Sky726

鬧市中嘅浪漫情調 , 就係位於旺角一座大廈頂樓嘅餐廳sky726. 第一次夜晚食呢間餐廳,估唔到都幾多人,早D就可以坐窗口位, 飽覽旺角鬧市嘅夜景 ! ⠀⠀意大利手捲意粉伴野菌`辣肉腸及巴馬臣芝士 $188⠀評分 :3.7/5 ⠀意大利粉係我鍾意偏硬嘅口感 ,因為佢哋用咗正宗傳統烹調方法,所以質感較硬。如果需要軟身質感可以事先同服務員講 ! 個汁其實住得好香 ,但如果再多啲掛到每一條意大利麵就更好啦 😋! ⠀⠀香煎羊架四件 $238⠀評分:4.2/5⠀我自己本身好鍾意食羊,唔覺佢好騷 。煎得夠香口肉質夠嫩,伴碟嘅薯蓉亦都好香滑,好有牛油味! 絕對係性價比高嘅一碟主菜!⠀⠀sky726秘炸雞軟骨 $88⠀評分:4/5⠀絕對係送酒之選,炸得香脆味濃。⠀⠀Wild Rose / Cookies' N Cream (各杯$88)⠀評分:3/5⠀兩杯都係因為外表吸引而叫嘅 !但總括嚟講兩杯都偏甜 ,酒味唔出 ! Wild rose嘅莓味好重 ,有啲似飲果汁 ! Cookies ' n Cream 會飲到少少酒味 ,但朱古力味極濃,再加上面好多係oreo cookie,好快個酒味就冇咗 ,變得好甜

朋友話約食晚餐, 但我唔想去咁遠，因為們今日開成左日會好眼瞓。朋友好勁，立馬找到一間在旺角商廈頂層，還能俯瞰旺角鬧市的一間法國餐廳。一坐低就要點杯特色cocktail啦，此刻嘅我好需要酒精😅。我今次揀左Dark & Stormy, 用rum酒加薑啤做base, 最後加點青檸, 非常refreshing, 消暑減壓👍！小吃先來一份鴛鴦炸雞，雞肉用了酥脆粉醬去炸，口感比較酥香，雞肉亦幾嫩，沾上白醬，香口好味。牛油白酒煮藍青口伴法式薯條係我幾喜歡嘅一道法國菜式，平時有喜慶場合的我都會自己煮，煮完藍青口個醬汁，用嚟沾法包超好味，不過今晚餐廳配上粗身薯條，又別有一番味道😋。主菜我地點左香煎露絲馬莉羊架伴薄荷汁，最近成日食牛，今晚就想轉轉口味。羊架肉質鮮嫩，帶回羊肉特有嘅騒香，煎香後帶點香脆感，非常好味。今晚這餐我好滿意，唯一是朋友比較細食，而我又不在狀態，攪到食唔到甜品，有點遺憾😝

今晚黎到sky726...準備享受下貼近天際既晚餐！天未黑入到黎！風景非常之好～夜晚係可以叫set dinner,但我地覺得主餐牌d野食好似吸引d所以就叫主餐牌啦！我地叫左炸蘑菇，黑白炸雞，帶子意粉，豬肋骨同豬鞍！炸蘑菇：非常多汁！咬落去熱辣辣，要小心俾d汁彈到！炸到好脆口！黑白炸雞：黑色既雞應該係yam左墨汁去炸，食落去感覺好得意！食炸雞最驚厚粉，呢度既炸雞就冇呢個問題！脆身之餘唔厚粉～仲有雞味！豬肋骨：豬肋骨原來係配薯角！本身前菜想叫，好彩冇叫！薯角夠哂脆口！食落又熱辣辣～豬肋骨夠淋身，食落好易分開d肉同骨，一d都唔會哂左d肉！帶子意粉：帶子非常之有鮮味，個汁仲要好夾！！ 果然冇叫錯呢個廚師推介！豬鞍：至於豬鞍簡直係另一驚喜之作，可以揀一塊或者兩塊，我地揀左一塊，兩塊就太飽啦，因為我地叫左好多野食，一塊可以試多d~呢個豬肋骨真係不得了，如果你中意豬既味，呢件豬鞍完全係充滿住豬既香味～！！大力推介！呢晚食飯有美食又有美景真係非常之咁享受！

星期三, 我們一行三人嚟呢間餐廳食晚飯! 這裏是大廈最高果層, 又幸運地店長可安排窗邊位置給我們, 環境真係唔錯, 心情大好我們點了一個set dinner 另外再加沙律, 薯條及兩款主菜。Set dinner嘅餐湯同沙律都ok, 牛扒就略嚴過熟三文魚沙律賣相唔錯, 味道也很好脆卜卜薯條加上牛油果醬非常美味至於慢煮熟成牛柳, 店員都有提醒因牛肉本質關係只可做到6至7成熟! 雖然有豐富牛肉味, 但肉質就有點韌。。。豬肋骨嘅味道都ok, 配上薯角都好香口&美味P.S. 原本想齋點呢個薯角(openrice 食評推介), 但店員貼心地提示豬肋骨已配薯角, 並介紹了美味嘅薯條因為生日正日, 所以有85折, 都尚算抵食

黎到旺角同女朋友食飯，今次唔再係岸膠膠生勾勾，擇左間有景既西餐廳，d港女（香港女仔）鐘意呀嘛。環境方面座位就有某d近窗既位置就私隱度高d同舒服d，某d拼埋坐既枱就都幾逼下，但無計喇，香港地串金尺土。裝修燈飾方面，燈光做得唔錯，偏暗，令到出面既樓景更突出。食物方面本人最鐘意係個豬肋骨，食落好入味，肉質都好鬆軟，帶少少肥膏，有d油香，唔錯。另外，炸磨菇都做得幾好，外面好脆，入面好多汁同軟熟，咬落去做到兩種質感。份量都唔小，兩個人食卓卓有餘。仲有係帶子寬面，帶子大大粒，外層煎得唔錯，有金黃色，而且火喉火掌握幾好，岩岩好熟（太熟就會變乾，太生口感唔好）。寬面就口感略硬一點，本人就鐘意比較軟d既口感（唔係食軟飯）。

旺角最近有一棟大廈 開咗好多新餐廳頂樓仲有間Sky restaurant 星期六Brunch時段就同男朋友去試下一上到去比大大既落地玻璃吸引住從來未試過由呢個角度去望旺角太子呢一區頓時覺得香港真係好特別 密集的高樓大廈 亂中有序 呢個景色真係香港獨有係大是大非嘅時候 提醒左我香港都有佢嘅美麗既然係食Brunch 又點少得英式早餐必選 Egg Benedict而男朋友就叫左海鮮雜錦意大利飯食物都等左一段時間先到不過可以望住咁靚嘅景色 慢慢坐下都唔錯 首先登場嘅係班尼迪蛋 配上火腿 同鬆餅Egg Benedict 嘅精髓一定係個汁 同埋蛋黃的處理一刀切開蛋白 見到蛋黃馬上流出 生熟度拿捏得好好 蛋汁馬上包裹着鬆餅 鬆餅又微微烘過 浸住蛋汁 有一脆一軟的口感 酸酸甜甜的醬汁配上火腿的香味 味道岩岩好 唔好睇佢細細份 要自己食晒都幾飽而係旁邊的沙律菜 用左微酸的柚子醋 令人十分開胃再嚟就係海鮮什錦意大利飯意大利飯用咗蕃茄紅酒汁 上面鋪左滿滿的海鮮有 青口 蝦 魷魚 蜆肉 等 鮮味無窮配上番茄洋蔥等等嘅配料 一樣令人好開胃其實香港都仲有好多好地方 俾我哋喺忙碌中喘息 欣賞下身邊嘅美食美景而SKY

We had reserved a table for three for a friend's birthday celebration because we wanted to eat in a nice atmosphere. But when we arrived, we were put in a table that was in the corridor right next to the host's podium. The arrangement of the tables and chairs made it obvious that it was a makeshift. When we asked if we could switch tables next to the window for a nice view once a table opened up, we were told that in order to have a window table, we needed to book "a month in advance." Excuse me

Sky726很特別呢間餐廳因爲正正就是我們的baby生日日期仲有單點八五折，酒水有八折。我們等得耐耐地就先點了紅酒十薯條🍟，不過呢款法式薯條好有驚喜，有牛肉碎再配特色醬汁，效果很好有別於出面的薯條。點埋主菜有慢煮豬鞍及虎蝦意大利飯，豬鞍之前已食過再encore 一次正最後有個甜品朱古力mousse比壽星女今晚開心又可傾計傾一餐

呢排香港發生好多事，真係要take break抖一抖，食翻個brunch! 見到呢間餐廳個view咁正就即刻去試下😋Brunch始終唔語適宜食咁飽，所以我地叫咗一個沙律同一個意粉～1. Caesar Salad with Chicken呢個沙律超級新鮮！沙律醬配埋煙肉好香口👍🏼佢個雞胸都煎得好好，一啲唔唔鞋，仲好juicy添～～2. Pesto Spaghetti with Grilled Chicken由於我地健身嘅關係，意粉我地都叫咗雞肉😂同上啦，雞胸煎得好嫩滑。意粉煮得啱啱好，al dente! 青醬亦都好香，冇怪味。呢到個景真係好靚，價錢亦都合理，性價比幾高。有機會的話都想嚟食下晚餐，睇下香港嘅夜景！

鮮蠔伴蕃善酸醋汁 - 好耐無食生蠔，見隔離檯d生蠔盤幾靚就叫左盤，waiter 上盤時有介紹產地，唔記得係咪澳洲（大隻d)同愛爾蘭（細隻d), 2款都好鮮，不過澳洲困款再甜d切慢煮黑毛豬配黑醋汁牛肝菌醬 - 豬扒上檯時好香！！仲要幾厚切，慢煮既好處就係肉質無咁鞋，淋淋好味！羊架伴薄荷汁 - 個人鐘意羊多過牛，仲要最緊要夠"蘇"! 可惜呢個羊架唔算太蘇，尚算合格和牛乳清芝士釀珍寶長通粉 - 其實本身睇個名都想像唔到係咁既樣 lol 仲以為係平時食開果d 長通粉既加大粉，原來係類似千層麵果款，好大塊既意粉皮捲成長通粉形式既釀春卷，幾特別，有驚喜，味道都唔錯，不過比較難切，因為中間d 免治牛比較易散，所以懋大大啖食就要小心d

又係放lunch 時間，之前一路聽聞附近有間高cp 價的 sky726，今次終於有機會一試價錢以lunch 黎講係偏貴，但記得如果like Facebook，就會享有30% off。先黎一客沙律，沙律酸酸甜甜咁，菜都算幾新鮮，特別個蕃茄仔就特別正甘筍忌廉湯不過不失，幾重甘筍味青醬雞肉意大利飯 $109呢個意大利飯就令人眼前一亮，最特別係佢飯做到半熟，香港地其他地方未必食到，當然都要睇個人接唔接受到，青醬好香好濃，加上佢好足料，粒粒雞肉令層次再出d值得一試❗️

呢排返工比較多野要煩, 收工要食啲特色野慰勞吓自己, 所以黎到咗呢間Sky726食好野，餐廳環境優美，裝修精緻，座位也比較寬敞。燒原隻慢煮墨西哥春雞由於是慢煮，春雞口感特別嫩滑豐滿，不會太乾或太鞋。味道原汁原味，只要輕輕落晒調味料已經有很不錯的味道！海鮮意大利粉呢個海鮮意大利粉賣相都幾精緻滿滿的海鮮 濃沃的蕃茄味。材料方面都幾豐富：大蝦 青口 魚塊 魷魚 野菌加上海鮮的鮮味配上軟硬適中的意粉好好味，唔錯。香煎蟹餅伴藜麥蒜泥蛋黃醬蟹餅外層脆卜卜，切開裏面大量蟹肉，絕無偷工減料， 啖啖肉，無得輸 !味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

記得要同最重要的人分享最美的景，我就同朋友黎到呢到食晚餐，呢到真係又有美景又有美食。Oyster生蠔偏細隻，不過海水味都好重，比一般既蠔濃味。最特別係有配料，唔會淨係得一般既辣醬，味道新奇又幾夾。 白酒做緊優惠，食生蠔只需要加$78就有兩杯白酒。本身都驚咁平會中伏，但白酒質素幾高，唔單止易入口，味道仲好香，同生蠔又幾夾，值得加錢。 呢個Mushroom Strozzapreti係手卷意粉，卷成細細地一條，加上意粉好有質感，好易入口。而醬汁亦係一大亮點，濃郁而且味道好清新，食得出真係用蕃茄熬製左好耐，好正。 Confit Duck好足料，有一塊大大塊既鴨胸同鴨腿，絕對超過一人份量，好抵食。而鴨肉亦煮得好好，除左保留左鴨肉本身既咬口，仲加左醬汁既香味，入哂鴨肉。特別係鴨胸，仲連住皮，食落好香口。

係25樓 一邊窗佔大半塊牆 6點到未天黑透到自然光 入夜之後有小燈泡 感覺幾唔同鮮蠔伴蕃茄酸醋汁 $198/6隻上枱有介紹三隻細同三隻大既產地 兩款都新鮮 加少少檸檬汁調味就夠 大個款鮮甜d 蕃茄酸醋汁好開胃 不過唔想佢搶左蠔既鮮味 就咁成啖食 唔會過酸慢煮黑毛豬 配黑醋汁 牛肝菌醬 $188/1件比相像中大份 用紅石榴同黑醋點綴 賣相都幾靚同煎得好香 慢煮黎講佢算唔淋 勝在肉味濃 墊底既牛肝菌醬一開始就咁食食覺得有少少苦 不過夾埋菇同黑醋汁同肉一齊食就幾夾羊架 伴薄荷汁 $238/4件羊味少少騷 少少調味都ok 可能4件架較薄 加多左一細件羊排俾我地 個件排既香草同黑椒味濃d香d 係bonus! 薯蓉好滑 又唔會好重牛油味好膩和牛乳清芝士釀珍寶長通粉 $188冇諗到珍寶長通粉會咁珍寶! 三大卷長通粉包住和牛肉碎 個醬真材實料粒粒蕃茄同洋蔥 一比一咁食超夾! 定價有d高 不過都坐得舒服 服務都好貼心

餐廳在大廈的25樓，景觀開揚，透過落地玻璃可以欣賞熱鬧的旺角街景，餐廳環境舒適，侍應態度殷勤，用餐時播放悠揚的英文金曲，我好欣賞。餐包+是日餐湯+ 迷你沙律+咖啡或茶 (另加 $48) 牛油餐包入口好鬆軟，沙律菜和蕃茄仔，清新爽甜，感覺健康。羅宋湯酸甜有致，有好多菜粒、紅蘿蔔粒和紅腰豆，口感豐富，令人很開胃，食慾大增!香煎是日魚柳$178比目魚新鮮煎起，外表煎至金黃帶脆，魚油四溢，入口脆皮酥化，魚肉輕輕一叉便散開，魚肉雪白，味道鮮而軟嫰，著實不錯。伴碟有鮮甜蕃茄仔、爽脆青瓜條片 和健康飽肚嘅藜麥，配上南瓜蓉醬，黏稠吸，清新可口， 非常搭配。手打和牛漢堡$168漢堡包表面有香口芝麻，焗到脆身，打開漢堡包發現有最誘人的 手打牛扒、半溶芝士吸新鮮蕃茄，一口咬下去，品嚐到多重層次感，和牛肉扒軟稔、肉汁豐沛，加上半溶的芝士，是無比的邪惡 ! 配上新鮮炸起的薯條粗身，入口熱辣辣， 上黑松露，入口陣陣松露香氣，薯條份量多， 也可沾上茄汁，愈吃愈過癮，食到唔停得口。朱古力合桃蛋糕 (加$30)朱古力味香濃，蛋糕入口鬆軟，不太甜，食完滿口牛油和奶香味，配上紅莓及藍莓，口感更豐富。雲呢拿雪糕(加$25)用