Shine (已結業)

今日加班之後同少女同事食餐飯，少女去嘅地方比較有年輕感同埋充滿活力，所以我久不久都會約佢食下飯，減齡嘛場內氣氛熱鬧，七點鐘已經八成滿，之後 walk in 仲要喺門口等位添！menu 有各式各樣不同嘅菜式，總有一款啱我口味。Dinner menu 真係幾抵食，$288 至$358，一於一人一個唔使爭，haha 尤其是 appetiser 製作超認真。一上枱就有驚喜，炸粟米南瓜薯餅配青瓜薄荷沙律醬，炸粟米南瓜薯餅香口美味而且沒有油膩感，醬汁特別另一是橙柳蘆筍芝士沙律，灑上辣粉，味覺更加刺激，感覺新鮮的蘆筍見到好認真咁燒過，前菜已經令我哋好滿意。主菜靚到叔叔不行，香煎頂級牛柳扒配酸青瓜芥茉漿$358，medium 的牛柳，香氣撲鼻，切開仍然嫩紅，入口油滑，最緊要係冇筋油封美國大雞腿配蘋果芝士沙律 $288，今晚真係好健康，好多配菜都係沙律，仲有一個焦糖檸檬雞腿真係好大，啖啖肉，皮脆肉嫩，鮮味多汁。心裏便俾咗好多個 like, 最後到我哋嘅甜品時光，真係不得了跟餐嘅甜品都咁精美，好多生果做伴碟，雪糕口味感覺似茶味，烘焙茶的感覺。餐飲upgrade咗做一杯薄荷朱古力，香濃幼滑到不得了，入口嗰種

如果你係鍾意食西餐嘅話呢間餐廳都應該幾啱你，喺太子集團大廈呢一度有一間叫做Shine嘅餐廳，以前你睇到以為淨係得辦公室原來仲有食店嘅。一入到黎發現原來呢度唔單只係有西餐咁簡單仲有少少fusion菜架。我地點左燒日本M4和牛薄切、呢度嘅鎮店漢堡、鵝肝大蝦意粉、蘋果金寶同水果茶。第一道嚟嘅係M4和牛，真係冇諗過個份量得咁少，果下個心有啲唔開心但係原來食落去真係重質不重量，每一塊配埋芝士，同少少沙律菜，簡簡單單原來已經好好味沙律菜可以帶出和牛嘅肉味，而且芝士能增加口感，慢慢溶化不錯。平時唔鍾意食漢堡嘅我，都覺得呢度嘅鎮店漢堡係重中之中，佢裏便塊肉真係唔講得笑，勁大勁厚，唔識呢個漢堡我真係唔知道自己個口原來可以張開這麼大。佢裏便嘅醬料配埋番茄生菜全部都好新鮮，啖啖肉又多汁正呀。另外仲有兩個洋蔥圈同同一條條剛剛炸好的黃金薯條，真的好美味。另外叫咗個晚餐，裏面包括水牛城雞翼真係幾辣，但係略嫌有啲燒焦，啱啱好三隻，不多不少，作為前菜，非常適中，不過佢算做得好唔係淨係得個「辣」。字咁啱廚房冇晒鵝肝，師傅同我講對唔住，話淨係得返大蝦，我就話可以照食大蝦，最後佢係餐單上面都冇收足我錢，都算均真既。不過佢個

這天再次來到「Shine」用晚餐，為的是回味上次吃過的墨汁海膽意大利粉，可惜供應期已經過了，只好品嚐其他菜式吧。安坐座位後，店員率先為我們送上這紫薯片小食。惹味的紫薯片相當脆口，為我們這一晚拉開了序幕。小食一直很受我歡迎，看見餐牌上有這惹味的香草孜然單骨雞翼，我也點了一份來品嚐，調味料滲透入雞肉內，而且單骨雞鑒吃起來也更方便，飄來撲鼻孜然香，就是這回事～吃過小食後，我們也不忘主菜。相信龍蝦是很多人的心頭好，我也不例外。眼看「Shine」的龍蝦是每日限量供應，我立刻被限量這兩字吸引了而點了一份，而店員指我們的點單已是最後一份龍蝦呢，還好我們有快快下了決定。原隻燒龍蝦盛裝登場～蝦身的部分更預先切開一半，方便一下就將整個蝦肉一下整個起出來，大鉗部份更是先敲碎，不介意動手的話，很容易整個起出來～蝦尾肉彈牙而且非常鮮美，令我一直慢慢細嚼，品嚐其鮮美味而不捨得下嚥，大鉗的肉更是有質感，彈性有嚼勁，鮮美程度令芝士汁形同虛設，真是非常美味。上次到「Shine」吃晚餐時，我們一直被鄰座的烤豬肋骨吸引了目光，這次就到我們點一份吧。這道烤豬肋骨配蜜糖薑汁醬油，賣相非常吸引，加上醬汁再慢慢燒成，即點即燒，所以

難得男友放平日假下午逛完果欄，晚上便到尖沙咀食飯早前也聽朋友說過這裡氣氛不錯，所以我們也早一日提前訂了位晚市套餐$288-$358不等已有前菜，主菜，甜品，餐飲當然也有其他散叫前菜香茅椰汁煮青口 青口肥美鮮嫩，香茅椰汁夠濃味香草紅酒燴羊腿羊腿炆得很腍，不用刀只用叉已可把肉分離雖然羊腿油脂不太豐富，但肉也帶少許羊羶 另外散點一份了燒安格斯肉眼扒配紅酒燒汁10oz份量十足焦香味重，食起來更帶點微微香脆牛扒點了五成熟，肉眼扒肉質嫩化不鞋口而且肉汁豐富也不用另加調味醬也相當夠味 套餐甜品的賣相夠吸引 有豐富水果整體水準還蠻高的讓人留下深刻印象！ 尖沙咀北京道12A號太子集團中心6樓

周三晚上預約左呢間位於北京道鬧市上樓嘅bar & restaurant 食晚餐！被安排坐最近lift 口嘅座位，但格調依然不錯。靠右嘅景觀設計令人感覺都幾舒服！如果黎到只係想飲番杯嘅朋友，呢邊嘅corner 位氣氛都不俗！研究完一輪就決定叫一個扒一個pasta share!Peach yogurt $68有7粒黃桃肉係頂、可以選加或走忌廉，加忌廉拌勻黎增加有帶出更加滑嘅口感，淡淡桃香，唔會太甜！香草孜然單骨雞翼 總共有4隻雞翼，單骨做法令雞翼更加惹味！一啖一隻，方便食用。蕃茄蟹肉扭紋粉 $148色澤紅得雖然有點誇張，但味道酸得好開胃。扭紋粉口感煙韌，啖啖蟹肉，仲有新鮮嘅車厘茄燒安格斯肉眼扒（10oz）配紅酒燒汁 $308超大塊，兩人share食都絕對夠！肉汁夠、肉味都算濃而唔會韌！忌廉薯蓉薯味濃，仲有不少薯仔顆粒，增加口感！切開肉質保持到7成熟!醬汁紅酒味唔算濃，連埋煮過嘅肉汁落去煮過後，更加突顯肉眼扒嘅肉味濃郁！玫瑰蘋果金寶 $78用青蘋果替代平時嘅紅蘋果酸酸甜甜，整到玫瑰樣，好靚ar!外皮好脆，蘋果切得夠薄！無花果經糖味封過，都不錯吃！如做朋友慶生甜品都超適合！埋單$600幾，氣氛

話說今年是第三年陪你過生日哎，考慮了接近一整個月的時間，想為你好好安排一頓好吃的。法式鵝肝多士128他的最愛，上枱和噴噴，多士脆香，鵝肝煎封，實在可口，不油膩。香煎北海道帶子#虎蝦配豬腩脆片128味道跟視覺效果不俗，擺得靚之餘，帶子肉厚，蝦大亦彈牙，辣豬腩脆片卜卜應聲而响，配了柚子醬和特別的墨汁泡沫。燒安格斯肉眼扒配紅酒燒汁308我們要了五成熟，10安士份量蠻大，牛扒煎得不錯，入面嫩又有肉汁。小蕃茄十分多汁飽滿，另外，蒜子焗得很香，夾上有酒香調味的牛扒，實在真不錯。Banana Chocolate58好味呀，朱古力醬不過甜，一口喝下盡是香蕉味道🍌我實在太愛這個了。食後感：沒有失望的晚上，食物質素還是保持著，最重要的是，你吃得開心就好😊

上次黎食duck leg confit，未試到slow cook 啤酒豬扒，所以念念不忘，今晚就約朋友飯局就黎食，每次黎都有新menu，可以試下新菜。香煎北海道帶子、虎蝦配豬腩脆片配柚子醬、墨汁泡沫$128見到個名已經好吸引，帶子和虎蝦都係my favourite，果然冇令到我失望，擺盤賣相精緻，肥美的帶子和已剝殼的蝦有少少spicy 又惹味，黑色的墨魚汁原來係帶子和蝦肉底，配豬腩脆片味道幾特別，柚子味可以再出D。慢煮啤酒浸豬架扒配牛油雜菜 $328加左白色foam就似係份子料理，來自加拿大的pork chop，厚身而帶骨，沒有過度調味，食得出是有質素的，肉質扎實，不過煮得熟左D，如果再嫩D就會更juicy。啤酒味的foam都幾出色，底有薯蓉內有粒粒potatoes，增加口感。香辣蕃茄意粉$108又係幾辣喎，好辣的朋友最適合，蕃茄味道好濃，細麵掛上大量sauce，重點只有醬汁和麵，喜歡食簡單的pasta。Tiramisu $58上次黎食過Tiramisu 很好吃，今次再encore，質地幼滑，唔會太甜，配上不同的食材令到味道不會很單一，是要下功夫的甜品。Affogato $68特濃咖啡

今晚來這間isquare後面的太子集團中心6樓Shine 燭光晚餐, 七點半夜全場爆滿,因為我們沒有訂枱,所以只可以坐在門口的吧台,因為是Open kitchen 油煙味較重, 應該窗邊的位置會較好。朋友ot慢一步到,他們等齊人先上紫薯片前菜。香草孜然單骨雞翼, 雞翼煎香再灑上香草孜然,外脆內軟,小食多滋味。原本想叫一個沙律,但是常常食,所以點了烤茄子佐燉燜蔬菜, 熟透的茄子軟腍腍在底層,吸收蔬菜的甜味加上茄汁和溶化的芝士,入口即溶。黃金蟹餅配菠蘿沙沙, 份量比我想像中細,因為價錢都要hkd118, 但是一把蟹餅切開,全都是蟹肉,感覺稍為好一點, 如果多一些沙菠蘿沙律會更佳。一口蟹肉餅,一粒菠蘿,一粒車厘茄,一齊食。酸甜美味,留在口裏,十分開胃。鎮店漢堡, 果然是鎮店之寶,一定要點來吃! 店員幫我們將漢堡一分為二, 漢堡中間仍有血水, 朋友負責食漢堡我負責食其它, 他還有煙肉,青菜,番茄芝士,沙律醬,單食漢堡已經很飽, 薯比我想像中大,我們食不了那麼多,差不多四分三的薯條都未食完。冧酒火山, 一把火燃點了整個雪山, Shine, Shine, Shine。蛋白充滿冧酒味, 底層是蛋糕

好開心...終於黎到..之前係OPENRICE見到佢開左都已經想黎....仲要驚冇位...卜左12點....點知好在卜左...一上到黎已經有5-6枱坐左喇...一坐低梗係要睇MENU啦..睇完之後..其實都即刻嗌左杯咖啡飲..超讚好呀佢杯ROSA LATTE好鐘意..ROSA味好重..但又冇蓋過左LATTE既味...仲要超級大杯...平時係出面嗌一定勁細杯好快飲哂...今次係坐到走都飲唔哂呀之後再嗌左個SALAD個工文魚新鮮到呢~勁厚肉....中間佢仲比左好多芝士同埋煙肉我地..其實有時自己覺得SALAD好似最重要真係個醬同芝士..個醬衰既話....其實就會覺得唔好味..跟住再嗌左個墨魚汁海鮮意大利飯....好味到心心眼..佢每粒飯都比墨魚汁包住架..但睇落其實又唔似意大利飯..不過唔緊要啦...最緊要係好味...

尖沙咀食飯可以話好多選擇，但要可以環境好又傾到計就好難搵😑上網見呢間嘢食評唔錯就上去試下，貪佢地點算就腳，而且價錢都可以接受，應該唔會太離譜。去到見安排了六人卡位都覺得幾貼心，環境唔錯，可以安心食嘢😂叫了小食雞翼、魷魚、薯條唔錯，嘢飲味道不過不失！墨汁飯和鮮茄乜粉亦沒有令人失望（定係我地6條女太餓呢？）跟手上了牛扒$380（好似，5成熟）想請問舊牛扒是上了年紀嗎？啲筋多過肉，零肉汁，分三個人先切好成件扒，咬到嘴軟先可以吞☹️跟住9點半侍應哥行埋來話lsat order ，我地想加嘢，個侍應望住我地揀嘢，同佢講想睇睇先行開（問了10點半收）加了個意粉（只能說好咸），9點9叫我地賣單，之後10點有人話一陣會清潔，其實想點？又話10點半收，10點就趕人走，咩玩法，我知大家都想收工，但可唔可以唔好咁，我地8點幾先到😤你要咁急又唔早講，好勞氣，沒有下次！6人每位260

男友早收工黎接我收工，約左佢一齊食飯，再次去到尖沙咀這間樓上的西餐廳，因為我地都比較喜歡食西餐，所以近來出街都係去搵西餐食！這間餐廳之前都黎過食TEA，水準食物都唔錯，睇下發現晚餐的MENU都好似幾吸引～餐廳位置易找，近海港城那邊，對比地鋪的餐廳，樓上的餐廳反而更為寧靜，可以兩人談下心靜靜食下野！這裡的擺設裝潢很時尚Cyber，設計感重，而且空間感十足～餐廳主要以西餐為主，飲品、湯類、前菜、主菜及小吃等種類十分多樣化，也設有晚餐，價錢屬中位價～套餐：煙三文魚配意式油醋田園沙律沙律菜集合多款新鮮沙律菜，上面配有不少煙三文魚，煙三文魚肉質好鮮嫩，也有車厘茄等配料，拌上微酸的意式油醋特別開胃！香草孜然單骨雞翼（HK$48）呢款單骨雞翼炸得剛好，好香口惹味，單邊骨特別易食用，咸度適中，餡得好入味，不錯！脆炸軟殼蟹配黑松露帶子燴飯（HK$268）脆炸軟殼蟹配黑松露帶子燴飯這個組合也是第一次嘗試，上面有兩大隻脆炸軟殼蟹，炸得好香脆，炸粉唔會太厚身～而意大利飯煮得軟硬適中，醬汁都煮得剛剛好，不會太過水，黑松露味濃郁！燒安格斯肉眼扒（10oz）配紅酒燒汁（HK$308）這份10燒安格斯肉眼扒份量十足，

之前同朋友嚟過呢間餐廳食飯，覺得氣氛唔錯，食物都唔錯，所以今日就同朋友過嚟食生日飯啦！好彩有訂位咋，黎到嘅時候全場爆滿，都等左一陣，冇訂位嘅可能就要等耐啲啦。我哋首先叫咗個ribs，之前食過都知道呢一間餐廳嘅食物好大份，所以叫食物嘅時候都就住就住，唔夠先再叫，咪做大晒鬼。點知黎到既時候，都忍唔住講咗一句，好大份啊！哈哈！佢呢個ribs同平時食開嘅大左差唔多三份一，成隻碟咁大！講返個味道先，佢面頭既汁甜甜地，因為有糖分所以燒到有少少焦焦地，好香口，如果覺得汁唔夠嘅，仲可以點佢另外上既汁！之前食過有啲ribs好冧，肉會有啲梅，但呢一個啲肉唔會爛晒。肉雖然都好林，但唔會梅晒，有口感！食落仲有啲肉汁流出黎，yummy！鎮店漢堡都係好大份！首先佢個薯條係粗薯，炸到好脆，即使食咗好耐，佢仲係好脆。個漢堡好大個，一啖咬唔晒，只可以分層黎食。佢有好多層，分別有炸洋蔥、蕃茄、生菜、芝士同埋牛肉漢堡等。牛肉漢堡好厚身，煎到剛好，唔會老晒，夾住濕濕地既沙律醬食好夾！青瓜奇異果乳酪呢一杯飲品好Fresh！飲落有清清嘅青瓜味道，甜甜地，超喜歡。朋友叫的凍啡外貌唔錯！火焰雪山好大份吓，夠兩三個人食。上枱嘅時候，職

看到有推介此店海膽墨魚意大利麵的食評，很是心動，於是和友人決定到此午膳。很喜歡可以在網上訂位的餐廳，這樣可隨時隨地book枱，亦省卻要就時間先可以打電話的麻煩。差不多十二點到達，只有兩枱客人，不算旺場。Shine位於北京道，地點方便易搵，地方亦不算細，有可坐多人的卡位，佈置很適合同姊妹們飯聚。友人剛病癒，胃口不太好，所以只點了極黑海膽意粉配三文魚籽和串燒醬油雞肉。海膽意粉賣相有趣，有一枝小膠管俾你再加墨汁落去。唔單止意粉量多，海膽同三文魚既份量都幾多，等你每食一啖意粉都會食到海膽或魚籽。意粉煮得唔錯，彈牙有嚼勁，al dente! 好夾三文魚籽既鹹香，如果主角海膽可以再鮮甜d，呢道菜就perfect啦。串燒醬油雞，無骨既雞肉好juicy,友人食完後胃口仲即刻返番黎！走時見到隔離枱既fish n chips好吸引，搞到我呢個potato monster即刻心思思想搵日再黎試食呀

近排工作太忙碌，見今日放假就相約好朋友出來聚一聚！之後就在尖沙咀揾左呢一間樓上餐廳！入到去，感覺都唔錯，燈光配搭調色很有格調！餐廳坐位都算闊敞，不會太迫促！感覺舒服！我們叫左個田園沙律配橙香油醋汁，沙律好新鮮好fresh,配上橙肉同醋，好開胃！黃金蟹餅配菠蘿莎莎，蟹餅炸得勁香脆！𥚃面蟹肉勁多，味道不錯原隻鮮活波士頓龍蝦，勁大隻龍蝦，新鮮多肉！仲好鮮甜爽口！啖啖肉，回味無窮法式鵝肝多士，鵝肝成吋厚，整到外脆，入面仲好鮮嫩，勁juicy,一咬落去成口都是鵝油香味加上多士！中和左鵝肝既油膩

今晚同個女仔friend想傾下心事，就揀左地點就腳既尖沙咀區。朋友話想食西餐，上網見到呢間餐廳好多正面評價，所以一於一試入到餐廳，設計華麗，燈光昏暗，氣氛浪漫餐廳既有長形bar枱，又有sofa位，我地2個人坐左sofa位，座位幾舒服餐具乾淨，仲有小燈一盞，氣氛好relax法式鵝肝多士（＄128）香脆既多士配上甘香的鵝肝，十分邪惡但又吸引 附上的沙律剛好可以解膩香草孜然單骨雞翼（＄48）單骨方便食用，充滿孜然粉的香味，肉質鮮嫩蕃茄蟹肉扭紋粉（＄148）醃漬過的小蕃茄酸酸甜甜，扭紋粉煮得剛好，不會太軟身，蟹肉分量亦不少燒安格斯肉眼扒（10安士）配紅酒燒汁 （＄308）叫了7成熟，剛剛熟，不會有血絲，亦不會過硬紅酒燒汁帶酸甜，紅酒經煮後揮發酒味只餘香氣10 安士又唔會太大，2個人食啱啱好。完滿既一餐