Shine (已結業)

今晚約了朋友到尖沙咀擔心，不如找間比較寧靜西餐廳吧～在漫無目的前往海港城途中，被大大隻『Shine』英文字吸引著，看了一下openrice，好像不錯呢！那就不如即興去試一下吧～一出電梯，大大個Shine字～十分搶眼～在門口是L形的bar枱，如果只係想飲杯嘢呢個位絕對方便呢！很有心思的飲管室內裝修不錯Menu選擇也有不少，意粉扒類海鮮也有，2人或一大班人來吃也適合～煙三文魚凱撒沙律先來一客沙律，喜歡煙三文魚的我當然要點這個煙三文魚海撒沙律～沙律菜清甜爽脆，足夠的沙律汁令整個沙律每一口都充滿美味，配上比較鹹香的煙三文魚，吃完先清一下味蕾然後迎接下一道主食明太子三文魚子海膽意粉這個超級好味!濃濃的忌廉明太子汁，配上大量新鮮海膽和脆卜卜的三文魚子～入口每一啖都超級滿足～意粉每一口都掛滿忌廉明太子汁，比起坊間其他明太子意粉，這個意粉明顯很豪氣～ $188一個絕對值得叫～燒安格斯肉眼牛扒配紅酒汁重頭戲來了！當然唔少得要試一下佢嘅牛扒～我們點了5成熟～配以紅酒汁～牛扒鮮嫩味道濃郁，和其他餐廳不同的是，不是淋上紅酒汁，而是以紅酒和薯蓉打成的醬放在側邊給你試～配菜方面有一串很鮮甜的蕃茄！慢慢的煎香了的小

行開尖沙咀，同行朋友話帶我食好野，難得一聚當然賞面啦。餐廳位置都唔難搵，係九龍公園附近。餐廳雖然唔大，但有情調得黎又靜靜地，岩晒傾計談心。餐牌上既食物雖然款色唔多，但款款都好吸引。叫左小食拼盤，無諗過份量咁誇張。有雞翼，炸洋蔥圈，炸蝦，炸魷魚圈，炸薯條共五種炸物，雖然炸野係熱氣，但熱辣辣趣卜卜，又真係好難忍到口，每一種都好食，魷魚圈口感最特別，煙煙韌韌又趣口，讚！海膽好新鮮，食得出海水味好鮮甜，三文魚籽粒粒都晶瑩剔透，咬落去瞬間係咀入面爆開，充滿魚油既香味。而且意粉配明太子忌廉汁，香濃得黎又滑又creamy。五成熟既安格斯配紅酒黑椒汁，煮得岩岩好。保留到肉汁之餘又唔韌，軟林林，脂肪分佈平均，唔錯。另外伴碟既薯片都好好食，怖滿海苔粉，好似食緊紫菜味既薯片一樣。雖然價錢算中上，餐廳充滿情調之餘，食物又高質，值回票價。

尖沙咀區西餐太多選擇，這晚是慶祝好朋友生日所以提前了一星期預約，諗住比個驚喜佢！餐廳在北京道近地鐵，星期一都唔算多人，因為提前預約，餐廳預留了卡位給我們三人！餐廳是沒有水供應的，由於我們都不喜歡凍飲及不想喝酒所以只order了一支水share 飲！我們點了紅菜頭意大利飯、黑松露大菲菇飯、單骨雞翼，原本order 明太子海膽意粉但剛剛海膽缺貨菜單轉用帶子，各款味道不錯特別要推介一下小食黃金蟹餅！ 因為是朋友生日，點了一客甜品並寫了happy birthday 不太甜，味道剛剛好值得推介！

今晚約左空少朋友食飯，成日托佢買野有點唔好意思😬 一於請佢請番餐飯😋 約左依一間我很喜歡既西餐廳，話哂請人食飯，有質素保證係好重要的🥰 今晚大家都食得好滿足，每樣食物都好好味，值得推薦。--♥️凱薩沙律配煙三文魚 $78煙三文魚凱薩沙律是一道平常但百吃不厭的沙律。沙律作為清新開胃前菜確實不錯；材料上乘，嫩綠爽脆沙律菜色澤新鮮，而且份量多。配上麵包乾碎及咸香的煙三文魚，美味又健康。-♥️BBQ醬配燒豬肋骨 $268燒豬肋骨配以醒胃惹味的BBQ醬，總是令人垂涎欲滴。高溫烤到焦香，但肉質保持軟嫩，加上美味的醬汁，朋友用手吃，食到10隻手指都啜晒😆😆 配上沙律菜，中和油膩感。-♥️奇津薯條 🍟$68炸到黃金酥脆的粗薯條，配上惹味的Cajun 粉很惹味。-♥️香辣蜆肉意粉 $148意粉口感清爽彈牙，蒜香微辣惹味蜆肉份量多粒粒鮮甜-♥️Drink Passion fruit lemon soda $58酸酸甜甜挺開胃，還有粒粒爆珠很特別。-Asahi $78朋友說薯條要配啤酒🍻咁先夠爽-

好似好耐都無去啲好浪漫既西餐廳了，上網見到呢間既食物好似不錯，特別是他們家的-明太子海膽意粉，有很多人都讚不絕口飲品餐牌有很多選擇，好多杯都想飲，花多繚亂，最後都揀了一小陣，先決定到龍蝦湯 $88久違了的龍蝦湯，每次見到餐牌上有呢個湯都會必點，裡面還有一小隻龍蝦仔明太子海膽意粉 $188今晚的重頭戲果然無令小編失望，以為淨係得明太子同海膽，黎到時仲有三文魚魚籽，好味每一條意粉都沾了濃濃好creamy既明太子醬，令人食完會想食第二碟Mixed Berry Yogurt $68Order既時候，侍應姐姐會提醒一下會有cream, 會詢問是否都需要，小編當然樂意接受Mr. Cool $68裡面有Lychee, Mint, ginger ale，Mix埋一齊，很清新的一杯Mocktail，估唔到味道都幾夾黑松露薯條 $78黑松露碎直接撒上粗薯條，是即炸的，遠遠的已經聞到了黑松露香味，還附上了蕃茄醬，如果有多兩款醬汁就更好了閃 $98一個甜品拼盤，有紅桑子味既蛋糕，Chocolate Brownie, 馬卡龍，個人認為最好味係’’伯爵茶慕絲蛋糕‘’

一向是愛吃西餐的朋友，相約好友食飯吹水，我會簡坐得舒服又有食物質素的餐廳啦！Shine 位於尖沙咀區，方便放工相約朋友開餐！menu 比我之前吃的時候有更新，那就可以俾個機會我試下新菜式啦！放工太肚餓，要快d點菜啦！和風北海道帶子配魚子沙律餐前要吃個沙律開一開胃先！沙律菜中加入了鮮橙肉及麻醬，令醬汁帶著有點醒神的香橙味及芝麻香味！伴著新鮮的帶子及魚子將沙律的層次提升不少了！香煎挪威三文魚扒配香草忌廉檸檬汁今晚是我們的海鮮之夜，三文魚煎成金黃色的外層封著油脂感十足的魚香味！魚皮煎成脆脆的，好好味呀！！加拿大龍蝦意大利飯我是龍蝦的愛好者！開邊龍蝦混合了芝士及香草焗起，香氣撲鼻！龍蝦肉十分彈牙，配上吸收了所有精華的意大利飯一同吃，簡直幸福感十足！心太軟晚餐尾聲，當然要吃甜品啦！心太軟即叫即製，一上檯已經有濃濃的朱古力香味，熱辣辣的朱古力醬配上雪糕，是完美的黑白配呀！特濃咖啡雪糕杯咖啡十分香濃，撞上雪糕，又是一個很rich 很幼滑的甜品呀！環境及氣氛良好，食物又有保證，是我喜愛與好友們相聚的好地方呀❤️

與朋友慶祝生日，當然不能隨便選家餐廳，幾人商量過後，最後選了這家網上風評還不錯的Shine而且它位於尖沙咀，位置比較方便，也適合我們幾個下班後集合～和風北海道帶子配魚子沙津開胃前菜，帶子和魚子都非常新鮮，鮮甜，完全不腥，比我平日在好些壽司店吃到的還要好吃，有點意外。唯一缺點就是份量有點少？但真的很好吃啊～～明太子海膽意粉$188（前）；黑松露大啡菇意大利飯$148（後）全餐最大驚喜可能是後面這個黑松露大啡菇意大利飯！意大利飯配上份量不少的黑松露，本來就已經香氣四溢，再加上放在上面微微烤過的大啡菇，兩者配合恰到好處，香而不會太膩，很符合我的胃口！！明太子海膽意粉也很不錯，相對意大利飯來說會濃味和膩一點，但如果是本身喜歡明太子的人（像我XD）應該會挺滿意的。香煎牛肋骨(35oz)配雜菜牛肋骨要了七成熟，配上燒汁，肉質不錯，吃起來不會太韌，很香軟，而且份量真的足，三個女生吃其實有點多XDFull of Passion $68/Celebration $88/Shine $108照慣例我不喝酒，所以要了一杯無酒精的Full of Passion。不過朋友的Celebration和Shine我也

話說那天同中同去食生日飯，因為係weekday的關係，就大家放工方便，所以揾左尖沙咀的餐廳。呢間餐廳係地鐵站isquare一出行5分鐘左右就到。一入到去覺得環境都幾闊落，幾適合傾計。個餐牌選擇都好多，最後我地叫左四樣野食，分別係和風北海道帶子配魚子沙律、黑松露大啡菇意大利飯、明太子海膽意粉同香煎牛肋骨。飲品方面我就叫左杯cocktail Celebration, 切合慶祝主題。一嚟就係上個沙律，的的飾飾，以為只係賣相好睇，點知食落勁鮮味，真係令人吃出望外！之後嚟既係意粉同意大利飯，兩個都好creamy，唔乾身，味道恰到好處，讓人好想添完一次再一次。自己平時都鍾意大啡菇，雖然配黑松露係常見配搭，但呢度真係煮得好好味，值得其他大啡菇同好人士嚟試下。而我就係第一次食海膽配意大利飯，以前都係食日本野先食海膽，有時係香港都好少食到好味既，呢度就真係好好味，係新鮮同香的。牛肋骨就真係好大份，有35oz。本來以為會多骨，但又唔會喎，勁多肉食。因為之前食左意粉同飯，三個人最後食唔曬，所以有啲可惜。建議女士們，大家下次嚟想食牛肋骨，另外配一個意粉或飯，再加前菜或小食，其實都可能夠啦。呢度地理位置方便，食

星期三約左男友放工行尖沙咀睇衫，上網見Shine 啲食評幾好又多Like，就揀左衣間食癲拿。我地兩個勁肚餓，一坐低就叫左前菜主菜同勁多小食😜。有凱撒沙律配西班牙火腿、炸魷魚圈、黃金蟹餅、水牛雞翼同安格斯牛扒(五成熟)。先黎個凱撒沙律做前菜，啲沙律菜好新鮮，麵包粒又脆卜卜，仲有炸煙肉粒同西班牙火腿，成碟都好好味，成碟沙律都比我地清晒。再黎炸魷魚圈，熱辣辣，又香脆，配埋沙律醬比我點，好好味。再黎黃金蟹餅，嘩，新鮮炸夠晒熱辣辣，外脆內軟，裡面啖啖蟹肉夠足料，啱晒我男友衣啲鍾意食蟹又懶拆殼既人👍🏻。配菜連埋塊燒過既菠蘿同少少沙律菜，甜甜酸酸好開胃，食完蟹餅都唔覺油膩。好細心抵讚 ! 黎多個水牛雞翼，啲雞翼隻隻好大隻，啲醬汁辣得嚟好野味，食完一隻又一隻停唔到口。但最後果隻雞翼由於太大隻好厚肉，入面有啲未熟得透姐。個侍應見我地張枱已經擺滿食物，所以同我地講一陣想上埋塊牛扒時，佢先叫廚房即刻煮，好細心。但我地都叫佢隨時可以上，拿拿林執靚張枱，留返個位比佢上牛扒😋。塊牛扒五成熟岩岩好，牛味濃，一啲都唔un，配菜仲有炒珍珠菇同薯蓉墊底，主菜同配菜都勁好味，衣道菜絕對係必食推介 !

情人節因為加班沒有跟女友去吃飯，差點沒被殺死，今天補充慶祝一下，就找了一家比較漂亮的fine dining餐廳。一上去就覺得餐廳很有feeling，尤其看到幾枱美女，馬上覺得值得了（被毆打）。這家餐廳只有a la carte，但份量都滿多，約$500就可以飽足試完4個courses。前菜我點了一個沙律，不算很美味但份量很大，雜菜的水份很足，番茄，紅蘿蔔等都齊全，也沒有下醬汁，非常適合減重人士，那些膳食纖維應該足夠我們2人吃了～另一份前菜是我的最愛水牛城雞翼，辣勁適中帶沙律醬，甜中帶辣，超開胃，但size很巨大唷，吃完已經半飽了！不得不提龍蝦湯裏面的龍蝦肉超新鮮，極鮮甜！不過湯的份量略嫌有點不足呢。牛排的價值不菲，單件要價$318，不過挺大份的，脂肪跟肉的比例很好，大概７：３，而且沒有吃到筋，５成熟剛剛好～肉香跟脂香都很平衡。最特別的要數他們的青椒醬，大大顆的黑胡椒加上青醬辣中帶香，還滿好吃的。有點奇怪的是他們附送的竟然不是薯仔或薯條，而是薯片！厚切薯片還真的別有一番風味，不過配牛排就略略有點油膩。全晚最抵的莫過於＂閃＂了吧？$98就有幾款不同的甜品，而且質素絕對不會馬虎，布朗尼甜度很低

情人節無話一定要同情人過嘅，同朋友過一樣開心，今次難得喺尖沙咀搵到間樓上西餐廳，喺正I square後面，一卜就卜到，勁方便！餐廳燈光較暗，氛圍不錯，見到有好幾pair情侶都揀左呢度用餐，因為都唔算多人，可以靜靜享受！講下食物先！頭盤叫左煙三文魚Cesar salad,非常足料，菜都新鮮！食多啲菜為陣間食肉做準備頭盤仲叫左和牛薄切，牛味好重，好有咬口，友人覺得韌，我就覺得可接受，睇個人接受程度。由於我地3個都好中意食雞翼，於是指定要點水牛城雞翼，睇下啲汁厚身到好惹味，正！必點！我地仲點左德國脆炸咸豬手，都夠脆，肥瘦均勻多汁，雖未到驚艷，但都合水準！到明太子海膽意粉嚟到時，我地已經好飽，不過見到佢啲海膽咁多，真係忍唔住一啖擺落口！一啲都唔腥！正！我地坐喺度傾計傾左好耐，完全唔會有人趕我地走，抵讚！傾到口渴所以我地每人叫左2杯嘢飲最後埋單$1307, 少貴啦，但係食氣氛，我覺得都值嘅！

“Shine”is one of my favourite restaurant in Tsim Sha Tsui especially I love their menu very much!This time I would like to try their brunch menu~It is amazing and made me surprised as their brunch menu even more attractive I think !We came here is not lunch time nor tea time, so people not much, but i feel more relaxing and comfortable The environment is large and wideFeeling vintage The lighting is so soft This drink that I ordered the first time & the taste is pretty nice , looks good even is

朋友約我去尖沙咀晚飯，因為佢好想食佢哋啲甜品。來到時，餐廳好full，人氣超旺，所以只有高檯位。朋友話，好彩佢今日唔係著裙，哈哈!雖然客人比較多，食物上得都好快，有效率，抵讚!和風北海道帶子配魚子沙律賣相幾特別，分兩個玻璃器皿裝住啲帶子、魚子和沙律。沙律味道清新，魚子味道鹹鹹地幾惹味，帶子就非常鮮甜。芝士南瓜意大利飯上面一層是濃濃的芝士，味道濃郁夠香。飯裡面有好多南瓜粒，煮得腍，而且非常之香，飯粒的軟硬度適中，啱晒我哋口味。BBQ醬配豬肋骨份量足，燒得香，肉厚而且入味。藍梅芝士蛋糕算大件，沒有令我失望。藍梅和芝,士的味道好夾，很好味。朱古力心太軟朋友就是為了佢而專登約埋我來。雪糕嗰part好香滑，焗cake嗰part熱辣辣，朱古力又好味。睇見朋友食得咁開心，我都好開心!

琴晚朋友約左我食晚飯幫我慶祝生日～☺️去左呢間位於尖沙嘴嘅西餐廳。呢間西餐廳環境好寬敞好chill，坐得好舒服😌食物種類都幾多元化，仲有供應多款酒精飲品同無酒精飲品，好適合同朋友飲返杯～☺️我地叫左一個頭盤同三個主菜，分別係和風北海道帶子配魚子沙律、明太子海膽意粉、黑松露大啡菇意大利飯同香煎牛肋骨配雜菜。沙律個dressing 酸酸甜甜，好refreshing，同埋帶子好新鮮，魚子響口中爆開，口感層次更豐富。明太子海膽意粉超級好味！因為海膽好新鮮，味道非常鮮甜～加埋用明太子煮嘅cream sauce，食落好惹味、好香濃☺️黑松露大啡菇都非常美味，因為黑松露味好濃，大啡菇味道鮮甜又多汁，義大利飯整得軟硬適中，好creamy~☺️牛肋骨陣容鼎盛！足足有35安士重，夠曬霸氣呀！雖然睇落大大份好似好粗獷咁，但食落肉質都幾嫩，而且充滿肉汁，旁邊嘅配菜都沾染左牛肋骨嘅香味😋食到我舔舔👅飲品方面我地就叫左一杯mocktail同兩杯cocktail。Mocktail (Full of Passion) 好fruity ，飲落似fruit punch。Cocktail (Celebration 同Shine)酒

有朋友生日，決定食餐好慶祝下，一行3人Book咗間位於尖沙嘴嘅餐廳。上到去見到餐廳都幾Full ，好彩book咗。而餐廳嘅設計偏向工業風，型格有格調，我地被安排坐係一張近Bar枱嘅四人枱。因為我地食飯既日子臨近情人節，所以都見到都有唔少情侶係到慶祝。食物選擇都算多款式，最後我地揀咗凱撒沙律配煙三文魚、和牛薄切、水牛城雞翼、明太子海膽意粉同德國脆炸咸豬手。而飲品方面就叫咗Devil and Angel、Peach Yogurt 同 Passion Fruit Lemon Soda。 第一道菜係凱撒沙律配煙三文魚，好大盤，3個人食好足夠。煙三文魚有2大塊，沙律菜都幾fresh ，加埋啲芝士碎同麵包粒，食落味道剛剛好，口感好豐富。 第二道菜係和牛薄切，本身和牛嘅牛味濃郁，加埋芝士好濃味，但配合埋酸酸甜甜嘅醬汁，食落有一種好清新的感覺，但我自己就鐘意唔點醬，食和牛嘅牛味。 水牛雞翼炸得剛剛好，肉質鮮嫩，加埋個醬，酸酸酸酸，好開罥。 到主食，明太子海膽意粉，望落見到三文魚籽好足料，鋪滿晒成個意粉面，味道唔錯。而海膽食落好新鮮，冇腥臭味，如果係海膽愛好者唔好錯過。個醬都好creamy，意粉撈埋海膽