影片
更多
2006-07-13
10 瀏覽
我唔明點解一間做開外國人生意既dining group 開既呢間店，竟然人人下午茶做到1800 既時候，佢1725 已經o益「無貨」。呢個Dessert Platter（Tiramisu、Nougat Parfait、Chocolate Mousse、Strawberry Cheesecake）賣相真係好靚，又大（碟同個size 都係）又高（Tiramisu 上塊朱古力片），但係...逐樣講。Tiramisu：少少酒味，但個底吸哂D 朱古力醬，而朱古力亦蓋過o左Tiramisu 本身淡淡既味；塊朱古力片係次貨既milk chocolate 勾出o黎既，「睇得唔食得」。Nougat Parfait：最出色亦都係呢間店特色；係芒果、雪糕、毛士（mousse）、甩士（nuts）同鳥結糖既結晶品。食落口感唔錯：兩種唔同程度既軟（雪糕同mousse）同唔同程度既脆脆（鳥結糖同nuts）。面o個舊龍鬚糖絲又真係「一絲不苟」。Chocolate Mousse：鍾意佢用焦糖base 既漿底做個托，可惜因為朱古力醬（又係你）「甩底」。chocolate mousse 係dark chocolate，厚t
呢個Dessert Platter（Tiramisu、Nougat Parfait、Chocolate Mousse、Strawberry Cheesecake）賣相真係好靚，又大（碟同個size 都係）又高（Tiramisu 上塊朱古力片），但係...逐樣講。
Tiramisu：少少酒味，但個底吸哂D 朱古力醬，而朱古力亦蓋過o左Tiramisu 本身淡淡既味；塊朱古力片係次貨既milk chocolate 勾出o黎既，「睇得唔食得」。
Nougat Parfait：最出色亦都係呢間店特色；係芒果、雪糕、毛士（mousse）、甩士（nuts）同鳥結糖既結晶品。食落口感唔錯：兩種唔同程度既軟（雪糕同mousse）同唔同程度既脆脆（鳥結糖同nuts）。面o個舊龍鬚糖絲又真係「一絲不苟」。
Chocolate Mousse：鍾意佢用焦糖base 既漿底做個托，可惜因為朱古力醬（又係你）「甩底」。chocolate mousse 係dark chocolate，厚texture，加杏仁片，唔錯。
另伴上既「蛋卷」都係有讚有彈：佢用焦糖同芝麻做個base，可惜"火農"o左。
Strawberry Cheesecake：即「醬爆士多啤梨紐約芝士蛋糕」是也。Cheesecake 已經本身整得...（芝士散、餅底似用隔夜蛋糕皮做），依家仲用咁多士多啤梨醬蓋哂cheesecake 本身個味？同埋點解仲用士多啤梨醬「醃」既士多啤梨？
個景就似乎好靚，但...這是我的右手邊而已。左手邊？收起既碟一覽無遺；也罷，連D 未用過既杯碟、紙巾都疊得亂糟糟，仲睇住D 侍應收番起未用既杯碟同墊檯紙（註：張墊檯紙已經壓到有碟型）...無話可說。
最教人____ 既，係個女侍應唔知係俾人鬧完定係「每月一事」，對答仲差過茶記伙計，仲要企正o係我隔離睥住我食野；男呢，講波、講機（今晚去邊度打機）集中到連所有客（好多時候）D 水杯吉哂都唔斛水。
除o左食物賣相之外，好難叫我相信呢間係間有group holdings 既餐廳。
張貼
