Running 燒 (已結業)

想食呢間餐廳好耐了，終於俾我book到今晚來食啦，19:30場果然全場滿座。平日都咁滿，皆因食物品質高，上菜速度快，吸油煙設備做得幾好，店員服務態度佳。3張點餐紙款式其實都不小，每款叫一件都大飽口福，好滿足既晚餐。以下幾款係小妹既心水推介:✨多春魚～要有點耐性將兩邊燒到乾身，小小微燶既時刻就最好食。✨帶子～只需要燒一兩分鐘已經完全熟透，仲唔會韌添。✨蒜茸芝士生蠔～燒到芝士溶掉，連同蒜茸蠔汁一同放入口，混合既味道超正！✨牛肋骨～肉嫩多汁，不用添加其他調味料已好入味！✨五花腩～豬肉同肥膏層次分明，咬落去沒有一點油膩感，用上特別既醬汁醃製，說不出的好味道。✨豬大腸～燒完之後個外皮脆脆的，竟然有炸大腸既感覺，有驚喜。

小弟自問好耐無食韓燒，主要因為普通韓燒餐廳黎黎去去都係豬牛雞，加埋啲泡菜就算，有時啲料又勁拿西，食過一兩次都無興趣再試。近日聽朋友講旺角地鐵站附近有間超正韓燒，星期一，一於食好啲獎勵自己喇。訂佐枱夜晚7:15分，去到直接入座。店員會先送上海帶、芽菜同泡菜小食，仲有一舊大蘿蔔，以為係醃蘿蔔想起筷之際，店員解釋係等陣用黎省爐啲燶漬。見點菜紙得三張，以為一眼睇哂種類少，點知有驚喜。剩係牛肉都有五、六種，豬都分幾隻，薄燒西冷最正。見到張海鮮菜單仲興奮，有無限燒生蠔、蝦、帶子等等，起碼嗌佐三轉。點少得多種韓式小食，好似炸雞、炒粉絲、炒年糕、湯等等。飲品都係可樂、雪碧、茶同忌廉溝鮮奶個啲，如果再多啲就好。每位客人都以揀雪條或西米露做甜品，西米露正正常常，唔太甜。遺憾無機會試哂所有食物，埋單一個人二百幾，同日式放題差唔多，但間中燒下野食都幾過癮。姐姐服務態度一流，見你個爐燶得濟會自動幫你換，抵讚。

今日帶女朋友去食韓燒！  她想去旺角, 我問了師兄, 他介紹去 Running 燒,  師兄食過一次, 他說夠哂正, 又抵食, 所以好多人去, 必要先 BOOK 位.晚餐時段放題 , 任食110 分鐘：$218 (5點半~7點20), $248 (9點前), $228(9點半後).   除左燒肉之外, 也提供熟食.餐廳吾算好大, 好多枱 , 有大電視播著韓國  Video, 好氣氛！我們被安排了坐窗旁, 可以見到旺角街景.店員好快送來韓式泡菜.我們自助取放題飲品,  任飲罐裝汽水, 果汁, 款式多..............連同自助取醬料: 蒜蓉, 麵豉醬, 辣椒醬, 豉油.  準備開餐.女友先點熟食:  炸雞.  近期大熱的韓式炸雞, 剛炸起, 熱辣辣, 外皮卜卜脆, 雞肉仍軟滑滑.  大家再點燒肉, 海產.   開爐了.  先用白蘿蔔試試熱力, 塗上油.店員把食物逐一送到.  擺設美觀.  食物質素看來不錯.  金菇肥牛卷, 牛柳片, 烤肥牛, 牛琍粒. 咖喱魷魚鬚, 雞翼, 黑豚豬肉, 好整齊, 醃得好.   黑豚肉厚結實, 肥瘦均勻開始燒 薄切西冷牛扒.   牛扒肉嫩, 且牛味

​三五同事朋友晚上聚餐，餐廳位置非常重要， 選擇旺角大家都方便，聚餐傾計夜左大家都有車返屋企。餐廳位於旺角新型銀座式商業大廈， 一出電梯便看到餐廳，如置身空中的明洞燒烤店。行進燒烤店沒有煙霧瀰漫的油煙味， 不用擔心聚餐後滿身燒烤油煙味，鐵桶座位下能放個人財物及衣服 ，係風味韓式燒烤座位。入座後馬上點菜， 大家首先都搶著點海鮮、帶子、大蝦 多春魚、扇貝、魷魚…韓燒必選， 驚喜是生蠔， 可選芝士 原味 辣汁， 一人兩隻，過下口癮也不錯。 其實在我心目中，韓燒的主角是燒牛肉， 肥牛、牛柳粒、 雪花牛肉片，金菇牛肉捲不妨一試， 餐廳推介的薄切西冷扒，燒出來有少少焦香牛肉味也不錯。不過，個人更喜歡藏在菜單中間的牛肋骨和燒牛脷。 豬肉亦有不少選擇，豬頭枕、五花腩和豬頸肉，相當不錯， 更有香港韓燒店少見的豬大腸 豬皮及豬耳。食肉獸唔夠喉的話還有: 燒雞翼、雞髀、雞腎和羊扒。 這裏還有至愛的韓式炸雞，前菜先個點韓式炸雞， 有原味、 柚子味及噴火辣味炸雞， 噴火辣味炸雞有辣味程度選擇， 小辣、中辣、噴火辣， 假如想試下超級勁辣的炸雞，可以選噴火辣，但我試了一口已經辣到吃不下第二口， 覺得小辣已經很足夠了

同知心友係旺角睇完戲後，拍住行去附近食午市燒肉韓燒放題。同事食過讚不絕口話超抵食同味道一流，交通又好方便，就係旺角地鐵站行幾分鐘，已經好想試試，今次必去不可。地方需然唔算大，但座位總算寛鬆，，半落地玻璃窗;感覺開揚同光猛。長長嘅吸煙管對正每一張枱上面嘅烤鍋，令油煙味幾乎絶跡；另外每張椅內都可容納放外套和手袋,自己坐著，既可安心亨用這噸豐富韓燒。每圍枱都奉上韓國泡菜、芽菜同海帶，呢幾種小食我都好喜歡，又醃得好入味啱晒我口味。阿豬媽靚湯滾熱辣，飲落非一般麵豉湯，另舍特別好飲。Menu隨咗有多種醃味雞肉、牛肉、羊肉、牛俐、雞腎、豬大腸、金🍄肥牛、鮑杏菇、冬菇、南瓜同玻璃生菜，重有各種烏冬麵食，數之不盡。雞肉入口嫩滑、各種牛肉輭腍、豬肉油香豐膄、羊肉一啲都唔羶，對住咁多肉類又咁好味，係最啱食肉獸嘅我。另有飲品在凍櫃內任拎👏🏻啲餐韓燒放題，的確係好優惠。

中伏！以後一定唔會再幫襯！！！中伏！以後一定唔會再幫襯！！！中伏！以後一定唔會再幫襯！！！重要嘅事要重覆三次見咁多好評，價錢造到星期日九點前每位$238再加一，諗住唔差得去邊啦⋯⋯但點知完全係兩回事！好懷疑D好評係造馬⋯回想番⋯《以前食過一間喺 荃灣大鴻輝 樓上有一間類似韓燒放題，地方寬趟，環境衛生企理，服務積極，食物種類繁多兼有質素，由其是炸雞同樣係任食，未道一流有水準超讚！》，可惜很久前已經結束營業了！呢間「running燒」，與荃灣大鴻輝嗰間所提及過嘅完全雙反🤦🏽‍♂️！正正係與上一位給劣評的朋友所說完全吻合！食物選擇，只有三張紙仔咁大把！免費飲品⋯一個凍櫃，八款，冇咩女好選擇，叫做好過冇仲有⋯韓燒特色嘅爐邊蛋槳都冇咗啦，只係一個普通鉄板⋯一入坐未開始燒，就見到個個鉄板好多一粒粒鑊屎，汚漕到呢⋯⋯用張紙巾一抹黑蚊蚊🤦🏽‍♂️去厠所路經廚房⋯見到廚房內燈光陰暗，準備食材之員工衣服好似一個星期未洗過咁樣⋯唯一個心舒服D嘅係埋單$571三位，都好過大拿拿差不多八舊水食D咁嘅嘢，因為佢19:20前結賬有七拆喎⋯⋯更可惜嘅係⋯我食飯前冇影相嘅習慣，所以一張相都冇影過，唔能夠反映實況，到現在寫後

今次黎左食任食嘅韓燒！重點係仲有好多海鮮食，正！講左海鮮先啦！重點推薦嘅海鮮係帶子！帶子大大粒，都算厚肉。食落爽口彈牙，而且仲好新鮮。不過燒個陣要好好控制火候，唔好燒得太老，如果唔係就浪費左啦！扇貝都唔錯，我地加左蒜蓉同鼓油上去燒，就變左蒜蓉燒扇貝！不過比較推薦帶子，因為快熟！其他海鮮仲有生蠔，龍俐柳，魷魚圈。生蠔就比較細，唔算厚肉，但都食到海水味。龍俐柳都唔錯，魷魚圈就好彈牙！至於肉方面。個人最推薦嘅就係羊西冷！食羊嘅朋友一定要試下！肉質好滑嫩，燒完仲有肉汁，香羊肉味但唔會過份地騷！encore 左好多次都好食，正！辣味五花腩都好食，包上生菜食真係好有韓式風味。至於熟食方面，叫左炸雞，水冷面，炒粉絲，全部都頗有水準！最好食係水冷面！好清新好開胃好解膩！好似韓劇咁食完咁多燒肉，再食水冷面！真係好正！食完覺得好濟嘅朋友記得試下水冷面啊！但炸雞個炸漿就略嫌厚左。

環境乾淨闊落，抽氣系統做得幾好，唔會煙霧彌漫咁樣。凳既設計又可以比我地將袋放入去，非常方便。至於食物方面，食材選擇多而且非常新鮮。肉類唔會有雪臭味，海鮮亦唔會覺得腥。仲有好多熟食可以揀，特別推薦炒粉絲同埋水冷麵。所有食材調味適中，唔會過鹹或著過甜。點菜紙分類明確，好容易就搵到自己想搵既野食，非常方便。點既食物全部到齊，唔會比少。同埋飲品嘅類型都算選擇多，特別推薦荔枝烏龍茶，係其他韓國餐廳唔會成日見到，但係烏龍茶配淡淡既荔枝味，又唔會太甜，值得一試！最重要嘅係啲員工友善有禮，會主動提醒我地拎野飲同調味料既位置，放低食物既時候會講燒食物既時間，教我地點樣自己用佢比既蘿蔔清理燒烤板，又會主動幫我地換燒烤板，留意我地既需要。

天氣轉涼, 我們又喜歡流行的韓燒.    Running 燒 餐廳 位於彌敦道, 旺角商廈,  離地鐵站不遠. 今晚放工約了同事齊齊去.我們中午已去電訂好位.  因趕不及 5:30 時段, 所以 7:30 到 @$248- 共吃 110 分鐘.  看見豐富美食, 未入座已感到好肚餓.餐廳內裝修好新, 枱與枱之間唔會迫 , 抽油煙系統做得好,  雖然係食韓燒,  唔會感覺大油煙味, 坐得舒服. 手袋放於圓筒凳內,放題飲品選擇多, 任飲. 檯上備有燒烤爐, 點菜紙, 韓式泡菜及油, 好齊備,泡菜, 醃菜及醬料, 還有潔爐的大白蘿蔔.自助單張自點食物, 有肉類: 牛/豬/香腸 ,  海鮮/雞/羊.   蔬菜/麵/飯/湯/小食.   並可自費點酒.薄切西冷牛扒.    質素好, 大大塊, 色澤新鮮.鯖魚, 龍利魚片, 多春魚, 大蝦, 魷魚, 帶子 :   海鮮款式的確不少, 新鮮, 看來不錯,  燒完好食, 可再翻單.雞翼, 五花腩, 一口牛, 牛仔骨 也是燒烤必食. 烤爐火力自動調節, 肉類 要中火燒耐D.  肉類醃得好入味, 肉質鮮嫩, 邊食邊燒, 大滿足. 同事推介牛肉片, 牛柳粒,

之前同個朋友去咗一間韓燒，個名都同韓國一個節目好相似叫做running 燒海鮮任食佢哋前菜一樣係泡菜、芽菜不過多咗一舊生蘿蔔，我以為係燒得嘅，原來係攞嚟清潔個鑊呢間韓燒餐廳嘅特色就係海鮮都係任燒扇貝、帶子、大蝦都係任點任燒，大蝦都新鮮燒完食落口都爽口嘅帶子細細粒不過勝在係任叫，扇貝好好食質素OK 生蠔都係任叫任燒，不過啲蠔就細咗啲，我同個friend就叫咗兩三轉，其實呢個價錢可以任叫海鮮燒都算唔錯炒年糕唔算太辣味道幾開胃噴火炸雞我叫咗一件中辣，咬咗一啖已經食唔落，成個口辣左差唔多5分鐘，我個friend叫咗一件噴火啦佢直情辣到個胃都熱晒同埋炸魷魚鬚我覺得好好食韓式泡菜炸餃子我覺得味道一般肉類都有好多款式揀而且質素都幾好每次order 完都好快就有，呢度好多人食好熱鬧好有氣氛 加埋一$295/人，有海鮮燒而且啲肉類又咁靚都幾抵

星期(六)放假約咗狗友去旺角買狗零食畀家中兩隻小寶貝。我哋一早plan好係附近食完午市韓燒後，慢慢散步去附近寵物街shopping ，狗友之前係726大廈食過呢間running 韓🔥話價錢唔貴，但非常好味道，今次順道帶我嚟試試。交通好方便，就係地鐵站B2出口行幾分鐘，上到去一出𨋢就見有幾張colourful ga椅係畀食客等位坐。牆壁上有幅藝術畫，又幾盞鬼、燈光柔和，都好啱同friends聚聚ga地方。雞、牛、羊同豬都分別有幾種味道，剩係試曬啲味都大半飽;幾種肉類醃得入味，肉質嫩滑，食到係咁encore。再加埋有個飮品櫃可任意拎嚟飮。倆人埋單都係三佰幾蚊，飽到可以捧住肚離開，今次狗友真係好介紹。

唔係韓燒的味道 係普通香港式BBQ，如果你係想食韓燒就真係唔好黎，完全唔係韓燒味道。 不過海鮮都幾好， 肉就係普通港式燒野係d肉， 普通港式鐵板燒的話都ok ，無食無乜要求簡簡單單聚下都ok, 不過就唔太掋

呢日去旺角聽成日講座， 聽完講座當然是🐍嘅時候。有同事特別鐘意食韓燒，有同事特別大食，有同事揀飲擇食，於是我地就黎左呢係位於彌敦道嘅樓上任食氣韓燒店。門口好醒神，忍吾住影左幅相。咩時段都二百幾蚊有找，幾抵咁。野食選擇大路， 豬牛羊海鮮韓式小食咩都有啲。我地樣樣都叫咗啲啲嚟食。吾洗3分鐘，就到左呢碟肉。肉色鮮紅，望落幾新鮮，幾吸引。d肉醃得岩岩好，吾會過鹹失去咗肉本身嘅味道，特別係羊脾肉同豬頸肉，忍吾住encore 左兩次。肉既厚度適中，吾會好難燒熟。海鮮選擇都吾少，而且寫幾多件就比幾多，無漏單。仲有咖哩魷魚鬚，咖哩汁夠多夠濃，好惹味，有d街頭風味。火力夠，燒到咋咋聲，好采抽風夠勁，油煙味吾大。韓燒必有既生菜好嫩葉，脆卜卜，而且洗得好乾淨，夾埋d肉食就perfect池。除左任拎野飲外，每人仲可以揀支雪條或西米露做甜品。

前個排見有人介絡呢間，話好多野燒，所以就約左試下呢間。我地一行有四個人，不過只可以用一個爐。等個爐起同D野食既期間，都有D韓小菜俾你食住先～ 可以開下胃先。我地一開始就叫左唔同既肉。試左幾隻牛肉都覺得一般，唔係話太好，有D冷藏既味道。 但係五花肉就正啦 ！果然韓燒重頭戲就係五花肉。當中入面既spicy五花肉最好食，先燒一燒D脂肪，D油既香味入到件肉到。可自行決定用唔用菜一齊食，我就一口過 ～ yumyumyum !!! 另外我有encore既就係海鮮帶子。一個人食左起碼用4個...... crazy me 。但真係好正，但要小心mon住，千其唔可以燒老左。 D帶子食得出都幾新鮮下 ！ must try ! 炸雞就炸粉有D多。友人仲叫左個冰冷麵。我自己就唔係好鍾意食，但佢地話好好食 ！ 可以參考參考野飲既選擇都幾多下～ 唔洗擔心。最後食完就有得揀食韓雪條定係食西米露。我就揀左韓雪條。有個朋友傻傻咁揀左西米露，最後...哈哈哈Overall 佢有咁多野揀黎食 就幾好！ 可以一試

呢排趕功課趕到死，難得朋友生日，終於可以趁機出去輕鬆下，見天氣漸冷，所以揀咗食韓燒。呢間鋪頭係旺角，放學後去都幾就腳，我地4個人就開咗一個爐。員工哥哥好好人，可能佢見我未開始就係咁用舊蘿蔔當洗碗布咁起勢咁刷，感受到我好少食韓燒嘅氣息⋯⋯😂😂😂佢好好人咁提我地幾時刷啦，韓燒期間又會提我地啲嘢食唔好擺得太中間，見差唔多又會主動幫我地換過塊鐵板。其他員工都好友善，上菜，叫換gas都好有效率👍🏻講到食物，其實對呢啲韓燒都無話好大期望，諗住都係劣食居多㗎喇，點知啲嘢食原來唔差幾好味。熟食方面，啲炸雞熱辣辣又嫩口，加埋柚子汁好味🤤🤤燒物方面，我鍾意食魚，燒咗好多魚，有龍脷柳，鯖魚同埋多春魚，燒到微焦加埋青菜包住食，好好味🤤🤤🤤總結：食物幾好，服務幾好，有機會再試～