Simplylife Bakery Cafe

營業中

休息中

以前剛剛開始的時候很多人排隊，經常等位置等成個鐘，現在有apps及電子飛，拿完可以行下再番去！竟然方便了就再給個機會試試吧！可是發覺越來越差，菜式現在不多而且沒有想像那麼貴，味道還是不好！環境當然是高級舒服的，但是菜色就一般般了！試過牛排又硬又不好吃！最喜歡的就是他那個餐飲！其他的就沒有什麼特別了！人是多的比較擠迫，幸好周圍開了很多新的餐廳，他那個價錢可以周圍試試，現在周圍大把好野食😋勝價比高的多的是

是日放假，同朋友做下gym，食個tea！想坐得舒服，又有好食嘅嘢，就諗起simplylife！晚餐午餐食過，tea就比較小食，食個漢堡同薯條🍟！同朋友一齊share食，今次食左個酸包配牛油醬辣肉腸，呢個非常之驚喜，個包好好食外脆內軟，個味道都好好食樣樣野都好夾！另一個就係墨西哥薄餅配雞肉，都唔錯！幾好食有少少醬汁辣辣地！嘢飲就梗係繼續飲佢哋嘅凍茶啦！不過唔想飲咁多凍嘢，就叫咗走冰，但係原來走冰又太甜😝（我真係好麻煩！ ）值得一提，可能我太耐無黎，唔知幾時開始佢地轉左用紙飲筒，好抵讚，好環保！

平時都係去九龍塘間Simplylife，俾佢啲好靚嘅cake吸引住😍而家將軍澳開咗，第一次試，以為要等好耐啦，但係又無想像中咁耐咋喎。屋企人有餐廳拆扣優惠，所以更抵食👍🏻佢嘅裝修係行情調浪漫路線，望入裏面燈光頗暗，但係入到去又無想像中咁黑喎。有啲餐真係黑到餐牌都睇唔到㗎嘛。😎我同老公叫咗兩個set share，佢要咗個沙律，我就要burger，加$30有湯/沙律+ iced tea/汽水。餐前會有麵包，幾香，但呢啲法包外層太硬，個人唔太鍾意呢種麵包，好容易會刮損咀，但佢係外脆內軟嗰種，姪仔幾鍾意食。今日嘅餐湯係甘筍湯，質感幾厚身濃郁，仲有啲南瓜籽同香草喺湯面，唔錯。跟餐嘅沙律菜，好新鮮爽甜。香草燒雞肉沙律 - 就咁睇好似好齋，但係其實一啲都唔齋都唔dry，估唔到咁好味㗎😋 裏面除咗有燒雞肉之外，仲有牛油果、露筍、菠菜、杏仁片、煙肉配意大利黑醋汁。眼見杏仁片絕對唔吝嗇，非常多，好香脆，口感豐富。 菠菜都非常好食， 口感嫩滑新鮮，蘆筍清甜。 牛油果喺底， 好creamy。 如果要彈嘅就係啲煙肉， 一粒粒黑蚊蚊咁， 好似臘肉， 唔知佢本身係咪咁， 我試咗一粒，係無無燶味嘅😅同埋啲黑醋可能太多

想搵個地方食下午茶同埋傾吓計，見到佢哋嗰brunch set 都好似幾抵食，所以入去試下。佢都有好多個唔同嘅套餐選擇有甜品、主食有素食、澱粉類、飯類、肉類都有。選擇太多令人眼花撩亂。佢每個套餐都會跟一個餐湯或者沙律同一杯野飲。Brunch Set $138加一沙律🥗是日餐湯（南瓜湯）佢嘅麵包都好好食，外脆內軟。自家製冰茶香煎鱸魚茴香有機糙米飯個魚都煎得好香口，唔腥。個飯係似risotto 既煮法。哥達芝士大蘑菇雞肉漢堡個雞肉漢堡扒好口好大塊，但係個芝士唔係好濃個隻。配菜薯條係有調味嗰隻好好食全部份量都好大份好有飽足感同埋味道都唔錯。餐廳入邊嘅環境都好舒服可以坐好耐同朋友傾計。價錢都算合理會想試其他唔同種類嘅套餐選擇。

世界盃進入了淘汰賽階段，就只有晚上10點和凌晨2點場，今屆的賽事相當精彩，很多場也踢到加時和12碼階段，看到凌晨5點就去上班了。連續多天捱夜看球賽，我們就沒有煮飯，每天都要想要到哪一間餐廳很晚飯。今天放工後我們都十分疲倦，老公跟我心有靈犀都想吃牛扒，不想走太遠也想不起附近哪裡有牛扒吃 ，便走進了Simplylife點了兩份牛扒。(太餓太累甚麼都想不到，現在想到Popwalk那邊應該有不少吧？)這間Simplylife我們其實也不是第一次來，但就是從來都沒有點過牛扒，還要兩個人都是點牛扒。這裡的包依舊可口，南瓜湯也是依舊美味，這晚很累沒有點酒，就選了果茶。入正題，這天的我點了5成熟的牛扒，老公點了4成熟的牛扒，結果一致認為5成是比較好吃。(4成的那件的表面太焦有點苦)圖片是5成熟的牛扒

昨晚和兒甥們慶祝考到第一志願中學特別慶祝。有位女經理幫我們set餐具，佢將四人餐具左手hold住（刀义匙），另一隻手就set碟，佢不其然將所持有刀义插在我手臂，此終是利器，我同佢講插到我，她對唔住都冇就刻時放在枱面（餐具之前插在我手臂也不換過，也不比紙巾幫我抹一抺餐具，做樣都要啦經理）我真係嬲嬲地，但又唔想掃兒甥們興（我便話個經理好唔專業,這時她才說對不起！餐廳除咗食物好味，服務都要有，這位女經理要再培訓囉，完全唔掂！我下次一定唔會去這間分店，比較九龍塘果間；呢間只是茶餐廳的服務水準。食物是可以接受及保持應有水準及價格合理！尢其是牛排及豬排，味道及口感相當好而且份量也不少。麪包種類多也頗為新鮮。

今晚家姐話想食牛排，見到popcorn嘅simplylife到食排，simplylife可以用app拎籌。晚市set加30蚊，就跟沙律/湯同野飲，野飲就有水果冰荼同汽水揀，我同我家姐一個揀左沙律，一個揀湯。沙律材料十分豐富，平時嘅跟餐沙律只有一款蔬菜，但呢款就有幾款，例如生菜、沙律菜同蘆筍。個人推介揀湯，個湯煮非常有誠意，啖啖都係濃郁嘅菇，好明顯係好多嘅菇打成蓉，都其他餐廳嘅普通嘅忌廉蘑菇湯。牛排就有D失望，有D過老，肉味唔夠，配個熱情果醬其實對塊排無咩幫助。香煎大蝦扭扭粉，個扭扭粉好彈牙，未食過呢種質感嘅扭扭粉，個汁個人認為有D偏甜，可以偏酸返少少，個蝦都幾鮮，但得一隻大蝦，唔係幾夠喉。今日嘅水果冰茶係橙冰茶，個人認為幾出色，星期五果時飲左杯好難飲嘅水果冰茶，果然係一分一錢貨，我飲第一啖，個橙香味就係口入面散發開去，好清新嘅感覺，炎炎夏日，飲返杯，確實消暑宜人！本身都對美心旗下嘅餐廳無咩好感，但今次有D改觀。

平時係九龍區食飯食得多,今日終於跨區,來到將軍澳,然後看到很多大型商場,反而不知有什麼餐廳好食,所以抱著那間有位就去那間。來到這間Simplylife bakery,因為成班人,所以都拿了票,等了一會。大約十分鐘左右可以入坐,因為一行多人,安排的坐位剛好在路口的中間位,出入並不是太方便,而當時也看到有卡位有人想準備埋單,所以也請經理想調動往那個卡位,經理也在口頭答應了,說對方埋單後,可以安排我們就坐,不過最後經理有點不了了之,令我有點失望。因為本身朋友也有傷患,所以想去卡位坐的話,會比較方便一點,但奈何經理有點.......不過成班約出來食飯,都係要開開心心先好。幸好食物方便很也算出色。我自己就點了這個芝士雞肉漢堡,有薯條和厚身的漢堡,雞也很厚身,不過煎得略為嫌焦,唯有切去底的黑黑的焦才能品嚐到雞肉漢堡的美味。薯條就比較香脆可口,更為好食。整體食物質素都不錯,但服務就略為差一點。

將軍澳時不時都會舉辦一啲市集所以都行左一陣覺得攰就入咗Popcorn simplylife,佢位於商場地下，經過見到咁黑媽媽嘅，發現有不少嘅情侶朋友入去食就係因為個氣氛好浪漫💕，每一張枱都會有個小蠟燭，因為係星期六去所以幾乎滿座不過好彩夠早去拎位所以都唔使等。我地點左一下羊肉薯菜，羊肉炆汁夠晒嫩滑，肉嘅份量亦都相當多兩個人食呢個主菜都飽飽地～因為佢仲有餐前湯我哋飲咗南瓜湯食埋佢提供嘅餐包未食主菜已經有飽肚感。個羊肉實在太嫩嫩而且唔騷，下次都會再點返呢樣，而我哋再叫咗扁意粉不過就冇乜特別嘅驚喜，因為太飽所以我哋都冇再叫甜品啦不過整體來講成個環境氣氛都唔錯好適合情侶去進餐啊全程由男朋友餵實在太幸福啦

同朋友high tea~~叫左件桑莓cake，因為佢酸酸甜甜咁幾好食～～個cake不膩，一層一層咁～～好好味呀！！叫埋杯西柚茶（但冇影到相）佢大大片西柚，加埋落啲甜水到，好多冰飲完已經覺得好凍😂😂😂😂😂整體來說都不錯

話說今日係附近約左朋友食飯佢提議食呢間，咁就叫左個Set dinner首先來既係一碟硬過石頭既包，佢連整番熱既意慾都無，我切又切唔開之後食左2下就算，之後竟然比我望到佢平時係將d包放係出面露天地方鋪塵等人要就攞上去首先講下個湯先，今日係蕃茄湯，個湯個溫度只係微媛味道還可以，但一般湯都會係熱騰騰先好飲嫁嘛，真係超失望個湯都未飲完之後個豬扒好快就送左上來，我想講個豬扒係好”鞋”又梅食左2啖已經唔想食，之後經理都好好話幫我轉其他野食，仲會叫厨師試下咁我就改左牛扒叫左5成熟，上到來一切開入面全部都係血，但薯條係好食同熱既，我話可唔可以整熟番小小，呢個5成都無，要7成啦，我唔知呢度請既厨師究竟有無學過煮西餐，連牛扒應該幾成熟係點都控制唔到到最後最嬲既係佢比左碟垃圾我食換左d凍唒既配菜包括個薯條同露荀然後個牛扒係熟到硬唒仲老過呀婆真心想講十萬句粗口厨師如果唔識煮野食唔該去進修下先其實對$208一碟食物要求都唔係話要好高但你煮3碟3碟都唔食得人真係唔該檢討下到最後係成碟放底唔食真心覺得對如果對食物無心唔好做厨師遭撻了食物

今日中午嚟到Simplylife，雖然响將軍澳都開左一段時間，但作為街坊的小弟，都未幫襯過，雖然有得用app囉飛，但都等左足足半個鐘，等到恰眼訓。見到有brunch食，價錢其實都唔算平，要約140蚊位，有餐湯，主菜同飲品。南瓜忌廉湯，熱辣辣好creamy，入面仲有菘子，有層次。點左個啤酒脆炸青衣魚柳，有少量啤酒味，但食完覺得好油膩，加上配菜又係薯條，雖然幾脆同幾好食，但好邪惡，實在太熱氣了。伴菜的柑橘椰菜絲沙律，酸酸，都幾開胃。最後，加配左個件製蛋糕作甜品，食左個抹茶cake，賣相幾好，都幾濃味，不過就唔記得影相。整體都不過不失，不過等甘耐食呢d質素就有d唔值，以百幾蚊brunch做lunch呢個價錢，附近有更好的。

難得空閒, 一於去感受一下中產人士的早餐食堂－Simplylife。是日餐湯野菌忌廉湯野菌味濃, 口感豐富且帶微微的草澀味, 加入牛油令口感更加香滑。水煮蛋伴煙肉 $138菜式包含: 麵包、煙肉、水煮蛋、烤蕃茄。份量較少, 對於男士而言略為不足夠。水煮蛋呈半熟狀態, 口感香滑。煙肉肉味濃厚, 兩者配搭麵包一同入口, 一次過嚐到多種質感。哥達芝士大蘑菇雞肉漢堡 $138伴碟配菜有: 炸薯條、烤蕃茄。漢堡熱力不足, 芝士開始變硬。免治雞肉嫩滑但輕微帶點焦苦味。炸薯條味道香脆可口。

之前試過九龍塘同銅鑼灣分店，覺得ok,所以去開將軍澳試埋呢間7點拎飛，等到大約8點3入座，因為我地4個人食，而餐廳比較多2人位我地order左4個sets坐低冇耐黎左碟包，配牛油趁熱食都還好，但配黑醋會冇咁膩，可惜問左幾時拎黑醋都冇比我地，可能場內太多客第一碟黎既係蟹肉沙律夠大碟，有黑醋，幾好味，refreshing第2碟係燒春雞，雞脾算係嫩滑，配料有洋蔥紅椒，驚喜不大第3碟係野菌闊條麵，普通好食，一人2啖就冇最黎一碟係虎蝦茄醬螺絲粉，有一隻虎蝦，3隻細蝦，汁酸酸地幾開胃，但份量都係較少野飲方面我地叫左2杯西柚冰茶，1杯紅酒，1杯白酒，不過不失諗唔到食咩，又願意等下位都可以食下

七年前第一次到又一城simplylife午餐，自從之後，這成為我最喜愛的飯堂之一。simplylife 的午餐，3 courses ，以其環境和質素來說，真的抵吃。份量很大，好多時候和小女生二人，都點一個3 courses set lunch,再加一客甜品。難得平日放假，立刻同小女生來吃個午餐吧！今天一行三人，點了兩個set lunch,這裡的鮮果蔬菜沙律十分新鮮，加入酸酸的沙律汁，十分開胃。餐湯是蕃茄汁，不算太濃，但吃到鮮蕃茄味，營養滿分。全麥餐包外脆內軟，塗上牛油來吃，十分滋味！其中一個主菜點了黑松露野菌寬條麵，一送上枱，小女生急不及待吃了。入口有陣陣松露的幽香，野菌juicy 香濃，麵條煙韌彈牙，實在很美味！另一個主菜選了野菌芝士雞肉漢堡。先講下side dish 薯條，香脆惹味，吃到停不了口，個人一向很喜歡野菌，因為juicy又香，配在burger就最好不過！雞肉漢堡扒很厚，味道較淡，加入一點茄汁來吃，對於我來說就剛好！吃了1/4都飽飽地最後來個士多啤梨芝士蛋糕， 士多啤梨又香又甜又多汁， 芝士蛋糕又軟滑，為這頓午餐劃上一個完美的句號。