汁，好香濃既咖喱香味，唔會太辣，反而好香甜，豚肉都燒到好香豬肉味，啲肉味同油香滲晒出黎，加埋啲同樣燒過既菜同流心蛋，更加好味💯口感：烏冬係正宗日本烏冬，夠晒煙韌，烏冬又掛汁，湯底都幾濃稠，另外豚肉好軟嫩，好腍，加埋爽脆既蔬菜，口感豐富💯賣相：成碗都見到滿滿既餸，擺得好靚，賣相好吸引💯脆嫩雞髀湯咖喱烏冬味道：雞髀係燒完再放湯，本身燒完已經好焦香，雞肉又有醃過，都係好咸香，又有啲黑椒味，辣辣地更加惹味，咖喱都係好香濃，啲菜都好新鮮好鮮甜💯口感：雞髀係重點，燒得好香脆，皮脆肉嫩，雞肉唔會鞋口，適量肥膏更加肥美，烏冬又夠煙韌，啲菜又爽口，流心蛋都好綿滑💯賣相：雞髀好大隻，燒得又靚，有啲焦黃，淨係望到隻雞髀都想食，其他燒過既菜都好吸引，成碗都係好豐富既感覺💯

今次第二次嚟啦叫左和牛肩胛湯咖喱配飯由於上次食小辣覺得唔辣所以今次叫大辣，和牛燒得唔太老。反而我想講，你叫越辣，佢啲香料味就會越出。仲有呀，食配飯嘅時候，記得擠啲檸檬汁落啲飯度！！可以解膩。

之前經過見到哩間北海道過江龍已經好想試，今日終於試到喇！N年前去北海道都有食過湯咖哩，當年食邊間已經唔記得喇，我淨係記得響北海道試過次係好辣🥵 所以今次我係選擇原味湯底，BB辣都冇叫😅揀左個招牌雞塊湯咖哩烏冬，個湯我覺得好好飲🤣🤣 佢有啲似洋蔥湯，濃郁得黎又好似有少少香料味，我諗如果我加啲BB辣會更惹味😋我好鍾意佢有好多蔬菜配料，好入味，反而啲雞串有啲失色，基本上冇調味咁滯😅😅 烏冬係好入味，可能有啲人會覺得唔夠彈牙，但係我覺得幾好食😂😂份量適中，唔會好似食一啲拉麵咁覺得太膩。一開頭覺得淨係得兩舊雞肉好似好少咁，但係佢仲有其他配菜我又覺得唔使咁多肉都OK總括黎講係唔錯嘅，環境都乾淨企理。夜晚冇套餐，哩個湯咖哩$98+10%，我冇叫飲品，所以就咁百幾蚊埋單，香港黎講價錢係OK嘅，但係如果響日本食會抵好多😌😌

之前去北海道一直想去食呢間湯咖喱，但太多人，最後食不到。終於來到香港開分店，一定來試一次！味道：香港Suage湯咖喱的脆嫩雞髀湯咖喱和炙燒豚角煮湯咖喱都能帶給人美味的感受。脆嫩的雞髀和炙燒的豚角煮在湯咖喱的配搭下，味道豐富，口感鮮美。湯咖喱的湯汁濃郁，香氣四溢，可以自己挑選辣度。環境：雖然座位不太多，但香港Suage湯咖喱的環境整潔舒適。店內的氛圍溫馨，服務人員親切友善，為用餐環境增添了愉悅的氛圍。性價比：就性價比而言，香港Suage湯咖喱的價格相對合理。考慮到食物的質量和份量，以及提供的服務，這裡的價格是合理的，能夠讓人感到物超所值。

平日經過都見到大排長龍嘅北海道湯咖喱終於食到喇🙋🏻‍♀️但有點名符其實🫢每款湯咖哩都可以按自己喜好揀主食(烏冬/拉麵/飯）、湯底(原味/櫻花蝦/椰汁)同埋辣度✔️▫️Sauge special湯咖喱烏冬揀左原味湯底配烏冬，湯咖喱湯底幾香濃，烏冬麵底唔錯，仲有好多餸！有司華力腸、唐揚炸雞、蛋、蔬菜同日本厚切煙肉，好豐富~ 蔬菜食落幾清甜，肉類都好有鹹香~ 整體份量頗多🫢▫️和梨軟雪糕🍦雪糕冇乜奶香同溶得好快! 入口味道清甜，食到淡淡和梨果香~

見好似係新開過江龍就同男朋友去食啦，坐咗一陣覺得口渴，就嗌咗一杯芒果乳酪，超級快就嚟咗杯飲，但杯嘢係唔凍嘅。個重點就係我哋兩個都飲咗同一杯芒果乳酪，第二日都去咗兩次💩💩，係咪廚房貪快將乳酪放喺室溫呢？乳酪放喺室溫係好易變質 早知嗌平平哋嘅梳打水啦.一杯咁細杯嘅乳酪都要成$38大家可以睇吓相 我叫咗一個野菜湯咖喱烏冬男朋友叫一個雞髀湯烏冬 超級稀 個街好鞋，我咬咗幾啖就難食到 食唔到落肚 便利店嘅雞髀到叮完微波爐都滑過你 唔會再嚟第二次 個環境冷氣個通風口好大風，好快吹凍晒個湯咖喱

小弟未去過北海道 唔知係咪神還原但咖哩口感同味道係同咖哩磚開出黎唔同嘅第一 佢有辣度選擇 0-99 都有但由於無辣度參考表我就只係叫BB辣第一啖試左個湯寶真係BB到，大人唔覺得辣，同10小辣唔同辣度要慢慢摸索出黎*湯底係由好多蔬菜，特別係洋蔥、黑胡椒blend出黎，係屬於有渣個種因為BB辣，成個湯我最後飲得哂，唔算太口乾*烏冬偏淋，落單無得揀麵質，如果可以，唔好太淋，但烏冬好掛湯，每啖都有咖哩湯但烏冬好滑，我件衫被彈到好多次*雞髀上台一刻係脆皮但掛住影相，浸多陣就淋左雞髀大隻，肉本身無咩味，要拆開啲肉，浸落湯先有味反而蔬菜有驚喜，如果唔係特別喜歡肉，或者重點想試咖哩湯，揀蔬菜烏冬仲好蔬菜全部都做得好好，有燒過，皮有小小脆，薯仔南瓜茄子連皮都食得，仲有半隻流心蛋*午市套餐只係+$10 有杯飲品不過食物定價有點高，雞髀咖哩湯烏冬 $98+$10飲品 再加一*餐廳位於4樓廣場露天位，冷氣唔夠，得商場冷氣，食完熱烏冬出哂汗

Suage北海道湯咖喱 旺角 香港號稱北海道no.1湯咖喱🍛到香港開分店，開業最初好似好多人排隊😳，現在無咁多人排所以去了一試。材料據說是日本100%空運到港，雖然在北海道未食過呢個牌子，但同食過其他牌子的湯咖喱好像有點分別。店舖衞生有點令人頭痛，因為佢處於朗豪坊4樓中庭開放式，店舖範圍入面唔見污糟，但好多蒼蠅晌中庭飛入，30分鐘的飯見到1大2小蒼蠅，嚴重影響食慾。味道、價錢環境及定位，味道唔難食，價錢就豐儉由人，90-100幾，當天雞髀同軟殼蟹都無貨，限定的龍蝦有3份。環境因開放式商場落地玻璃透光，在下午2點多真的幾熱幾曬。定位其實佢都算係food court多過餐廳。———————————————————龍蝦海鮮盛湯咖喱：半隻龍蝦有少少老過左火喉，地獄辣20倍唔多辣，帶子墨魚仔較細隻，青口正常。士多啤梨抹茶拿鐵：太甜，不過佢有shake過。

As a curry lover, this curry noodle soup store has been anticipated since they are under renovation. On a weekday evening around 6 pm, I got in without waiting in line, but soon after, the shop was filled and there was a line waiting since around 6:30 pm. So better get there early or expect a line. The menu was a little bit confusing but basically, you have to choose your soup base and spiciness. toppings and noodle type. I have chosen Whole Chicken leg curry soup ramen with original soup and le

今日18:30左右經過朗豪坊見到冇咩人排隊，就即刻試左🤤未開已經十分關注，係北海道No.1的日本過江龍獲獎湯咖哩專門店，被譽為北海道第一湯咖哩的呢間餐廳在日本當地超受歡迎，一直都是當地人和遊客朝聖必到的食店之一，講到咁就一定要試試，順便緩解思鄉情🤭🤭主食：澳洲和牛肩胛湯咖哩&另加配料$174聽說和牛肩胛肉係牛味最濃厚的部位，食落肉質軟嫩細膩，仲有濃厚肉香，又吾會煮得太熟，湯底揀左椰子湯底，但都有咖哩味👍🏻再加左茄子、薯仔同脆皮雞肉串😋麵底揀左烏冬，幼嫩彈牙🫨🫨

今次要介紹嘅係一間日本人氣過江龍登陸香港啦，被譽為北海道札幌第一湯咖哩，梗係要試下啦✨✨湯咖喱湯底辣度分為Level1-10、20，最辣可以去到99級！🔥鍾意食辣嘅你可以嚟挑戰一下🔥🔥但到底值唔值得排隊食呢？食完有啲失望🥲質素對唔住個價錢呢🤏🏻1️⃣ 脆嫩雞髀湯咖喱 $98佢係一種清新嘅咖喱味湯，用雞骨、西紅柿和洋蔥等食材燉 8 個鐘，製成招牌咖喱湯汁✨✨主食可選稱庭烏冬、拉麵同飯！想再豐富啲仲可以追加唔同嘅蔬菜同配料呢🌽一上枱俾個雞髀嚇親勁大隻啊，配料都好多，烏冬就選用咗好彈牙嘅稻庭烏冬，咖喱湯底掛滿每一條烏冬👍🏻👍🏻不過失望位係個雞髀好乾啊，乾到無哂啲肉汁🥹☹️係食唔到所謂嘅脆同嫩嘅🙈👉🏻 𝑹𝒂𝒕𝒊𝒏𝒈 : 𝟱/𝟏𝟎2️⃣ Suage Special $108 呢個Suage Speical超級足料，有雞串、法蘭克福腸、日本厚切煙肉、唐揚炸雞，配菜就中規中矩啦～👉🏻 𝑹𝒂𝒕𝒊𝒏𝒈 : 𝟰/𝟏𝟎

之前見呢間湯咖喱好多人排隊，中午襯住無咩人，唔使排隊嘅時候去咗食。佢比你自己簡拉麵、烏冬或者飯，湯㦤都可以揀自己鍾意嘅口味同辣度1 susage special湯咖喱烏冬（椰子湯+$5 ｜ bb辛辣）呢個湯咖喱椰子味好重，配烏冬好好食好夾，仲可以有好多餸，有司華力腸、炸雞、叉燒、粟米仔、蘿蔔、薯仔、茄子、南瓜、蛋……份量多到係完全食唔曬。2炙燒豚角煮湯咖喱飯（小小小辣）湯咖喱好稀，當你將果汁放喺啲飯上面，就好似食緊中式嘅湯飯，完全唔似食緊日式咖喱飯，個湯雖然唔差，但係口感差少少。

好似從來冇見過喺朗豪坊食飯需要排隊依日係星期三居然有間食湯咖喱烏冬嘅餐廳排起人龍!好想試吓係咩咁吸引好彩排兩個字左右就到我地一路睇餐牌揀揀吓就到咗之前淨係喺另一間出名食日式咖哩嘅餐廳食過湯咖喱烏冬之後一直以為咖喱會帶出烏冬嘅酸味冇再去試食完呢間先知原來係唔會!我地揀咗和牛肩胛湯咖喱同脆皮雞腿肉串湯咖喱有冇試過一開始望住啲餸覺得啲餸好吸引但最尾最快食哂嘅係個飯/麵？就係因為個湯太正食材嘅香味都索哂入個湯湯底原來用嘅係北海道洋蔥同自家農場種植蔬菜熬12粒鐘難怪難怪另一樣嘢個湯吸引嘅就係湯底仲有得揀原味、椰子或者櫻花蝦仲有辣度可以揀我特登揀辣啲因為可以飲佢嘅特飲解辣我地揀咗菠蘿椰汁凍奶同荔枝乳酸梳打❤️❤️都未係最豐富佢嘅小食都好吸引！日式炸餃子同唐揚炸雞每舊都炸得一樣樣咁靚呢樣嘢非常之日式日式餃子仲幾有驚喜最後我哋仲嗌咗兩杯雪糕日本3.5生乳軟雪糕日本千葉和梨軟雪糕鍾意滑啲就可以試吓牛乳鍾意雪芭嘅質感就可以試吓和梨雪糕果味好香

行過朗豪坊，見個電梯位附近又轉左新餐廳，趁時間尚早未有人排隊就入去啦~呢度主打咖喱湯底，有多種辣度選擇，最厲害有Level 99嘅無語辣!又可以揀櫻花蝦/椰汁湯底，同追加多款食材，有唔同變化~原本想揀軟殼蟹，可惜無貨，就轉叫一樣香口又邪惡嘅炸雞脾烏冬，朋友就點和牛肩胛肉烏冬。炸雞脾大大隻，十分香脆，而且啖啖肉，令人食得特別開懷~~和牛肩胛肉份量比想像要多，牛肉味濃而肉質軟淋，兩款食材配咖喱一樣咁MATCH咁好味!主打嘅稻庭烏冬帶點煙韌彈牙，咖喱湯底係雖然唔係杰身掛晒汁嗰一種，但原來味道一樣香濃，亦減輕膩感!另配菜亦唔馬虎，有大大塊茄子、薯仔、玉子、南瓜等，最鐘意栗米仔又脆又甜!仲有小食餃子同海苔天婦羅魷魚~有多款特色飲品，推介菠蘿椰汁凍奶!!食完咖喱同香口食物最好就係點返杯千葉和梨軟雪糕，清清甜甜帶點沙冰質感唔易溶，食完透心涼!

哩個位前身係冰室黎, 由佢執左之後圍板裝修見到會開Suage北海道湯咖哩就一路期待, 話哂都係日本過江龍餐廳!!哩度個湯咖哩特別之處係細分左辣🌶由LV1-10, 再上20🌶🌶到終極99LV既無語辣🌶🌶🌶我第一次就唔敢試 食番個LV6中辣先🤣🍤天婦羅炸蝦湯烏冬🍤感覺上中辣絕對可接受, 未辣到要飲水個隻, 下次可以試下再高LV! 湯底咖哩味道香濃之外仲有香料味,  加埋微微辛辣係好滋味👍🏻配烏冬會索左少少湯汁, 口感濃厚D, 好夾! 炸蝦外層有粒粒酥脆口感, 薄脆香口。🥩和牛肩胛湯咖喱飯🥩哩個和牛無欺場, 大片軟嫩有牛香。另外仲好欣賞佢既蔬菜，將唔同顏色既蔬菜烤香再串成一串, 色香味俱全!海苔天婦羅魷魚外層薄脆包住彈牙魷魚, 好中意佢加左紫菜更加惹味。日式炸餃子金黃香脆, 肉餡飽滿JUICY~🍵士多啤梨抹茶LATTE🍵西柚蜂蜜綠茶🍵原來MATCHA LATTE加左士多啤梨JAM係咁夾, 濃淡適中, 西柚蜂蜜綠茶就清爽解膩D。忍唔住最尾都要食埋佢個雪糕🍦佢個CONE係WAFFLE CONE, 勁香牛油味! 日本既雪糕牛奶味真係唔知點解寧舍香濃🍼陣陣奶香🍼另外好特別既日本千葉和梨味道🍐香甜味加