影片
開飯介紹
Sabatini意大利餐廳的食物和室內設計跟隨羅馬總店，餐具、桌布、餐酒等均產自意大利，食材從意大利空運來港。Sabatini意大利餐廳提供時令美食，更有多種酒類選擇。招牌菜包括招牌意大利扁意粉伴小龍蝦、蜆肉、青口、番茄汁；燒羊排、米蘭式香炸牛仔扒。逢星期三至六晚上及星期日中午有樂隊現場表演，是情侶約會或慶祝紀念日勝地。
繼續閱讀
獎項殊榮
最優秀開飯意大利菜餐廳 (2011,2015), 最優秀服務開飯熱店 (2013-14)
特色
浪漫情調
慶祝紀念日
附加資料
餐廳或帝苑餅店可提供蛋糕訂購。若客人自攜蛋糕在餐廳進食，切餅費每磅$250，兩磅$500。
營業時間
今日營業
11:30 - 23:00
星期一至五
12:00 - 23:00
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
相關文章
食評 (446)
今次同朋友揀左2個set share 食Appetizer ,Pasta ,Dessert $468Appetizer ,Main course,Dessert $528任食前菜選擇非常之多 。一眼望落去七彩繽紛已經好開胃。Parma Ham 配哈蜜瓜。三文魚當然不會錯過啦。沙律菜都好fresh。麵包熱辣辣， 一定要配橄欖油同埋醋。好好味。意大利飯配風乾火腿，藍芝士及香梨。芝士味道好香濃。 火腿偏咸但超惹味。燴牛肋肉配薯蓉及紅酒汁。牛肉燴得好腍。 紅酒汁配落呢個牛肉到，肉汁好好味。最開心係一架甜品餐車推過嚟😍有好多選擇。每人可以選兩款甜品。 我哋揀咗最出名嘅Tiramisu同埋拿破崙。 Tiramisu好滑。拿破崙超好香脆。咖啡一放低已經聞到陣陣香味。仲有帝苑最出名嘅蝴蝶酥加曲奇餅已經好飽喇食唔落。佢哋仲好細心幫我打包攞走。加埋絲帶好精緻。
繼續閱讀
今日朋友生日，所以就同佢去咗酒店食飯佢話想食西餐，所以我就揀咗呢度首先我哋叫咗個湯，然後再叫咗個八爪魚，最後叫咗牛扒不得不讚牛扒，肉質超正完全係有一種入口即溶嘅感覺，而且佢嘅薯仔加埋蛋係好好食❤️最後我哋叫咗多款甜品，而我最建議大家食就係Tiramisu最後終結有帝苑嘅蝴蝶酥Very good night❤️
繼續閱讀
Sabatini 意大利餐廳 (尖沙咀)📍尖沙咀麼地道69號帝苑酒店3樓上年為慶祝紀念日去咗呢個傳統Fine dinningVibes 好好Service 都好好 野食都唔差見到架甜品車直頭心心眼全部 A la cart 還記得當日食飽 慶幸無流理其他地方直接回家當晚倒水咁落大雨 短時間內變黑雨還有是第二天 餐廳經理wts 叫我返餐廳重新付款😒因為佢地cancel 咗個credit card transaction 原以為而家科技發達 online payment都普遍佢地話我過唔到去就要填表 print 張授權form 簽名😨果陣2023年 係五星酒店內嘅餐廳仲係咁落後又唔知點解我地咩都無做過 結果個餐廳又收到錢佢背後做咗啲乜我唔清楚 最終都係過咗數
繼續閱讀
呢間餐廳其中一個特色係總廚會因應當時seasonal嘅食材，加上佢嘅Network去sourcing ingridients。 最近餐廳leverage 2024年福布斯旅遊指南四星榮譽，今次嘅tasting menu就係以A3等級嘅白蘆筍為主題。食物：一個前菜一個湯三個main dish，份量非常之足夠1. 水煮白蘆筍配 48 個月西班牙黑毛豬風乾火腿及蛋黃醬 - 作為頭盤，白蘆筍的質感嫩滑，與風乾火腿的鹹香味道形成了完美的對比。蛋黃醬的濃郁口感提升了整道菜的層次感。2.龍蝦濃湯 - 濃郁鮮美，龍蝦的鮮甜和湯的濃郁相互融合，令人回味無窮。3.白蘆筍意大利飯 - 以綿密的米飯搭配鮮嫩的白蘆筍，質感豐富，口感鮮美，相對較為清淡唔會過膩。4.自製貝殼粉配意大利西西里紅蝦、車匣番茄及香草 - 記得擠壓蝦頭嘅蝦膏出嚟，帶來了豐富的海鮮風味，令人驚艷；自製貝殼粉亦有別於一般意粉質感，口感非常Q彈。5.黃油雞卷配羊肚菌及香炸白蘆筍 - 係我最期待嘅一道菜，雞肉的鮮嫩與羊肚菌的香氣相得益彰，炸過的白蘆筍更增添了口感的豐富度。6.甜品：樓下fine food shop多款出名嘅甜品，加上蝴蝶酥，完全可以滿足鍾意食甜品嘅你，喺甜品車上面任你揀，結果我一口氣揀咗三款。7.wine pairing: $620配上四杯酒，提升味蕾嘅享受。服務：老牌酒店一級餐廳優質服務，關注客人需要，主廚亦會出嚟同客人打招呼，聽取食客意見。環境：本身考慮去IFC新開嗰間有海景，不過聽講服務爭啲（可能仲係新），結果都係選擇呢間“老店”, 隱匿在酒店內的小天地，為你打開一扇通往美食狂歡的大門。氣氛：細膩的佈置/窗口玫瑰/圓拱形裝潢設計勾勒出意大利古鎮的美麗，柔和的燈光和蠟燭灑在每一張餐桌上，為你打造一個溫馨浪漫的用餐氛圍。無論是與家人共享美食，還是與戀人共度浪漫之夜，都是唔錯嘅選擇，當然當晚都有好多枱慶祝緊生日。特別提示：逢星期三/六會有live band 唱歌，亦可點歌，配上美酒佳餚氣氛更加chill 。
繼續閱讀
燭光晚餐 🕯️呢間得奬意大利餐廳，等咗好耐終於揀喺情人節嚟食，係絕對關鍵時候出擊，幾乎全院滿座。位於尖沙咀帝苑酒店三樓，加上心心氣球玫瑰花佈置，環境優雅。📝 六道菜晚餐Valentine’s Day Set Dinner Menu30gr Caviale selezione Sabatini con condimenti e blinis (for share)特級魚子醬(30克)配小圓薄餅及配料(兩位共享)Prosecco DOCG, Conegliano Valdobbiadene, Vento, Italy (100ml) Bisque di aragostaLobster bisque龍蝦濃湯 Strozzapreti con scampi, porcini e pomodorini Datterini自家製意式手卷粉配小龍蝦、牛肝菌及車厘番茄Fiano di Avellino DOCG, Ciropicariello, Campania, Italy 2018 (100ml) Filetto di merluzzo antartico servito con salsa alle uova di aringa affumicata e broccolini香煎牙魚柳配西蘭花苗及煙燻希靈魚籽汁Gewurztraminer, Bottega Vinai Cavit, Trentino-Alto Adige, Italy 2018 (100ml) Filetto di manzo Wagyu con carciofi, fegato grasso e tartufo nero invernale和牛柳配雅枝竹、鴨肝及冬季黑松露Sangiovese, Chianti Classico Riserva DOCG, Carpineto, Italy 2017 (100ml) Dessert degli innamorati情人節甜品🧨 全晚最欣賞佢嘅特級魚子醬，海中黑鑽石魚子醬之所以矜貴，是因為全球只有3種鱘魚魚卵，有資格煉成魚子醬。因應用「醬」時間，經理特別順延換第二道菜時間。📞 餐廳大概個半月前訂位，要求全額支付押金HK$4,386，餐單配餐酒每位港幣HK$620，另加一服務費，食物敏感可以牛改鷄肉，樂隊現場獻唱情歌，食埋甜品大家甜甜蜜蜜。
繼續閱讀