Shine (已結業)

今日，我同朋友去左尖沙咀北京道一帶行街。不知不覺已經八點了，有啲肚餓，見到一間叫Shine嘅西餐廳，近近地於是乎就上左去啦。上到去發現，餐廳裏面氣氛唔錯，環境比較幽暗，桌上放有蠟燭，相當有feel。睇睇個menu先，選擇雖然話唔多，但都相當合我地胃口。小食方面，我地就叫左香草孜然單骨雞翼同法式鵝肝多士，主菜則就叫左一份慢煮啤酒浸豬架扒配牛油雜菜。甜品就叫左雜果甜品拼盤，嘢飲方面則叫左香蕉朱古力奶昔。首先黎到嘅係杯香蕉朱古力奶昔，朱古力配上香蕉嘅味道，真係相當新鮮，好少係出面試到呢隻組合，加上相當大杯，好值得一試！緊接其後嘅，就係雞翼同鵝肝多士。先講呢款雞翼，散發出香噴噴嘅孜然味，加上經過處理，唔會太大隻且骨肉分離，品嚐嘅時候好容易handle。而鵝肝多士則份量十足，每件多士上都至少有拇指咁大嘅鵝肝，岩哂鍾意鵝肝嘅我！終於到主菜啦，經啤酒慢煮過嘅豬扒，肉質鬆軟，輕輕咀嚼並有陣淡淡嘅啤酒味，真係令我地食慾大增，完全停唔到口！最後就係我地最期待嘅甜品啦！嘩！真係相當多嘢食阿！除左我至愛嘅生果，仲有木糠蛋糕，朱古力蛋糕，馬卡龍餅等等，真係超級豐富，都只係78蚊渣！食飽飽，埋單計埋加一就七百蚊左

久聞SHINE的好口碑，因妹妹也想要來嚐鮮一番便訂了位前來。這間餐廳空間高挑寬敞無壓迫感，座位不少亦寬敞舒適，有落地玻璃窗，靠窗口的座位，可以清楚看著人車湧動的大街。餐廳內播送著輕柔的音樂，搭配柔美燈光，讓浪漫氣氛非常有情調，十分適合情侶約會或朋友聚餐。食物款式選擇不少，價錢也算合理。也有set dinner可選擇，主菜外還有前菜、飲品、甜品等方便選擇。飲品的選擇多樣，除了一般無酒精飲料，也有大量酒類可點選。燒原隻鮮活波士頓龍蝦配巴馬臣芝士，一整隻波士頓龍蝦，好大一隻。燒烤熟的龍蝦肉，保留著扎實Q彈肉質，原汁原味鮮甜十足，沾醬吃更能凸顯肉質的鮮甜多汁。配菜馬鈴薯鬆軟綿密，新鮮蘆筍的軟脆口感，讓整道菜色色香味具全，實在美味。Kiwi soda酸甜滋味好，自然健康。喝一口暢快無比。LMix Berry Yogurt 奶昔和莓子味道香濃，酸酸甜甜好開胃。提拉米蘇，香滑口感，口口綿蜜，真的會融化人的心。

今日同朋友嚟尖沙咀食西餐，佢揀左呢間餐廳。第一次嚟，餐廳有高枱或梳化位揀，天花吊住好多燈泡，頗有格調。餐廳無套餐供應，惟有散點。兩個人揀左兩個湯、兩個主食同兩個甜品。龍蝦湯$88雖然有啲貴，但朋友好鍾意龍蝦，所以一人一碗。碗上面有片大多士，焗得好鬆脆。碗邊灑左啲岩鹽，如果覺得唔夠咸，可以撥少少落去個湯度。我就覺得夠咸喇，龍蝦味好濃，份量足，入面仲有兩粒龍蝦肉，不過略嫌唔夠熱。加拿大芝士焗龍蝦意粉$178呢個俾預期出色好多，有半隻龍蝦，龍蝦肉彈牙鮮甜，仲有好多羔，朋友大讚。意粉係幼身意粉，「索」晒啲龍蝦汁，好食。香煎挪威三文魚配香草忌廉檸檬汁$238點餐時店員溫馨提示預設三文魚係會做到五成熟，如果怕太生可以揀全熟，我哋就揀左五成熟，試吓廚師既預設煮法。三文魚皮封煎得好脆，而魚肉因為係半生熟，口感嫩滑。香草忌廉檸檬汁，香草同檸檸味都好出，配三文魚食好清新。雜果甜品拼盤$98巨型士多啤梨蛋糕、檸檬芝士餅、泡芙再加啲生果，都好大份。生果夠新鮮，但士多啤梨蛋糕個蛋糕好實，唔夠鬆軟，個人鍾意鬆軟口感多啲。Tiramisu$78全晚最好食，十個like。好耐冇食過咁正既Tiramisu，賣相唔係靚，

約左人食飯，但遲遲都吾知食乜好，到想到又話full book 仲要話waiting list ，好啦waiting list ，點知5分鐘後打番比我話無枱，你今晚吾洗黎，k11 入面A字頭間餐廳，垃圾!大家吾好去!之後急住搵餐廳，就book 左呢間試1試!好有勇氣下，氣氛又好，待應有禮貌，地方吾迫，好寬敞，令人好relax，現在好少餐廳會擺得甘寬敞吾迫，吾會為左坐多幾個而爽硬迫死人。值得1讚，談心好地方!如果貼心少少有暖水供應or 問1聲要暖水嗎?會更窩心一點

就算係exam period都要唞架所以今日黎到位於尖沙嘴北京道既SHINE食dinner，慰勞下自己～附近都有好多出名既西餐廳，競爭好大但個人就覺得呢間餐廳就好夠競爭力～首先想讚讚個裝修一盞盞吊落黎嘅吊燈好有feel同檯面上既蠟燭仔相映成趣個bar都設計得好好一坐低就送上餐廳自製蕃薯片鍾意佢落得少鹽，感覺上健康d做得好薄片，好脆和風北海道帶子配魚子沙拉 ($108)有青蘋果、沙拉菜、薄切帶子同埋超多魚子係一個好fresh既配搭燒安格斯牛排（10onz）配紅酒燒汁 （$308）好好好大份夠曬我地兩個人食叫左7成熟 佢又做得啱啱好，抵讚！牛味香濃，配埋d醬汁食真係一流個人幾鍾意佢混合左蒜蓉入去既薯蓉好香好惹味佢d番茄係成串甘上 幾得意提拉米蘇（$58）擺盤係幾靚既幾creamy，上下兩層都做得好香好滑中間個層咖啡蛋糕幾入味如果可以做得再厚d就更加好啦Butterfly flower and peach smoothie ($58)做得幾fresh， 偏甜 同埋佢加左比較多冰落去打整體黎講食物質素唔錯，坐落又舒服，係一個唔錯既歇腳點啊食飽就繼續上路打大佬啦：）

難得老公仔放假當然要和他拍下拖sweet下！ 所以揀左一家有小小情調鋸扒又好好味嘅餐廳fine dine 下~ 由於我們習慣吃好早六點鐘左右就到餐廳了， 所以基本上都冇乜人， 好多時連book位都慳番想食就想上去就可以啦！(≧∇≦) 通常我哋都鍾意先來個前菜醒醒胃，非常推介黃金蟹餅配菠蘿沙沙！ 雖然以前菜來說價錢是好像貴了少少， 但係當你見到個黃金蟹餅咬開真係有啖啖蟹肉絲嘅時候， 而且陣陣鮮甜的味道， 有如拍浪般湧上心頭的時候， 都會覺得貴少少都值嘅！ 如果怕熱氣仲可以max埋菠蘿沙沙一齊食， 不單止可以減低油膩感，而且食起來感覺更清新！ 呢個時候再呷一口 mix berry yogurt， 個感覺真係冇得彈！ 即打即製的 雜莓yogurt， 酸甜度啱啱好， 加埋新鮮嘅藍莓紅莓和士多啤梨， 記得要落埋先忌廉呀， 溝埋入藍莓沙冰， 個口感冰涼又帶creamy，感覺正好多smooth 好多架！ 漢堡神偷的我見到鎮店漢堡當然要叫番份挑戰下啦！ 這裏的鎮店漢堡一啲都唔貴喎， 百幾蚊已經大大份！ 個漢堡成座山咁高不單止，仲要有一大堆薯條跟埋， 真係食呢一個漢堡都飽足一日！ 而且真係超級足料，

 這間位於尖沙咀的樓上西餐廳，有很大的落地玻璃窗 燈光配搭調色很有情調，地方寬躺不會太迫促，裝修以淺木色和工業風為主，給客人舒適自然的感覺。  芒果甜蝦沙律$88 沙律菜上面鋪滿芒果，芒果香甜，唯獨份量太少 旁邊圍著五隻肥美的甜蝦，上面仲配上三文魚子，賣相吸引。  法式鵝肝多士 $128 多士香脆，再配上肥美嫩滑的鵝肝，入口即化，不油膩。  黃金蟹餅配菠蘿莎莎 $118 蟹餅炸至金黃酥香，脆炸外皮是薄薄的，內裡整個都是蟹肉  切開看到蟹肉份量不少，配上酸酸甜甜的菠蘿莎莎，十分的開胃。  燒澳洲M5和牛薄切 $168M4和牛口感嫩滑，油花部分豐厚，入口很滑，但一點也不油膩。加入了火箭菜、Parmesan 芝士和陳醋作調味，酸酸地很開胃。  海鮮墨汁意大利飯 $188 意大利飯的材料非常豐富，包括帶子、大蝦、魷魚、青口、魚柳等意大利飯軟硬適中，墨魚汁味香濃突出，每粒米飯都吸滿烏黑黑的墨汁，吃起來很有質感。  忘記是什麼飲料  Mix berry yogurt $58飲品方面很多選擇，有酒精飲品之外還有其他特式飲品。賣相非常精緻，還加了厚厚的一層忌廉及一些雜莓鮮果味道甜甜酸酸的，味道不是

今日晚餐揀左呢間位於北京道嘅餐廳，網上好評甚多，同另一半8點鐘左右來到，餐廳喺裝潢方面幾有格調，同朋友食飯、慶生、聚會都係唔錯嘅地方，開放式嘅吧枱，加上特別嘅燈光效果，幾型。見到menu提供嘅食物種類都唔少，主食好似豬柳、牛扒、羊架，甚至乎意粉、意大利飯等都有，另外由沙律、前菜到甜品、飲品都不缺，尤其是特飲、餐飲、coctail嘅選擇不少，所以好適合食飯飲野、傾計，人多人少都ok。香草孜然單骨雞翼 48：四隻雞翼開邊，價錢唔貴喎，食得出係新鮮熱辣炸出來，炸到好香脆，仲有少少燶邊如果孜然味再勁D，仲好食加拿大芝士焗龍蝦意粉 178：芸芸意粉中，揀左呢款焗龍蝦意粉，足足大半隻龍蝦，賣相吸引用左芝士、蒜蓉咁焗，肉質彈牙、肥美，而且仲要有膏，咁嘅價錢都抵。意粉份量多，用左蕃茄作底，掛汁度高，而且軟硬適中燒安格斯肉眼扒 配紅酒燒汁 308：因為另一半唔食得太生，所以我地點左七成熟。牛扒唔算好大塊或者好厚身，燒得幾香，聞到都想食。仲有用薯蓉、車厘茄伴碟熟成度掌握得好，燒到面頭微脆，而肉質仲好嫩，又juicy，唔會鞋口，當然有牛味，配埋容易入口嘅燒汁，好滿足！apple peach iced tea

為左慶祝男朋友揾到新工作，升職加薪，所以又揾到好藉口食好野！今日要食朋友推介既shine，位於尖沙咀太子集團中心6樓。Shine 的燈光柔和，情調十足，面積不算大，今日星期一，想不到竟然full booking，幸好還有bar枱的位置，所以想食shine記得book位！Shine 既大bar台，睇住調酒師係裡面搖黎搖去，調製客人既飲品，其實都幾有趣。一坐下，店員馬上遞上餐牌和免費的紫薯片！紫薯片好好味，不一會就吃光，餐牌都未睇完呢。今晚沒有做set dinner，只有單點，我們點了兩個main，兩杯飲品和一客小食。安格斯牛柳配青胡椒汁小妹係牛肉控，所以最後都係揀左牛做其中一個主菜，早排係日本日日食牛，真係翻唔到轉頭，好彩shine既牛柳都無令我失望。安格斯牛柳以薯仔和翠肉瓜伴碟，牛柳五成熟，岩岩好唔會老，外面煎香，內裡軟腍，牛味香濃，沾著青胡椒汁更惹味，不過10oz就真係唔夠食呀！意式香辣蜆肉意粉男朋友喜歡蜆肉，所以點了意式香辣蜆肉意粉。蜆肉係新鮮連殼一齊煮，誠意十足，亦為其平凡既外表加添一些亮點。意粉比較幼身，食落口感彈牙，蜆肉新鮮無沙，辣得過癮，不過感覺略為油膩。黃金蟹餅配菠蘿莎莎

好浮誇的一次！請朋友吃飯不能虧待他嘛～$388能吃那麼大只的龍蝦！本來還在爭扎要不要點這款的怕會好少肉但來到了之後真的覺得值了 「啖啖肉」的龍蝦配上芝士汁好好吃而且真的挺大的 配料也很足夠我跟朋友點了墨汁飯 好香很足料有魚有帶子也有蝦跟青口有好多海鮮，好豐富另外值得一提是「冧酒火山」這是一客甜品 外表好靚 個樣好夢幻本來以為只有蛋白跟香味沒想到裡面有雪糕馬卡龍還有水果重點是味道好好吃 是個完美的結束下次絕對會再嚟encore！

所謂一日之計在於晨，早上充足電來迎接新一天非常重要，礙於平日早上都是怱忙趕上班，來到週末定要睡飽加食頓豐富的第一餐，今天與朋友來到 Shine 食brunch。餐廳有 brunch set，不過大家想食些小食，便選了 a la carte menu。芒果甜蝦沙律 - 沙律菜上放了芒果，甜鮮及三文魚籽，有點 fusion 感，食材新鮮，清新之選。脆香魷魚 - 魷魚圈炸得乾身而且沒有很多的炸粉，也不覺油膩，點些蛋黃醬十分滋味。黃金蟹餅 - 又厚身又大塊的蟹餅，炸至金黃色，外脆內軟，裡面全是蟹肉，配酸甜的菠蘿莎莎醬十分開胃。海鮮墨汁意大利飯 - 有多款海鮮，蝦結實彈牙，帶子煎得香嫩，青口及魷魚鮮味，整個意大利飯充滿著墨汁香氣，雖知會食到滿咀烏黑仍然食不停口。食完豐富的小食及主菜，再飲一杯奶泡綿密的 cappuccino，為週末充足電。

又到左呢個sem既最後一個week緊係要出黎食好西減下壓🤘🏻🤘🏻今日放學夜晚就同朋友黎左尖沙咀既呢間西餐廳食飯💕👅今晚黎到呢到既soup, appetizer, main course, dessert同drinks都係散叫，雖然無得成個set咁一次過包哂，但係就多左好多選擇同配搭☺️☺️不過我地兩個女仔食唔到咁多野，只係每人食一個main course同一杯野飲🤓飲品既iced mint chocolate同lychee rose soda賣相都唔錯，飲落都係同expect既差唔多水準🤤每檯會有份小食，唔知係咩黎🙈🙈但係等上菜時可以有野入下口咁😂主菜我哋食咗香煎挪威三文魚同埋燒安格斯肉眼扒，三文魚係半生熟，覺得食半熟嘅三文魚口感唔錯，牛扒本身味道有少少偏鹹，所以點唔點醬都ok😆😆

一坐低就放低左碟烤紫薯片 幾香脆 感覺幾健康😆-首先黎左飲品先▫️Asahi🍺 $62▫️Mojito🍹 $78Mojito係用左Rum, lime juice, mint, soda, sugar調製而成 好好飲😯 絕對係我近來飲過既best Mojito-▫️烤豬肋骨配蜜糖薑汁醬油 $288好大份 豬肋骨肉質超軟腍 用刀輕輕一切已經輕易切開 仲有d軟骨可以食埋 加埋蜜糖薑汁醬油好香 味道甜甜地-▫️海鮮墨汁意大利飯 $188海鮮都幾新鮮 有大蝦 帶子 青口 魷魚 魚柳大蝦爽口彈牙 最好味係粒帶子😋 煎得岩岩好意大利飯亦軟硬適中 加上索哂濃郁既墨汁 好味👍🏻 不過會食到個嘴黑哂🤣-▫️Tiramisu $58當然要食埋甜品先滿足啦💕Tiramisu賣相唔錯 cream好rich好幼滑 酒味唔太濃-總結依到既野食都好好味☺️ 叫左幾樣野食都完全無伏另外仲好想食鎮店漢堡同埋手工豬肉丸子伴溫泉蛋🤤下次黎食要叫依2款‼️

呢度環境舒服寧願，忘卻尖沙咀嘅繁囂；食物有質素，對得住價錢。黃金蟹餅配菠蘿沙沙：菠蘿沙沙帶點醋香和辣椒，酸酸甜甜好開胃，蟹餅新鮮炸起熱辣辣，切開仲冒煙，而且啖啖蟹肉，份量剛剛好，作為前菜非常適合。海鮮墨汁意大利飯：呢個墨魚汁飯絕對係今晚的重點，非常好吃，墨汁固然濃，忌廉汁同樣濃而不膩；意大利飯粒粒分明，軟硬適中；海鮮份量亦不少，蝦肉爽口彈牙。烤豬肋骨配蜜糖薑汁醬油：豬肋骨燒得比較乾身，但肉身都依然嫩口，蜜糖味比薑汁醬油來得突出。呢度飲品選擇都不少，當晚點了朱古力香蕉奶昔和Lights On，味道正常，下次若再光臨可嘗試其他不同選擇。尖沙咀太多賣貴連鎖卻不好吃的食店，呢間合理價錢又好食的確實值得推介。

今日其實係我第二次上嚟㗎喇，上次食過都幾好味 ， 環境又舒適，服務又好，真係可以encore再encore ! 餐廳裡面，地方寬躺 ， 有舒適嘅座位，裝修以淺木色為主，非常 natural ， 好relax ! 叫咗《意大利黑松露薯條$88》做小食，薯條脆卜卜，仲有好香嘅黑松露味， 味道獨特， 十分清香， 再加上芝士，真係十分好味！ 我哋叫咗《意式香辣蜆肉意粉$138》 同 《 全日早餐$148 》 share 食！ 這道《意式香辣蜆肉意粉》 煮得好好， 意粉非常煙韌， 煮意粉嘅時間掌握得好恰當， 蜆肉鮮甜嫩滑，而醬汁被意粉吸收晒，亦加咗自製香料作調味，味道豐富， 美味極至！ 遲起身嘅雀仔唔怕冇早餐食啦！ 《All Day Breakfast 》就最啱我啦。全日早餐材料豐富， 有蛋、 三文魚、 紐倫腸、 ham 同大啡菇等等。 我最鍾意係香濃嫩滑嘅雞蛋、 惹味juicy 嘅大啡菇同鮮味肥美嘅煙三文魚。 加$15 仲可以有《Lychee Rose Soda 》 ， 賣相美麗動人， 有玫瑰花瓣，味道清香， 加上荔枝香味， 又清甜又好味。 雖然天氣唔係太凍， 飲少少暖嘢， 我會覺得特別舒服，