Sabatini 意大利餐廳

營業中

休息中

疫情關係，餐廳提早開11:00，食11:00嘅2:00 last order，3:00前要離開。由於晚上6:00後禁堂食，餐廳唯有做兩轉生意。原本無限時變到有限時，但其實時間好充足，都唔會趕嘅。麵包自制嘅，每款都好好食。意大利菜湯雜菜味濃，伴麵包一流。餐廳會先上一盤前菜/海鮮拼盤，內有哈蜜瓜加火腿，咸香火腿加哈蜜瓜嘅甜簡直係絕配。蟹腳偏咸、龍蝦仲老過本人，所以就算可以無限添食，我都無再encore喇。即制/燒烤食物要自己出去點嘅，佢個他他牛就必食啦；個松露蛋多士都好味，蛋滑，加埋淡淡松露味又係好夾嘅。主菜個羊超級好味，肉嫩多汁，好pink唔會老.... 推..... 個三文魚就正常.....到上甜品時其實都已經飽到上心口，甜品中tiramisu 最好味，其他都正常，無失望。以食物質素及服務計，性價比都高嘅，想食餐好嘅不妨一試。

之前試過Sunday Brunch , 覺得算抵食，水準亦高 。 今次試吓平日的set lunch . 覺得水準都係差唔多，價錢唔算平，可接受。有機會會再次光顧。特別喜歡頭盤的鴨肝和意粉.如果食量比較大嘅可能會覺得Sunday Brunch抵食好多因為比多$200頭盤就可以無限量地食 又有龍蝦 又有長腳蟹 重有魚子醬。

Sabatini 已經食過好多次，食物都維持水準，可能仲有好多餐廳再好食啲，但我每次嚟都食都會覺得好開心好舒服又唔會覺得太焗促，上個月嚟食過两次仲覺得服務員比之前更加的親和主動，感覺更好 自疫情底下再無得自己出去 salad bar 自取有啲可惜，須然一樣可以任點任食，但始終無自己出去揀咁興奮😆 risotto 整得好，而主菜基本上每次都係食羊架，好味；甜品必選一定係聖安娜+拿破倫😋（試過一次叫咗两件聖安娜……太飽了😂）因為疫情關係，酒店包括餐廳要停業14天，希望一切都安然無恙，員工們都健健康康啦。以後我還是會繼續支持 Sabatini 的。

My staycation package included a set lunch in Sabatini and this was my main point of choosing this staycation package. Even with my high expectation, its better than what I expected! The service was superb as all of the staffs r very friendly, the food was delicious and have this posh look. starter~then the main spagetti I particularly admire the dessert! I could choose 2 from the dessert cart and the tiramisu was fabulous! the Mango Mille feuille was the BEST!

一入去便覺得服務非常好，裝修非常有氣派，所用的餐具也很精緻，所以非常高興，是一間用心的意大利餐廳。頭盤的前菜豐盛得我意想不到，有煙三文魚芝士雜菜及沙拉，Parma ham和蜜瓜，不過我忘記拍照。主菜點了時日意粉及牛扒，反而意粉有驚喜。牛排衹是普通。甜品是在甜品車選擇，可以選兩款，吃完都飽了。最後點了一杯咖啡，完美地完成午餐。

今天選擇平日到Sabatini食午餐, 準時十二時入座. 餐廳裝修classic, 深木色橫樑, 牆身有手繪圖案＆擺設, 天花有吊燈, 牆身有壁燈, 燈光較暗, 唯一缺點是樓底較低, 到用餐高峰期, 人多聲音較響當服務員安排入座後, 隨即熱情招呼, 奉上餐桌水＆介紹午餐食物內容, 自己可自由配搭食多少道菜🍴:-頭盤＋意粉＋甜品＋飲品-頭盤＋主菜＋甜品＋飲品-頭盤＋意粉＋主菜＋甜品＋飲品我們選擇四道菜🍴😬😬麵包籃: 內有三款麵包🍞🥖, 外脆內軟, 配上意大利醋＆橄欖油點食頭盤: 意式頭盤, 有齊下列食物, 食完亦可免費添食. 風乾火腿蜜瓜最為出色, 其他食物亦很新鮮朋友選擇鵝肝配多士＆風乾火腿配蜜瓜(忘記影相😅)鵝肝煎得好乾身, 脆多士墊底, 風乾火腿甘香 配甜美蜜瓜🍈意粉: 看似一個普通鮮蕃茄意粉🍝. 當服務員介紹完, 即時心想是否咁勁?! 🤔 (原因是蕃茄醬汁是用幾種食材煮成, 不過聽完只記得有魚,上湯......等等😅). 實質味道非常鮮美＆濃味, 有一種估不到的味道😋👍另外意粉質地有咬口主菜: 燉煮牛小排骨配薯蓉, 紅酒汁. 肉質嫩口, 牛味較重, 亦有騷味主菜: 煎鱈魚, 洋蔥

小弟四月試過帝苑越南菜，實在係食過返尋味，今次同寶寶去帝苑意大利餐廳sabatini ，哇！超高水準啊！去呢間餐廳，一定要book位，雖然疫症時間，但午膳期間亦坐滿七成，果然香港嘅皇牌酒店，犀利犀利！溫提呢間餐廳有外藉侍應，撞正外國人serve嘅話，要用英文點餐！小弟讀書唔成，英文麻麻，好彩有寶寶幫我點餐叫咗個2份set lunch ，侍應都好熱情推介架，服務一流埋位之先，已經奉上一籃麵包，注意係一大籃，基本上用嚟點湯都已經好飽！麵包份量十足，不過un咗少少，可能意大利口味！soup of day係洋蔥忌廉蘑菇湯，同金寶湯完全唔同，好香忌廉味！pasta分別就叫咗Risotto 同Potato,呢個小弟真係唔識食，食咗咩都唔係好知道，Potato果個食落甜甜地，口感幾特別、Risotto咸咗少少，唔係幾識欣賞到Main course 嘅Lamb chop,medium 熟度剛剛好，咬落落滿口肉香，1d都唔騷！到Dessert,呢到會推架甜品車去客人隔離俾人揀，蛋糕size啱啱好，仲要俾人揀2件，可以試多樣。小弟叫咗cheesecake 同chocolate cake ,cheeseca

聽說Sabatini是一間好好味既意大利餐飯，想試很久，終於趁生日來了品嘗一下他們的午餐。點了蕃茄濃湯，味道不錯原本想試大蝦意粉，可惜我去的那天沒有，所以點了這個西蘭花意粉，味道很一般☹老公點了魚，都好味既，但感覺其他西餐廳都可以做到這個水準～甜點每人可選3款，岩哂貪新鮮想試多d唔同款式既我

上星期Uncle請左我去餐廳吃lunch，佢推介尖沙咀Sabatini，其實都好一段日子冇去嗰度食嘢，細個覺得呢度係全香港最好食的意大利餐廳，真係唔知點解，而家大佐少左去尖東食飯。餐廳裝修冇乜改變，感覺classic ，有氣派但有點老派了。前菜麵包幾出色，三種包我都好鍾意食，主菜叫咗個魚，同埋侍應推介的海鮮蝦意粉同意大利燉飯雙拼。個魚煎得好香脆，魚身夠嫩夠滑，又夠油份。鮮蝦意粉，有意大利特色，蝦彈牙有點蝦味，海鮮味十足，意粉口感有點軟身，吃不出小麥香。意大利燉飯，飯身chewy有口感，味道就一般。甜品有芝士餅及水果tart，餐飲叫咗個cuppicchino 口感好滑好香，果然是意大利的餐廳出品，配上蝴蝶酥絕不失禮。

去過幾次令人驚艷的weekend brunch，今次試下佢地平日的lunch set, 雖然冇live brand, 食物和服務質素都keep住一如既往的水準👍🏻一坐低就送上bread basket, 3款麵包都非常煙韌可口，讓人一口接一口疫情關係冇左salad bar，改為一碟上比你鴨肝都煎得脆口，脂香感十足，Parma ham 配蜜瓜，蜜瓜較為淡我地其中一人叫多個pasta，waiter仲問我地會唔會share食，自動分開兩碟方便我地share😍松露汁長通粉😋Roast of the day -lamp chop, 有咬口得來又唔韌老公叫左beef short rib中規中矩，不得不提side dish的mashed potato都同樣出色,又香又滑甜品方面，waiter會推住一架甜品車比你揀兩款，可以既話我全部都想食😛St Honore cake 同拿破崙冇得輸👍🏻👍🏻加多$60仲有杯Prosecco 🥂呢個lunch set真心抵食

早兩個月, 疫症期間, 朋友同我食生日lunch~預先book 左兩位, 黎到就安排入座.侍應熱情款待, 又有耐性地介紹每項菜式👍🏻我地叫左3-course 同4-course 嘅lunch set. 有一籃麵包, 配香醋同olive oil.set lunch有前菜, main, dessert.前菜我地揀左意式拼盤真係好多種類好滿足好好味呀😍😍有烤蔬菜, 菇, 水牛芝士, 煙三文魚, ham, 仲有黎麥沙律main 我叫左個煎豬扒, 無雪藏味, 又唔會咬唔開, 好食👍🏻4-course 嘅有多一個pasta, 我地怕食唔晒, 所以只叫左一個, 揀左意大利雲吞.係蕃茄汁, 入面包有芝士, 共有4粒, 我同朋友share~ 味道比較濃. 食到呢刻, 已經鮑啦, 但係仲未食甜品同埋未飲野.甜品揀左platter, 餐廳幫我地group 埋做一份, 仲整左個生日牌俾我, 侍應又幫我地影相, 真係好開心.甜品有兩件拿破崙蛋糕, 朱古力蛋糕同芒果酥皮蛋糕, 但食晒先發現竟然無最signature 嘅tiramisu, 好傷心😭 不過蛋糕好好食呀! 絕不馬虎!!飲品仲配有蝴蝶酥同埋朱古力糖果,

原來是一所經典、浪漫💕、舊派的意大利餐廳。俾我地一行六個美女+靚太改寫成兩個噓.......今晚啦！充滿喜樂的一晚，歡笑震遍整個餐廳。今晚試咗佢地個Chef’s tasting menu! 加埋 additional truffle, 都係每人千五有找👍🏻 分量雖然偏小，但女仕一定足夠！男仕可能要食多啲breadstick!😂😂特別推介：「自家製貝殼粉配牛肝菌、巴馬臣芝士忌廉及澳洲黑松露菌」，fresh 貝殼粉的口感QQ又夠煙韌，sliced truffle 又夠fresh&味濃!「火焰車厘子配杏仁雪糕及開心果」，原來用酒煮過的車厘子🍒係咁特別杏仁雪糕都好味！（本身對杏仁冇嘜好感）但呢個甜品配搭絕對有驚喜！

德國黑森林3A白蘆筍 • 5月最當做今年係喺香港品嚐白蘆筍嘅最佳年份，基於歐洲疫情原因😫，當地沒有了旅客，令以往未能大量出口的3A級白蘆筍，今年喺香港都有機會吃到。大家又知唔知點解白蘆筍係白色的呢？ 白蘆筍於生長過程中不見天日，農夫種植時須不斷添加泥土把蘆筍遮蓋，避接觸陽光，才得以保持白淨鮮嫩。全球種植白蘆筍的國家也不少，當中以德國南部黑森林地區出產的質素最高，獲譽為極品。而3A級別就係極品中的極品，以大小直徑評級，達28mm或以上才稱得上最高之3A級別。今晚吃的這條粗壯肥美的白蘆筍味道真的非常鮮甜，嫰滑冇渣，根本不用點任何醬汁，原汁原味就最好食。配埋Sabatini招牌48個月風乾黑毛豬火腿，這碟期間限定白蘆筍菜式，只售$244(半份)，如圖中的是半份已有一大條，如叫一份($488)份量就會加倍，個人認為超值。另外亦推介大家喝白蘆筍帶子湯($188)及白蘆筍carbonara($348)。每天由pasta chef精心炮製的貝殼意粉，質感超級Q彈，有別於坊間的煙肉蛋汁，這個沒有下忌廉的輕盈版本非常合我心意，亦能突出白蘆筍的清甜。五月及六月都係最當做季節，大家千祈唔好錯過呢個可以喺香

Sabatini一直喺我好想試嘅餐廳,最近因為疫情而大受打擊嘅酒店業亦都相繼推出優惠, Sabatini就在嘅帝苑酒店Royal Garden推出左優惠組合,價錢非常吸引,小編就把握機會初嘗呢間香港以至世界有名嘅意大利餐廳。Sabatini最初於1954 年在羅馬開業。此後Sabatini在全球再開設2間分店，香港帝苑酒店的分店就是其中之一。Sabatini亦奪得有酒店界米芝蓮之稱嘅福布斯4星餐廳榮譽。。。▪️ 今次帝苑酒店呢個優惠$1580包Sabatini二人晚餐,加送一晚酒店住宿 (加一服務費後$1738),而set dinner每位$800,即係話送你一晚酒店住宿!▪️以下會根據餐廳menu寫出/估計每樣食物嘅價錢。。🔘 意大利傳統麵包籃 | 免費評分: 🌕🌕🌕🌗🌑評語: 包括有香草包,法包以及Grissini麵包棒。麵包尤以香草包出色,全個包籃食晒相信都已經飽左😂。。🔘 意大利帕爾馬火腿伴蜜瓜配香煎鴨肝 | 估計~$348評分: 🌕🌕🌕🌕🌗評語: 應該係成本嘅關係,近年好多高級餐廳都轉用鴨肝取代鵝肝。今次呢個鴨肝相信喺小編我近年食過最好食嘅鵝/鴨肝,煎得相當香之餘亦冇任何鴨羶味,

見到帝苑酒店做緊優惠，住一晚仲包晚餐， 都只係一千七百蚊兩位，而且仲要係頗有名氣的意大利餐廳 Sabatini， 絕對不能錯過！環境：作為一間老牌的意大利餐廳，由入口開始擺放嘅裝飾，拱形的走廊設計，Sabatini 的裝潢仿佛令人感覺置身於歐洲。以陰暗嘅格調做主題，每張抬上放上蠟燭，帶給人浪漫的感覺，難怪都成為年輕情侶至老夫老妻慶祝紀念日嘅不二之選。係我哋食飯當日，目到至少有七枱朋友為另一半慶祝生日，剩係聽生日歌都聽左七次，哈哈！不過都係一件令人值得開心嘅事！Live Music:相信唔少人都知，呢度其中一樣令人吸引之處就係佢嘅 Live Music ，當晚有雨位外國人不定時為客人獻唱音樂，柔和嘅結他聲配上悦耳甜美嘅歌聲，絕對係美食以外最好嘅配菜！仲有，去到晚段時間，歌手會去多謝客人來臨，仲會問每抬有冇咩歌想點唱，如果同另一半一邊慶祝紀念日，一邊聽住屬於你哋嘅歌，係幾咁浪漫！食物：我哋其實今次有幸去到 Sabatini 食飯，並唔係慶祝紀念日，而係見咁平，買左帝苑酒店嘅一晚住宿連意大利餐廳晚餐套票，都只係承惠$1760，平時雨位去 Sabatini 食一餐可能都唔止呢個價，抵呀！我哋嘅