Simplylife Bakery Cafe

營業中

休息中

今日中午食lunch, 諗左好耐唔知食乜。屋企樓下商場無乜特別好食的餐廳。見到天氣不太凍，於是行過將軍澳天晉Pop Corn，個邊商埸有多間餐廳選擇。行左一陣諗到想,食西餐，於是去左Simplelife.叫左二個Set lunch.南瓜湯好creamy,沙律菜好新鲜，麵包好食。松露忌廉雜菌有機糙米飯 - 忌廉汁好Creamy 好香，同糙米飯好夾。魚柳他他汁漢堡 - 這個漢堡餐使我非常失望。薯條魚柳炸得唔趣口，食落正口油。

Simplylife初體驗🤤👤: 🕺🏻🕺🏻🕺🏻🕰: 星期三7:30PM 等咗一陣有位🍴: 環境還可以 普通西餐setting 燈光比較暗 有feel！🤵🏻: 服務ok💸: ~$470(+10%)對住個開放式廚房坐 望住廚師煮嘢食又幾得意 嘻嘻落完單店員即切咗啲法包俾我地有啲太硬 本身鍾意淋啲嘅包👉🏼配燒露荀、鼠尾草炸薯條、伯納西醬汁牛扒嗌咗五成熟 唔會太淋太韌個醬主要由蛋黃、牛油同醋整成 幾滑 不過覺得有啲膩芝士附咗喺磨菇上面雞肉有啲乾 整體不過不失🤔另外有叫 白酒煮蜆辣肉腸手製意大利粉 ($138)牛扒張相格隔嗰碟🤔手製意粉比一般最常用嘅意粉粗啲幾有咬口 幾好食！整體嚟講啲嘢食都ok 份量都唔細間唔中食一次都可以！

星期日最適合就係可以有個地方坐得舒舒服服甘嘆返杯咖啡，比自己放空一下。去飲咖啡好多人都會選擇去連鎖咖啡店，無奈係枉枉都好難搵位，而且通常係open area會比較嘈。我同老公就好鐘意下午茶時間黎依間餐廳，因為下午茶時間只會提供飲品及甜點，所以次次去親都唔洗等位我同老公都叫左杯regular size cappuccino, 再加左個strawberry cheese cake作下午茶雖然無連鎖咖啡店甘大杯，但佢個杯同環境都加返唔少分下午茶再黎返個蛋糕再配杯咖啡，令星期日都變得完美，心情都會變好

呢日爸爸生日，見成日食連鎖西餅店既生日蛋糕咁悶，所以呢次想搞搞新意思。咁岩係pocpcorn行街見原來simplify有提供蛋糕。每個百多蚊又吾貴喎，而且賣相幾靚，於是就揀左兩個黎試下。6個人份岩岩好，每人兩小件。我比較鐘意呢個肉桂白朱古力蛋糕，因為肉桂味同白朱古力味好夾，減低左白朱古力既甜膩感。肉桂味既蛋糕係出面較少見，鐘意肉桂既朋友必揀。阿姨就鐘意味個藍莓芝士蛋糕多d，讚藍莓芝士夠幼滑，而且藍莓味出，味道吾會比芝士蓋過。上面既藍莓仲好新鮮，份量又足，認真吾錯。呢度既蛋糕性比價幾高，下次某人生日一定會再試其他口味。

今天一個人放假，咁岩經過，見到下午茶套餐只係$48起，相當抵食，於是即刻入去。其實之前已食過晚餐，環境當然好ok, 好舒適。我被安排到一個梳化位坐。暗淡的燈光，連燭光，加上舒服的梳化，周圍都好寧靜，兼任坐，真好寫意。我叫了個煙肉漢堡跟杯熱朱古力。$48煙肉漢堡～～個飽是正常大的，飽面少少香脆，煙肉好香，個漢堡好厚兼濃郁，加上芝士，好好味，真好有質素，而薯條也好香脆。熱朱古力～～熱辣辣，好香濃，面有好多泡泡，飲落好舒服。只是幾十元，可以嘆一個高質素的漢堡，加熱騰騰朱古力，仲有可hea在呢舒適的環境，絕對係一種平而高享受，I love it!

Simplylife 近年開了很多分店，之前去過太古城、金鐘和又一城，食物質素都很有水準，今天下午來到將軍澳分店，餐牌和其他分店沒有分別，先來冰茶，其實我並不太欣賞，不過無其他選擇，如果可轉換檸檬茶或咖啡，那就最好不過，之後來了南瓜忌廉湯，賣相不錯，湯芬芳濃郁，主菜我叫了煎鱸魚配炒雜菜、烤薯，太太叫了牛油果醬牛肉漢堡，鱸魚新鮮無腥味，皮脆肉香，牛油果醬汁香滑，漢堡肉鬆多汁，午餐雖不算太豐富，但每人平均$100，價錢相當合理，值得推介。

同朋友睇完戲，都已經十點啦，咁喺商場睇吓仲有邊間食肆仲未last order，發現simply life仲可以叫晚餐，就入咗去食啦！雖然話係食晚餐但都10點啦，所以決定唔好食得太過heavy，所以同朋友決定一個人叫沙律一個人就叫羊膝，咁即好似冇咁罪惡感！一開始侍應就會比盤包同牛油仲有餐湯我哋，呢度出嘅麵包一向都係幾好味嘅，而碗湯就係我最唔鍾意嘅洋蔥湯，但係味道都OK嘅！之後餐飲都嚟埋啦，侍應上菜都超級快手，朋友就要左杯西柚茶，而我因為夜晚黑唔飲得茶所以要左杯汽水！咁啲包同湯都食完飲完之後，侍應就將啲主菜上枱啦，首先嚟嘅係蟹肉沙律，呢個蟹肉沙律我每次食都覺得佢真係超級好味，蟹肉份量好足，而沙律醬係用芝麻醬嘅，味道配合得十分好，上面仲有一啲乾蔥，撈埋一齊食味到係有層次感嘅，而且份量都好多！之後到個羊膝配薯蓉，羊肉煮得恰到好處，好容易切得開，而且冇乜嘢羊肉嘅膻味，分量亦都好大份，不過我唯一唔鍾意嘅係，薯蓉上面有一舊蒜頭，蒜頭味道太濃太過搶味！

已經食過幾次，知道邊樣好食唔好食！午市同晚市食物相似，但午市平一半！▶️午市推介：燒春雞，食過3次，次次都燒得好好！墊底嘅蔬菜同肉腸酸酸哋幾好食！▶️Burger 都可以點，幾好食，但比佢好食嘅大有餐廳在！▶️伏： Fish & chips，個炸漿完全fail，同魚肉分離▶️唔會點：意粉，all day breakfast，salad。因為自己都識煮，我係唔會花$150食的。d cake/ 酥都好好食，食完個lunch 再買定返屋企當下午茶！

已在Simplylife食過幾次dinner, tea還是第一次。望見cake counter 的精緻蛋糕，巴不得把他們全吃光！款式亦算多：是日有藍莓芝士蛋糕、芒果撻、抹茶千層、士多啤梨千層，等，真是精彩！最後選了竹炭抹茶蛋糕和藍莓芝士蛋糕。竹炭抹茶蛋糕雖然外表平平，以一片抹茶朱古力簡單點綴，其實內有乾坤！頂層的抹茶慕絲還有伯爵茶慕絲，真是一次滿足我2個願望！茶味香醇濃郁，先是抹茶的清香而伯爵茶的醇厚隨後而上，茶迷必食之選！慕絲輕盈，而餅底則脆味十足，算得上多重味覺享受，真想encore!另外的藍莓芝士蛋糕也不甘示弱。蛋糕上的忌廉上的藍莓粒粒飽滿，如珍珠般大，用料十足，更有忌廉相伴，造型獨特。藍莓清甜不帶酸味，藍莓慕絲清香脫俗，正好讓香濃芝士發揮；餅底則非常香脆，由上而下均是佳品。以後又多一個下午茶好去處了。

大肚同事準備放產假，準媽咪指定要食Simply Life做farewell lunch.我地一人叫左一個牛油果漢堡，午餐set包一杯果茶。漢堡包都算鬆化，牛油果醬加左d洋蔥，夾埋芝士一齊食好正，漢堡排唔算特別但都唔會好鞋...果茶我地叫左走冰，似係果汁加烏龍茶，已經冇左之前的西柚茶了，新的果茶都唔差既，但真心鐘意以前果杯多d。另外，餐廳已經自動走飲筒了，見隔離有需要問侍應比左紙飲管，為環保出一分力！今次呢餐中規中矩，請人食飯唔會失禮，又可以舒舒服服咁坐喺度傾吓計，享受一個短短的午膳時間

呢間成日想食，但都見好多人等而卻步。今日終於忍唔住要等一等。4個人都等左1小時，都幾耐下但可能假日啦！我地叫左3個餐，個香蕉🍌焦糖多士最岀色，個多士真係好好食，不過可以兩個人share一個人食會覺得太飽。餐湯蘑菇湯好好味，好香好有蘑菇味粒粒蘑菇。但餐包同樣岀色，我最鍾意食硬法包！唔好睇個蘑菇火腿芝士奄列好少咁，但食落又好飽肚架。而且個蕃茄好鮮味有汁。真心推薦假日午餐好去處，可以同朋友傾下講下。好似甜品咁，但味道非常好。個多士做得最岀色。

同好朋友星期五收工黎開心食個飯，傾下計，都估到好多人嫁啦，好在朋友早左去排隊，，一如simplylife既作風，入面環境舒適，開放式廚房令人食指大動，將軍澳真係好多小朋友，好多一家大細黎食，大概係因為有burger 又有粉同飯，媽媽們可以嗌得爽d掛🤨好在d位都唔逼，都傾到下計，呢個烤法國春雞$188，其實我覺得有d泰式，味道一流，唔算好大份，兩三個人share一人食小小好滋味，d肉煮到好嫩，個皮又燒到岩岩好🤤呢個白酒煮蜆辣肉腸意粉$138，都幾好味，朋友覺得意粉稍嫌硬身，但我無咁鐘意諗身😆所以食得好開心💃🏻門口既bakery bar 都好吸引，實在太開胃，叫埋呢個紅莓酥$19，作一個完美結束，滿足！

每次經過popcorn 都會俾呢間simple life餐廳個裝修吸引住。唔知點解望住佢個裝修環境覺得好relax！今日終於都有機會試下佢😎✌🏻！𥚃面個環境都係偏暗，貫徹返佢整個設計風格。一黍到見到餐牌已經覺得：「咦 ～完來冇咩野食，沙律同漢堡包已佔了半份餐牌，意粉同飯只有二，三個選擇，至於扒、魚、雞只有一式一款，最想食嘅豬扒仲要停售😓」比較適合二人撐怡腳、一人點一個餐，如果好似我今次三、四個朋友食，係點到唔知點咩好！最後叫左呢幾款：1）味道一般，冇特別酒香味、個汁食完唔會另你記得佢係咩味，不過個蛽肉非常新鮮、鮮味十足。2）全晩最好吃係呢碟烤雞、雖然份量比較細，不過雞肉非常嫩身，而且煎得剛好，唔會燒得太焦，最正係佢個汁，有D似泰式，酸酸，有香葉椰漿香味，如果有碗飯拌埋就仲好🤭，我諗我成碗飯都食得落。3）個魚都好滑，不過份量就少左D，一人二、三啖已經冇了，至於佢個薯蓉，奶味同牛油太重味，返而整得唔好吃，好似吃緊我囡囡D奶糊甘😆。4）甜點賣相都非常吸引，所以好期待吃，不過有D失望，因為冇特別好美味，味道比較平淡，仲以為會好香牛油味，食落會有種好幸福嘅感覺，抱歉，沒有！

十年都唔去一次TKO，今日為左見客送貨。就由荃灣搭曬兩條地鐵線，轉兩次車過黎啦！成點半先黎到，極度十分肚餓呀！靚靚客人提議食Simple life經過門口已被佢既格調 同 雪櫃內的甜品吸引住喇！好好彩，眼見滿座的情況下都好快安排到位置，雖然張檯比較逼，但都好過要餓住肚子等9秒9立即點餐先，好多選擇呀，最近因為keep fit見到牛油果菠菜班尼迪蛋配藜麥沙律，就點左佢，藜麥係super food黎補血又有益，仲好飽肚，唔多餐廳有得食架客人點左芝士肉醬闊條麵；我地都加左$15跟餐飲同一個沙律或是日餐湯，上餐時間好快，沙律係用沙律醋酸酸甜甜好開胃，再配有新鮮生果，感覺好fresh；餐湯—南瓜忌廉湯，好濃好幼滑。主菜終於上場喇！牛油果菠菜班尼迪蛋配藜麥粟米沙律；比想像中大份牛油果蓉好豐富，蛋既生熟程度剛剛好，配合埋菠菜同烘過既包，好香但又唔會過膩，藜麥粟米沙律有咬口，好彈牙，最後到肉醬義大利闊條麵，肉汁香濃，配上芝士碎，香上加香，令人食指大動；餐飲點左果茶同熱咖啡，果茶偏甜左小小，咖啡香味好醒神，唔會有酸味，食曬已經食唔落精美既蛋糕喇，唯有下次再去食啦

朋友好好，找近我的餐廳吃生日飯，為了bb第一次係將軍澳食simplylife , 環境清靜，不多人，好快有位，正6個人食，叫左6個set dinner share 甘貴既豬扒，有點失望，竟然同牛排同價，好大陣豬味，不太喜歡，有點肥我平時最愛黑松露的食物，這碟飯不知是不是足料，食落有點咸一擺落台，哇，好大塊！7成熟，好正，煎得好香，口感剛剛好，好想再食！海鮮辣汁意粉，面頭的魷魚穌好香好好味，成碟意粉好足料，有驚喜百幾元的沙律，好不值，只食到菜味😂Yeah，仔仔陪我過生日😆抹茶蛋糕，cream有點厚，都係面包好食啲整體都不錯