Steak Bar (已結業)

話說早幾日專登過海…有乜搞？我咁為食，就梗係又去搵好嘢食啦😂 去左中環蘭桂坊附近一間扒房鋸扒，餐廳環境好有情調，舒服寧願下洗滌下心靈😊-☆ 頂級板腱牛扒套餐 HKD$215套餐配有前菜、沙律同含飯素飯，非常豐富。頂級板腱牛扒係每日限量，牛扒有一根透明既嫩筋，食起上嚟特別有嚼勁，別具特色🤗 叫左5成熟，切開時肉汁爆澎，肉質鮮嫩軟綿但有嚼勁，非常特別，配上附碟既岩鹽嚟食，更能顯出牛肉既滋味。另外附餐既飯素飯都好好食，值得一試~-☆ 日式牛筋煮 HKD$48店員極力推介既新菜式，牛筋煮得非常軟腍，好有心口即溶既感覺😋 味道有醋酸味，所以特別醒胃，而配菜既蘿蔔亦十分軟綿，吸收哂汁既精華非常入味，如略為有更多汁會更好。

我係一個食肉獸，基本上無肉不歡😏😏 呢日就去左中環Steak Bar食牛🐮 雖然平日中環返工，但其實好少上黎呢頭，不過地點都唔會難搵既，行到咁上下就會見到牛牛標誌～雖然係Steak Bar，佢都有另外提供魚、羊既套裝選擇，所以就算同行朋友唔食牛，都可以有其他食材食！ 最後我揀左B餐既吉列炸牛扒+柚子梳打😋 自從吉列牛興起，我就愛上左呢個食法，所以等緊上檯既時候已經好興奮😆😆 一上檯，個吉列牛好靚，總共有8件！爐上面有牛油，熔左就可以開始燒lu💁🏻‍♀️ 職員上檯時已經細心提左只需要燒肉的2邊，吉列位唔駛，大概燒1分鐘～ 好香好香，食起上黎有牛油、牛肉本身同埋吉列炸過既香味！而且炸過都唔會覺得油👍🏻 點蒜鹽或者個汁都好味！如果一定要揀我推薦蒜鹽，佢更加帶出左牛既甜味😌 肉質都好唔錯，唔會話咬唔到～ 係我香港食過既吉列牛入面排名好高😋至於個柚子梳打佢落左好多柚子醬🤤 正呀！ 整體黎講食物味道好、職員友善、價錢都算適中。成個set份量好充足，食到我捧住個肚走😏😋 推薦鍾意食肉食牛既朋友去食！

好耐無同紋青喺中環食飯，果晚經又見咁多好評就上黎試下。Menu本身都好簡單，想再簡單d就直接睇order紙，每樣好清楚列明，牛要幾多成熟都可以直接揀埋👍🏻跟餐可以加$68要件鴨肝，咁就硬係要試下啦🤤勁愛飲脾酒嘅紋青，又叫左枝 handcrafted beer試，我就無飲啦，佢話好飲喎😆蜜糖蒜香雞翼：真心真心真心讚，一上枱已聞到好香，一咬落去，皮脆肉嫩，好juicy!  真心out of expectation 🤤🤤🤤頂級板腱牛扒：重牛肉味，有咬口又唔會好多筋，一條咁大把，waitress喺落單時已清楚講左呢個部位係會有一條筋，所以我地都ok。 而且煎得剛剛好我嘅煎比目魚柳加鴨肝，魚煎得好好，唔乾，而且保持到鮮味，鴨肝就 very good啦！有兩層㗎，想再 private d可以坐上層！

Weekend同媽咪和小石頭去中環行街搵野食，經過雲咸街見到呢間steak bar有唔同既lunch set所以就入去試下，完來有驚喜😍👍我地叫左吉列炸牛扒餐同香煎魚柳餐😋😋每個set都配有飯加入Furikake(小石頭勁中意食😄)、沙律🥗同日式芝麻醬豆腐。吉列炸牛扒餐好特別，本身炸了外面再切開送上，只有一成熟左右，可以按自己的喜好放上煎爐上烤至不同熟的程度。我給小石頭烤熟一點，自己則喜歡5-7成熟。好有驚喜😍外脆內軟，肉質好林，易咬，就算烤至全熟的也不會很難𡁻👍值得一試👍而魚柳好滑好大塊，點給喜愛吃魚的小石頭。這家店滿足了愛吃牛和魚的兩母子，我們會再來的😋

慶祝生日🎂，同老公兩個決定試一試中環呢間Steak Bar既吉列牛😍 一入餐廳，員工好好安排左窗邊位，係Bar枱旁，原來佢有兩層，燈光暗暗地但用左落地玻璃，蘭桂坊既五光十色都照到入黎，暗暗地反而變左幾有格調！員工超好👍，主動問我地係咪第一次黎，Set Menu逐一介紹👏，亦介紹埋店內有既手工啤🍺！可見員工對餐牌上既食物有一定熟悉度，值得一讚～吉列炸牛扒🥩：首選招牌菜，見每一枱都必點，一上台，員工溫馨提示，先等牛油溶曬再放牛上去煎，亦細心介紹吉列牛先由廚師煮一成熟，我地只需要兩邊燒大約20秒既時間就最好味，而且配有醬油同蒜鹽！👅夾起一成熟既吉列牛，巳經見到入面牛肉既嫩紅，燒左大約20秒再加左幾粒蒜鹽一入口Juicy到爆，外皮依然夠曬脆卜卜，咬落口仲見到中心既嫩紅，滿滿既牛肉香味巳經令人食指大動👍，Set Menu仲有一個飯，沙律同小食（芝麻醬凍豆腐）另外讚到讚個飯，飯面落左滿滿既飯素，入口香氣撲鼻，紫菜魚鬆加有芝麻香，真係令人想大叫encore📣！澳洲黑毛安格斯西冷🐂：本人推薦菜，叫左5成熟！比想像中大塊同好厚身！一上枱又幾驚喜😍一切，廚師實力完全表現出黎，5成熟岩岩好！牛肉既汁Keep

星期日同屋企人出左港島區，辛苦搵黎志在食，所以決定對大家好d，係中環蘭桂坊搵左間餐廳食牛扒！STEAK BAR其實就喺蘭桂坊行到最盡頭：餐牌有6款套餐，當中牛既佔4款！餐廳職員細心講解每一款牛既特性，等我地可以按自己口味去選擇最適合自己既牛扒。 最後我揀左SET E 澳洲黑毛安格斯西冷，試左餐廳推介的5成熟。外加左一杯士多啤梨果茶！等左10分鐘左右，牛來了！！！整個set有前菜既芝麻醬凍豆腐、沙律、加左飯素既白飯一碗，以及主角安格斯西冷。西冷扒份量唔細，而且有厚度！5成熟、完全無血水。個肉有咬口，有牛味，有肉汁！無論就咁原味食，又或者點燒汁、蒜鹽都好食！士多啤梨茶唔會太甜，入面有椰果，有咬口！少冰左都夠凍。整體黎講野食質素唔錯，價錢亦都唔算好貴好貴，份量足，食到我好滿足！喜歡食牛既一定要去試下！最後必須要讚餐廳職員非常細心，一坐低就主動問如果熱既可以再開風扇。而且野飲少冰都會問會唔會唔夠凍或者太甜。非常好既服務！

話說我第一次接觸吉列牛排嘅地方，就係日本大阪嘅京都牛勝。食過一次都覺得幾過癮，不過返咗嚟香港之後就冇食過喇，由於最近成日都見到IG有唔同嘅blogger講起呢間餐廳，喺專門食日本吉列牛扒嘅，噉我哋今日就過嚟試下喇。位於中環嘅steak bar其實係一間酒吧餐廳，總共有兩層，我哋又去咗上層度坐，對住個景觀都唔錯嘅。同埋我哋嗰日去嘅時候係晏晝，而佢嘅lunch set都要百幾200蚊起。首先梗係要試下佢嘅招牌名物，吉列牛扒。呢個吉列牛扒非常之有誠意，因為佢會附上埋一個鐵板火鍋，俾你燒一燒之後先食。吉利牛食落係外脆內軟嘅，牛扒亦好有咬口，肉汁豐富，佢仲配咗個醬汁畀我哋點，食落真係非常滿足。伴碟有沙律同埋豆腐，兩者都有芝麻醬，我個人係幾鍾意芝麻醬嘅，所以食落都幾fresh，而佢個飯係加入咗好多紫菜碎等等，食落都幾惹味。另外我叫咗個可能比較少人叫嘅香煎魚柳。不過魚柳都係好出色，表面外皮煎得好香脆，魚肉質地鮮嫩，食落口非常之滑，亦都冇乜細魚骨，所以食落都幾爽。飲品方面我哋叫左香姚梳打同埋荔枝梳打。兩杯梳打嘅味道都係好出，唔錯嘅。總結就係，吉連牛嘅質素相當唔錯，係一間值得encore嘅餐廳

Steak Bar 吉列牛排蘭桂坊Hard Rock 附近開咗一間新餐廳Steak Bar. 顧名思義就係主打牛扒，但亦有羊架或魚供應。餐牌精而簡，一眼睇完。主菜之外，有雞翼，薯角，炸魷魚圈等佐酒小食可供選擇。餐廳分兩層，上層有酒吧，面積不大，但幾cozy. 經過店員詳盡介紹，點了吉列牛排。Dinner set 走和風路線，主菜配上加了飯素的白飯，日式豆腐作伴碟，亦有新鮮沙律。微型明火燒烤爐另上，可依照個人喜好加熱，控制生熟度。一開始我覺得優質牛扒用炸的方法烹煮很浪費(其實任何優質食材都不應該), 但呢個吉列牛排外層炸得剛好，香口又鬆脆，鎖住肉汁，內裏肉質保持嫩滑，顛覆了我對吉列的擔憂。隨碟附上淮鹽，有畫龍點睛之效果。同行的朋友點了限量供應的flat iron，一如店員介紹，此牛部位會有少少筋。雖然有人會覺得太有咬口，但我覺得肉味較濃。正如日本和牛同西式牛排是兩個截然不同的派別，不一樣的。最後，因好奇點了無酒精紅酒。有紅酒的酸味，無酒精的感受。

其實6月頭架啦，係我懶... 加埋又無咩心機寫呢...好，就咁既，個日我地去試呢間位於中環既餐廳... 行完條大斜路，俾左個窗口位我地，叫左兩個都係推介既set.澳洲黑毛安格斯西冷 - $258好老實講，自從我地自己訂扒回來，自己牛扒自己煎，都無咩出去食，因為食親都覺得屋企冰箱個塊好食尐XD不過佢個有飯素既飯就好好味! 呢個扒有個燒汁有堆蒜鹽，我個人覺得呢個配蒜鹽好食尐!吉列炸牛扒 - $188好耐無食吉列牛啦！ 但有少少失望既，因為佢個炸漿好似太油，但個豆腐又幾滑既.炸魷魚 - $78嗯... 唔識講，好似尐油太老咁，又好似翻炸，但食落又唔係真係咁差, 我都唔識點講...

今日去左中環一日遊行完大館，因較早前去過銅鑼灣食牛覺得唔錯，又發現中環有分店緊係又去食。由中環荷李活道走行到蘭桂坊約5分鐘，沿住經過好多酒吧，在轉角位便會見到。餐廳外觀利用全黑面牆，未入去已覺高質型格，還見到牛魔王的logo，便知吃定你了。我跟朋友都愛七成熟，待爐仔的溫度夠熱後，就開始放上牛扒，猛烈的火力將牛肉兩邊都燒得微焦，成功鎖住肉汁之餘，也達到心目中想要的熟度。蘸上細岩鹽及炸蒜片後直送口中，肉汁噴發，蒜香沖鼻，極致享受！ 板腱牛扒厚約1呎，比吉列牛厚實有牛味！今次叫了五成熟，肉汁更多更香；不過朋友好怕血水，所以放上小爐煮熟一點～除了中間有一條筋，比較難切以外，整體還是不錯的！

中環steak bar🐮餐廳位於蘭桂坊一坐低waiter好nice咁介紹餐廳特色雖然呢度最出名係吉烈牛🐄但近排太熱氣無叫到叫左同樣出色既Set A 頂級肉眼牛扒份量十足呀﹗“肉眼” 觀測足12 oz一個人食啱啱好﹗😋😋叫左3成熟上到枱變左7成但可能因為塊肉質素OK食落有肉味都唔覺太韌邊邊位D脂肪位仲好香🤪小食方面蜜糖蒜香雞翼夠惹味燒雞翼本身好入味面頭再淋上蜜糖甜甜地用黎做開胃菜十分適合👍🏻👍🏻值得一讚既仲有餐廳有手工啤飲推介 Eel River Amber少少甘香焦糖味入口順滑餘韻帶有恰當啤酒花香🌺match得相當好啱哂本身唔鍾意生果味手工啤既我🍻

位於中環核心地帶蘭桂坊既Steak Bar，主打食靚牛，有自己動手燒的，亦有廚師給你做好端上的。餐廳有兩層，地面只能坐一張台兩個人，所以一般都要行條窄窄樓梯上去二樓用餐喔。（短裙/高爭鞋美女，最好有位紳士扶一扶哦！）朋友未到，我就欣賞下餐廳設計。二層地面鋪左六角形磚，係個不錯既conversation starter（如果大家都鐘意藝術的話）哈哈！餐廳好貼心，知道我shopping完一袋袋，主動比我裝袋，唔會刮花靚靚手袋。Steak Bar 食物種類多元化，值得一讚。後面亦有英文版，供外國友人閱讀。要喺蘭桂坊屹立，英文是必須的語言選項。Steak Bar走日式路線，牛扒套餐裡面，牛排獨立一碟，跟飯同前菜salad。如圖所見，medium rare感覺裡面juicy但外面乾了點。手掌咁大，配有蒜鹽同燒汁，真係好惹味呢！餐廳最近做promotion，咁吸引既鵝肝先$68，真係唔食對唔住自己哈哈哈！飲啤酒唔食炸雞，蒜香雞翼都係一個唔錯既選擇。外脆內軟，無雪藏既味道，咬落去啖啖肉汁，呢個必食！飯素的確令珍珠米聲色不少，如果有需要，可以向店員拎多DDDDD...不過唔好咁貪心啊，始終都係有糖同鹽

吉列牛係香港都興過一排，但遲遲都冇意慾去品嘗。近期因為友人嘅一餐生日飯，我終於有機會去中環嘅Steak Bar食下吉列牛喇咁我就叫咗一個吉列牛set, 嗰set都幾豐富。等爐上邊嗰牛油完全溶哂我就開始煎啲牛嚟食。我每邊大概煎10秒到啦，因為我唔鍾意太熟嘅牛。嗰吉列牛好好食，重牛味同埋唔會好韌，同埋有個汁同埋鹽俾大家點，令到嗰吉列牛嘅味道更有層次，好食。同埋餐廳環境幾好，侍應服務抵讚，好期待下次再去依間餐廳食飯。

大館舉行緊村上隆嘅展覽，我同朋友特登去睇。睇完之後我哋搵緊地方食午餐，發現左呢一間原來有得食吉列牛嘅地方。呢度環境都唔錯架，我哋坐窗邊，景色唔錯。我哋坐低之後二話不說就叫咗吉列牛套餐，仲叫咗一杯荔枝梳打同埋一支巴西啤酒。朋友話想試埋雞軟骨餃子，於是乎就叫埋啦。同埋原來而家做緊優惠價，加$68就可以有鴨肝！吉列牛套餐打卡一流呀，套餐包括有飯、沙律、豆腐同埋吉列牛。店員好好呀，好俾心機解釋俾我哋聽吉列牛要點樣食。原來吉列牛只係得一成熟，我哋自己可以選擇喺石板上面燒幾熟都得。而鴨肝呢就可以放上牛上面一齊食，入口即溶，加埋一齊超級香呀。另外雞軟骨餃子呢都好特別，食到入邊有粒粒嘅雞軟骨，而且同埋d醬都好夾。最後一定要讚下呢度嘅店員，佢哋都好親切咁樣同我地介紹不同類型嘅牛有咩唔同。如果去開呢邊嘅大家都可以試吓呢一間特別嘅吉列牛專門店。

落左一個星期雨，到週末，終於陽光普照，決定去到好耐無去嘅中環搵食。某人中意食牛扒，所以搵左呢間食早+午餐。地鐵站一出，行大約5分鐘就到，十分方便，餐廳有2層，有BAR枱，夜晚可以跟朋友黎飲兩杯~~~~~我地差唔多1點到，已經坐左8成滿。好彩仲有一張望窗口位。坐底後職員會送上餐牌，為客人介紹幾款牛的特色。午餐有6個Sets，4款牛，1款魚，1款羊。跟餐有飯&沙律&前菜。黎到Steak Bar，一定要叫牛。呢到嘅吉列牛好出名，見好多枱嘅客人都叫，我地當然唔執輸，最後決定Set B – 吉列炸牛扒 & Set D – 香前魚柳Set B – 吉列炸牛扒 $188隨餐會有一個和風小爐&鐵板一齊，廚師只係炸到表面一層熟，內裡仍然鮮紅，客人可以按個人喜好，將牛扒煎到自己中意嘅熟度。牛扒上有幾片炸蒜片，旁邊有燒汁&岩鹽，可以跟唔同口味沾黎食。待牛油溶哂，就可以放牛扒上去煎。我地煎左大約1分鐘，2邊有D D 燶，熟度剛剛好，軟硬適中，好鮮嫰，好有牛味，肉汁豐富，唔沾汁&岩鹽都已經好好味。因為牛扒表面已經炸得好鬆脆，所以入口外脆內軟。Set D – 香前魚柳 $195魚柳係鱈魚，好厚肉，真材實料。魚肉煎