Suage北海道湯咖哩

營業中

休息中

和牛肩胛湯咖喱🥩和牛片很大塊，而且非常肥美，很有油脂香味！另外湯底也是十分出色，咖喱味香濃，很有日本的味道，每一口烏冬到掛上濃濃的咖喱汁，最後也可以把咖喱湯喝光！.日本廣島蠔湯咖喱🦪廣島蠔十分大隻，而且蠔身非常飽滿，一咬下去鮮嫩多汁，香濃的海鮮味充斥着整個口腔！蔬菜方面，也有我最喜愛的南瓜片，而家有雞蛋、粟米條和火箭菜，很是滿足！.店舖位置位於朗豪坊的美食大堂，空間感非常大，可是旁邊會人來人往，整體食物質素良好！

一間小小麵店當自己高級餐廳，係旺角買完杯珍珠奶茶，好意思收我$50自攜飲品費，香港餐廳俾佢搞死。唔怪之得d人要去外地消費其他餐廳收切餅費之前都會同客人講明要收幾多錢，無職只同我地講過全個餐牌都無寫過話要收$50自攜飲品費，個經理淨係話係餐廳policy ,無一隻字寫明要收錢，打去總公司有冇人聽，完全投訴無門，我講明投訴餐廳經理，叫佢俾個名我，又唔肯俾同埋無同過我地講要收費好嬲，呢啲垃圾餐廳完全影響香港形象

平時同朋友們都系去開cafe👫今次試下新野，特登去左旺角試呢間新既日本餐廳，享受充滿驚喜既美食體驗！💕炸蝦天婦羅湯咖喱 配拉麵 💕碗麵超級大碗！炸蝦天婦好酥脆，沾埋d湯汁食，非常之夾。❣️❣️拉麵口感軟糯，🍜天婦羅有一點點焦香，增加惹味，另外湯咖喱汁有畫龍點睛作用，提升味道層次。正宗湯咖哩店家都會放蔬菜，而呢到既食材就用炸既方式烹調，香口得黎就唔會有油膩既感覺，而且湯咖哩浸左一陣，仲會做到入味既感覺！真心覺得呢間餐廳的菜式性價比都好高，下次會帶埋朋友一齊encore!💕

今次想分享吓喺朗豪坊食咗間日本餐廳！主食〰️炸蝦天婦羅湯咖喱烏冬  & 滑嫩雞髀湯咖喱烏冬 (可以揀拉麵或烏冬或飯)餐廳主打食湯咖喱，今次就叫咗兩款唔同配菜嘅湯咖喱！湯底勁勁勁好味，有濃濃既咖哩味，轉左做湯唔會覺有遺和炸蝦天婦羅係另上，食嘅時候仲係好香脆可口。而雞脾都超級大隻，滑嫩無比！烏冬非常彈牙！小食〰️日式炸餃子餃子皮薄香脆，內裏餡料肉汁豐富！小食〰️蒲燒鰻魚串燒到啱啱好嘅鰻魚好入味！小食〰️海苔天婦羅魷魚香脆天婦羅魷魚，加上海苔，味道又更加好食！飲品〰️乳酸梳打巨峰酸酸甜甜嘅乳酸梳打巨峰，大人小朋友都鍾意！飲品〰️西柚蜂蜜綠茶西柚消滯配上蜂蜜綠茶，解渴一流！

平時都係食開日式咖喱比較多，原來湯咖喱仲好食呢💕湯咖喱比一般日式咖喱稀身，食落負擔無咁重，可以配麵、烏冬同飯，最後更可以飲埋啲湯，成碗清哂無難度🙈🌈脆嫩雞髀湯咖喱烏冬🌈一大隻雞髀索滿湯咖喱，裡裡外外都好入味~雞髀肉嫩滑，而且好容易可以拆開，唔洗怕食嘅時候無儀態🙈湯咖喱微辣，入口舒服，好快就一啖又一啖食哂💖🌈炙燒豚角湯咖喱烏冬🌈炙燒豚角有三大件，炆得夠腍食落好軟熟，肥肉位爽口，成件豚肉一啖食好爽🙈烏冬重麥香味，滑嘟嘟配咖喱湯不錯💕兩碗湯咖喱烏冬伴有蔬菜同溏心蛋，而且份量都幾多，食哂都幾飽呢～

見到朗豪坊4樓新開左間北海道湯咖喱，就同男朋友去試吓先🥰我哋揀咗兩個主食同兩個小食: 脆嫩雞髀湯咖喱烏冬、鮮野菜盛湯咖喱拉麵、日式炸餃子同日本芝麻雞翼主食部分:脆嫩雞髀湯咖喱烏冬：雞髀肉脆嫩多汁，搭配湯底揀咗櫻花蝦，好香嘅櫻花蝦味加埋濃厚嘅咖喱，而烏冬十分煙韌，口感豐富，我被驚艷到😍😍鮮野菜盛湯咖喱拉麵：濃郁的咖喱湯底(原味)配新鮮的蔬菜🥬(有茄子、薯仔、玉子、南瓜)😋，營養豐富又美味。拉麵彈牙又嚼勁而拉麵又好烏冬都好，其實最核心都係佢地既湯底湯咖喱，真係一流一好食，層次好豐富，而且咖哩做左湯之後原來係好好食！小食部分:日式炸餃子🥟上菜時仲熱辣辣，外皮炸到酥脆，餡料鮮美可口☺️，搭配醬汁沾食更加美味🤤日本芝麻雞翼🐔雞翼肉質鮮嫩多汁，外皮烤到香脆。芝麻的香氣和味道提升了整個風味，好似番咗日本咁~😙😙最後講吓餐廳環境，裝修非常有特色，上菜好快，店員有禮細心！下次再行旺角，又多一個選擇啦❤️❤️

我同屋企人一齊去左呢間最近好多人講既suage食晚餐，屋企人都話第一次食到咁好食嘅拉麵，真係第一次😍😍😍😍廢話少講，即刻寫下食後感！和牛肩胛湯咖喱拉麵 配左個西柚蜂蜜綠茶👱🏻‍♂️：和牛又嫩又滑，配上湯咖哩出乎意料地夾，沾左小小咖哩汁，有牛香之餘又有咖哩味，拉麵就硬度啱啱好，比個湯底提升晒成個層次珍寶海老海鮮盛湯咖喱烏冬 配士多啤梨抹茶奶👧🏻：好奢華！好多海鮮！而且全部食落好新鮮！不停食呀食呀😍😍😍!湯咖哩就好香澴，比咖哩汁淡小小，所以都飲左好多！士多啤梨抹茶奶，有士多啤梨嘅甜同抹茶嘅茶香，加埋奶嘅嫩滑口感，味道好特別😍😍😍😍😍鮮野菜盛湯咖喱拉麵👩🏻：最鍾意食蔬菜類，呢度既蔬菜係鮮甜好食，索曬啲湯咖喱汁好惹味😍乳酸梳打巨峰好有提子嘅鮮甜，好き❤️

本身我喺旺角返工，間唔中都會去朗豪坊食lunch，呢排好少去到朗豪坊，今個星期先發現原來有間新餐廳進駐《Suage北海道湯咖哩》🍜！見今日都有時間食個lunch唔係太趕，我就決定喺呢到揀返個岩哂我口味嘅珍寶海老海鮮盛湯咖喱，咖喱嘅濃郁香味同海鮮非常配搭，特別係大大隻嘅珍寶海老，鮮甜味道加上咖喱香味，非常令人一試難忘。我仲另外加咗溶岩芝士🧀️，熔岩芝士加上咖喱湯內，非常邪惡，溶岩芝士呈拉絲狀態，每一啖都食到咖喱加上芝士嘅濃郁香味，雖然邪惡但係令人一啖接一啖停唔到口，加咗芝士同就咁食嘅感覺係完全唔同，不過我覺得兩款食法都係唔錯！主要視乎返你鍾意咖喱濃定係想要芝士香👍🏻

同男朋友👫係朗豪坊行街，見到有間新餐廳，餐牌非常吸引，又好多人排隊，一於去試吓！餐廳係朗豪坊入面，雖然人來人往比較嘈，但食物的確係一流😋日本廣島蠔湯咖喱烏冬肥美既蠔肉🦪見到都流晒口水🤤，湯底濃郁，咖喱味香濃十足。每一條烏冬都掛滿咖喱汁，煙煙靭靭爽滑啖啖好滋味。而且碗麵🍜配有新鮮蔬菜和雞蛋，超越豐富！直頭好味又抵食！脆嫩雞髀湯咖喱拉麵雞髀🍗煎到外皮香脆，雞髀肉滑嫩多汁，咬落去啖啖鮮雞味。拉麵同鳥冬好唔同，偏向爽滑麥味香，連咖喱湯一齊食味道更豐富。湯咖哩既蔬菜🥬更加係亮點，份量夠多配埋咖哩味好夾。日式炸餃子🥟脆卜卜既餃子入口熱辣多汁，餃子皮充滿彈性，餡料充滿肉汁，咬落去肉汁就流出來，滋味十足。日本芝麻雞翼又靚又正雞翼，香味十足，雞肉夠嫩，啖啖肉汁，一上枱即食最好味😋香脆又juicy，雙重口感，一定要食。

朗豪坊平台位置有一間新開咗冇幾耐嘅北海道咖哩湯烏冬，地理位置真係超級方便，完全唔會有揾唔到嘅問題🤪餐廳嘅主色調係紅色，真係超容易會揾到❤️餐廳主要食湯咖喱，麵可以選擇拉麵或烏冬。我同男朋友叫咗一個拉麵同烏冬🍜分別係脆嫩雞髀湯咖喱烏冬同日本廣島蠔湯咖喱拉麵，湯底真係好好食，咖喱唔係好辣個隻大概係少辣左右。唔會食得辣都可以接受加上咖喱味都重配麵食真係一流🥰雞脾都頗大隻啖啖肉，雞脾係有調味過所以都幾好食。而蠔都偏大隻仲有4隻都幾抵食下🦪每碗麵都有南瓜，蛋，紅蘿蔔，車厘茄。此外，都有頗多款小食，今次揀咗日式炸餃子同蒲燒鰻魚串。餃子係普通嘅菜肉餃子🥟外皮都炸得好脆唔會好乾。鰻魚表面嘅鰻魚汁都係超多，鰻魚無骨又林。

今日同同事lunch落朗豪坊試新開既suage湯咖哩，其實都開左一段時間，但因為日日都排晒長龍，係今日見條龍小左d人即刻試一試先個，因為第一次試，所以都叫多左野食，叫左日式炸餃子、日本芝麻雞翼、日本廣島蠔湯咖喱烏冬同脆嫩雞髀湯咖喱烏冬日式炸餃子一黎到我即刻心心眼，炸到金黃色，啱啱好，炸到咁好睇真係高難度，而suage做到👍🏻食落去炸得好香口，好有日本feel～我係雞翼王，勁勁勁鍾意食雞翼，呢款 日本芝麻雞翼 一上枱我即刻試，一試就知，鮮炸既，煮得岩岩好，唔會太膩，正！日本廣島蠔湯咖喱烏冬，廣島蠔好鮮甜，湯咖喱比咖哩會淡d，但都好香咖哩味，味道都係日式咖哩既湯版本，有小小杰可以掛到麵，而唔會搶到蠔既鮮味，好好味～脆嫩雞髀湯咖喱烏冬，雞髀超超超超大隻外脆內嫩，烏冬都相比出面更爽口更彈牙，啱晒我口味😍二字概括：好評！下次一定要再試！

必試的北海道No.1獲獎湯咖哩專門店「Suage北海道湯咖哩」登陸香港啦🥇 他們的咖哩湯底都是採用日本自家農場的原材料，再搭配各款肉類、蔬菜或海鮮，味道和層次都非常獨特、豐富🍛湯咖喱點了🍗 脆嫩雞脾湯咖喱追加炙燒豚角脆嫩雞髀好大一隻，視覺非常吸睛，口感嫩滑，湯咖喱非常濃郁香濃，而炙燒豚角亦煮得很軟腍🍖 脆皮日本錦爽雞腿肉串湯咖喱選了櫻花蝦濃湯，味道濃郁，烏冬亦很好掛湯，再配爽口彈牙的雞腿肉串，整體感覺不錯🥕 每一碗湯咖喱的配菜都非常豐富，有南瓜、茄子、土豆、蘿蔔、糖心蛋等等，鮮甜的蔬菜都吸收了湯咖喱的湯汁，味道更上一層樓小吃方面點了🦑 海苔天婦羅魷魚魷魚彈牙，天婦羅粉漿不會太厚，還有滿滿的海苔，添，味道新鮮、新穎🥟 日式炸餃子入口香脆的日式餃子，有著滿滿的鮮肉餡料，非常滿足

之前朋友去完日本就話呢間咖哩烏冬好好食，終於係香港開咗，咁當然要去試吓啦！同朋友叫咗一個咖喱轉咗白飯同一個小食。主食就叫咗珍寶海老海鮮盛湯咖喱轉白飯，份量都偏多，一個女仔都有點兒多。海鮮有蝦，青口，魷魚等，仲有蛋，南瓜，菜等配料，真係好豐富！個人比較鍾意咖喱撈飯所以就烏冬轉左飯。咖哩湯同飯係好配的，超麵的，啖啖都係濃濃的咖哩香味，會忍唔住一口接一口食。小食叫咗海苔天婦羅魷魚，天婦羅皮唔會好厚仲好脆，魷魚都好有咬口配上表面嘅海苔都好香口！

喺朗豪坊行街，見到一間好多色彩嘅餐廳，餐廳裝修造成貨櫃的外型，好有型好特別，今日就決定喺呢度食餐豐富嘅。烏冬類🍜🍜🍜🍜🍜🍜🍜🍜🍜🍜🍜🍜🍜🍜🍜脆嫩雞髀湯咖喱烏冬成隻手掌咁大嘅雞髀🍗見到已經覺得正！雞肉嫩滑有Juicy，皮香肉嫩甘香可口，配上Q彈白滑的烏冬麵和色彩繽紛的新鮮蔬菜🥬，整個烏冬麵風味十足👍珍寶海老海鮮盛湯咖喱烏冬呢份海鮮湯咖喱烏冬真係不得了，海鮮鋪滿整碗麵，再加上鮮甜又多色彩嘅新鮮蔬菜，見到已經令人食慾大增。而兩款個湯底一上榙已經傳來陣陣咖喱香味，咖喱湯濃郁又惹味，不論係配鮮甜嘅蔬菜，或是新鮮嘅海鮮都同樣非常夾，總之就成碗麵都💯💯💯分小食類🧆🧆🧆🧆🧆🧆🧆🧆🧆🧆🧆🧆🧆🧆🧆日本芝麻雞翼芝麻雞翼好好味，雞翼炸到金黃色，皮脆肉嫩甘香滋味，雞翼外層塗上少許蜜糖，灑上芝麻，又香又甜😋日本甜薯串燒一口一粒日本甜薯🍠，燒到甜薯外面甘香，入邊薯肉軟綿綿甜甜地，非常好味。飲品類🍹🍹🍹🍹🍹🍹🍹🍹🍹🍹🍹🍹🍹🍹🍹乳酸梳打巨峰🍇紫色的巨峰梳打顏色非常靚，加上酸酸甜甜的乳酸，冰冰涼涼好開胃。乳酸梳打青蘋果🍏好清香的蘋果味梳打，加上乳酸清新又酸甜，令梳打水更有清爽的口感，層次豐富又解渴。

#fatxmongkok ‼️ 來自北海道的湯咖喱‬ ‼️·① ［ 雞 脾 湯 咖 喱 （ + 溶 岩 芝 士 // 法 蘭 克 福 腸 ） ］｜湯底可選 原味咖喱 （ 𝐦𝐢𝐧𝐞 ) // 椰子湯底 // 樱花蝦湯底有不同辣度選擇！湯度連埋烏冬（仲有又係好多份量）好好食!!!「 溶 岩 芝 士 」是店員即場倒，好澎湃^^「 法 蘭 克 福 腸 」超大條🌭,脆卜卜「 雞 脾 」又好大隻!!!! 啖啖肉，但個人認為不是特別嫩滑｜𓋪8/10·② ［ 海 苔 天 婦 羅 魷 魚 ］｜𝐰𝐨𝐫𝐭𝐡 𝐚 𝐭𝐫𝐲 呢個又係好大份っ ̫ ‹ ᐝ但又真係幾好食:3海苔味很濃食落好彈口又惹味｜𓋪 8.5/10·Suage北海道湯咖哩 (旺角)旺角亞皆老街8號朗豪坊4A樓1號舖