Running 燒 (已結業)

旺角呢間running 燒位置方便，我地一共三個人, 6點半左右去,吾洗等位即刻有得食  入面去人都吾算太多, 不過去到8點就爆左場,間餐廳的裝修同環境十分韓式,餐廳的樓底比較高同埋每張桌之間吾會太逼, 所以感覺好舒服.一般韓燒都聞到自己由頭髮去到對鞋都會有一陣燒味,不過依間啲通風真系做得好好, 我連燒烤的煙都見吾到 ,走個時身上的韓燒味都聞吾到👍見到隔離抬的大蝦、生蠔、帶子、扇貝,心心眼😍雖然我不太懂怎樣燒同，但冇男友的情況下去服待呢兩位小姐,以上海鮮好新鮮,燒生蠔扇貝其實好驚,聽到裂売的聲音,不過為左美食就”來”吧！燒生蠔也很不錯,蠔味濃又冇燒乾水,邊寫邊流口水🤤生蝦彈牙鮮甜吖茄子、青瓜、杏鮑菇燒完搽上一點韓國醬汁,非常清爽又惹味牛仔粒、雞翼、雞扒⋯⋯非常入味食得我們很飽很飽多春魚⋯⋯很喜歡的一項,不過以我的高超技術將魚炒成一碟🙈⋯⋯服務員看到也忍不住問要不要來多一份,我幫你加油就不會這樣,原來忘了加-》油豬皮是韓燒不能缺的一部份,燒的過好似會爆開咁,當豬皮漸漸抽乾收縮,口感爽脆帶點煙靱,不能錯過的再飲個阿珠媽靚湯,即時覺得下火了五花腩、牛肋骨、豬頸肉、雞腎同樣醃得入味,即使經過

同老婆約左朋友，諗住係旺角聚腳食個燒肉。之前查openrice見到好多好評，星期一同老婆去食下。鋪頭主要係110分鐘任食模式，所以鋪頭主攻都係後生仔同放工想食到飽顧客。座位大概有20-25枱左右一般都係訂左先上去，夠指定時間左右就會有好多人係lift口位。由於係韓式燒烤，一坐低就會先上三個前菜，芽菜都幾好食，另外醬料同飲品都要自助形式出去攞，最有趣係每枱都有一片厚蘿蔔，係比每枱自己擦燒肉鐵盤我地坐低就即點左出名嘅海鮮有蠔，蝦，帶子都係任食無限量當中帶子比較好食之後就叫各款雞豬牛，估唔到最好食竟然係燒大腸，我地前後叫左三次最後再加個薄切牛扒，牛扒雖然好薄，但全塊無筋，好好味原本同埋朋友，最後朋友有事遲到唯有取消。之前事先book左，店家都好好肯無條件取消

有好多唔同種類嘅肉，多選擇，又有海鮮，一次過滿足幾個願望推五花腩、牛仔骨同豬頸肉。肉都算係厚切，唔係呃錢啲肉燒一陣就熟，腌得入味又唔算太重味。肉質都唔錯，食得出絕對唔係劣質肉，生蠔大大舊，又有得拉絲堅正！服務態度唔錯，職員都好熱心，唔會扮睇你唔到。廁所雖然細但都乾淨，作為一間旺角嘅餐廳要加分！如果佔地再多啲，就可以坐得再鬆動啲啦..可改善嘅地方就係可能個爐火都係偏勁，有時啲雞翼好易燶⋯⋯當多人嘅時候抽油煙機效能略顯不足。佢門口就擺左兩支除臭噴霧，不過諗住件衫着埋今日都洗，就冇去試用啦

食物正常，沒太大驚喜，飲品多選擇。食物有生有熟，生的固之然要燒，肚餓的話可以叫炸雞/尤魚鬚等即食醫肚。其中一轉一位女侍應拎碟炸雞嚟時，因為枱面較細唔夠位，佢就隨手將碟炸雞，放喺仲有半碟生蠔嘅碟上面，生蠔同炸雞只有5cm嘅距離，電視都有教啦，生同熟嘅食物要分開擺ga! 希望佢地好好training吓同事呢d common sense!!!入座時都有少少事發生，訂座8時，我早了到但朋友未到，職員又話未有位，所以我喺出面等，等到8點05分佢話有位，但因限時&朋友仲未到，我問最遲幾點可入座?佢答我佢地一向只留枱10分鐘，所以8點10分要入座，我話: 但你05分先俾到枱我，咁果10分鐘點解唔係順延到8:15分? 最後因為唔想同佢拗&朋友已經到樓下，我就入座先，但呢10分鐘個計法好似有d問題... 利申:我知遲到係唔啱 😂😂

今次同女朋友兩個人食上次同班中學同學黎試咗一次 覺得幾值得所以再嚟食一次 再寫篇食評講下$148-$278 按小童長者成人同時段收費另收+1 七點半前買單或者九點半後入座都可以全單七折一坐低就會有三小碟小食 都係同其他鋪頭差唔多 我比較鍾意食佢嘅芽菜 清新開胃食肉獸來講一定係主攻牛肉同埋豬肉肉類選擇好多款全部都淹得好入味芝士生蠔同埋辣味生蠔我都好鍾意食大家可以放喺爐邊慢慢燒燒到起泡再放10 分鐘就差唔多通常食放題我都唔會食飯或者面但係佢嘅兩面都幾多評價話幾好所以叫咗一碗試真相係食肉食得太多 錫佢兩淡清一清個口幾清新 邊條好幼又唔覺得飽肚 朋友叫咗個湯 但係一般所以唔記得咗名除咗佢嘅有袖子炸雞我諗佢唔同味道嘅炸雞只係側邊有唔同嘅醬炸雞唔算厚粉 都係新鮮炸起熱辣辣_最後當然唔少得甜品啦我揀咗椰子同埋芒果味 我自己個人比較鍾意芒果味因為椰子味偏甜2 人 7:30 開始食既價錢

忙左一個星期，終於有時間同朋友聚一聚，食餐好！一入到去已經聽到播緊k-pop，夠哂氣氛。隨身物品可以放喺座位入邊，唔怕燒到成浸味。飲品選擇唔算太多，勝在無限任飲。有汽水有茶。前菜有三款，質素唔錯，夠哂開胃。仲有舊蘿蔔，等大家燒到咁上下拎黎清潔鐵板。食韓燒梗係要叫大量肉食。我地咩都叫左d黎試。個人覺得牛同豬嘅質素都唔錯，唔駛點汁本身已經好夠味。韓燒第二主打當然唔少得海鮮。估唔到海鮮都幾新鮮同大份。生蠔夠哂大隻，芝士夠哂足料。帶子蝦同扇貝都又大又正。我地仲叫左每人一個冷麵。估唔到幾好食，有驚喜。燒到熱辣辣，嘆番啖冰涼冷麵，真係好鬼正！最後，每人可以叫一個甜品，可以揀韓國雪條或者西米露。咁嘅價錢食到呢個質素嘅肉同海鮮，仲有韓國雪條，夠哂抵呀！

旺角有好多唔同既韓式燒烤，有朋友就介紹要試下呢間running燒！今日就同幾個朋友黎試一下呢到地方唔算好大，都有十幾款既飲品選擇！酒水就要另外計算醬汁調味料都有好多款供應食物既款式都算幾豐富！我食左個噴火炸雞，鍾意食辣嘅朋友可以挑戰下，因為真係識得噴火嫁！食韓燒配泡菜係常識啦！無限任加海鮮都唔錯！帶子係我個人推薦！必須重複再重複安歌！回本！豬牛羊雞每款都唔錯！辣味五花腩，羊西冷，豬皮，呢幾樣都好好食！薄切牛排好有氣勢！肉味十足呢！燒既時候放埋杏鮑菇係旁邊一齊燒，可以吸埋牛肉既油入同肉汁，咁就一流味道食完肉最後加個水冷面食先係完滿既結局！冰冷既味道令你肉膩感全消！當然都係肚滿收場！韓燒唔錯既選擇！難怪好爆場！

辛苦番工一個星期，終於假期前可以Happy Thursday 同朋友聚一聚。個個番工地點係港九新界，約旺角就比較就腳。朋友上次食過一間幾好味嘅韓燒放題，我地就入去食！入到去地方幾大幾闊落，位都幾多，坐得都幾舒服，好啱一班朋友坐低一邊傾計一邊食餐勁ge。👍🏻👍🏻可以任攞飲料，除咗有一般可樂，仲有有解油ge烏龍茶、冬瓜茶、菊花綠茶。等緊朋友嚟嗰陣，仲可以食前菜都幾好味㗎一開始超肚餓叫咗勁多肉😋😋有豬頸肉、黑豚豬肉、牛柳粒、牛柳片、西冷牛扒、牛仔骨仲有肥牛。啲肉好夠味同埋幾新鮮。🤩🤩西冷牛扒切得好薄唔驚燒唔熟😂😂牛仔骨真係好正叫完一舊又一舊食到停唔到口😝😝好少韓燒有得食海鮮，呢間啲海鮮種類多又新鮮，仲有好多貴野任食，真係好抵食。尤其是啲帶子超鮮甜。生蠔上加芝士同蒜蓉味都好夾🥰🥰🥰仲有原來冷麵都勁好食!食韓燒食到有啲熱可以降下溫😙😙最後仲要有甜品送食完韓燒，再食埋雪條真係冇得彈😇😇大滿足❤️❤️

今日 女兒靜雞雞帶我們一家去這間 韓燒海鮮放題，同爸爸慶祝生日， 起先爸爸都不知道帶他吃什麼， 去到才知有很多他最喜歡吃的海鮮和牛， 還要全部都是任食的， 樣樣都想食 ，我們 忍不住 叫到全枱都是了， 有鮮蝦、帶子、 生蠔 、多春魚等， 全部都好新鮮， 居然生蠔都有 不同的款式， 有芝士生蠔、蒜蓉生蠔、 辣味生蠔等， 搞到我這個平時不吃生蠔的人， 也要 搶著要吃， 芝士生蠔我還是第一次食， 平時我怕生蠔的腥味， 也害怕生蠔 生食很易出事 ，所以不喜歡吃 ，連自助餐也不會選擇生蠔， 但今次食自己燒的 生蠔還是第一次， 原來配上芝士 十分美味， 我吃了很多， 可能是歷來我食生蠔最多的一次了， 老公最愛吃牛， 當然 吃了不少， 西冷牛、牛脷、牛肋骨 、金菇肥牛等， 滿足曬他們喜歡吃牛的慾望， 而豬又有黑豚肉、 豬腩肉 、豬頸肉、 豬耳、豬皮、 連豬大腸都有， 總之要吃的食物多到數都數唔曬， 最後吃埋那碗紅豆西米露，想不到味道都唔錯 ，又唔太甜 ，西米露 吃落口，還是煙煙韌韌的， 與出面的西米露不同， 紅豆也煲得啱啱好， 飽到我們個個攬住個肚走， 這裏的店員服務態度很好 ，我們不小心跌了幾次夾

成日都覺得食韓燒係件好青春好熱血嘅事，我同朋友就揀左一個平日夜晚收工後一起熱血。朋友揀咗呢間旺角韓燒放題，旺中附近十分就腳。原來係110分鐘任食，$258，點都夠時間食到飽。入面嘅裝潢好地道，聽住KPOP聽住「滋滋」聲，好熱鬧好似去咗韓國咁。放題形式，要自己畫食物紙，食物種類都幾多，除咗例牌燒牛、豬、雞等肉類外，佢仲有燒蠔、帶子，蝦等海鮮！好豐富另外有熟食供應，炸雞、餃子、炒年糕、水冷麵等都有，樣樣都想試。飲品櫃，有韓式飲品、茶類，酒要另外收費。肉類醃得幾好，唔沾醬汁都夠味。呢塊薄西冷係必食推介！雖然唔係厚切，但一路燒一路充滿油香，睇住燒剛剛好就拎起，肉先唔會靭。海鮮算係豐富，唔太好燒蠔嘅朋友都encore芝士燒蠔！兩個人叫得唔多熟食，試咗餃子同水冷麵都好味，下次多人啲會試多幾樣。

💁🏻‍♀️Running 燒 (旺角)🍴-🥰🥰一直想食呢間燒肉好耐，今次約左一班前同事一齊去食返夠本，果然冇令我地失望啊！呢間燒肉放題店真心高質，大推！！！！星期一至四任食110分鐘 ($258)放題燒肉來講算抵，同埋佢既食物質素係物超所值。除左肉類海鮮，仲有經典韓國菜同野飲，全部都係任叫！真係好滾動啊～特別推介以下食物：🐚鮮帶子＋扇貝非常新鮮，鮮甜。😻我未試過食Ｄ咁爽口彈牙既扇貝架。好味到我地encore叫左><🐓柚子味炸雞求吓你地一定要叫！柚子可以中和到炸雞既膩，重點係佢入面勁juicy同嫩滑，超有驚喜！🤪真係估唔到放題既炸雞都咁高質。🐟鯖魚唔腥 ，啖啖肉。😼燒到d皮脆脆地好好味，同埋都係果句，好。新。鮮。🐑香草羊西冷幾重羊味，再加埋d孜然粉醃到好入味，肉質亦唔會好鞋，羊魔王必嗌啊！🍜水冷麵細細碗，岩岩好。😽加左醃蘿蔔，酸酸地勁開胃，麵質亦都好煙un，正！P.S. 食到最後仲會有甜品送，有韓國既雪條，唔會太甜，good~食得好滿足，店員亦都好nice，有機會會再去！/📍Running 燒 (旺角)#旺角 彌敦道726號9樓#小丸子搵食記 #小丸子旺角-#hkig #h

好朋友生日，佢想食韓燒，就選左依間，因為聽聞口碑都唔錯。我哋早左到，佢嗰日係平日所以都唔算話太full所以都早左比位我地入去。佢飲品啦同埋醬料都係自助嘅，入到去我哋好快就落單。第一輪我哋叫咗好多海鮮因為驚之後會賣晒。結果我哋成晚不斷refill蠔，所以依間餐廳真係好好唔會話海鮮呢啲貴價野就話好快冇晒。佢餐牌上面可以選擇嘅嘢都好多有熟悉啊海鮮啊肉類都有。佢啲熟悉質素都唔差水冷麵同炸雞好好食。叫咗碗辛辣麵辣到飛起😂呢個價錢呢個食物質素性價比超級高。

同老公 約左個住旺角既朋友食飯， 想食下韓燒， 上次黎呢個打邊爐時見到呢個好似幾好， 價錢都合理 、上黎試下。 佢價錢是任食模式， 最開心見到 連海鮮都是 任食～ 實在食燒肉若不停得牛雞豬既話係好膩。呢間可能知道我心所想哈哈！ 特別一讚有醉蝦～ 燒起來好夠味、肉都彈。 另外我最愛的大腸非常有驚喜， 因為係燒既關係， 佢地又厚切～ 正點在於 外皮燒到極香脆， 內面脂油鬆軟～ 極好味～ 就連平時唔食內臟既朋友都忍唔住食左件。 真心讚。 牛方面， 整體質素都好平均， 鮮，嫩， 量夠～ 重點要介紹「西冷牛扒」佢有微微淹左～ 但好既位在於通常西冷有根，但佢地就整片都是肉，無根食得。 好野！ 環境方面， 樓底高， 唔會太嘈。 同埋個抽氣好夠力， 可移動， 食完啲衣服唔太味， 門口都放左 除味噴霧， 細心位。 幾好。

同大食fd食當然要食任食先滿足到佢地。見呢間餐廳非繁忙時段有7折優惠咁抵，於是狗衝黎食。野食種類吾係好多，但豬牛羊雞魚海鮮菜咩都有d，都算應有盡有。另外，有13款熟食可以揀下。韓式炒粉絲吾錯，夠熱，吾似整定放左好耐。荔枝烏龍茶味道特別，荔枝甜味被茶中和左，無咁甜，岩哂想飲茶但又想飲果汁既朋友。韓式炸餃子，炸皮爽脆吾油，饀料豐富，bb辣，岩哂我。年糕湯入面既年糕煮到軟淋，送湯一流。海鮮望落都幾新鮮，而且size正常。個鐵板夠大，又夠火力，兩三下就燒熟，大食fd口吾停，好滿意。我最鐘意燒帶子，無雪味，大大粒。吾知咩肉，燒兩野，包住生菜黎食，好正呢度仲好有創意咁用白蘿蔔清潔鐵板，幾好玩。每人2百蚊有找就可以嘆韓燒兩粒鐘，臨走仲有每人一支韓國雪條食，認真抵食。

想食韓燒好耐😭終於去咗食，依間running燒好耐之前就想食，一直都未食。原來佢間餐廳裝修得好似真既韓國食燒肉既地方，啲枱係無咁高，而且啲櫈係可以打開 入面擺袋，咁就唔驚啲袋會整污糟或者成陣味，都幾好！佢仲會比舊蘿蔔你燒耐咗之後吸油同啲焦。啲肉好高質，有五花腩、豬大腸、牛柳粒、雪花牛仔肉，我最中意係金菇肥牛卷，佢整得好細緻，肥牛係靚既。特別推薦牛柳粒，因為一啲都唔un，同時都好有口感，好正另外都好中意佢柚子炸雞，依個真係唔係一般韓燒鋪頭食到，佢會比碟柚子醬你沾，所以食咗一啖，想再沾多啲柚子醬都無問題，而且當我地食咗好多燒肉，難免覺得好油膩，然後食依個柚子味炸雞就覺得眼前一亮，好清新！所以我都幾中意！辣味炸雞亦係唔錯既choice，啲雞好嫩，但真心辣，拍得上地道韓國辣炸雞個辣度，自問好食得辣既朋友仔先好食呀！如果唔係就會好似我地咁辣到飲好多野飲，飲到飽就食唔落其他野食😂另外唔少得既係海鮮啦，有得燒生蠔、芝士生蠔、燒酒蝦、帶子、扇貝，當中最正係蝦同帶子，夠大粒而且好清甜好新鮮👍🏼最後仲有送雪條添，或者怕太凍可以食西米露，我就食咗紫米露，好足料！