更多
2019-09-18
343 瀏覽
能夠以一個合理嘅價錢喺高層一度食一度俯瞰旺角鬧市,我諗唔係好多餐廳能夠做到。趁住有優惠,我同朋友放工之後好早就嚟到餐廳,一睹旺角既夜景。黑松露薯蓉($88)人生食過最好食既薯蓉!一向都好中意食薯仔類既野,嚟之前見到其他人推介呢款薯蓉,諗都無諗就叫咗。果然冇令我失望!黑松露味好重,配有奶味既薯蓉入口即溶。雖然睇落有啲貴,但係質素完全值呢價錢!慢煮黑毛豬鞍扒配意大利黑醋汁及牛肝菌醬(1pc $188)開頭見有少少紅驚豬唔熟唔太好,不過食落豬鞍厚度適中,反而太熟會令到口感太硬。另外好中意食配菜個啲酸酸地既莓,好開胃!香煎露絲瑪莉羊架伴薄荷汁(4chops $238)一向都中意食羊架,但係成日都驚羶味好重。今次都冇令我失望,調味適中,有羊味之餘又唔會太羶。我同朋友都好中意食呢度既蘆筍,份量多之餘又有少少烤味,正!火焰朱古力球($88)最後嚟到甜品。上次食完火焰雪山,今次到火焰朱古力球,賣點依然係火秀,被燃點既球慢慢起火融化。好中意佢濃濃既朱古力!望住日落夜景,配住美食,只可惜服務略嫌不足,感覺上可能太繁忙所以侍應感覺有啲唔耐煩,不過都值得再嚟!
黑松露薯蓉($88)
人生食過最好食既薯蓉!一向都好中意食薯仔類既野,嚟之前見到其他人推介呢款薯蓉,諗都無諗就叫咗。果然冇令我失望!黑松露味好重,配有奶味既薯蓉入口即溶。雖然睇落有啲貴,但係質素完全值呢價錢!
慢煮黑毛豬鞍扒配意大利黑醋汁及牛肝菌醬(1pc $188)
開頭見有少少紅驚豬唔熟唔太好,不過食落豬鞍厚度適中,反而太熟會令到口感太硬。另外好中意食配菜個啲酸酸地既莓,好開胃!
一向都中意食羊架,但係成日都驚羶味好重。今次都冇令我失望,調味適中,有羊味之餘又唔會太羶。我同朋友都好中意食呢度既蘆筍,份量多之餘又有少少烤味,正!
火焰朱古力球($88)
最後嚟到甜品。上次食完火焰雪山,今次到火焰朱古力球,賣點依然係火秀,被燃點既球慢慢起火融化。好中意佢濃濃既朱古力!
望住日落夜景,配住美食,只可惜服務略嫌不足,感覺上可能太繁忙所以侍應感覺有啲唔耐煩,不過都值得再嚟!
張貼